跳转到内容

蔣中正

出自维基百科,自由个百科全书
(从蒋中正转戳到箇里)
1943年蒋中正就任国民政府主席辰光个肖像

蒋中正(1887年10月31号—1975年4月5号),介石[注 1]浙江奉化人(属吴越人),中华民国政治人物、军事人物,从1927年开始间断性成为国民党党魁、国民政府领导人将近半个世纪。

生平[编辑]

早年[编辑]

伊勒奉化一个商人屋里出生,爸爸老早就死脱,从小养成坚韧但欢喜搞事体个性格。

留学日本[编辑]

年轻辰光留学日本,日文弗曾学到多少,军事知识也只学到初级军官个级别,但勒迭个阶段结交张群,并勒浙江老乡会当中接受反清个兴中会革命思想,拜陈英士做自家大哥。

参与辛亥革命[编辑]

之后跟牢孙中山参加反对清帝国个活动,1911年,勒陈其美安排下,

上海生活[编辑]

中华民国建立之后,伊经常蹲勒上海,同杜月笙、黄金荣之类个黑社会人物关系密切,并参加证券投机活动。偶尔跑到广东去,帮助孙中山搞搞革命。

成为校长[编辑]

1920年代初,孙中山决定同苏联进行合作,交关国民党内部个派系反对,但蒋中正表现个邪气积极,得到孙中山信任,之后个中山舰事体之后,更成为孙中山勒军事上依赖个人物,成为黄埔军校个校长。1925年孙中山死脱,蒋中正通过权变,控制广东个国民党集团军事权力,成为同廖仲恺、汪精卫、胡汉民差弗多登基个人物(后三个侪是孙中山欢喜个广东人,孙中山从来弗曾明确讲让蒋中正继承伊个地位)。

北伐搭下野[编辑]

1926年7月,蒋中正就任国民革命军总司令,开始北伐。因为个辰光北洋军阀混战结棍,加上伊个部队有苏联人帮忙个政治教育,所以战斗力蛮强,无几个月头就推进到长江流域,迭个阶段,蒋中正开始搭江浙地区个名流接触,让自家勒南京另外成立一个中央。1927年4月,蒋中正勒上海清党,搭中国共产党决裂。之后宁汉合流,但蒋中正下野。

重新出山搭新军阀混战[编辑]

1928年,蒋中正重新出山,成为南京国民政府个军事委员会主席(也是伊“委座”称呼个由来),先后同广西个桂系(李宗仁、白崇禧),以及北方个晋系(阎锡山)搭西北军(冯玉祥)爆发冲突,发生蒋桂战争、中原大战。因为拉拢东北个张学良,蒋中正勒此类混战当中侪取得胜利。此外,伊搭广东系个实力也关系搭僵,先后发生软禁胡汉民、逼迫汪精卫下台,以及两广事变。同一阶段,伊也积极进行剿共,但失败过好几趟,到1934年第五趟个辰光,才勒德国专家个帮助之下成功。

西安事变搭对日战争[编辑]

1936年西安事变之后,蒋停止剿共,同意抵抗日本侵略。1937年卢沟桥事变之后,蒋中正勒江西庐山发表讲话,号召对日本全面战争。之后,蒋中正拿精锐部队侪派到上海周边,对日本进行淞沪战争,但最终失败,只好撤退到武汉,后首来又撤退到重庆。迭个阶段,国民革命军个部队勒各个战场侪总体失败,但依靠体量比较大个关系,还是让日本弗好彻底拿伊消灭。1941年太平洋战争爆发,蒋中正得到美国个帮忙,实力有一定恢复,但伊本人搭美国人派来个第五战区参谋长史迪威关系搭僵,对美国个观感,也比较一般。1945年,美国对日本战争获胜,蒋中正也顺带获胜,个也是伊威望个顶点。

戡乱战争[编辑]

战后中华民国制定宪法,蒋当选行宪后第一任总统。勒第二次国共内战当中,因为交关原因,国民党军队勒东北地区、华北地区侪输把共产党,并且因此丧失大部分精锐部队。蒋中正只好第三趟下野,让李宗仁接替担任总统。弗过,下野之后个蒋中正,积极谋划跑到台湾。1949年4月,南京失守,李宗仁搭其余个部长跑到广州,弗过,无几天,交关人就到台北去拜见蒋介石哉。之后,李宗仁跑到美国弗回来,蒋介石就勒台湾重新上台,自称恢复自家职务,重新成为总统。

威权台湾[编辑]

勒台湾,蒋仍旧以总统身份勒台上,并且勒老百姓当中,拼命打造自家个领袖形象,强制压迫台湾本地人、本地言语、本地历史记忆,强行推广长城长江为代表个中华民族大一统记忆。勒职务上,一脚到1975年过世,伊从来弗曾退位,弗过到晚年,有意识培养自家长子蒋经国接班。勒台湾个廿几年当中,蒋中正一直号称要反攻大陆、反共复国,但从来弗曾进行真正个大规模军事活动。

屋里[编辑]

1927年12月1号,蒋中正搭第四房老婆宋美龄搞婚礼

蒋介石个屋里,是世代立在浙东明州府下头奉化县居住个吴越人。伊个爸爸叫做蒋肇聪,1895年死脱。妈妈叫做王采玉,1921年死脱。1901年,蒋中正立在妈妈个安排下头,搭毛福梅成亲,毛福梅是伊个原配。弗过,蒋讨厌迭个包办婚姻,对毛福梅也无多少感情。之后伊离开溪口镇后,毛福梅一直搭王太夫人合住。但毛福梅还是帮伊生下唯一个合法亲骨肉蒋经国

1911年,蒋中正姚冶诚变成自家个侧室。弗过,让伊蹲在苏州,弗去奉化。迭个辰光,蒋立在日本。搭戴季陶关系密切。同时搭戴季陶个女伴重松金子也有过关系。重松帮戴季陶生下一个儿子。过继畀蒋中正。蒋拿迭个小孩交畀姚抚养,个就是后势来个蒋纬国

1921年,蒋介石追求女学生陈洁如得手,就弗管之前个婚姻,铺开老大个场面,立在上海永安大楼举办大型婚宴,让张静江见证自家搭陈洁如个婚礼。弗过,之后,因为蒋中正个地位攀升,伊又想攀上新个家族,获得更加大个政治资本,个能。到1924年个辰光,伊开始自家追求宋美龄。到1927年,强行拿陈洁如送到美国。随后,立在自家下野个辰光,宣布搭宋美龄结婚。

1927年12月1号,蒋中正搭宋美龄立在上海结婚,同时搭之前个三个老婆侪离婚。按照宋家个要求,蒋还皈依基督教,成为基督徒。1930年10月受基督新教洗礼[1]:187

著作[编辑]

蔣中正欢喜写日记,也写过一些其他材料,包括《西安半月記》、《中國之命運》,《蘇俄在中國》之类。

蔣介石日記[编辑]

蔣介石日記是蒋中正所写日记个汇编,乃朝由美國史丹佛大學胡佛研究所圖書檔案館收藏,已允许研究人员阅览。[2]:10

饮食[编辑]

蒋介石欢喜吃个物事是鸡蛋鸡汤。蒋介石对鸡汤个欢喜是有名个。早浪吃饭侪会吃一碗温度蛮高个鸡汤。中餐搭晚餐也基本靠鸡汤调味。因为牙齿肠胃侪弗灵光,蒋介石也欢喜吃芋头,伊欢喜吃鸡汁芋头,也欢喜吃芋头白菜搭芋头青菜。蒋介石吃肉老少,吃鸡蛋是解馋。也欢喜吃笋。欢喜油焖鲜笋,笋尖炒豆腐。立在水产当中,蒋介石欢喜吃西湖醋鱼搭宁波特有个一些海鲜。

註釋[编辑]

  1. 名、字典出《易經》豫卦六二:「介於石,不終日,貞吉。象曰:不終日,貞吉。以中正也」

參考資料[编辑]

  1. 漆高儒(1991).《蒋经国的一生》.台北:传记文学出版社. 
  2. 劉維開著:《蔣中正的一九四九——從下野到復職視事》,台北,時英出版社,2009年8月,ISBN 9789866653322

外部連結[编辑]

维基语录上有关个摘錄:
维基共享资源里向寻得着搭该篇文章搭界个多媒体资源: