新教

来自维基百科
蹦到: 导航搜寻

新教,即基督新教,是西方基督教裏向弗屬於天主教體系个宗派之統稱[1],源於16世紀馬丁·路德約翰·加爾文慈運理搭激進重洗派等人士主導个宗教改革,與天主教會正教會並列爲基督教三大分支。一些既弗屬於天主教,也搭歐洲宗教改革嘸沒歷史淵源个教會,譬如獨立教會,也畀看成功新教[2][3]。新教个教義強調人因信稱義,並以《聖經》作爲信仰之唯一依據,亦相信「信徒皆祭司[4]。乃朝全球約有得十億新教徒。[5][6][7]

詞源[编辑]

西方對新教个稱呼源自拉丁文「protestatio‎」,意爲「抗議」,昰隻詞源可追溯到1529年神聖羅馬帝國第二趟許佩爾會議,伊歇神聖羅馬皇帝查理五世藉會議推翻了1526年第一趟許佩爾會議个決定,重申帝國境內只可以信奉天主教,並進一步鎮壓馬丁·路德等教會改革勢力。查理五世此舉最終引起會議內改革派強烈反彈,支持馬丁·路德个薩克森選帝侯等六位王侯搭十四個帝國自由市代表垃會中宣讀了一篇名爲《抗議》个文件,自此教會个改革派就被稱爲「抗議派」[8][9][10],而新教拉中文社群亦因此有「抗羅宗」、「誓反教」等舊式稱呼,或畀稱爲「更正教」。乃朝嚜,中文普遍擔「基督教」一詞專指新教,乃因天主教會較新教早傳入華人社會,新教爲了做出區別而直接使用「基督教」名稱之故[11][12][13][14]

教义[编辑]

基督新教搭天主教儕繼承普世教會歷史丄交關傳統教義,像「三位一體」、《聖經》作爲上帝个啟示、「原罪」、認罪、「最後審判」咾啥,但搭天主教伉東正教交關區別,新教垃行政丄嘸沒單一組織架構或領導,而且垃教義丄強調「因信稱義」、[15]信徒皆祭司」,[16] 以聖經作爲最高權威,[17] 噶嚜也否定脫以教宗爲首个聖統制[18][19][20] 拒絕天主教教條當中關於聖傳搭聖經具同等地位个教導[21]

新教各宗派間教義弗盡相同,但基本丄可以用「五個唯獨」來簡單概括:[22]

  • 人个靈魂得拯救唯獨是神个恩典,是上帝送畀人个禮物。
  • 人唯獨藉信心接受神个赦罪、拯救。
  • 作爲人類个代罪羔羊,耶穌基督是人搭上帝之間唯一个調解者(「中保」)。
  • 唯獨聖經是信仰个終極權威。
  • 唯獨上帝配得讚美榮耀

唯獨信心[编辑]

新教認爲,聖經已表明人得救个唯一途徑是因相信主耶穌基督爲救主。「唯獨信心」也可稱爲「因信稱義」(“因信”即是「凭借信心」,而“称义”咾是「畀上帝判為無罪」)[23][24],是新教信仰个核心思想[25],意思是人單單用上帝所賜个信心,去接受因耶穌已替人類受罰而調來个赦罪[26]。一個人得拯救,完全是出於上帝恩典,而弗是出於人个善功、行爲[27][28],該個有別於東正教天主教裏向認為人除脫信心外亦必須加上善功纔能得救之教義。[29][30]

在《新約聖經》中,使徒保羅強調:

因為世人儕犯了,虧缺了神个榮耀;乃朝卻蒙神个恩典,因基督耶穌个救贖,就白白裏稱義。神設立耶穌作挽回祭,是憑著耶穌个血,藉著人个信,要顯明神个義;因為佢用忍耐个心寬容人先時所犯个罪,好在今時顯明他个義,使人知道佢自家為義,也稱信耶穌个人為義。既是昰然,如然能誇口呢?嘸沒可誇个哉。用何法嘸沒个呢?是用立功之法嗎?弗是咾,乃用信主之法。

— 《羅馬書》第3章第23-27节

做工个得工價,弗算恩典,乃是該得个。唯有弗做工个,衹信稱罪人為義个神,佢个信就算為義。

— 《羅馬書》第4章第4-5节

唯獨恩典[编辑]

新教徒認爲嚜,赦免、生命搭救恩臨到罪人身丄,完全是上帝所賜个禮物,是上帝差遣聖靈進入人个心裡作工,叫人改變心意(悔改)、認罪並信靠主耶穌基督。[31][32] 聖經也教導:

我場既因信稱義,就藉著我場个主耶穌基督得與神相和。我場又藉著佢,因信得進入現在所立个箇恩典裏向,並且歡歡喜喜盼望神个榮耀。

— 《羅馬書》第5章第1-2节

既是出於恩典,就弗在乎行為;否則咾,恩典就弗是恩典了。

— 《羅馬書》第11章第6节

唯獨聖經[编辑]

「唯獨聖經」即是「唯獨以聖經為依歸」,新教徒相信聖經全是上帝个默示及無誤个真理,是上帝啟个唯一來源、教會个最高權威,嘸沒任何人或傳統可以替代:[17]

所吩咐爾場个言話,爾場弗可加添,也弗可刪減,好叫爾場遵守我所吩咐个,就是耶和華爾場神个命令。

— 《羅馬書》第11章第6节

越過基督个教訓弗常守著个,就嘸沒神;常守昰個教訓个,就有父又有子。若有人到爾場壗頭,弗是傳該教訓,就覅接佢到屋裏,也覅問佢个安。因為問佢安个,就在佢个惡行丄有份。

— 《約翰二書》第1章第9节

新教徒認為聖經更是所有人垃信仰搭生活丄个最高準則,「人當以訓誨搭法度為標準。」[33] 教會要作牧養及施行教會紀律衹能依從聖經內个教導而行,亦弗可以修改或曲解聖經任何字詞內容來迎合屬世个需要:[17]

若有講道个,要按著神个聖言講

— 《彼得前書》第4章第11节

聖經能使爾因信基督耶穌有得救个智慧。聖經儕是上帝所默示个,於教訓、督責、使人歸正、教導人學義儕是有益个,叫屬上帝个人得以完全,預備行各樣善事。

— 《提摩太後書》第3章第15-16节

信徒皆祭司[编辑]

「信徒皆祭司」,是指所有信徒儕擁有祭司个職分,傳上帝个福音[16] 《彼得前書》二章9節向基督徒指出:

惟有爾場是畀揀選个族類,是有君尊个祭司、是聖潔个國度、是屬神个子民

基督新教認為所有信徒儕可透過中保耶穌基督,直接个、無等級个去到上帝个面前[34],佢場儕是福音个使者或僕人,而上帝个旨意就是要所有基督徒跟別人分享救恩个信息[35][16],即「福音」——上帝藉耶穌个犧牲赦免世人罪孽个[26]好消息:[36]

要叫爾場宣揚埃個召爾場出黑暗入奇妙光明者个美德。

— 《彼得前書》第2章第9节

聖禮[编辑]

天主教聖事觀邪氣弗一樣,一般來話新教衹承認洗禮聖餐兩个聖禮[37] (浸信會、播道會搭宣道會等視為「定例」)。主餐畀視為聖禮之一是因爲根據新約聖經裏向《馬太福音第26章第26-29节裏向記載,有關主耶穌垃最後晚餐中話歇:「佢場喫个辰光,耶穌拿起麵餅,祝福,就擘開,遞畀門徒,話:『爾場拿牢著吃,箇是我个身體;』又拿起杯來,祝謝了,遞畀佢場,說:『爾場儕喝該個;因為箇是我立約个血,為交關人流出來,使罪得赦。但我告訴爾場,從今以後,我弗再喝箇葡萄汁,直到我垃我父个國裡同爾場喝新个伊個日子。』」新教神學認為耶穌基督清楚吩咐信徒施行洗禮搭聖餐禮:

所以爾場要去,使萬民做我个門徒,奉父、子、聖靈个名畀佢場施洗...

— 《馬太福音》第28章第19节

爾場...應當昰然行,為著是記念我。

— 《路加福音》第22章第19节

組織制度[编辑]

新教一般有三種制度:主教制、長老制搭公理制。一般來說,公理制比較多教會採用。

主教制[编辑]

主教制源自天主教个主教制度,幾乎搭天主教个主教制度一模一樣,唯一弗同个咾主教亦可以結婚。天主教个主教制是垃使徒们去世後垃第二、三世纪兴起个主教制度,噶咾主教制是整個基督宗教當中歷史頂悠久个神職人員制度。

長老制[编辑]

長老制,或稱代議制、議會制,是一個以議會形式管理區會个制度。議會內个成員由各教会選出長老,代表該教会出席會議。顧名思義,長老會就是採用長老制个教會。採用長老制个教會有得基督教改革宗長老會臺灣基督長老教會韓國基督長老教會等。

会众制[编辑]

会众制,又稱公理制,源自於神學家慈運理个主張,就是主張各教会獨立,教会个牧師為教會內最高个決策者,並由會眾決議一切教會个內部事務。交關教會採用会众制,像浸信會公理會神召會咾啥,以及弗少獨立教會。一些会众制个教會,垃地區丄也有一個嘸沒啥實際作用搭權力个聯會。

会众制有一隻缺點,就是教會之間个交往搭合作较少,意見或有差距,末腳甚至會使一些教會脫離其宗派獨立;但也有一个优点,就是并非铁板一块,噶咾弗会产生一坏俱坏、一损俱损、全盘堕落个重大后果。

歷史[编辑]

教派个形成[编辑]

新教个抗議精神可以追溯至14世紀个一些宗教改革先行者,英國威克里夫派以及羅拉德派、波希米亞个揚·胡斯派和意大利薩伏那洛拉个信徒。16世紀20年代,馬丁·路德德國發起了宗教改革運動,迅速席捲个整個德國;垃日内瓦加爾文歸正運動更進一步个加深了宗教改革个影響。

同期英國聖公會成立,有交關人認為是新教運動个一部分,但一部分人認為仍然屬於廣義舊教,與天主教東方基督教相似个古老教會。

到了16世紀中葉,交關宗派儕搭天主教抗衡。因著教權與王權个權利爭奪,新教垃形成个過程當中受到交關民族國家或世俗政權个支持與保護。垃宗教戰爭後,根據隨之而签訂个合約,如1555年《奧格斯堡和約》與1648年《威斯特伐利亞和約》確立个教隨國定原則,形成了新教垃歐洲个佈局,信義宗分佈於德國以及北歐諸國;歸正宗為德國、瑞士荷蘭以及蘇格蘭

16世紀末到17世紀,新教个主要宗派垃教會个組織與崇拜儀式上已有基本雛形。對於教義个認定丄經過長期个爭論也逐漸成為體系。新教个神學家編寫了大量神學著作。17世紀中葉,英格蘭个清教徒革命要求以加爾文主義改革妥協保守个聖公宗教會,把新教運動又推進了一步,產生了脫離聖公宗个新教派,像英格蘭長老會公理會浸信會公誼會咾啥。隨著移民美洲,新教也成為美洲宗派个大宗。

神學个發展[编辑]

宗教改革之後,垃英美世界个新教教会主要有两大对立神学思想:加尔文主义阿米念主义,在德国搭北欧国家个新教教会主要接受路德宗神学。19世紀进化论垃歐洲兴起,理性主义蓬勃發展,某排知识分子开始认为圣经裏向个神迹奇事弗合理性而加以拒绝。20世纪,垃唯物觀衝擊影響下頭,新教垃正統教義之外陸續出現了基督教社會主義自由主義神學等非正統神學思潮。为对抗自由主义神学对正统教义个冲击,浸信会长老会内部兴起了基督教基要主义运动。另外,垃卫理公会中发展出靈恩運動聖潔運動咾啥,在路德宗教会中有曾发展出虔敬主义运动。

政教關係[编辑]

基督新教因各宗派各有教義,對政教个關係个立場大多數弗相同。從應該與普世政府隔絕个阿米希人政教分離但普遍嘸沒抗拒參與或組織政治活動,到要求信徒支持某黨搭要爲某政治候選人作志願者幫忙; 一般來話,佢場反對政府影響教會。

信義宗[编辑]

信義宗認為弗罷教會,國家、政府,儕是上帝所設。「凡掌權个儕是上帝所命个」(羅馬書13:1)。认为基督徒因為良心个原故,要順服管轄佢場个政府(羅馬書13:5),除非政府命令佢場弗順從上帝(使徒行傳5:29)。[38] 同時,信義宗主張政教分工,相信上帝給予教會及國家弗同个責任。教會个責任是呼召罪人悔改,宣佈赦罪,搭鼓勵信徒能過合乎上帝心意个生活; 國家个責任是:維持良好个秩序及和平,懲罰犯錯个人搭安排一切社會大小事務(羅馬書13:3,4)讓一個國家个公民「可以敬虔端正,平安無事个度日」(提摩太前書2:2[38] 信義宗相信國家、政府是藉着法律及賞罰去達致渠畀委派个責任。昰些法律及其中个賞罰是垃理性思維个亮光下設立及執行个(羅馬書13:4)。理性思維个亮光包括對上帝、律法个明明可知个知識伉良心。[38] 信義宗相信衹有教會及國家(或政府)各自在上帝給予个特定範圍裏向運作,及使用上帝交託个工具个情況下頭,纔會有得合宜个政教關係。當國家執行其責任辰光,教會弗應行使其公民權利或加以阻礙。信義宗認為政府弗應成為福音个使者,或阻礙教會傳福音个使命。教會弗應企圖使用社會个公民法及武力去引領人歸信基督。國家弗應尋求以福音作為治理个工具。另一方面,衹要教會及國家保留垃其特定个範圍裏向搭使用交託畀佢場个工具,佢場好相互合作。[38]

改革宗[编辑]

約翰·加爾文在宗教改革後一徑居住垃民主共和日內瓦,自家也主張教會實行比主教制民主得多个長老制。加爾文強調神權,弗完全贊成民主,因為佢認為箇老容易淪為暴民政治,使社會失去目標搭秩序。佢認為任何政治制度儕必須確保社會能朝向神聖目標進發。噶咾,佢弗完全贊成政教分離。加爾文宗所設計个民主共和个教會組織形式,要實行民主選舉与神權共和。垃加爾文个領導下,日內瓦成為政教合一个神權共和國搭宗教改革个中心。後首來持守加尔文主义个人士,常莊也歡喜政教合作个关系,弗愿政府与教会严格个分离,而希望能彼此合作,譬如清教徒移居美国之后曾垃马萨诸塞湾殖民地建立起政教合作个体制。

浸礼宗[编辑]

再洗礼派开始就非常执著个、坚定个支持教会与国家分离个原则,反對像聖公會伊然受政府控制个教會,乃末深刻影响了美国建国后个宪法第一修正案。因著浸信會垃新教个影響力極大,弗少獨立教會也支持政教分離。另就新教內部个信徒來話,由於政教合一曾在基督教歷史丄留下血腥記錄,乃朝普遍有政教分離个內在意願。後首來,因為美國南部長期支持奴隸制搭種族隔離,美國个浸信會分裂成美南浸信會美北浸禮會,美南浸信會演化成福音派其一教會,要教會影響政府。所以美南浸信會支持保守派政黨(乃朝支持共和黨),動員教友參搭社會運動,畀指是希望團結保守派个教會力量對抗自由派个勢力,以及團結保守个力量反對墮胎搭同性戀權利,變成為一大政治力量。

宗派[编辑]

乃朝基督新教裏向,會眾人數較多个宗派包括:

宗教運動[编辑]

现代基督新教中有影响很多宗派个三大运动:

参考文献[编辑]

引用[编辑]

  1. Penney, Sue, Christianity, 頁12
  2. Johnstone,Patrick,The Future of the Global Church: History,Trends and Possibilities,頁115
  3. Christian Traditions,Pew Research Center,2011
  4. Melton, J. Gordon, Encyclopedia of Protestantism, 頁xi
  5. Osborn,Ian (2008),Can Christianity Cure Obsessive-Compulsive Disorder? A Psychiatrist Explores the Role of Faith in Treatment,頁46,"Almost a billion Protestants in the present day owe their religious identity to Luther's insights."
  6. 包括五億多傳統新教教會成員和四億多獨立教會信眾。
  7. Pack,David C. (2009),Saturday Or Sunday: Which Is the Sabbath?,頁8,"About 1 billion Protestants also observe Sunday."
  8. William, Theodore Alois, The History of the Council of Trent, 頁44
  9. Bungener, Félix, History of the Council of Trent, 頁12
  10. 施植明,《閱讀巴黎: 建築群象與歷史印記》,頁99
  11. 基督新教,全國宗教資訊網
  12. 《香港年報》第二十章 宗教和風俗
  13. 《聖經報‧文摘》
  14. 世界宗教大不同 - 基督宗教
  15. WELS Topical Q&A: Faith and Works
  16. 16.0 16.1 16.2 《我們所信》,亞洲路德宗神學院翻譯事務社,頁16
  17. 17.0 17.1 17.2 五個唯獨的意義,南亞路德會
  18. WELS Topical Q&A: Peter the first pope?
  19. Jenkins, Paul (2014), The Relevance of Treatise on the Power and Primacy of the Pope for Today's Lutheran Pastor
  20. 約翰·加爾文:《基督教要義》(卷三),頁149
  21. WELS Topical Q&A: Response to Apostolic Tradition
  22. Hindson, Ed及Mitchell, Dan(編), The Popular Encyclopedia of Church History: The People, Places, and Events that shaped Christianity, 頁277
  23. Keller,Brian R.,Believe it or not: You are forgiven through Christ!,頁7,"The Greek verb for 'justified' means that a judge declares people 'not guilty' of all charges. They are in a constant state of being declared not guilty,'freely by his grace.'"
  24. Strong's Greek: 1344. δικαιόω
  25. Kling,David W.,The Bible in History: How the Texts Have Shaped the Times,頁120
  26. 26.0 26.1 《哥林多後書》5:18-21;《約翰福音》1:29;《羅馬書》1:17
  27. 《以弗所書》2:8-9; 《提多書》3:5; 《希伯來書》10:18
  28. 基督新教,全國宗教資訊網,「神把人當作義人(稱義),不是人本身有什麼值得討神喜悅的,而是公義的神在審判的時候不再看人的不完全,而只看到信心的對象,即耶穌基督,雖然世人都無法過一個完美的一生在神面前被稱為義,但是神的兒子耶穌基督過了完美的一生得著了『義』的地位」
  29. 《加拉太書》3:2-3
  30. WELS Topical Q&A: Salvation By Works Questioned
  31. 《哥林多前書》12:3
  32. 《提摩太後書》2:25
  33. 《以賽亞書》8:20
  34. 《以弗所書》2:17-18
  35. 《馬太福音》28:19-20;馬太福音10:32
  36. 《我們所信》,亞洲路德宗神學院翻譯事務社,頁2,「上帝...在聖經中揭示兩個信息,就是『律法』和『福音』。
  37. Eppehimer,Trevor,Protestantism,頁64"
  38. 38.0 38.1 38.2 38.3 《我們所信》,亞洲路德宗神學院翻譯事務社,頁18

来源[编辑]

  • (繁体中文)Roger E. Olson(2006年).《統一與多元的基督教信仰》.基道. 
  • (繁体中文)(2009年)《簡明基督教史——公元30至70年》.橄欖. 

延伸閱讀[编辑]

  • Cook,Martin L. (1991). The Open Circle: Confessional Method in Theology. Minneapolis,Minn.: Fortress Press. xiv,130 p. N.B.: Discusses the place of Confessions of Faith in Protestant theology,especially in Lutheranism. ISBN 978-0-8006-2482-8
  • Dillenberger,John,and Claude Welch (1988). Protestant Christianity,Interpreted through Its Development. Second ed. New York: Macmillan Publishing Co. ISBN 978-0-02-329601-7
  • Giussani,Luigi (1969),trans. Damian Bacich (2013). American Protestant Theology: A Historical Sketch. Montreal: McGill-Queens UP.
  • McGrath, Alister E.(2007).Christianity's Dangerous Idea.New York:HarperOne 
  • Nash,Arnold S.,ed. (1951). Protestant Thought in the Twentieth Century: Whence & Whither? New York: Macmillan Co.
  • Noll, Mark A.(2011).Protestantism: A Very Short Introduction.Oxford:Oxford University Press 

外部連結[编辑]

Commons-logo.svg
维基共享资源里向寻得着搭该篇文章搭界个多媒体资源:

別樣[编辑]