西安事變（也叫雙十二事變）是中華民國國民政府辰光個一場軍事政變行動。1936年12月12號，當時做西北剿匪副總司令個東北軍將領張學良搭仔做第十七路軍總指揮個西北軍楊虎城勒中國西安發動「兵諫」，扣押當時做國民政府軍事委員會委員長搭西北剿匪總司令個蔣中正，還殺脫保安人員、中央機關人員。阿末蔣中正畀逼得接受「停止剿共、一同抗日」個主張，畀放仔出來，逼得國民政府放棄「攘外必先安內」基本國策，抗日統一戰線形式浪建立。
