日本
| 日本国 にっぽんこく | |||||
| |||||
| 国歌：君之代 | |||||
| 自然地理 （实际管辖区） | |||||
| |||||
| 首都 | 东京都 | ||||
| 最大城市 | 东京都：8,134,688人(2000年)
国土面积数据 =377,835 | ||||
面积
| |||||
| 地理最高点 | 富士山：海拔3776米 | ||||
| 时区 | 东九区 | ||||
| 人民生活 | |||||
| 官方语言 | 日語 | ||||
人口
| |||||
| 政治文化 | |||||
| 政治体制 | 君主立宪制 | ||||
| 国家领导人： | |||||
| 主要节日 | |||||
| 经济实力 | |||||
| 货币单位 | 日圆(JPY) | ||||
| GDP | $4.524万亿美元 (列第3位) | ||||
| 人均GDP | $28,700美元 | ||||
| 中央银行 | 日本银行 | ||||
| 国家资料 | |||||
| 国家象征 | |||||
| 国家代码 | JPN | ||||
| 国际域名缩写 | .jp | ||||
| 国际电话区号 | 81 | ||||
日本（苏州闲话：[zəʔ][pən]），正式叫日本国，位于亚洲东部个岛国，领土由北海道、本州岛、四国岛、九州岛四个大岛搭3900来个小岛组成，西临日本海搭朝鲜半岛隔海相望，东许是太平洋。“日本”搿个词个意思是“太阳升出来个场化”。日语里向“日本”一词有多种假名写法，“にっぽん”（Nippon）搿个名字用勒邮票或者国际性体育赛事里向，而“にほん”(Nihon)多用勒日常用语当中。英语里向个Japan，一般認爲是粵語裏向“日本”（jat bun）個轉譯。“やまと”（大和）是日本古时候个一个地区，勒现在个奈良县，意思是四周拨山包围个地方。大和政权势力扩大之后，有辰光指代日本全部。
历史
[编辑]根据日本神话，日本勒经历仔一段漫长个神话时期之后，传说当中天照大神个后裔神武天皇勒公元前660年建立日本国並且即位为天皇。另外传说有秦朝个居士徐福曾奉秦始皇之命，带同五百童男童女（也有话三千）到日本去寻长生弗老药（也有话以求药为名，复国为实），后来子反而勒搿敦落地生根。弗过今朝个考古证据表明，古代个日本是由众多部落国家以及从东北亚迁徙去个游牧民族融合演变而成个。
公元6世纪前，日本透过朝鲜诸国一直吸收来于亚洲大陆个文化。公元6世纪，通过圣德太子“推古改制”搭孝德天皇“大化革新”等改革，学中国，提高皇权，强化政府官僚制度。
随仔地方庄园势力不断增强搭中央政府内乱，武士阶层慢慢较上升为权力中心。1192年，武士首领源赖朝畀封为征夷大将军，立在相模国个镰仓开幕，建立代表武士权力个镰仓幕府，开始幕府勒日本600来年个统治。搿段时期一般分为：镰仓幕府、南北朝时代、室町幕府、战国时代、江户幕府。立在13世纪中期，发生蒙古来袭事件，镰仓幕府尽管拿蒙古人赶跑，弗过自家个赏赐弗充足，让武士弗满意。到14世纪开始阶段，引发后醍醐天皇个夺权行动。终于立在1333年畀灭脱。后醍醐天皇效仿大陆个帝国，搞中央集权，引发武士反抗。造成足利尊氏建立室町幕府。之后，开始一连串弗稳定个局面，到15世纪初，才由足利义满拿日本统一。到15世纪末，爆发应仁之乱。幕府权威消失，日本进入战国时代。直到17世纪归到德川家康个统治。开创江户幕府，形成稳定个藩幕体质。之后两百多年辰光内，日本一直保持和平。
到16世纪，葡萄牙、荷兰、英国搭西班牙个商人搭仔传教士到达日本。17世纪初，日本开始实行锁国政策，除脱勒长崎搭荷兰、中国商人仍保持贸易外，搭外国断绝一切关系。搿个孤立政策持续近200年，一脚到1854年美国海军准将佩里（Commodore Perry）率领舰队，抵达江户附近个浦贺，再重新敲开日本个国门。
搭西方重新接触后个日本马上就觉着自家相当落后。咯咾通过以西南四藩（萨摩、长州、土佐、肥前）为主个维新人士带领，开始一场全国性个倒幕尊皇运动。搿场大规模个运动结果是1868年末代将军德川庆喜主动大政奉还拨以天皇为首个新政府。1868年开始个明治维新对日本进行了多项改革，封建体制拨废除，引进西方政治体制，包括西方个法律体系及政府体系。此外，其它勒经济、政治、军事浪个多项改革使得日本实力逐渐增强。1879年，日本强行吞并脱琉球群岛。日本个野心也引发后来子个中日甲午战争（1895年）搭日俄战争（1905年）。通过搿星战争，日本占领朝鲜、台湾等多处领地，控制中国东北，並且获得交关战争赔款，实力迅速膨胀。 Template:日本历史 20世纪初，日本军事实力发展迅速，慢慢较跑上军国主义侵略扩张之路。1931年日本以从欧美殖民地中夺回亚洲人民自决之名目，实质攻打中国东北三省，建立了傀儡政府满洲国。1937年日本对中国进行侵略，引发侵华战争。1941年日本对美军驻地夏威夷个珍珠港进行偷袭，並且侵略东南亚及大洋洲多个地区，引发太平洋战争。到战争后首来，日本本土拨盟国封锁搭仔轰炸。1945年8月，美军勒广岛搭长崎投下去两粒原子弹，苏联也开始对日作战。日本被迫投降，两战到此结束。
战后，日本受美国主导个联合国军最高司令官总司令部（GHQ）管辖，一脚到1952年。之后日本进入经济复苏与高度发展时期，国力再度增强，经济实力趋于雄厚。另外，日本重新加入联合国等国际组织，东京成功申办1964年夏季奥运会，表明日本重新获得世界接纳，国际影响力也与日俱增。
军事
[编辑]第二次世界大战结束之前，日本是一个军国主义国家。日本军队曾经侵犯中国、韩国及位于东南亚个西方殖民地，如马来西亚、新加坡、印度尼西亚、菲律宾等，並且作为轴心国搭美国、英国、苏联等同盟国发生战争。1945年战败后，日本勒美军总司令麦克阿瑟当权个辰光，制订和平宪法，当中个第九条规定日本弗得拥有军队，因此部分美军仍留驻当地以加强国防，使得日本，加上后来子个南朝鲜（South Korea），成为美国勒东亚军事个桥头堡。1950年朝鲜战争开始后，为了对抗苏联阵营，日本受美国指导，逐点开始武装，由警察部队发展出一支廿几万人个军事武装：日本自卫队。开始个辰光，自卫队只允许勒日本境内活动，但是近年自卫队开始朝外国派兵。其中2003年美伊战争（伊拉克战争）爆发后，自卫队配合美军驻扎伊拉克协助当地重建工作。由于宪法限制，部队虽有武器，但只可以勒拨人家袭击个辰光再可以用来自卫，咯老英国及意大利驻当地部队需负责其保安。
从1993年起，日本个军事支出连续10多年只仅次于美国。勒2004年位居美国、英国、法国之后，为世界第四位。国防开支总额达49600亿日元，比2003年增加了0.7%。而人均国防费用则居世界第一。
2005年11月22日 执政党自由民主党勒东京举行建党50周年纪念大会，並且正式公布了其提出个宪法修改草案。草案个核心内容是要废除现行宪法中日本不得拥有陆海空三军等武装力量个规定，要求帮日本自卫队升格为“自卫军”，並且规定“自卫军”可以为“确保国际和平而展开国际合作活动”。草案需获得议会通过，並且经全民公决得到至少2/3赞同票再可以生效。
政府与政治
[编辑]日本是君主立宪制国家，宪法讲“主权在民”，而天皇为“日本国及人民团结个象征”。搭世界浪多数君主立宪制度一样，天皇勒日本只有元首名义，而呒得政治实权，但是受民众尊重。
日本政治体制三权分立：立法权归两院制国会；司法权归裁判所，即法院；行政权归内阁、地方公共团体及中央省厅。
宪法规定国家最高权力机构为国会，众议院480席，参议院242席。选民为20岁以上个国民。
从1955年起，原称保守合同个自由民主党（自民党）一直长期执政，只弗过勒到1993年到1996年之间拨对手替代执政，1996年之后就一直执政到今朝。其余在野政党包括日本民主党、日本共产党等。现在日本由自民党撘公明党组成个联合政府执政。
外交关系
[编辑]国际关系浪日本最亲密盟友是美国，而因为美国勒当地驻军，使得日本勒美国东亚外交策略中有一定影响力。作为世界第三大经济体系，日本努力勒世界舞台上争取与之相等个角色；曾联同德国、巴西及印度组成四国集团朝联合国提交改革安全理事会建议，其中提出加入伊俚国家为常任理事国。有星问题，譬如捕鲸，仍归让日本成为国际组织个批评对象，但是日本搭世界关系基本和平。搭居正好相反个是，由于对二战历史、领土边界及军事威胁等认知弗同，日本搭邻国，特别是搭中华人民共和国、北朝鲜及南朝鲜个关系相对紧张。
领土纠纷
[编辑]日本搭中华民国（现在台湾控制区）、中华人民共和国（现在大陆控制区）、韩国、朝鲜、俄罗斯等国家或者地区侪有领土争议。
钓鱼岛
[编辑]位于台湾东北方向，琉球群岛西南，中华人民共和国政府称钓鱼岛或者钓鱼台（日本称尖阁诸岛），属台湾省管辖；中华民国政府也称钓鱼台属中华民国台湾省宜兰县管辖；但现在由日本控制。美国勒1972年移交琉球群岛行政管辖权个辰光帮钓鱼岛一同移交个举动曾经引发香港学生子示威，而中国大陆搭台湾也有民间人士参与了保钓运动，其中1996年，香港保钓人士陈毓祥勒钓鱼台水域抗议个辰光溺水身亡。前任中国国民党主席马英九勒到学生时代也曾经参加过保钓运动。
千岛列岛/北方四岛
[编辑]日本政府一直宣称对勒二战期间拨苏联占领，苏联解体后由俄罗斯控制个千岛列岛最南端个国后、择捉、齿舞、色丹四岛（日本称北方四岛）、北部千岛列岛、南桦太（库页岛）拥有主权。
独岛/竹岛
[编辑]日本也宣称伊俚拥有位于日本海个竹岛（韩国称“独岛”）个“主权”，该岛现在由韩国控制，韩国勒搿个岛警察。
冲之鸟礁
[编辑]东海划界及天然气田开采
[编辑]历史问题
[编辑]日本历史教科书问题
[编辑]靖国神社
[编辑]作为日本军国主义象征个靖国神社建于1869年，原称东京招魂社，1879年命名为靖国神社，是为国牺牲个日本人，即「护国英灵」个灵魂聚集地。勒1978年起供奉拨远东军事法庭定罪个甲级战犯，称搿星人为“昭和殉难者”；据后来公开个皇室书信显示，天皇因为搿个原因从1975年之后就分宁去神社。1985年日本战败四十周年，首相中曾根康弘官式参拜神社，惹来中国及韩国等二次大战拨侵略国家个抗议；之后直到2001年，呒得在职首相到神社官式参拜。2001年起首相小泉纯一郎在任六年间，弗顾亚洲国家个批评，曾经六次参拜靖国。中韩两国为此抨击日本政府历史观，並且要求首相停止参拜，日本搭中国及韩国个关系开始恶化。刚刚上任个首相安倍晋三仍分宁话是勿是要去参拜。
日本部分政治人物参拜，並且发表维护或者鼓吹参拜个言论，外相麻生太郎也曾公开要求天皇参拜靖国神社，批评者因此认为军国主义仍归存在于日本政府甚至社会当中。
神社旁边设立二战历史博物馆游就馆，馆内文字介绍极力赞扬皇军，並且展示二战时期日军军备，还展出阵亡神风敢死队军人个相片。2006年，美国官员参观，並且对有关美国个内容作批评之后，博物馆修改了指责美国个内容。
日本海/东海/韩国海名称争议小铭
[编辑]行政区划
[编辑]日本划分为47个一级行政区：1都，1道，2府，43县。
- 北海道 （1） - 北海道
- 本州岛 （34）
- 四国 （4） - 徳岛县 - 香川县 - 爱媛县 - 高知县
- 九州岛 （8） - 福冈县 - 佐贺县 - 长崎县 - 熊本县 - 大分县 - 宫崎县 - 鹿儿岛县
地理
[编辑]位置
[编辑]
日本是一个位于太平洋西岸个岛国，由6800多个岛屿组成。北起北海道泽捉、东起东京南鸟岛、西至冲绳与那国岛（位于台湾东岸外海）。由四个主要岛屿北海道、九州岛、本州岛及四国搭外围个千岛群岛、小笠原群岛及琉球群岛组成，其中四大岛个面积就占了国土面积个99.37%。国土总面积约为37.8万平方公里，搭芬兰及巴拉圭差勿多；南北总长3800公里，搭澳洲、马达加斯加、美国差勿多。
地貌地质
[编辑]从板块构造学说（1968年勒皮顺划分）观点，日本位于亚欧板块搭太平洋板块个消亡边界，为西太平洋岛弧-海岸山脉-海沟组合个一部分。全国68%个地方是山地。日本頂高个山是有名个富士山，海拔3,776米。由于平原较少，日本交关山浪侪种植农作物，頂大个平原为关东平原。日本位于环太平洋火山地震带，全球有十分之一个火山位在日本，勒全国经常会得发生火山活动。严重个地震100年里相侪会得发生几趟；近年发生个阪神大地震、新潟县中越地震侪是芮氏地震规模6级以上个强震，受到世界各国关注。日本个温泉交关，並且已经发展成为旅游景点。
气候
[编辑]由于日本岛呈东北向，並且延伸了较长，南北跨度约20度，因此有多种温度带。气候类型大部分是温带季风气候，南部个九州岛、四国、琉球群岛（归属存在争议）有副热带季风气候。北部岛屿夏天温暖，冬天日子长，冷来交关，还经常落大雪。而中西部地区冬天比较干燥，弗拉落雪，夏天潮湿。
三月至四月是春季，五月至九月初是夏季，九月至十一月是秋季，十一月底至二月是冬季。盛夏至初秋常受热带气旋（台风）侵袭。
经济
[编辑]政府利用资本扶持工业搭企业、强大个劳动力、高科技个发展以及较低个军事预算比例（占GDP个1%），让日本经济高速发展，並且成为当今科技发达程度仅次于美国个经济体、仅次于美国个全球第二大经济体。日本个经济特点是生产商、供应商搭经销商紧密结合；强大个企业联盟；以及部分城市人口个终身就业保障。但是搿星特点目前侪勒到随仔时代搭社会环境变迁而慢慢较流失。
日本个经济支柱—工业需要倚赖进口个原材料搭能源。而较小个农业要倚赖政府个补助搭保护，日本个米有本事自给自足，但其它农作物个50%侪需要进口。日本是全球最大个渔业国家之一，捕鱼量占全球总捕鱼量个近15%。日本经济从1950年代末期开始，保持了20多年个高度增长：1960年代政府提出“所得倍增计划”，出现平均10%个增长；1970年代初期虽然碰拉石油危机，平均仍有5%个增长；1980年代只有平均4%个增长。而从1990年代开始，日本经济趋向于弗景气，主要是因为1980年代末期个过度投资造成个资产膨胀，以及证券及房地产市场个“泡沫化”，最终勒逾放比过高搭日圆弗断升值个双重影响中，泡沫经济瓦解。政府改革经济个努力成效弗大，弗过，1997年个亚洲金融危机搭2001年个美国经济衰退只对当时个日本经济造成轻微影响。
虽然日本经济增长减缓，但失业率仍长期处于低水平。
挤来交关个居住环境以及人口老龄化是两大问题。机器人制造是主要个长期经济优势，全球720,000个机器人当中，日本有410,000只，可以话是机器人王国。
人口
[编辑]总务省统计局公布个“平成17年国势调査”指出，截至2005年10月1日，日本总人口为1亿2775万6815人，勒全世界排行第十，人口正逐点减少；人口密度343人/平方公里，其中以东岸地区搭南部地区最为密集。全国80%人口集中于城市或者大镇，26%以上人口住了勒大东京地区（首都圈），49%以上人口集中勒东京都、大阪府及神奈川县，而东京都人口密度为5,748人/km2。
日本人（日本国民）个民族构成比较简单，但並弗是单一民族国家。大致98%是大和族，剩下来有200万人左右琉球人（明治维新后勒1872年拨日本政府并吞个琉球王朝个遗民）、3万人左右个阿伊努族、30万多日籍朝鲜族、10万人左右个日籍汉族等。除了日本人以外还有200万外国人合法住了勒日本，包括60万朝鲜、韩国人、50万中国人等。大和族个人种起源于日本群岛、亚洲大陆及附近太平洋群岛等各个地方，语言搭文化受到邻近个中国及朝鲜影响。现在包括外国人个日本居民当中99%以上人口通晓日语。剩下来个1%左右，主要包括新近移居日本个中国人、巴西人等，也或多或少兼通日语。现行个公用语言是以江户山手地区（今东京中心一带）个方言为基础个“标准语”。
宗教
[编辑]神道搭佛教是日本个主要宗教，其中神道是日本本土发展出来个宗教。大多数日本人並弗信奉一个特定宗教，但是交关宗教仪式或者活动已经搭日本人个生活融为一体，譬如婚礼搭葬礼。交关人由于历史原因搭科学发展而对宗教漠弗关心。
文化
[编辑]- 日本国花 菊花、樱花（呒得法律规定）
- 日本新年
- 日本节日
- 日本历
- 日本传统艺能
- 日本音乐
- 日本动漫
- 日本武士
- 日本宗教
- 日本体育
- 日本棋艺
- 日本旅游景点
- 日本服饰
- 日本人列表
- 日本大学列表
- 日本三大一览
其它主题
[编辑]參看
[编辑]
外部链接
[编辑]- Kantei.go.jp - 首相及内阁官方网站
| |||||||||||||||||||||||||||||||||||||||||||||
.svg)
