中华民国

出自维基百科,自由个百科全书
(从中華民國转戳到箇里)
中华民国
国旗 国徽
国歌:《中华民国国歌
自然地理
(实际管辖区)
首都 台北市[注 1][1]
最大城市 新北市
面积
  • 国土面积:36,193平方公里
  • 水域率:10.34%
时区 UTC+8
人民生活
官方语言 国语现代标准汉语[注 2]
人口
  • 总人口:23,354,061人(2013年8月估计)
    男性人口登记数:11,680,706人
    女性人口登记数:11,673,355人
  • 人口密度:645/km2
政治文化
政治体制 偏向总统制半总统制
国家领导人:
主要节日
  • 元旦1月1号
    (开国纪念日)
  • 春节农历正月初一
  • 国庆日:10月10号
    (纪念1911年武昌起义
  • 经济实力
    货币单位 新台币
    GDP 4,739.71亿美元(2012年估计)[2]
    人均GDP 20,328美元(2012年估计)[3]
    中央银行 中华民国中央银行
    国家资料
    国家象征
  • 国父孙中山
  • 国花梅花
  • 车辆国籍代号:RC
  • 国家武力中华民国国军
  • 国家代码 TWN[注 3]
    国际域名缩写 .tw、.台湾[4]
    国际电话区号 +886

    中华民国地处东亚,是亚洲第一个实行共和立宪制度个国家[5]。1912年1月1号成立,来1971年前畀广泛承认代表中国[注 4],现今因为主要国土位置或政治因素而畀称为“台湾”。其随著辛亥革命个爆发而诞生,经过北洋政府国民政府时期,乃至今朝个宪政体制。1949年后因内战失利而失去原立国基础中国大陆个治权,当前有效管辖领土[注 5]包括台湾澎湖金门马祖搭部分南海诸岛,行都台北[注 1]。通用闲话是汉语,通用文字是正体中文

    国号[编辑]

    1916年,孙中山来勒上海演说,解释着为啥要定国号叫“中华民国”:[6]

    诸君知中华民国之意义乎?何以不曰“中华共和国”,而必曰“中华民国”?此“民”字之意义,为仆研究十余年之结果而得之者。欧美之共和国,创建远在吾国之前。二十世纪之国,当含有创制之精神,不当自谓能效法于十八九世纪成法,而引为自足。共和政体为代表政体,世界各国,隶于此旗帜之下者,如希腊,则有贵族奴隶之堦级,直可称之曰“专制共和”。如美国则已有十四省,树直接民权之规模,而瑞士则全乎直接民权制度也。虽吾人今既易专制而成代议政体,然何可故步自封,落于人后。故今后国民当奋振全神于世界,发现一光芒万丈之奇采,俾更进而底于直接民权之域。代议政体旗帜之下,吾民所享者,只一种代议权。若底于直接民权,则有创制权、废止权、退官权。但此种民权,不宜以广漠之省境施行之,故当以县为单位。地方财政完全由地方处理之,而分任中央之政费。其余各种实业,则惩美国托拉斯之弊,而归诸中央。如是数年,必有一庄严灿烂之中华民国发现于东大陆,驾诸世界共和国之上矣。

    历史[编辑]

    中國歷史
    中国历史系列文章



    旧石器时代
    中石器时代
    新石器时代
    黄河文化 长江文化
    传说时代
    三皇五帝

    约前21世纪–约前16世纪

    约前17世纪–约前11世纪

    前11世纪
    |
    前256
    西周 前11世纪–前771
    东周
    前770–前256
    春秋 前770–前476
    战国 前476–前221
    前221–前207
    西楚 前206–前202

    前202
    |
    220
    西汉 前202–8
    8–23
    玄汉 23–25
    东汉 25–220
    三国
    220–280

    220–265

    229–280
    蜀汉
    221–263

    265-420
    西晋 265–316
    东晋
    317–420
    十六国
    304–439



    420
    |
    589

    420–479
    北魏
    386–534

    479–502

    502–557

    后梁
    555–587
    西魏
    535–557
    东魏
    534–550

    557-589
    北周
    557–581
    北齐
    550–577
    581–619
    618–907
    武周 690–705
    五代十国 907–979
    (契丹)

    916–1125

    西辽
    1124-1218
    定难军
    881–982

    西夏
    1038-1227

    960
    |
    1279
    北宋
    960–1127
    南宋
    1127–1279

    1115-1234
    大蒙古国 1206–1271
    1271–1368
    北元 1368–1388
    1368–1644
    南明 1644–1662
    后金 1616–1636
    1636–1912
    中华民国 1912至今
    中华民国
    台湾
    中华人民共和国
    1949至今

    立国之初[编辑]

    主文章:辛亥革命
    袁世凯(左)、孙中山(右)搭两面代表早期中华民国个国旗(五色旗青天白日满地红

    甲午战争后,作为中国第二个非汉族王朝个清朝面临弗得了政治搭外交危机,民间革新搭革命思潮涌现。但必过清廷个改革进程远远较比弗上知识分子个期待,蛮多点人逐渐对清廷弗再有希望,转而同情或投入革命。1894年,孙中山创立兴中会,号召推翻清朝,建立共和国家;随后,因士绅搭知识分子慢慢较认同革命思想,搭华兴会爱国学社青年会一道合组同盟会宣统三年八月十九号(公元1911年10月10号),同盟会成功发起武昌起义,短短几个号头各省响应,纷纷独立,到阳历12月29号辰光,清朝原有22个行省里向17个已经宣布独立,箇就是后世所称个辛亥革命。来勒当时个情势下,岌岌可危个清廷起用袁世凯来反击革命阵营,之后双方断断续续停战,并正式派代表登上海议和。孙中山从海外返国,畀独立各省代表选为临时大总统[7]

    辛亥革命第二年(西元1912年)阳历1月1号,中华民国临时政府南京成立,孙中山宣誓就任中华民国临时大总统,并改用民国纪年,中华民国正式建国。同年1月到3月,临时政府拿旧年头12月25号通过个《中华民国临时政府组织大纲》定为临时宪法。同年2月12号,隆裕太后来袁世凯等大臣个劝说下,代替宣统帝溥仪发布《退位诏书》,大清帝国从此灭亡,标志著中国上千年君主制度个终结[8]

    北洋时期[编辑]

    五色旗——北洋时期个国旗,1912年开始使用

    袁世凯利用军事优势搭政治手段,来勒南北议和中获得绝对优势。临时政府方面为著让全国情势恢复稳定,同意让袁世凯接任临时大总统,并来《中华民国临时约法》制定后迁都北京,史称北洋政府。伊段辰光内,中华民国碰着两届危机,第一届是袁世凯称帝个洪宪帝制,是因国民党来国会选举中获得多数席次,之后多数党领袖宋教仁返北前来上海畀刺杀身亡,政局丕变,袁乘乱推动帝制,最终导致蔡锷唐继尧李烈钧等人发起护国战争(也叫云南起义)想推翻袁世凯政府。第二届是张勋发动复辟,最后畀段祺瑞赶落。段掌权后废除《临时约法》,孙中山随之发动护法运动,来广州建立军政府。伊段辰光,由西方引进民主科学思想,发起蛮多点社会运动。以北京学者为首个新青年派等知识分子发起新文化运动,而以南京学者为首个学衡派等知识分子倡导复兴中华文化。中华民国来第一次世界大战后成为战胜国,因为巴黎和会青岛归属问题让知识分子发起五四运动,最后政府拒签凡尔赛条约

    北洋政府因为府院之争、贪污腐败(譬如曹锟利用贿选当选总统)搭各大军阀割据而动荡弗定;广州护法政府么来孙中山主导下进行第一届北伐,阿末咾咾失败哉。孙中山寻弗着美、英、法等国个支持,改成搭苏联合作,成立中国国民党,来共产国际帮忙下改组护法政府,并来苏联帮忙下成立黄埔军校,实行搭中国共产党合作个“联俄容共”政策。但必过箇也让共产党势力进入中国国民党里向[9]。1925年,护法政府改组成国民政府,并建立国民革命军(简称“国军”或“革命军”)。1925年底,国军东征陈炯明,李宗仁平定滇、桂叛军,做好著北伐个准备。

    1926年,国民政府以蒋中正为总司令开始北伐,一开始打赢直系新直系军阀控制南方,但其间国民政府内部因容共问题发生宁汉分裂,结束后正式搭共产党分裂,导致中国共产党来1927年8月1号发动南昌起义,建立中国工农红军。1928年,西北军冯玉祥搭晋系阎锡山加入国军,兵分三路攻向北京,伊段辰光内虽有日本为阻碍北伐而引发个五三惨案,国军还是来该年6月让奉系领袖张作霖个儿子张学良宣布东北易帜,乃么北伐完成,北洋政府灭脱哉。

    训政时期[编辑]

    1930年代南京十年辰光上海外滩个闹猛景象

    国民政府完成北伐后根据《国民政府建国大纲》,开始实行训政,建立以中国国民党为领导核心个国家体制,一脚到1947年颁行《中华民国宪法》辰光再结束;其中,到抗战爆发前伊段辰光也叫“黄金十年”。国民政府定南京为首都,以“青天白日满地红”为国旗,以1924年孙中山黄埔军校开学训辞为国歌

    国民政府虽然来政治上暂行一党专政,但来勒各方面推动改革:来外交上,弗平等条约通过外交途径慢慢较废除。为著建立运输要道,以南京市搭兰州市为中心,建设联省公路搭粤汉浙赣陇海等铁路干线,并且建立广泛分布个通信设施改善信息传输。财政方面么稳定物价、改革银行搭统一币制,并且增大工业搭农业生产[10]。为著提升民生品质,积极拿立法刑法系统现代化;大力建设首都南京,实践都市计划,美化、绿化市容;来各省省会首邑改善公共卫生设施,立法禁止毒品买卖。来学术上,登各大城市广设大专院校,并建立中央研究院等学术研究机构,并制定国语来统一中国社会。晏阳初梁漱溟等人推动个农村运动,搭蒋中正提倡个新生活运动也来箇辰光开始。伊些改革增进民众个统一感搭自豪感,也提高著中国国民党来中国国内个声望。

    但来军事上,中华民国正处于内忧外患个窘境。因为中央推行裁军,导致地方各派系(如)搭中央个关系恶化[11],最终导致1930年爆发个中原大战,最后中央军胜利。随后为消灭盘据赣南个中国共产党,先后发起五届“剿共”,让中共弗得弗来1934年10月撤离,最后抵达陝北,史称长征。日本来伊段辰光逐步加强侵略,九一八事变后吞并中国东北并建立满洲国;发动一二八事变想侵略上海,最后国军成功抵抗而停战。随后日本借由长城战役华北五省自治,企图吞并中国华北。箇辰光军事委员会委员长蒋中正定下“攘外必先安内”个政策,避免对日全面作战,对内积极除落内患。因剿共失利,且国内反日情绪逐步高涨,张学良搭西北军杨虎城来1936年12月12号发动西安事变,兵谏扣蒋,要求停止剿共、一道抗日,促成第二届国共合作,中国工农红军则编为国民革命军个八路军新四军[12],为改写中华民国未来历史埋下伏笔。当时国民政府仍呒不足够实力搭日本抗衡,因而继续拖延全面开战辰光来存积实力,同时消耗日本个战力[13]

    抗战时期[编辑]

    1943年11月,国民政府主席蒋中正(左)、美国总统罗斯福(中)搭英国首相邱吉尔(右)来埃及首都开罗发表开罗宣言

    1937年7月7号,日本发动卢沟桥事变对日抗战全面爆发。蒋中正定下“以空间换时间”、固守耗敌以待国际局势转变个方案,国民政府西迁到重庆。日军原从华北往南进攻,8月上海发生淞沪会战后,日军战略改成从东往西入侵。12月,南京畀日本占领,发生震惊世界个南京大屠杀。随后侵华南北日军要会师徐州个辰光,国军来台儿庄获得第一届胜利。为著防止日军南下搭西进,国军决黄河堤防来阻敌。箇辰光国军军力共170万人[注 6]。中国共产党登勒敌后开展游击战,并且扩张根据地。因战争爆发,行宪弗得弗推迟。

    1938年8月发生武汉会战,日军攻下武汉,同期又攻下广州侵略华南。1939年中日双方来勒豫鄂湘桂各省交战,日军三届南下长沙侪畀国军打败。到1943年,国军搭日军多次来中原、两湖搭江浙等地区爆发浙赣鄂西常德等会战,维持对峙态势。沦陷区方面,国军开辟敌后战场对敌牵制游击,日军仅控制据点搭交通线。到1940年,日本为著管理占领地并达成“以华制华”目的,陆续建立蒙疆联合自治政府汪精卫政权傀儡政权。来外交上,美国力促中日和谈但失败破裂,之后美英中荷等国成立ABCD包围网对日禁运。阿末咾咾日本来1941年12月7号偷袭珍珠港,开启太平洋战争,中华民国遂正式成为同盟国一员并正式对日本宣战,英国开放滇缅公路补给物资,英美各国也搭中国签订平等条约。由于西方盟国采取“先欧后亚”策略,中国方面仍旧朆减轻负担。日军为著切断中国对外补给线,来1942年攻击缅甸。国军派中国远征军意图保护缅甸但失败。1944年,中英盟军反攻收复缅北,并建立中印公路。伊段辰光日本发动“一号作战”打通大陆补给线,并攻到独山,一度威胁陪都重庆。

    1945年辰光,同盟国已逐步逼近日本本土,国军来中美空军支援下牵制日军并轰炸大陆补给线。日军意图反制而发动豫西鄂北会战湘西会战,国军侪抵御成功;4月国军发动反击,到8月收复广西全境,并意图收复华南。同年8月初,美国来日本投下两颗原子弹后,苏联发动八月风暴行动攻灭满洲国并占领中国东北;日本最终来8月15号宣布无条件投降9月2号降伏文书签署后,日本来9月9号登南京向中国呈交降书,至此第二次世界大战结束,抗战胜利,中华民国收复东北领土搭台湾。虽然国军因为装备、经济等因素比弗上日军,来整体战争中处于劣势,但国军成功拖牢日军主要战力,取得部分战斗个胜利[注 7],让盟军好来战略上顺利应对日军。

    国共内战[编辑]

    抗战胜利后,正值战后复员之际,国共问题再次凸显[注 8]。从1945年9月到第二年1月,中共军队搭国军为争夺受降权搭受降区域发生武装冲突。政治上,国民政府希望尽早促成宪政,解散解放区搭中共军队,而中国共产党搭中国民主同盟则希望组建各党派联合政府;美国政府先后派特使进行调停,其中以马歇尔使华调停最为有名。国共双方虽然相继协商出双十协定政协决议整军方案,但终因蛮多点问题朆来军事搭政治上实现统一。同一时期,台湾来1945年光复后,因为接管政务个行政长官公署施政弗当引发民怨,最后来1947年春发生二二八事件,伊件事体加深省籍情结,让台湾民众开始弗信任政府,促进后歇来台湾独立运动个发展。

    蒋中正李宗仁1948年5月20号登南京就任行宪后第一届总统、副总统,搭有关官员合影

    抗战结束后,国内各界呼吁国民政府尽快实施宪政个声浪日增。1946年11月,国民政府来中国共产党、中国民主同盟宣布缺席个情况下召集制宪国民大会,制定《中华民国宪法》,并来1947年11月举行全国大选。1948年,行宪国民大会通过莫德惠胡适等所提出个《动员戡乱时期临时条款[14]来因应当时已全面爆发个内战;同时,大会选举出蒋中正搭李宗仁为第一任总统副总统,来同年5月20号上任,国民政府也同时改组为“一府五院”之宪政政府,中华民国开始实施宪政,中国国民党继续执政。同时,国共双方边打边谈。1946年,国共双方虽签署一月停战令六月停战令,仍然来东北、山东搭中原地区爆发军事冲突。1947年初,中国共产党以国民政府缺乏诚意为由三届拒绝和谈、并坚持废除落《中华民国宪法》,至此国共谈判完全破裂。2月,美国宣布完全退出国共调停,并开始撤出来中国个驻军。3月,国民政府拿中国共产党代表团成员逐出首都南京,同月攻打中共中央根据地延安;6月,国民政府正式通缉毛泽东等中国共产党要员,第二次国共内战全面爆发。

    中华民国政府来1949年撤退辰光,由南京迁移到广州重庆成都,最后到达台北

    战争初期,国军来各个战场呈进攻态势,虽几经挫折,还是来1947年秋收复全国大部分地区;但1947年入冬开始,中国共产党反攻驻守勒大城市个国军,并来1948年正式甩落国民革命军番号,改称中国人民解放军(简称解放军)。1948年入夏后,国军困守城市,失落周围农村拱护,战局对政府弗利;经过9月辽西会战、11月徐蚌会战、11月平津会战等三大会战后,东北搭华北侪畀中国共产党控制,导致蒋中正来1949年1月底宣布下野,总统职位由李宗仁代理。1949年4月,国民党政府搭中国共产党来北平和谈以期“划而治”但失败。北平和谈破裂后,解放军马上向全中国进军:8月至10月陆续占领华南地区,10月推进至福建,但来金门个古宁头战役战败;11月至次年3月陆续攻占四川、西康等地。李宗仁见大势已去,赴香港后飞到美国,蒋中正则来西南继续领导国军作战,最终退到台湾。中华民国政府来南京失守前,先后迁到广州重庆等地,最终来同年12月迁到台北,乃么失落中国大陆领土搭98%人民。

    政府迁台[编辑]

    中正国际机场是中华民国政府来1970年代兴办个“十大建设”之一,现改名台湾桃园国际机场,图为第一航厦

    1949年10月1号中国共产党建立中华人民共和国,台海两岸开始分治。1950年3月,代总统李宗仁滞留美国,蒋中正宣布来台湾复行视事。箇辰光政府财政匮乏,用先前抢运来台湾个黄金解危。期间中国大陆东南沿海仍旧动荡弗安,受到解放军猛烈攻击。1950年韩战爆发后,美国派第七舰队协防并畀出经济援助,让中华民国转危为安并且稳定军事搭经济。但因国军优先守卫台湾,海南岛万山群岛舟山群岛先后落入中华人民共和国政府个控制;另外,据守滇南个国军撤退到缅甸北部,最后部分军队撤到台湾。来金门先后发生个古宁头战役九三炮战(1954年)搭八二三炮战(1958年),因为国军防御坚强搭解放军缺乏渡海能力,让两岸个军事局势慢慢较由直接作战转为偶发冲突个对峙局面。1955年大陈岛撤退后,中华民国政府个有效统治区域仅限于台湾、澎湖金门马祖等岛,并延续至今。

    两岸战事歇搁后,中华民国政府拿金门、马祖等外岛作为搭大陆对峙个前线,登台湾大力发展各项建设,让台湾个经济搭社会发展水准慢慢较提高。为著抗共,中华民国政府借《戒严令》搭《动员戡乱时期临时条款》冻结民主宪政体制,除落加强“反共抗俄”宣传外,也拿收复中国大陆领土作为重要国策。蒋中正借《动员戡乱时期临时条款》连选连任第一到第五任总统,任内大力实施威权统治。虽然安定内部,但让弗少人畀当成“匪谍”遭迫害,人权缺少保障,史称白色恐怖。1951年,台湾省实施地方自治,省议员搭省辖县、市长实施民选。1966年,大陆发动文化大革命中华文化畀空前破坏,中华民国政府因而发动中华文化复兴运动。内政方面,台湾省政府推行土地改革(三七五减租公地放领耕者有其田[15],稳定农业;工业方面,借土地改革带动台湾个民营企业搭工商业发展,发展出以加工出口导向为主个产业模式。

    1970年代前,国际社会普遍承认中华民国是“中国”个合法代表,但必过承认中华人民共和国个国家慢慢较增加。1971年10月25号,联合国通过《第2758号决议》,中华民国随之宣布退出联合国,中华人民共和国取代中华民国原有个中国代表席次。此后来国际上承认中华民国个国家大幅减少,国际社会开始改用“台湾”称呼。第一次石油危机带来个全球经济弗景气,为稳定经济发展,1973年11月,当时个行政院院长蒋经国推动十大建设十二项建设,伊点政策促进经济发展,让1980年代后个台湾跻身亚洲四小龙之一。产业结构慢慢较过渡到劳力密集工业,并朝著服务业发展。来民生富裕个背景下,台湾各种社会运动、政治运动能量侪来伊段辰光累积。蒋中正1975年4月5号过辈后,副总统严家淦继任总统到1978年届满,随后蒋经国当选第六搭第七任总统。

    解严至今[编辑]

    中华民国第一位女副总统吕秀莲

    1978年美国搭中华民国断交后,次年发生美丽岛事件。为著因应国际情势演变,解决国内民主改革需求,蒋经国审慎推动国家迈向民主化。1987年对党外人士成立个民主进步党采取宽容态度;两年后开放组党,继而宣布解除台湾地区戒严令,开放民众赴中国大陆探亲,两岸交流慢慢较活络出来。1988年,蒋经国来台北过辈,李登辉副总统身份继任总统,并来1990年当选第八任总统。1990年,国内大学生为著万年国会问题发起三月学运,为著让宪政回归正常,李登辉推动修宪、废落《动员戡乱时期临时条款》、制定宪法增修条文、并全面改选国会(包括立法院国民大会),阿末得来实现总统直选,让中华民国个国家体制慢慢较适应台湾社会。

    1996年,来勒第四届台海危机所造成个紧张局势搭国际社会关注之下,李登辉来中华民国首次正、副总统直选中搭连战搭档竞选成功,连任总统。为著化解省籍情结,李登辉提出“新台湾人”个理念,并提出台湾成为亚太营运中心个政策。1997年香港主权移交后,中华人民共和国开始加强对台湾主权个主张,而中华民国则力图保持自家个政治经济稳定。两岸政府来1990年代用民间机构建立出非政治个协商搭对话机制,也曾举行两届辜汪会谈;但来1999年李登辉发表“两国论”后,两岸个对话机制长期陷入停滞。1990年代中后期,台湾个治安案件弗断,连带让国民党政府个威信受到挑战,也埋下2000年政党轮替个主因。1999年9月21号,台湾中部发生921大地震,让社会搭经济情势一度紧张。

    2000年举行个第二届正、副总统直选,由民主进步党籍个陈水扁吕秀莲当选,实现中华民国行宪后首次政党轮替;但民进党朆来隔年个立委选举中过半,导致施政上经常性个搭在野国民党发生冲突。伊辰光因绿政党恶斗、大陆崛起、产业外移搭媒体乱象影响,国内政治、社会搭经济等侪显得动荡弗安[16]。因为政府提倡高科技发展,服务业高科技产业个比例开始过半,并来2002年正式加入世界贸易组织。2002年8月,陈水扁发表“一边一国论”,引发大陆方弗满。2004年,陈水扁成功连任总统,但因选举前头发生枪击事件,部分人士质疑选举结果并发起抗争;年底,民主进步党来立委选举中朆过半,弗好全面执政个局面再届延续。2005年,任务型国民大会召开来修订宪法,拿修宪权力移交畀国民[17];此外,中华人民共和国来同年通过《反分裂国家法》,第一届用法律形式表示“一个中国”个主张,造成台湾部分舆论弗满,因而发起三二六护台湾大游行表示对维护国家主权独立自主个诉求。2006年起,陈水扁亲信涉及个多起贪污弊案畀揭发,对陈水扁政府搭民主进步党个声望造成严重个打击,更引发要求陈水扁下台个百万人民倒扁运动

    2008年1月个第七届立委选举首次采用单一选区两票制,中国国民党获得超过三分之两个席次,但选制个改变也压缩著小型政党个发展空间。同年3月22号个第十二任总统选举,中国国民党籍个马英九萧万长分别当选总统、副总统,达成第二届政党轮替;5月20号马英九就任总统后,以签订ECFA、承认九二共识等方式来积极改善两岸关系。2010年底,县市合并升格改制案实施,形成“五都十四县三市”个国土格局。2012年1月,马英九搭吴敦义搭挡连任总统成功,中国国民党也来立法院获得过半数议席,畀认为是国内民众对于两岸关系改善个认同导致[18]

    地理[编辑]

    台湾地图

    中华民国个实际统治领土包括台湾本岛澎湖群岛金门群岛马祖群岛南海上个东沙群岛南沙群岛中个太平岛中洲礁,总面积36192.8155平方公里,海岸线长1813多公里,可耕地占24%。中华民国政府主张个中国大陆领土,弗受其实际控制。

    台湾本岛是中华民国目前个主要实辖国土,南北长394公里,东西最大宽度144公里,环岛海岸线长1139公里。本岛呈纺锤形,地理位置位于欧亚大陆太平洋海盆个接触线上。西岸隔台湾海峡搭中国大陆相望,距离约150公里。北濒东海,东北搭琉球群岛石垣岛相距约600公里,而搭日本最西端个与那国岛仅距111公里;东临太平洋;南滨巴士海峡,搭菲律宾共和国巴丹群岛相距约250公里;西南是广阔个南海。由于台湾本岛位于东亚岛弧个中央位置,加上地扼台湾海峡伊个国际重要航道,因此具有重要个战略价值。

    除落台湾本岛外,中华民国实际统治领土内有澎湖群岛、金门群岛、马祖列岛等主要群岛,台湾本岛个附属岛屿有兰屿47平方公里、绿岛15平方公里、琉球屿6.80平方公里、钓鱼台列屿6.6平方公里、龟山岛2.84平方公里等20余个岛屿。另外,部分领土搭周边国家存有争议,如钓鱼台列屿搭日本领土争端南海诸岛搭中国大陆、越南菲律宾马来西亚汶莱等南海周围国家或地区存有争议。

    地形[编辑]

    台湾山脉分布图

    地形主要以山地丘陵盆地台地平原为主体。台湾本岛是由欧亚大陆板块菲律宾板块撞击形成个新生代褶皱隆起。由于地处板块交界处,因此经常发生地震,具有火山地形,如大屯火山群中央山脉纵横全岛,连绵峻岭偏于东部,来勒约三分之一处往南北延伸,直进“台湾尾”,形成东西弗同景观;西斜面有广阔平原,河川纵横,东斜面则多陡峻峭壁,山脉迫海之处,有数里峨堑悬崖,蔚成奇观。

    台湾本岛地形以山地最为广大,弗得了高山均超过三千公尺。主要山脉有中央山脉雪山山脉玉山山脉阿里山山脉海岸山脉;最高峰是玉山,海拔3952公尺;次高峰为雪山主峰(3884公尺)。500公尺以上个山地,占全岛总面积个三分之二;3000公尺以上个高山即多达133座。由于台湾岛位于环太平洋个火山地震带,有交关火山地形,主要有北部个基隆大屯火山群、东部个海岸山脉火山群(含绿岛兰屿)搭离岛个澎湖火山群。但目前本岛呒不明显活跃个火山活动。

    西部平原主要由彰化平原嘉南平原屏东平原组成,以农业为主;东部则有花东纵谷平原兰阳平原;桃竹苗地区则由台地组成。台北盆地桃园台地台中盆地搭嘉南平原构成现今主要人口聚居地。

    水文[编辑]

    台湾最长河川浊水溪

    由于山势走向搭平原分布,东部溪流较西部湍急短岖,造成西部沙岸、东部岩岸个地形。主要河川由北至南,北部有澹水河,中部有大甲溪乌溪浊水溪,南部有曾文溪高屏溪,东部有兰阳溪秀姑峦溪卑南溪。浊水溪是目前中华民国实际统治领土内最长河川(约为186.6公里),高屏溪则是流域面积最广个河川。台湾全年雨量虽高于世界平均值,但是因大部分河川长度短小且流量弗稳,故需水利设施调节供水,而造成水库搭埤塘遍布全国各地个景象(以人口主要聚集个西部地区为主)。曾文水库为中华民国最大个湖泊,主要用来供应嘉南平原地区个农业灌溉搭发电;岛内个天然湖泊弗多,其中最大个是日月潭,面积仅约8平方公里。

    多数河川来热天头洪水滚滚;到冷天头又只剩下河床上砾石粒粒,能行舟者弗多。只有台北市周围个澹水河大汉溪新店溪基隆河等有全年较稳定个水量,来勒台湾清治时期曾发挥重要运输功能。

    气候[编辑]

    台湾气候以通过中南部嘉义北回归线为界,将全岛南北划为两个气候区。以北为副热带季风气候,以南为热带季风气候。7月平均气温达到28度,1月平均气温为14度,平地弗落雪,但来勒合欢山玉山雪山等高山地区仍有机会落雪。由于属于季风气候,冬季有来自西伯利亚个大陆冷高压,以东北季风为主,夏季则有来自太平洋个海洋性高气压,以西南季风为主。虽然冬季辰光短、冬夏温差小,气候也比较温暖,但是难板也会有强烈大陆冷气团来袭(寒流),使气温骤降至10度以下,造成农渔作物损失。

    台湾雨量多,平均年降雨量为2515毫米,来勒分布上山地多于平地、东部多于西部、北部多于南部。北部、东部全年有雨,其中基隆市畀称为“雨港”。中南部雨季则主要来勒热天头。五、六月是梅雨季节,六至九月是台风季节,每年夏、秋两季平均侪有三、四场台风侵袭,带来充沛个雨量。但因地形河流短浅,水弗容易存下来,春季来勒梅雨来临之前常常会有缺水个情况发生。

    政治[编辑]

    中华民国宪法》规定个中央政府体制具有议会制总统制混合个性质。1980年代末中华民国经历民主化个过程,中华民国宪法也来勒1990年代初另订《增修条文》,之后经过七届修改,形成偏向总统制个双首长制

    1990年代之后,中华民国以国会总统等直接选举为主轴个民主化成就,来世界上蛮受重视[19],并畀认为是带动经济成长个因素[20]。来另外一方面,其成果因为可能影响中国大陆现有一党专政体制,而弗为中华人民共和国政府所乐见[21]

    五权分立[编辑]

    中华民国最高立法机构立法院

    中华民国国父孙中山依据古今中外曾经有过个各种政治制度,归纳出五权分立个政府组织,分成行政、立法、司法、考试、监察五个部门。中华民国政府来1949年因国共内战迁到台湾过后,继续沿用五院体制。但必过经过1990年代以来个多次修宪后,箇只制度已有重大变革。

    • 行政院是最高行政机关,通称内阁。其首长行政院院长(通称阁揆)个职权相当于内阁制国家个总理。依照《行政院组织法》个规定,行政院设置委员会机关[注 9]处理全国行政事务,除落各部会首长外另有政务委员7到9人。来1997年第4届修宪后,变成总统直接任免行政院长,弗经过国会同意。行政院副院长、各部会首长搭不管部会个政务委员会由行政院院长提请总统任命之。行政院对立法院负责,须向立法院提出施政方针搭施政报告。如果立法院对行政院院长提出不信任案,行政院院长应辞职,并同时呈请总统解散立法院,箇是被动解散国会。
    • 立法院是最高立法机关,是一个一院制议会,共有113席,以单一选区两票制选出,其中73席由普通选民选举产生,6席由原住民选出,其余34席根据全国各政党个政党票得票率按比例分配。立法院院长立法委员互选出来。原先国民大会个职能已经转移到立法院,并来2005年6月个修宪案中畀冻结。为著让立法权搭行政权分开,立法委员弗可以兼任官员,所以行政部门首长侪弗好由立法委员担任。它个职权除落决议法律案、预算案、条约案以外,还有质询权、调阅权、正副总统弹劾权;第6届修宪后增加变更领土提议权搭听取总统国情报告权。
    • 司法院是最高司法机关,掌理民事、刑事搭行政诉讼个审判搭公务员惩戒有关个事体,设大法官15人,由总统提名,经立法院同意后任命。大法官任期8年,弗分届次,个别计算,并且弗可以连任。但并为院长、副院长个大法官弗受任期个保障。大法官用合议个方式,审理解释宪法搭统一解释法律搭命令之权,并组宪法法庭审理总统、副总统个弹劾搭政党违宪个解散等事体。
    • 考试院是最高考试机关,掌管公务人员考试、铨叙、保障、抚卹、退休有关个事体搭公务人员任免、考绩、级俸、陞迁、褒奖个法制事项。设院长搭副院长各1人搭考试委员19人,任期6年,由总统提名,经立法院同意后任命。以上职权由考选部铨叙部公务人员退休抚卹基金监理委员会公务人员保障暨培训委员会等分别掌理。
    • 监察院是最高监察机关,行使弹劾、纠举、纠正搭审计权。设监察委员29名,并以其中1人为院长,1人为副院长。任期六年,由总统提名,经立法院同意后任命。监察院下设审计部,负责审核全国各机关个财务搭总决算,审计长任期六年,由总统提名,经立法院同意任命之。

    法律体系[编辑]

    中华民国宪法本文第一页

    中华民国宪法》是中华民国个根本法,1946年12月25号经制宪国民大会议决通过,1947年1月1号由国民政府公布,同年12月25号施行。内容除前言外,共一百七十五条条文,计分十四章。宪法本文个主要特色为揭橥主权在民个理念,明定人民自由权利个保障,规定五权分立个中央政府体制搭地方自治制度,明示中央搭地方权限划分采取均权制度,并明列基本国策等。

    中华民国个法律采用大陆法系,属于成文法系统。依《中央法规标准法》第二条个规定,法律个名称分为四种:条例通则。原则上法为一般个规定,条例为特别规定,律适用于战时(如战时军律,现已废除),而通则规范组织。法律需经过立法院立法程序,经由总统公布后施行。法律个解释权依据宪法规定属于司法院所有。除此之外,中华民国最高法院所选编个判例来勒各级法院裁判辰光虽弗具有法律上个拘束力,但仍具有事实上个拘束力,且判例也常常成为司法院大法官做出违宪审查个标的,是除落立法院通过个法律搭司法院作出个解释之外另一项重要个判决依据。

    至于条约个部分,凡立法院通过,经总统签署个国际公约,搭国内法具有同等效力。2009年5月,马英九总统签署《公民权利和政治权利国际公约》,箇让中华民国个人权除受宪法保障外,也受国际公约保障。

    司法制度[编辑]

    中华民国个法院系统过去主要采取二元架构,民事诉讼刑事诉讼、选举诉讼归一般法院,而行政诉讼归行政法院。但必过近几年随著法院专业化个呼声渐起,设立著其他个专业法院,如少年法院搭智慧财产法院,负责审理各种专业案件。以上个法院侪隶属司法院。除此以外,还有隶属于国防部个军事法院,依据陆海空军刑法,负责审理军人违反军法个案件,但军法案件个终审依据释字436号解释,仍由最高法院搭高等法院负责审理。

    外交[编辑]

    中华民国对外关系个国家地理位置图      中华民国(实际控制区域)      搭中华民国建交并设置大使馆个国家      搭中华民国建交而弗曾设置大使馆个国家      呒不建交而设置驻中华民国代表机构个国家(弗包括欧洲联盟

    中华民国来1912年建国后,清朝末帝溥仪发布《退位诏书》,“将统治权公诸全国,定为共和立宪国体……为一大中华民国”,中华民国正式继承清朝成为中国个统治政权。1913年,美国承认中华民国,随后其他国家陆续跟进。1945年,中华民国搭英国、美国等同盟国成立联合国,并且是联合国安理会常任理事国。1949年中华人民共和国成立,中华民国搭中华人民共和国互相弗承认,并来勒国际社会争夺中国代表权。

    1971年,中华民国来联合国个代表权畀中华人民共和国取代,争取“双重代表权”也弗成[22],宣布退出联合国[23]。1970年代以后,联合国、世界卫生组织世界银行等等国际组织侪拿会员权交畀中华人民共和国。国际上各国也因为中华人民共和国个“一个中国”政策搭自身利益个考量,也陆续搭中华民国断交,目前仅有十三个邦交国[24]

    美国总统艾森豪来1960年6月访问中华民国,搭蒋中正总统搭敞篷车前往台北圆山行馆

    中华民国搭世界各国维持友好个半民间关系,并搭世界上少数个国家保持全面个外交关系。近年来,中华民国以非政府组织个名义搭推动“全民外交”个方式,逐一突破外交困局。60多个前邦交国搭中华民国断交后,用民间社团个名义设立官方代表机构,始终搭中华民国保持密切个政治、经贸搭文化关系[25],并处理领事事务。中华民国同时也来伊点国家设置台北经济文化代表处,来一些国家搭地区个大城市,如香港、泰国曼谷、加拿大多伦多、美国芝加哥、旧金山等地设置台北经济文化办事处[26],搭代表处一样处理领事事务。来加入非政府组织个过程中,弗得了国家也支持中华民国用“台湾”或“中华台北”名义参与国际事务并负起应有个国际责任。

    1990年代以后,中华民国积极参与国际社会、积极援外并争取重返联合国。现今采用国际组织能接受个名义如“台澎金马个别关税领域”、“中华台北”、“台湾”等名义加入世界贸易组织亚太经合会奥林匹克运动会等国际组织,并且成为经济合作与发展组织世界卫生大会个观察员、积极争取参与联合国及其所属个国际组织如国际民航组织等。由于大陆政府坚持“一个中国”原则,弗得了国家搭国际组织出于政治压力搭自身利益个考虑,而对中华民国加入联合国及其所属个国际组织表示沉默、弗支持,甚至反对。

    2008年马英九政府上台以来,奉行“外交休兵”搭“活路外交”政策,停止陈水扁执政时期搭中华人民共和国抢邦交国个“烽火外交”策略,以参加联合国所属个功能组织、搭各国维繫实质关系为优先考虑,如以“中华台北”个名义参加世界卫生大会。但另一方面,中华人民共和国弗曾有相应个政策调整,其外交体系仍维持以往打压中华民国个态度,让马英九政府畀在野阵营搭部分媒体讥讽为“外交休克”[27]

    2012年10月,美国宣布持中华民国护照个国民可免签入境,成为少数可免签入境美国个亚洲国家搭唯一个非邦交国。

    搭联合国个关系[编辑]

    1945年8月24号,国民政府主席蒋中正签署《联合国宪章》

    第二次世界大战后期,中、苏、英、美四个大国号召创建联合国维持战后新秩序。1945年联合国正式创立,中华民国是创始会员国,还是第一个签署《联合国宪章》个国家,也搭法、苏、英、美四国一道成为五个联合国安全理事会常任理事国。自中华民国政府播迁台湾以来,以苏联为首个共产主义国家搭非洲一些第三世界国家一脚争取让中华人民共和国取代中华民国来勒联合国个席位;一些国家如美国、日本等,希望中华民国搭中华人民共和国来勒联合国共存。20世纪60年代,中华人民共和国搭美国关系回暖。1971年7月15号,美国总统理查·尼克森宣布国务卿亨利·季辛吉已秘密赴中华人民共和国访问。鉴于此形势,1971年10月25号,中华民国政府代表团来勒“重要议题”提案(即:有关中华民国代表权问题个任何提案,须采三分之二多数决制,而弗是通常个简单多数决制)表决失败后,自行退出联合国。随后联合国大会表决通过《第2758号决议》,由中华人民共和国政府“取代”中华民国政府来勒联合国个一切权力。

    《联合国宪章》第23条仍旧明载中华民国为安全理事会常任理事国,但必过已经畀中华人民共和国取代。中华民国自1993年起,每年侪试图以中华民国个名称重新参与联合国及其相关组织,但弗成功。2007年起,执政党民主进步党推动以台湾名义加入世界卫生组织未获成功,以台湾名义加入联合国个公投案个第一阶段连署也已完成,但畀行政院公投审议委员会所否决,同年7月获行政院诉愿委员会认可进入第二阶段连署,并搭2008年总统选举合并举办投票。然而该案因投票率朆超过50%而畀否决[28]

    两岸关系[编辑]

    海基会(代表台湾)搭海协会(代表大陆)双方代表握手致意

    1990年代以前,中华民国政府坚决主张自家为中国唯一合法政府,除落执行反共抗俄政策之外,誓言用武力收复中国大陆。中华民国从来弗曾放弃中国大陆等固有领土个主权。中华民国来1945年8月15号搭苏联跟外蒙古签订《外蒙古独立条约》,但后期因为苏联呒不遵守条约内容,所以重新要求对外蒙古个主权。自1986年台湾解严以来,两岸经济搭文化交流日渐频繁;1990年代,中华民国政府承认中国处于政治分裂搭两岸分治个状态,并依1991年制订个《国家统一纲领》,以“民主、自由、均富”原则谋求统一中国。后歇来经国民大会决议,总统李登辉宣告终止“动员戡乱”,放弃以武力反攻大陆,总统李登辉承认两岸互为政治实体,官方说法为“弗承认,也弗否认”。陈水扁总统来2006年宣布《国家统一纲领》“终止适用”[29],两岸关系走向低谷。2008年5月,马英九就任总统后,采取外交休兵个政策,对北京强调“正视现实”[30],开启江陈会谈,全面开放通航并重启交流,缓解两岸关系。来勒当前两岸社会差异依旧明显个辰光,两岸关系基本维持和平状态。

    因为超过半世纪个政治分治搭对立,台湾海峡两岸对于台湾个政治地位、主权归属搭“中国”个意涵一脚有争议,形成所谓“台湾问题”。譬如说两岸主张个一中各表,分别是中华民国搭中华人民共和国。中华民国政治体系为多党自由民主制、而中华人民共和国政治体系为中国共产党领导个多党合作搭政治协商制度。虽有统、独两派立场,但中华民国国民大多希望维持现状[31]

    行政区划[编辑]

    类别 数量 中华民国法理一级行政区
    35 江苏 | 浙江 | 安徽 | 江西 | 湖北 | 湖南 | 四川 | 西康 | 福建 | 台湾 | 广东 | 广西 |
    云南 | 贵州 | 河北 | 山东 | 河南 | 山西 | 陝西 | 甘肃 | 宁夏 | 青海 | 绥远 | 察哈尔 |
    热河 | 辽宁 | 安东 | 辽北 | 吉林 | 松江 | 合江 | 黑龙江 | 嫩江 | 兴安 | 新疆
    直辖市 18 南京 | 上海 | 北平 | 青岛 | 天津 | 重庆 | 大连 | 哈尔滨 | 汉口 | 广州 | 西安 | 沈阳 |
    台北 | 新北 | 桃园 | 台中 | 台南 | 高雄
    特别行政区 1 海南特别行政区
    地方 1 西藏地方
    中华民国法理行政区划搭领土争议

    中华民国建国初期承接清朝末期个疆域,箇辰光北洋政府辖有直隶奉天吉林黑龙江山东河南山西江苏安徽江西福建浙江湖北湖南陝西甘肃新疆四川广东广西云南贵州等廿二个。另设置京兆地方首都特区),西藏蒙古青海等3个地方,保留阿尔泰塔尔巴哈台伊犁3地区(后通通并入新疆省)。后来北洋政府增设绥远察哈尔热河川边等几个特别区

    国民政府完成北伐后,拿伊点特别区域搭宁夏、青海一同建为6个省(其中川边特别区改制为西康省),共总28个省,另外加上西藏、蒙古2个地方。1945年抗战胜利后,原东北三省(辽宁吉林黑龙江)根据满洲国时期个行政区划改划分成东北九省,增设辽北安东合江松江嫩江兴安等6省;抗战后光复台湾加入成为第35个行省,另外来勒海南岛南海诸岛设立海南特别行政区,准备建省。国民政府曾来勒1946年1月5号承认外蒙古独立,但迁台后又藉控苏案撤销承认。

    1949年国共内战后,中华民国政府播迁台湾,丧失大陆领地。为彰显自家对全中国统治个合法性,中华民国政府仍旧继续发布包括大陆地区个中华民国全图搭行政区划,仅拿实际统治区进行更新。但近年来慢慢较废止搭大陆地区行政区划相关个规范搭代号。到2005年相关办法停止适用前公告个行政区划包括35省、14直辖市(1949年以前设立12个,政府迁台后增设两个)、2地方(西藏蒙古)搭1特别行政区。现今发布个本国行政区划仅列出实际统治区个划分[32],提到大陆个辰光则依照现状,使用中华人民共和国个行政区划。

    今朝中华民国个实际统治区域,来勒法律上称为自由地区,搭港澳地区还有大陆地区有别,来勒自由地区设有户籍,再享有完整个中华民国国民权利。政府迁台后,为著统合区域发展,拿台北市高雄市勒1967年、1979年先后升格为直辖市;2010年底,台北县、台中县市、台南县市、高雄县市也改制为直辖市,其中台北县升格后改叫新北市,其他个用县市合并方式升格[33] [34]桃园县也从2011年1月1号起准用部分直辖市法规。

    来勒1990年代末期,中华民国政府采取省虚级化措施,拿大部分省级政府机关并入中央政府以精简行政作业,所以实际上省已经有名无实。

    经济[编辑]

    台北101是台湾最高个摩天大楼

    中华民国大陆时期基本上为资本主义,但有弗少外在干扰,妨碍经济发展。

    处于内忧外患个国民政府用一些方式提升经济活动,譬如说成立中国工业银行。来勒黄金十年,中国工业成长率达7.7%以上,社会经济状况也呈现蓬勃发展个趋势。相较于其他现代化国家个经济大萧条,中华民国工农业产值达到清末民初以来最高水平。其中,最显眼个工业成长分别是电力、煤炭搭钢铁工业。除落对日抗战国共战争辰光滥印钞票而引起恶性通货膨胀之外,政府通常弗会强制控制经济。政府外债因易受外国影响而十分敏感。

    箇辰光,中华民国有广大个耕地,基本上以农业为主。一点比较富有个地主拥有大部分土地,农民大多是呒不土地个佃农。国民政府以乡村自治、合作社搭平民教育为三大主体进行乡村建设,提供广大个原料搭食物,开始推行市场整合个现代经济制度。

    两岸分治以来,中华民国发展为一个备有社会福利政策个国家。由于弗少大型国有银行搭企业慢慢较私有化、产业自由化,劳工权益受到重视,政府来勒经济中个角色转型成主导政策搭居中折冲。中华民国来过去30年内每年平均经济成长达到8%。国有银行积极支持出口政策,为工业化提供资金保证。中华民国也是全世界少数无外债个国家之一。来国际外汇储备方面,到2013年8月底为止,中华民国个外汇储备为4093.88亿美元,次于中国大陆搭日本、俄罗斯而居世界第四位[35]

    农业来勒国内生产总值里向个比重从1952年个35%落到2%。传统劳动密集型工业慢慢较畀高科技产业取代。中华民国个电子工业对世界经济举足轻重,大多数电子零组件搭周边硬体设备侪是来勒台湾制造个。对外贸易也是中华民国重要个经济命脉。2012年对中国大陆搭香港出口占总额39.3%,进口占总额16.1%,顺差750.9亿美元。第二搭第三名外贸伙伴则为日本美国,其中日本为最大进口国(占总额17.6%)。其他主要贸易国依次还包括新加坡韩国沙特阿拉伯马来西亚德国澳大利亚印尼菲律宾越南泰国等。[36]从1980年起,政府相继成立新竹科学工业园区南部科学工业园区中部科学工业园区科学园区,鼓励内外厂商投资积体电路、电脑等高科技产业,希望用耗能少、污染低、附加值高个技术密集型科技产业取代传统产业。

    由于中华民国政府采取稳健个财政政策,来1997年亚洲金融危机中,中华民国只受到一微微冲击。2001年用“台澎金马个别关税领域”个名义加入世界贸易组织,让经济趋于自由化、国际化。加入世贸后,大量外来产品冲击国内产品,以农产品搭民生工业最结棍。来2001年开始个全球经济放缓个趋势影响下底,经济下滑,银行坏帐增加,财政盈余转为财政赤字,2001年台湾经济出现1947年以来个第一次负成长,失业率升到4.57%。但随著全球经济个回温,加上金融重建基金个设置,中华民国经济从2003年下半年开始慢慢较恢复。来勒2008年总统大选辰光,马英九竞选团队提出“六三三”政见,希望能够达到经济成长率每年平均正成长6%,失业率降到3%,但必过根据行政院主计总处预估,受到2007年-2010年环球金融危机影响,2009年中华民国再次出现经济负成长,根据主计总处2010年8月个统计数据为-1.91%,比2001年首次衰退辰光个情况(-2.17%)要好点[37];而失业率来2009年7月高达6.07%[38]

    军事[编辑]

    按照《中华民国宪法》第36条个规定,中华民国三军最高统帅是总统,以总统为主席个国家安全会议负责国防最高决策机构;国防部负责军队训练搭调度,由国防部部长执行军政搭下军令。

    乃朝,中华民国最大个军事威胁来自中国大陆,中共弗曾承诺放弃用武力解决台湾问题美国来勒《台湾关系法》里向声明会提供防御性武器畀了台湾人民[39]

    交通[编辑]

    台湾西部多平原,东西部之间畀中央山脉挡牢,所以陆地交通以西部干线为主。

    公路交通[编辑]

    公路网遍及全岛搭离岛地区,分为国道省道县道乡道四级。来勒高速公路(侪是国道)当中,有一条基隆到高雄个中山高、一条基隆到屏东个福高,互相以快速道路作连接。台北到宜兰个国道5号,当中贯穿雪山山脉个雪山隧道是东亚顶长个公路隧道。伊点道路再搭花东公路南迴公路形成环岛公路网。北横中横南横公路横越台湾山脉,沟通东西两部。

    轨道交通[编辑]

    台铁太鲁阁号列车

    近年来,台湾个铁路干线慢慢较电气化。西部以纵贯铁路为主干,加上东部个宜兰线北迴铁路花东线南迴铁路,构成环岛铁路网。2007年高速铁路通车后,台北到高雄最快只要90分钟。各都会区兴建大众捷运系统譬如台北捷运高雄捷运,解决交通堵塞搭环保问题。

    航空运输[编辑]

    台湾个机场多数是军事搭民间合用,民用部份由交通部民用航空局管理。乃朝有四个国际机场:桃园国际机场高雄国际机场、台北市个松山机场搭台中市个清泉岗机场。离岛各地侪有机场可供起降。因为高铁崛起,岛内航线慢慢较萎缩。2016年,共总有74家航空公司開設往返臺灣个航線,主要國際航線以中華航空搭著長榮航空為代表[40]

    水路运输[编辑]

    高雄港个货柜码头

    台湾四面环海,海上交通发达,国际贸易仰赖海上运输。国际商港共有四座,分别是基隆港台中港高雄港花莲港,其中以高雄港最大,货运吞吐量排勒世界第十三名[41]。而国内商港以台北港苏澳港安平港马公港规模比较大,金门港马祖港由当地政府自营,通过小三通模式搭中国大陆通航,进行非正式个贸易活动。海运业者以阳明海运长荣海运万海航运三家公司个规模最大。

    人口[编辑]

    中华民国现实际管辖区域个总人口共23,354,061人(2013年8月),人口密度645.27人/km2,排名世界第十[42](来勒面积超过1000km2个国家中则高居第二)。做为现今领土主体个台湾,人口个区域分布搭城乡分布差距弗断扩大,形成平原多于山区、西部多于东部、北部多于南部、城市多于乡村个基本特徵。人口数最多个县市前五名为新北市高雄市台中市台北市桃园县,人口密度最高个县市前五名为台北市嘉义市新竹市基隆市新北市。以都会区来区分,人口大致聚集于五大都会区:台北都会区高雄都会区台中彰化都会区桃园中坜都会区台南都会区,搭2个次都会区:新竹次都会区嘉义次都会区[注 10],形成台湾西部走廊;五个直辖市(台北新北台中台南高雄)行政区分布搭都会区个范围略有差异[注 10]

    1968年起,政府开始实行《台湾地区家庭计划实施办法》以控管人口数,主要以政策建议青年男女结婚年龄、生育年龄,并且提倡“一个不算少,两个恰恰好”。到1990年后,由于生育率下降、医疗水准上升,人口老化个问题出现。政府又修订“人口政策纲领”来鼓励妇女生育。中华民国来勒2009年是全世界生育率最低个国家之一[43][44]

    中华民国现实际管辖区域以汉民族台湾原住民族为两大民族。台湾原住民族可细分为至少14个弗同个民族,佔总人口数弗到2%。其余98%人口属于汉民族,其中大多数为1945年以前已经移居台湾本岛个本省人,即闽南人(70%)搭客家人(15%);此外还有1945年之后由中国大陆各省随中华民国政府迁来个外省人(13%,但实际上外省人并非全是汉民族[注 11])。随两岸交流开展搭国际化发展,中华民国目前已有中国大陆配偶数万人,外籍配偶十余万人,外籍劳工三十余万人,总计外籍常住人口约56.2万人,其中43.4万人来自东南亚,8.9万人来自大陆港澳[45]。其中部分人士已来勒中华民国定居,并有部分已取得中华民国国籍,伊点新来移民者有超越原住民族人口个趋势,亦非全为汉民族,现在通称为新住民

    中华民国人口聚集都市
    新北市
    新北市
    台中市
    台中市
    台南市
    台南市
    桃园市
    桃园市
    排名 市名 行政区划 人口

    高雄市
    高雄市
    台北市
    台北市
    新竹市
    新竹市
    基隆市
    基隆市

    1 新北市 新北市 3,947,608
    2 高雄市 高雄市 2,779,416
    3 台中市 台中市 2,695,353
    4 台北市 台北市 2,682,372
    5 台南市 台南市 1,882,620
    6 新竹市 新竹市 427,137
    7 桃园市 桃园县 415,337
    8 基隆市 基隆市 375,834
    9 中坜市 桃园县 377,615
    10 嘉义市 嘉义市 271,223
    11 彰化市 彰化县 236,646
    12 屏东市 屏东县 206,910
    13 平镇市 桃园县 210,710
    14 八德市 桃园县 179,121
    15 杨梅市 桃园县 155,045
    16 芦竹乡 桃园县 148,037
    17 竹北市 新竹县 156,130
    18 龟山乡 桃园县 140,154
    19 员林镇 彰化县 125,144
    20 龙潭乡 桃园县 115,453
    2013年人口普查

    文化[编辑]

    灯会活动是台湾庆祝元宵节个一大特色。图为2004年个台北灯节

    中华民国建立辰光,正逢西方文化大举引进中国之际,各种西方个思想搭生活方式对当时个中国社会引发弗小个冲击,新文化运动是其中个一个象徵。黄金十年时期,国民政府教育建筑学等形式,意图将西方个文化元素搭中国文化融合。

    1949年两岸分治后,中华民国政府来勒台湾延续光复后个“去日本化”政策,以灌输台湾人认同中国,并以官方力量推动文化发展,相对于中华人民共和国个“文化大革命”,发起中华文化复兴运动强调中华文化个复兴。文化呈现反共、传统、一元个特质,只有少量以美国为代表个西方文化渗入台湾。而来勒1970年代后,伴随著经济起飞,本土文化日渐兴起,外国思想涌入台湾,台湾个文化趋向多元。如今,台湾文化以中华文化为主体,并融合南岛、日本搭欧美等各种要素,多样文化共存。知名个国家民俗文化活动有:北港迎妈祖白沙屯妈祖进香活动大甲妈祖遶境进香活动东港迎王平安祭西港刈香基隆中元祭东山迎佛祖口湖牵水状邹族战祭。当前文化政策决策单位个组织是文化部

    台湾庙会现仍常见个歌仔戏,其发源自宜兰地区

    中华文化来勒台湾生根、保存、发展。相较历经百年战乱共产制度文化大革命汉字简化个中国本土,大部份传统中华文化来勒台湾保存得更为完整;因为多元开放个精神,融入台湾个中华文化多半以更精緻优良个品质传世。包括国立故宫博物院所典藏文物在内,完整释奠大典个举行、正体中文个使用,搭传统个思想、民俗、典礼、信仰等等。同时,台湾历史上经历过弗同政权搭民族个统治,受到多元文化个汇聚刺激搭影响,伊点文化包括中华文化、原住民族文化日本文化、当代欧美、亚洲流行文化等,另加上海峡两岸社会有半世纪个分隔,因而塑造出带有自身特色个台湾文化。近年来,文化主体焦点回归台湾本身,本土化搭强调台湾精神个多元并蓄精神,深深影响著当代台湾个民族美学。

    台湾文化也影响了华人圈。来勒搭中国大陆个文化交流方面,大陆人民极熟悉台湾个歌曲。邓丽君是第一位来勒大陆家喻户晓个台湾歌星,闽南语歌曲也来勒台湾发扬光大,很多动听个歌曲为中国大陆、香港搭世界各地个华人所传唱。中华民国政府迁台后有弗得了大陆文人也跟随政府到台湾,而台湾著名小说家,例如三毛琼瑶等人个作品来勒中国颇为流行。台湾个电影,电视节目也深受欢迎,随著两岸交流日益频繁,很多电影、电视侪是两岸三地合作拍摄。

    中华民国使用民国纪年西历。国号纪年以西元1912年1月1号为中华民国元年1月1号(称为“元旦”),因此西元纪年数减去1911即为中华民国纪年数。

    饮食[编辑]

    大致有海鲜丰富、酱菜入菜、节令食补等特色;倾向自然原味,调味弗求繁複,“清、澹、鲜、醇”是台湾菜烹调个重点,弗论炖、炒、蒸或水煮,侪趋于清澹,且喜以沾料调味。台湾菜个清鲜美味也来勒所有以调味浓厚(如台湾客家菜或粤菜)取胜个地方菜中独树一帜。炎热天候同时也使一点带有酸甜味且开味个菜餚出现来勒台湾菜中。

    台湾因为四面环海,海资源丰富,又来勒日治时期受到日本菜个影响,出现著弗少海鲜开胃菜(冷食或生吃),所以生鲜冷盘也是台菜中个一大重点。海鲜滋味本来就很鲜美,因此弗需要使用太多繁複个佐料或用複杂个方法来烹调海鲜。也正因为烹调方式容易,海鲜料理如虾、鱼、蟹等攻佔了台湾菜个席面。如拉麵、寿司味噌汤亦是常见料理。台湾菜素有“汤汤水水”之称。早期能移民来台个汉人(其中又以闽南人佔多数)只限男性。 因为要忙于农耕开垦,同时当年个物质也比弗上今日充裕,为著方便,佗里常常煮一锅可为汤又可为菜个羹菜,既营养又方便。闽南式羹汤至今来台湾民间依然受各族群喜爱,其中西卤白菜搭生炒花枝均为代表。又有香菰肉羹汤等。

    重要个台湾料理牛肉麵担仔麵、大肠(蚵仔)麵线、滷肉饭、臭豆腐、蚵嗲肉圆鸡肉饭肉羹澹水阿给肉鬆麻荖贡丸汤蚵仔煎棺材板、油饭、甜不辣、滷味、鸡排碗粿车轮饼大肠包小肠药炖排骨猪血糕珍珠奶茶、木瓜牛奶、豆花等。早餐则有台式早餐店贩卖各式汉堡、火腿蛋(吐司)。另外,台湾各城镇均有以贩售杂货、饮食、游戏等商贩聚集个夜市,是庶民生活文化个重要代表之一。

    语文[编辑]

    中华民国呒不法定官方语言,但法律、公文、公务、国民教育搭主要媒体通用通用正体字现代标准汉语(通称国语),使得汉语搭正体中文成为实际上个官方语言搭文字。为著统一规范官方语文,中华民国教育部设有国语推行委员会。来勒各地方言方面,闽南人个母语闽南语广泛通行于台湾、澎湖搭金门群岛,其中来勒台湾通行个闽南语又俗称为“台湾话”;台湾客家族群作为母语个台湾客家语主要通行于桃竹苗六堆花东纵谷客家地区;马祖地区通行个母语是闽东语,乌坵通行莆仙话;而台湾原住民个语言来勒语言学分类上是属于南岛语系,可以再细分成“泰雅语群”、“排湾语群”搭“邹语群”等三个语群,计有23种语言。来勒母语教学方面,原住民族语、闽南语搭客家语也列入幼稚园、国民小学个课程。来勒外语上,政府搭民间非常注重英语教育,从幼稚园就开始重视学习英语,另外第二外语有日语法语西语等,其中日语因日本曾治理台湾,通行于七十岁以上个使用闽南语搭原住民语系个长者,部分日语用词并融合于台湾使用个国语搭闽南语中。目前来勒台湾部分火车站、捷运搭机场,侪会以国语、闽南语、客语、英语搭原住民族语播报;而公务机关普遍附有英文个机关名称搭相关说明。

    中华民国汉字拼音使用汉语拼音。外文音译早期普遍采用威妥玛拼音,至今外国对于台湾个人名搭地名音译大多沿用此拼音法。陈水扁政府执政辰光,于2000年宣布改用通用拼音为中文英译系统,但未强制推广至全国。2008年再次政党轮替后,中国国民党主政下个中华民国政府将译音标准改采汉语拼音,并捨弃通用拼音[46][47]

    根据2010年人口普查结果,6岁以上常住人口来勒家庭中以使用国语、闽南语为最多,分别为每百人有83.6搭81.9人使用,而客家语搭原住民语分别为6.6人搭1.4人,闽南语、客家语搭原住民语随著年龄层下降,使用比率也有减少个趋势[48]

    社会[编辑]

    医疗保障[编辑]

    全民健保为台湾个社会褔利制度之一。

    由于国民所得水准提高、生活环境搭国民营养个改善、医药卫生个进步搭医疗保健水准个提升,使得国民平均余命逐年延长。中华民国来勒公共卫生个方面积极营造健康生活、提高自主健康管理,建构健康生活型态;另配合早期筛检,降低慢性疾病搭其合并症个发生。目前主要死因有癌症、心脏疾病、脑血管疾病搭肺炎,癌症续居十大死因个首位;慢性下呼吸道疾病为降幅最明显个死因。全民健保方面,自1991年起,台湾平均每人国民医疗保健支出呈现稳定上升,且1995年全民健保开办后,国民医疗保健支出占当年国内生产毛额比随即由1994年个4.9%提升至1995年5.4%,至2008年达6.4%,显示全民健康保险实施后国民就医个可及性显著提升,2008年国民医疗保健最终支出7,885亿元。近10余年来,平均每人国民医疗保健支出呈逐年上升趋势,由1991年个1万0,760元,增至2008年个3万4,287元,平均年增率达7.2%。

    公共住房[编辑]

    内政部营建署统计,台湾地区截至2009年3月底止,住宅存量783万户。建筑样式方面,台北、台中、高雄都会地区住宅以公寓大厦为主,其他县市以双拼、连栋楼房居多。家庭拥有自宅个比率,随国民所得提高,搭国民住宅、低利购屋办法而逐年上升。2009年底台湾地区自有住宅个比率已达87.9%,就住宅用途而言,绝大部分为专用家宅,住家兼用情形仅占4.1%;居住空间方面,平均每户居住面积为44.0坪,每人居住面积13.2坪。另2009年底台湾地区家庭拥有自来水设备普及率约为94.9%;家庭设备方面,1970年代至80年代,以电视电冰箱洗衣机电话等基本需求为主,80年代后期以冷暖气机录放影机等为主,90年代汽车家用电脑有线电视频道设备则日渐普遍。伊点侪显示台湾家庭设备益趋现代化。

    公民权利[编辑]

    中华民国政府重视儿童搭少年福利,重视妇女权益个议题,推动消除对妇女一切形式歧视个相关法律。据联合国2008年性别不平等指数(GII)统计,中华民国个女权地位排名为全球第四、亚洲第一;中华民国两性发展来勒其他儒教国家中落差最小,妇女参政比例也居冠[49]。由于台湾迈向高龄化社会,老人福利服务也是政府施政重点,搭民间更据以积极推展各项福利服务。随著国民所得个提高,台湾民众个环保意识逐年增加,对环境品质个要求亦日益殷切。近年来部分环境指标诸如:空气污染水污染、废弃物妥善处理率等。然而仍有一点重要个议题,尚待突破搭改进。

    公共传媒[编辑]

    中华民国宪法》(1947年12月25号生效)第十一条保障人民有言论、讲学、著作搭出版个自由。但自宪法生效以来由于当时个历史、政治、经济、科技等种种原因,来勒部分时间内伊点自由来勒台湾地区并呒不完整个履行。 报禁来勒1988年1月1号才得到解除。1990年,广播政策才放宽允许私人有线卫星电视企业营业。开放电视AMFM广播电台执照开启了一个全新个资讯流通时代。之后台湾媒体便迅速自由发展,但也带来勒全新个机会搭挑战。

    宗教[编辑]

    台北市万华龙山寺

    受《中华民国宪法》保障,人民拥有宗教自由,并且各宗教间皆为平等。此外,台湾传教环境极为自由,政府搭宗教之间亦无关联。又因台湾为移民社会,汉人移民固有个传统信仰如佛教道教,来勒汉人族群中极为盛行且根深蒂固;而西方世界常见宗教,如基督教伊斯兰教也拥有弗少信众。

    依据美国2002年《国际宗教自由报告》,中华民国台闽地区2,300万人口中,548.6万人(23.9%)为佛教徒,454.6万人(19.8%)为道教徒,84.5万人(3.7%)信奉一贯道,60.5万人(2.6%)为基督教新教徒,29.8万人(1.3%)为罗马天主教徒,26万人(1.1%)信奉天帝教。上列数据中,有一半人口时常参加各类型宗教活动,而佛教徒搭道教徒以自我认知为分界,两者重叠性相当高。

    教育[编辑]

    中华民国现行个学制为六/三/三/四制个架构,成形于1968年中华民国政府开始实施九年国民教育后。除落基本个国民义务教育外,还有属于高等教育个普通教育技职教育二部分。此外,中华民国教育部长年对海外华人比例较多个东亚搭东南亚国家招收华裔学生前往攻读大学学位[50];近年则积极开放国际学生搭中国大陆学生前往求学,并将重点置于课程英语化,以迎国际化需求。由于升学主义搭竞争激烈,学子大多来勒课后到补习班学习,以准备升学考试或是英文程度搭专业认证等课程。

    国立清华大学属于研究型大学,是在台复校个高等学校之一。

    基本上幼稚园保育年龄四至六岁,虽为非义务教育,但近年来政府积极投入扶持弱势幼儿及早入学,为减轻贫苦家庭负担搭即早搭国民教育接轨,计划于2011年起国教向下延伸一年[51],以期接受幼稚教育人数有效增加。目前个国民义务教育包含国民小学(国小)搭国民中学(国中),所有国民均接受国民义务教育。国小六年,在学年龄六至十二岁;国中三年,在学年龄十二至十五岁。两类学校虽分开设立,但于九十学年度实施九年一贯课程,将课程搭教学衔接。中华民国教育部于2007年宣布将推动“十二年国民基本教育”,然因为预算问题搭家长个反对,因而延期,并来勒政策个配套措施寻求共识[52]。中央社。民国100年,教育部宣布将于民国103年实施12年国民义务教育,也表示弗会以在校成绩为入学标准,除落少部分明星高中仍有考试外,大部分个高中侪是免试升学。[53]

    而大约95%以上个国中毕业生透过免试入学基测,可依成绩选择进入三年学制个高级中等学校(高中)、高级职业学校(高职)或是五年制专科学校(五专)继续升学,此即为多元入学。高中搭高职为三年,在学年龄十五至十八岁,五专为五年,在学年龄十五至二十岁。之后再藉由学测指考进入普通大学、藉由四技二专统测进入四年制技术学院(四技)搭二年制专科学校(二专)或藉由二技统测进入二年制技术学院(二技),三者毕业后(二专除外)可取得“学士”学位。至于研究所学士生或硕士生藉由各校独立招生个方式进入硕士班或博士班就读。大学学士班四年、二技两年;硕士班一至四年,博士班二至七年,在职或有需要者得由各校自订酌予延长。高中职、大专搭研究所个遴选方法,现今大都依申请入学推荐甄试或是考试分发个方式遴选。目前属于高等教育个大专院校个录取率皆高达90%以上,基本上实现全民教育。

    此外,为提供一般社会大众进修机会,也有进修补习学校或社区大学来让民众进修搭终身学习管道,上课时间通常为午间、晚间搭週末。而对于各类资赋优异学生或身心障碍学生,也设有特殊教育,以助各类学生均能适性发展。

    中华民国个教育行政单位依照性质弗同可分为:教育行政机关搭社会教育机构。教育行政机关,采中央搭地方二级制,中央设教育部,直辖市搭县市政府设教育局(处)。社会教育机构,包括社会教育馆所、图书馆博物馆社教馆等,分别职掌社会教育相关工作个推展。

    体育[编辑]

    中华台北会旗

    中华民国个体育事务,主要由教育部属下个体育署来负责管理搭推动。来勒国内比赛方面,为著提倡全民运动,每隔两年举办一届中华民国全国运动会中华民国全民运动会全国原住民运动会全国身心障碍运动会,并每年举办全国大专校院运动会全国中等学校运动会,以鼓励青年运动搭培养新人选手。

    中华民国目前以“中华台北”名义参与国际体育活动,以中华奥委会会旗代表中华民国国旗,以中华民国国旗歌主旋律填写个中华奥委会会歌来代替中华民国国歌。并且于1973年中华全国体育协进会改组为负责国际运动赛事个中华奥林匹克委员会搭负责国内运动赛事个中华民国体育运动总会

    近年来台湾体育于国际比赛方面,来勒撞球网球射箭拔河举重健力桌球跆拳道软式网球巧固球等项目有优异表现。2004年夏季奥林匹克运动会辰光,靠著跆拳道选手陈诗欣朱木炎个努力,首度夺得奥运参赛史上正式赛两面金牌。2006年亚洲运动会辰光,台湾个体育强项棒球,首次拿下亚运金牌。台湾棒球选手(如:王建民陈伟殷倪福德等选手)也陆续加盟美国职棒大联盟日本职棒,并有出色表现。2009年7月,高雄市主办第八届世界运动会[54],9月,台北市主办第二十一届夏季听障奥林匹克运动会[55],两盛会先后来勒北高两地成功举办,其中,第八届世界运动会更是中华民国首次主办个大型国际综合体育赛事;除落留下宝贵个体育设施资产搭承办经验外,也对为著未来主办亚奥运等国际赛事铺路。

    注释[编辑]

    1. 1.0 1.1 建国后个北洋政府时期,中央政府所在地为北京训政时期国民政府定都于南京,并明订于《训政时期约法》;行宪后个中华民国政府呒不法定首都(制宪期间曾对首都有所讨论,但最后《中华民国宪法》朆写首都来啥地方)。
    2. 中华民国呒不法定官方语言,但法律、公文、公务、国民教育、主要媒体多使用国语,以国语为实际上(de facto)个官方语言。中华民国实际统治区域(即台湾地区)使用个汉语方言共有台湾话(约80%人口;来勒台湾本岛澎湖使用个闽南语,或另称为“台湾闽南语”)、台湾客家语(约15%人口)、福州话马祖)、兴化语乌坵)。台湾原住民族母语南岛语言,但国语个地位等同于第二母语
    3. 根据中华民国外交部所发行个护照内容,其国家代码是台湾个英文简写“TWN”(Taiwan),而非中华民国个英文缩写“ROC”(Republic of China)。
    4. 1949年中华人民共和国建立前,各界侪视中华民国为中国个传承政权。
    5. 中华民国宪法增修条文》称为自由地区,而法律有辰光称为台湾地区,譬如《台湾地区与大陆地区人民关系条例》第二条第一款。
    6. 计步兵128个师、46个独立旅,骑兵9个师、6个独立旅,炮兵4旅、20个独立团。正规军共总170万人。
    7. 譬如台儿庄会战淞沪会战第三次长沙战役等战役,上海、笕桥等地个空战。共总有38,931届小型战斗、1,117届重大战役、22场大会战,伤亡人数多至330余万人(包括1937年到1945年间个补充兵员)
    8. 国共内战共可分为两届,第一届是1927年至1937年间,因为西安事变停止。第二届么是1945年到1949年,中华民国政府迁台,两岸分治,两岸开始长期军事对立。伊届是第二次国共内战
    9. 现在有9部4会、3署、2总处、18委员会、3独立机关。目前行政院仍旧来上进行组织调整,未来会变成14部8会、2总处、3独立机关
    10. 10.0 10.1 中华民国统计资讯网(专业人士) -- 普查应用名词解释(二)--(十四)--(繁体中文)依据主计处来勒2010年5月18号发布个新闻稿,上述定义范围连同全台湾各种统计地区个分类定义,将来勒当年12月25号停止适用。“中华民国统计地区标准分类”自99年12月25号起停止适用. 访问日脚2010-05-18.
    11. 以名人为例,如白先勇是回族、席慕蓉为蒙古族、溥心畲为满族。

    参考文献[编辑]

    引用[编辑]

    1. (1)南京市. 中华民国教育部:教育部重编国语辞典修订本. “又由于南京市历史悠久……民国十六年,国民政府宣言定为首都,今以台北市为我国中央政府所在地。”
      (2)区域计画法, 中华民国法务部全国法规资料库
      (3)都市计画法, 中华民国法务部全国法规资料库
      (4)中华民国总统陈水扁阁下巴拉圭共和国总统杜华德阁下联合公报, 中华民国总统府, 中华民国93年
      (5)行政院命令 忠烈祠祀办法, 中华民国法务部全国法规资料库
      (6)中华民国第12任总统马英九, 中华民国总统府
      (7)台北市年鑑, 台北市政府, 2010
      (8)台北市政府法规委员会委托研究计画 台北市作为首都应有之功能与法制之研究
    2. 重要经济指标速报[链接坏脱]
    3. [1]
    4. ICANN Board Meeting Minutes. ICANN (25 June 2010).
    5. 中华民国九十二年年鑑:《中华民国之肇建》. 原始文档勒2012-05-22存档. 访问日脚2013-10-06.
    6. 孙中山《中华民国之意义》. 上海. 1916年7月15号
    7. 张玉法(1999年):《中华民国史稿》,第28页。
    8. 郭廷以《中华民国史事日志》,第一册民国元年壬子──十四年乙丑,第23页: “清帝溥仪(宣统)奉隆裕太后懿旨,下诏辞位,命袁世凯以全权组织临时共和政府与民军协商统一办法。”
    9. 张玉法(1999年):《中华民国史稿》,第152页。
    10. 张玉法(1999年):《中华民国史稿》,第192页。
    11. 张玉法(1999年):《中华民国史稿》,第223页
    12. 张玉法(1999年):《中华民国史稿》,第248页。
    13. 张玉法(1999年):《中华民国史稿》,第302页。
    14. 第一届国民大会实录,1948年,南京
    15. 土地改革纪念馆. 原始文档勒2011-07-25存档. 访问日脚2013-10-06.
    16. 邱晓嘉 (2000年9月31号). 产业外移的危机与转机 (HTML). 财团法人国家政策研究基金会. 原始文档勒2012-01-20存档. 访问日脚2007年10月1号.
    17. 中华民国修宪史,谢政道,扬智文化事业股份有限公司, 2007
    18. 无法回头的两岸 马连任致胜关键 - 中广新闻网 2012.01.17[链接坏脱]
    19. 中国未来最大冲击 星媒:台湾民主的催化
    20. 中央社,日英文报吁国际寻求解决之道 协助台湾入联[链接坏脱]
    21. 《白乐崎专栏》:台湾宪改民主化,中国不乐见
    22. 国政评论-谢长廷先生 请先弄清历史事实
    23. 中华民国在联合国的最后日子:一九七一年台北接受双重代表权之始末
    24. 中华民国外交部之邦交国资讯. 原始文档勒2007-05-03存档. 访问日脚2013-10-06.
    25. 欧盟免签证!最快明年初
    26. 驻泰国台北经济文化办事处
    27. 绿批主权沦丧 外交将休克,自由时报,2008年9月3号
    28. 中选会公告之投票结果. 原始文档勒2008-05-17存档. 访问日脚2013-10-06.
    29. 行政院大陆委员会说明国统纲领“终止适用”原由。. 原始文档勒2009-01-06存档. 访问日脚2013-10-06.
    30. 马16字箴言 党政高层:强调正视现实
    31. “民众对当前两岸关系之看法”民意调查 (2010-12-24~2010-12-27)
    32. 行政院新闻局 中华民国国情简介 政府组织. 原始文档勒2012-05-14存档. 访问日脚2013-10-06.
    33. 北县台中高雄 升格过关[链接坏脱]
    34. 文化古都/台南县市 火速升格[链接坏脱]
    35. 台湾外汇存底续创新高 排名世界第四. 原始文档勒2011-11-09存档. 访问日脚2013-10-06.
    36. 中华民国进出口贸易国家(地区)名次表 2012/01 - 2012/12, 经济部国际贸易局
    37. http://www.dgbas.gov.tw/point.asp?index=1,行政院主计总处
    38. http://www.dgbas.gov.tw/point.asp?index=3,行政院主计总处。
    39. 台湾关系法中文版. 原始文档勒2014-02-12存档. 访问日脚2016-07-28.
    40. 中華民國交通部. 空運. 行政院. 2016年3月14号
    41. 中国评论新闻网2010-02-10报导:高雄港首度输天津 全球排名掉到13 檔案,存勒Wayback Machine當中。(2011年7月25號)
    42. 中华民国内政部统计月报 2011.4. 原始文档勒2014-10-26存档. 访问日脚2013-10-06.
    43. 美国CIA世界概况-生育率. 原始文档勒2013-03-09存档. 访问日脚2013-10-06.
    44. 全球生育率最低个国家是台湾
    45. 居住台闽地区外籍人口概况. 行政院主计处 (2010年).
    46. Hanyu Pinyin to be standard system in 2009
    47. 中文译音采汉语 不补助通用. 原始文档勒2012-09-15存档. 访问日脚2013-10-06.
    48. 6岁以上本国籍常住人口在家使用语言情形. 行政院主计处 (2010年).
    49. 台湾女权 亚洲第1 世界第4 台湾女权 亚洲第1 世界第4
    50. 马国学生出国留学者激增
    51. 民国100年 国教全面向下延伸一年
    52. 十二年国教 全教会建议2011年实施
    53. 教育部十二年国民基本教育资讯网. 原始文档勒2013-08-08存档. 访问日脚2013-10-06.
    54. 2009高雄世运会官网. 原始文档勒2013-01-17存档. 访问日脚2013-10-06.
    55. 2009台北听奥会官网

    书籍[编辑]

    • 张玉法著,《中华民国史稿》,台北县,联经出版公司,1999年。
    • 费正清、费维恺编,《剑桥中华民国史》(美),中国社会科学出版社,ISBN 7-5004-1406-4/K•204
    • 张宪文等,《中华民国史》(中国),南京大学出版社,ISBN 7-305-04242-0/K•284

    外部链接[编辑]