元朝

来自维基百科
蹦到: 导航搜寻
元朝地圖

元朝是内亚蒙古人控制东亚地区后建立个帝国主体。元朝是东亚儒家文人为标榜伊拉个正统性把伊拉个称呼,迭个“朝代”搭老早个帝国侪弗一样,是第一趟完全由没有接受儒家文化个外来民族对整个东亚(除脱日本之外—)进行通知。1271年被认为是伊拉建立个年份1368年退出东亚核心地区,弗过一直保留帝国称号,到15世纪初才彻底灭脱。蒙古统治辰光是东亚历史发展个转折阶段,老早个中古文明被异化,形成深受内亚游牧影响个新帝国组成方式,对后头个明帝国清帝国侪有老大个标榜作用。

国号[编辑]

蒙古人对元帝国个称呼,是“大蒙古国”。来勒中原地区,被统治个“汉人”搭“南人”对伊拉个称呼又弗同,习惯使用官方把伊拉个“元”来称呼。元帝国个汉文国号“大元”来自《易经·乾卦》当中个“大哉乾元,万物资始,乃统天”。元帝国也是东亚历史高头第一个把“大”字加到正式国号当中个帝国。弗仅如此,迭个字,搭老早个分封国家没任何联系,这也为之后作为国号提供正当性。讲到元朝个蒙古文国号,有多種稱呼:

① 正式文献当中有称呼叫做「大元大蒙古國」(Template:Mong ),迭个名称可以从1362年个《追封西寧王忻都碑》当中看到[1]。其中“Dai Ön”系漢語“大元”的蒙古語音譯,“Yeqe”是蒙古語“大”的意思[2],“Mongɣul”是“蒙古”个意思[3],“Ulus”是“國家”个意思。[4][5]

② 「被稱為大元个大蒙古國」(Template:Mong),其中“qemeqü”是一個書面語聯動詞,是“說”、“據說”个意思[6]。此名稱見於1338年的《達魯花赤竹溫台碑》[1]

③「大元國」,蒙古語:「ᠳᠠᠢ
ᠦᠨ
ᠦᠯᠦᠰ
」(鮑培轉寫Dai Ön Ulus,西里爾:Дай Өнь Улс)或者「ᠶᠡᠬᠡ
ᠦᠨ
ᠦᠯᠦᠰ
」(鮑培轉寫Yeqe Ön Ulus西里爾Их Өнь Улс)。其中「Dai Ön」是漢語「大元」一詞的在當時蒙古語中的音譯。但現今中、蒙兩國學者多使用與現代漢語「元」字發音更相近的「ᠶᠤᠸᠠᠨ」(Юань)一詞來替換原有的「ᠦᠨ」(Өнь),將元朝稱為「ᠶᠤᠸᠠᠨ
ᠦᠯᠦᠰ
」(Юань улс),或者「ᠶᠡᠬᠡ
ᠶᠤᠸᠠᠨ
ᠦᠯᠦᠰ
」(Их Юань улс)。[4]

历史[编辑]

元武宗辰光统治内亚个蒙古各帝国

元朝个历史相当短,对东亚个有效统治也弗长。来勒忽必烈个辰光,还处于对外扩张个最后阶段。虽然灭脱南宋,弗过对东南亚以及日本个攻略侪宣告失败。到13世纪晚期,元帝国相对平稳。弗过西面个蒙古内亚权力斗争还是邪气激烈。到14世纪初,元朝差点被回教王子控制。还好伊被灭脱,否则东亚有可能成为穆斯林地区。到14世纪20年代,元帝国个混乱加剧,对各地个掌控也开始崩溃,出现交关流民搭地主主持个反抗军事力量,比方讲:张士诚领导个江淮反抗力量,方国珍领导个浙东反恐力量。元帝国对伊拉弗哪能重视,伊拉内部权力斗争还来勒继续,到1340年代,黄泛区个红巾军以及荆州地区个徐寿辉等开始反叛。因为伊拉受到内亚文化个影响,烧杀比江浙结棍交关,元帝国弗得弗对伊拉进行围剿。弗过力道有限,来勒福建地头,回教商人霸占泉州,建立回教酋长国。到1350年代,朱重八来勒斗争中通过心狠手辣脱颖而出,来勒1360年代初先后残酷消灭陈友谅搭苏州个张士诚,又逼降方国珍。建立大一统帝国形态。到迭个辰光,元帝国还是没拿出啥抵挡个策略。到1367年,改名叫朱元璋个淮西乞丐朱重八一面宣告天命所归,一面派徐达北上,蒙古人没哪能抵抗,侪跑脱,徐达进入大都明帝国确立东亚核心地区个统治,开始自称朝代更迭。弗过之后元帝国来勒北面又维持半个世纪,一直到1410年代才因为技术水平个倒退搭西蒙古个骚扰自家削脱皇帝称号。

版图[编辑]

合贊印,是元帝国元成宗颁把伊儿汗国合赞汗,承認伊統治伊兒汗國个獨立性,高头有“王府定国理民之宝”个汉字。

元朝是蒙古帝国来勒东亚个继承国,元朝个疆域基本面,是忽必烈奠定个。伊被蒙哥命令,管理黄河流域地区、中途还到西南地区灭脱大理国。个辰光,忽必烈个领地还属于统一个蒙古帝国个一部分。弗过,因为蒙哥来勒攻打钓鱼城辰光死脱,让忽必烈看到继承大汗个机会,就回到蒙古草原,搭伊自家个阿弟阿里不哥争夺大汗宝座。这场战争让四大汗國分裂,侪弗受蒙古大汗个管制,蒙古帝國作为一个实体,从此消失[7]

1279年元世祖来勒建立元朝之后向南进攻,灭脱南宋,全盘接管原宋朝疆域,个辰光元帝国个疆域范围是:北面到西伯利亚南部,超过贝加尔湖,南面到南海,西面征服西藏云南,西北到新疆东部,东北面到外兴安岭鄂霍次克海日本海库页岛也是统治范围,总面积超过1300万平方千米。自灭亡南宋后,蒙古人多次想拿日本、緬甸搭爪哇等国纳入殖民统治范围,但侪失败,领土扩张终结。1309年元武宗辰光,元朝搭察合台汗国一道灭脱窝阔台汗国,元帝国取得窝阔台汗国东面个一些领土,领土超过1400萬平方公里[8][9]。元帝国还有一些藩屬國,包括:高麗緬甸安南占城爪哇钦察汗国察合台汗国、搭伊儿汗国等國。北面有漠北諸部、南面有南洋諸國、西有四大汗國。其中有兩個是直屬个藩屬國,是高麗王朝搭緬甸蒲甘王朝,分別建立征東行省緬中行省[7]

西北方面,1268年,窩闊台汗國个海都为成为大汗,聯合钦察汗國搭察合台汗國反对元帝国,这就是海都之乱。一直到1304年元成宗辰光,元帝国搭這三大汗国达成和议,並搭伊兒汗國一同承認元朝个宗主地位,成為元朝个藩属国,弗过并非领土,元帝国个行政机构(如行中书省宣政院)也没权利管辖这些领土。元成宗赏把伊儿汗国君主刻有“真命皇帝和顺万夷之宝”等汉文印玺,高头上也承認伊拉个獨立性。到1309年元武宗辰光,元朝和察合台汗国先後灭脱窝阔台汗国,所以,到元文宗年间编纂《经世大典》个辰光,拿钦察汗国察合台汗国伊儿汗国作为元朝的藩属国[7]

对外关系[编辑]

Template:文件

元帝国个内亚属性,让伊搭周边嘸畀伊侵略成功个势力发生交关关系,立在忽必烈之后,侵略事体减少,各地派遣个使節、传教士之类开始固定化,个当中,威尼斯共和国个商人馬可波羅成为代表人物。蒙古帝王为扩张版图,立在元朝开始辰光,对周边一些势力,比方讲:日本安南占城缅甸爪哇)进行侵略,弗过除脱灭宋之外,侪失败。

高丽[编辑]

高丽蒙古战争油画

元帝国立在东北亚个统治从吞并金国个传统势力范围之后开始,之后,就对高麗王朝搭日本國鎌倉幕府进行攻略,。高麗王朝从10世纪就开始统治朝鮮半島,到12世纪,逐步成为武人政权统治个傀儡。1250年代,蒙古无缘由对高丽开战,弗过高丽抵抗激烈,王室迁徙到外海个江华岛继续抵抗,蒙古一直朆完全征服高丽。所以,到1270年代挨末阶段,蒙古改变策略,采取怀柔,让高丽王室成为自家个藩属国,设置征东行省,高麗高宗遣子稱臣。

日本[编辑]

武士末永氏力戰元軍,竹崎季長绘《蒙古襲来繪詞》(1293年)

从12世纪挨末阶段开始,日本个统治权就转移到日本武士贵族个手里厢。到13世纪,出身清和源氏源赖朝立在镰仓开幕,建立自家个幕府势力。到1270年代,统治日本个是北条氏个当主北条时宗。个辰光,元帝国已经基本拿南宋灭脱,就开始大局讨伐日本。元世祖忽必烈六次派使者要求日本朝貢,侪失敗,於是老羞成怒,发动蒙古袭来。1274年蒙古人搭伊拉个仆从高丽军队,發動第一趟侵日戰爭,先屠杀对马岛个日本老百姓,又到九州岛博多湾登陆,弗过嘸几天就遭遇台风,畀灭脱。1281年七月,忽必烈灭脱南宋之后,又發動第二趟侵日戰爭,日本史書拿迭个战争叫做“弘安之役”,个趟,为克服之前个吃亏,让南宋范文虎李庭率南宋降卒十万人,先到次能志賀二島。弗过,因为个趟日軍有所准备,侵略兵力又遇到颱風,最後又慘敗。通常认为台风(日本人称之为“神风”)搭元軍不擅水戰是造成失败个主要原因。之后,元世祖又準備搞第三趟侵日,弗过因为个辰光元帝国又立在侵略安南,所以嘸重新发动[7]。元帝国之后搭日本个民间贸易一直持续,弗过官方接触就聊胜于无哉

安南搭占婆[编辑]

陳興道蒙越戰爭中越南陳朝的大將,圖為胡志明市的陳興道雕像。

东南亚个辰光有安南(陈朝)、占城搭爪哇(滿者伯夷)等邦国。安南國是五代十国辰光从南汉独立出来个,到13世纪已经发展成自成体系个国家。蒙古大汗蒙哥立在1257年派兀良哈台侵略安南,蒙越战争爆發。越南个陈太宗畀蒙軍擊敗,上表稱臣,蒙哥封伊做安南國王,弗过陈太宗死脱之后,越南个新过往陳圣宗弗欢喜向元朝跪拜。當時在安南南方个占城國,1282年占城國王因陀羅跋摩六世遣使朝貢,忽必烈大喜,搞出一个荊湖占城行中書省,让自家个亲信阿里海牙做迭个行省个平章政事。弗过,占城王扣留这些殖民者,让忽必烈大怒,伊拿迭个当做理由,调动军队,分水陸攻打占城搭安南。伊命令唆都派水卒从廣州渡海攻打占城。隔年,蒙古个侵略軍攻下占城國王个大本营,占城國王因陀羅跋摩六世求和,弗过,蒙古退兵後又反抗[10]。1284年忽必烈又派鎮南王脫歡、阿里海牙與唆都率陸軍借道安南侵略占城,个辰光,安南个太上皇陳聖宗公开反抗蒙古侵略并,戰爭爆发。蒙古殖民部队大舉烧杀,占領安南首都。弗过陳聖宗、陳興道统辖陳軍積極抵抗,同时因为气候让蒙古个内亚大汉吃弗消,1285年侵略军队开始撤退,途中畀安南軍襲擊,伤亡惨重。1288年,忽必烈又对安南进行侵略,个趟,再次失敗,隨後安南請和。這場戰爭到元成宗才廢止。元朝对东南亚个侵略已失败告终。



外部链接[编辑]

Commons-logo.svg
维基共享资源里向寻得着搭该篇文章搭界个多媒体资源:
Commons-logo.svg
维基共享资源里向寻得着搭该篇文章搭界个多媒体资源:
  1. 1.0 1.1 陈得芝,「关于元朝的国号、年代与疆域问题」,北方民族大学学报(哲学社会科学版),2009年第3期(总第87期)。
  2. 《蒙漢詞典》,1392頁
  3. 《蒙漢詞典》,824頁
  4. 4.0 4.1 引用出错:无效<ref>标签;未给name属性为dict276的引用提供文字
  5. Volker Rybatzki, Igor de Rachewiltz-The early mongols: language, culture and history, p.116
  6. 《蒙漢詞典》,608頁以及755、756頁。
  7. 7.0 7.1 7.2 7.3 《中國通史 下冊》〈第二十二章 南宋與外族〉: 第559頁-第573頁.
  8. 引用出错:无效<ref>标签;未给name属性为.E5.85.83.E6.96.87.E5.AE.97.E9.A0.98.E5.9C.9F的引用提供文字
  9. 引用出错:无效<ref>标签;未给name属性为.E5.85.83.E5.8F.B2.E5.8D.B7.E4.BA.94.E5.8D.81.E5.85.AB.E5.9C.B0.E7.90.86.E5.BF.97的引用提供文字
  10. 《元史卷210‧列傳第97‧外夷三》