东南亚
东南亚（英文：Southeast Asia，缩写是SEA），也就是华人讲个南洋，是亚洲个一个地区。伊个具体范围差弗多是中国南面、印度东面、新几内亚西面搭澳大利亚北面，国家弗少。东南亚好分成两个区域，陆地是中南半岛搭仔马来半岛，包括柬埔寨、老挝、缅甸、越南、泰国、马来西亚，海域差弗多是马来群岛，包括马来西亚（砂拉越、沙巴）、文莱、东帝汶、印度尼西亚、菲律宾、新加坡。
箇是第二次世界大战后期才出现个一個新个地区名字。弗过，东南亚国家经常性畀西方学者认为属于东亚个范围。
除脱东帝汶，东南亚国家组成仔东南亚国家联盟（ASEAN，也就是“东盟”、“东协”或“ 亚细安”）。
东南亚民族主要是南岛民族搭马来族，居民多信奉伊斯兰教搭佛教，还有人信其他宗教，比方讲基督教、印度教。印尼是全球信穆斯林个人顶顶多个国家，泰国则是世界上顶顶大个佛教国家，菲律宾则是东半球天主教徒顶顶多个国家。
区域范围
[编辑]东南亚勒拉20世纪前，畀欧洲人叫东印度。中国历史上拿箇块地方叫“南洋”。因为伊勒拉中国搭印度次大陆当中，受到两個地方文化个影响，东南亚大陆部分畀欧洲地理学家叫印度支那。
“东南亚”箇个词顶顶早勒拉1839年畀美国牧师霍华德·马尔科姆（Howard Malcolm）提出。伊勒拉伊个书《东南亚旅行》里向头一趟用箇个词，弗过伊个定义只包括大陆部分，呒没海洋部分[1]。二战个辰光，盟军勒拉1943年成立东南亚司令部（SEAC），“东南亚”箇个词因此畀广泛使用[2]。早期，“东南亚”箇只概念弗是固定个，菲律宾搭印度尼西亚个大部分畀排除脱。20世纪70年代后期，“东南亚”箇个词个大致标准用法搭范围才逐步确定。
国家搭地区
[编辑]经济
[编辑]东南亚国家个经济差异蛮大个：
新加坡经济发达，经济、生活水平达发达国家水平，经济以服务业、航运业、物流业、金融业、科研、旅游业为主，近年积极发展高科技搭教育。
马来西亚搭泰国经济发展有一定基础，经济以旅游业、制造业、农业搭渔业为主，近年积极发展航运业搭物流业。
越南、菲律宾搭印度尼西亚经济比较落后，经济只有旅游业、制造业、农业搭渔业。
缅甸、柬埔寨、老挝搭东帝汶经济落后，缅甸、柬埔寨搭老挝个经济只有旅游业搭农业；东帝汶个经济只有渔业搭石油出口。
文莱经济並弗发达，经济以石油出口搭天然气出口为主，财富搭中东产油国一样，只集中勒少数富裕阶层。
人口
[编辑]整個东南亚面积有450万平方公里。2018年，箇块地区个人口拢总有6.55亿人，当中有五分之一登拉全球人口顶顶密个岛浪——爪哇岛。印度尼西亚人口有2.68亿，排拉全世界第四。
东南亚个宗教搭民族情况复杂，言语也多。目前有将近3000万华人生活拉东南亚，主要分布拉圣诞岛、印度尼西亚、马来西亚、菲律宾、新加坡、泰国搭越南。
参见
[编辑]
参考文献
[编辑]- ↑ （1996）Indonesia, Malaysia & Singapore Handbook．New York City：Trade & Trade & Travel Publications．
- ↑ （2013）The Historical Construction of Southeast Asian Studies: Korea and Beyond．Singapore：Institute of Southeast Asian Studies．ISBN 9789814414586．
| |||||||||||||||||||||||||||||||||||||||||||||
.svg)