明朝

来自维基百科
蹦到: 导航搜寻
明朝中央实际统治个地区。
中國歷史
中国历史系列文章



旧石器时代
中石器时代
新石器时代
黄河文化 长江文化
传说时代
三皇五帝

约前21世纪–约前16世纪

约前17世纪–约前11世纪

前11世纪
|
前256
西周 前11世纪–前771
东周
前770–前256
春秋 前770–前476
战国 前476–前221
前221–前207
西楚 前206–前202

前202
|
220
西汉 前202–8
8–23
玄汉 23–25
东汉 25–220
三国
220–280

220–265

229–280
蜀汉
221–263

265-420
西晋 265–316
东晋
317–420
十六国
304–439



420
|
589

420–479
北魏
386–534

479–502

502–557

后梁
555–587
西魏
535–557
东魏
534–550

557-589
北周
557–581
北齐
550–577
581–619
618–907
武周 690–705
五代十国 907–979
(契丹)

916–1125

西辽
1124-1218
定难军
881–982

西夏
1038-1227

960
|
1279
北宋
960–1127
南宋
1127–1279

1115-1234
大蒙古国 1206–1271
1271–1368
北元 1368–1388
1368–1644
南明 1644–1662
后金 1616–1636
1636–1912
中华民国 1912至今
中华民国
台湾
中华人民共和国
1949至今
China dragon.svg 中国历史年表

明朝(公历1368年1月23号-1644年4月25号)是中国历史高头个朝代之一,亨八冷打十六代皇帝,两百七十六年。开国皇帝是明太祖高皇帝朱元璋,末代皇帝是明思宗烈皇帝朱由检。该个朝代是趁勒元朝末期农民起义个辰光兴起个,灭亡勒满族人手里向。(但是亦有流亡政权来勒中国南方活动,譬如南明明郑朝鲜国亦畀自家看做明朝个藩属国。)其国家领土同今朝个汉地十八省差弗多。该个朝代是汉人建立压阿末只朝代。勒拉明朝个辰光,皇帝个权力集中得交关结棍,原先实行著蛮多点年数个丞相制度,勒拉明朝手里向废脱。所以专制亦是家常便饭。明帝国按照理学治理国家,搞八股取士,对外战略收缩,对内加紧汉化西南地区土著民族。明朝个首都来勒北京顺天府,当时亦叫京师;陪都是南京应天府,是顶早个辰光个首都。

明帝国辰光吴越勒行政、商业方面侪受到打压,造成苏州等地个居民畀强制移民到凤阳江淮地区。同时为供给明帝国个首都顺天府吴越又每年提供大部分维持大一统帝国个漕运粮饷。吴越老百姓承受个税赋,是整个帝国当中顶顶高个。弗过,因为吴越官僚立在文化高头个优势,文化搭经济重心也一直立在吴越。造成空谈搭不务正业个文人占据迭个辰光个时代主流。

国号

朱重八定个国号叫大明,表示承袭自小明王韩林儿个号,又畀称作皇明,史称明朝明代。 朱元璋手下有一部分明教徒,用“明”作国号以示自家个正统地位,也同时应搭明教当中个“明王出世”预言贴近。其次,用明迭个词汇喻火,根据五德终始说,表示明朝取代元朝,是以火克金。同时应为皇帝姓朱,又叫做朱明。1644年北京畀流寇攻克之后,南方个明帝国皇亲国戚,立在官僚搭军阀个推举下,先后建立各类政权,伊拉侪沿用明帝国个国号,后世拿迭些小朝廷叫做南明

统治集团

大明太祖高皇帝

明朝个统治集团,主要由三批人组成。分别是朱明皇亲权贵功勋文官士绅。迭三批人垄断明帝国控制下大部分个财富、文化搭权利。明帝国个统治者为统治庞大个大一统帝国,通过科举个方式,让一些地主晋升统治集团,维持人口阶层个流动性。来勒200多年个辰光内,个套方法侪取得成功,个也是朱元璋对帝国顶大个贡献。

朱家子孙

帝国建立之后,朱元璋效仿老早个帝王,对自家个后代定下一系列规矩。为防止大臣叛乱,朱元璋宣布分封伊个儿子。弗过分封制度完全搭大一统官僚政治违背。所以朱元璋早期为平衡两者关系,拿自家个儿子大多数封到九边重镇去哉。比方讲:代王被封到大同,燕王被封到北平。分封到当地个藩王,拥有财政军个大权,基本是独立王国。迭个做法来勒朱元璋活个辰光还好,到伊死脱之后,逐渐被后续个统治者改革,到朱棣统治个辰光,藩王个权利越来越小,但数目越来越多。为防止伊拉谋反,又弗违背朱元璋个意愿,后来个明朝皇帝对伊拉个宗室相当两极化,一方面剥夺伊拉个所有行政军事权利,让伊拉来勒封地高头啥也弗好做,又弗允许伊拉擅自离开封地。另一方面,又没有减封制度,王事繁衍增多,侪由政府买单。来勒迭个弗可思议个制度下,明朝个宗室除脱繁衍也没啥值得一讲个内容。来勒明武宗辰光叛乱过个宁王算是一个反例。到明朝末年,宗室人口已经有两百多万,消耗明朝大量财政收入。明末流寇兴起,大量宗室被灭门。其余又遭受后头满洲帝国屠杀,留下来个屡屡无几哉。

淮西权贵

朱元璋打天下,靠个是伊个老乡,也就是现在安徽淮河以南,长江以北个军队,来勒战争当中,个批人有老多建立功勋,所以到开国之后,拿伊拉封为公爵,侯爵。常遇春徐达等人,侪有老大个封赏。来勒洪武初年,淮西权贵垄断明帝国大部分重要个职位,成为朱明统治集团当中弗可缺少个一个重要组成部分。淮西个凤阳来勒迭个辰光也是门庭若市,家家户户侪有亲戚做大官。弗过从洪武中期辰光开始,朱元璋为防止权贵对伊个江山产生威胁,逐步削弱伊拉个权利,到后期,又动用恐怖手段,杀脱几万权贵搭伊拉个亲戚,比方蓝玉就被伊杀脱,李善长也难逃一死。到朱元璋死脱个辰光,只有帮助伊镇压云南地区个沐英还掌握云南地区一定个权利。其余个功勋弗是被杀脱,就是彻底丧失权利,沦为坐吃山空个闲散人等哉。到朱棣辰光,因为篡位个关系,对老早支持建文帝个勋贵后代打压更加明显,勋贵彻底沦为一种摆设,基本退出明朝个统治实权阶层哉。弗过来勒经济高头,勋贵还是有老大个优势,横行乡里,收拢家奴侪是家常便饭,这也成为一个老严重个社会问题。

江南士绅

朱元璋虽然老讨厌江南人,但为让帝国稳定下来,伊老早就大搞八股取士,这种文化考试制度,让从唐朝辰光就开始繁荣个东南地区占到邪气大个优势,尤其是江南五府为主个吴越地区,更加通过科举产生无数世代为官个大家族。明朝科举两百多年当中,江南人垄断至少三分之一个进士一直是一个常态,到明朝末年,江南士绅长期处于内阁个核心地位,徐阶申时行王锡爵先后出任首辅。江南绍兴个王守仁创立心学,让江南来勒学术搭官僚系统当中侪具备绝对个统治力。江南发达个经济加上科举个得意,让江南士绅来勒明朝个中后期成功成为明帝国个统治集团一部分,拿自家个命运搭帝国个命运联系勒一道。产生敏超末年个东林党复社等组织。弗过,虽然江南士绅成功成为统治集团个一份子,弗过伊拉个地位比较推板,并没有宗藩搭勋贵个世袭保障。还要经常受到特务机关个迫害。这也是官僚系统来勒统治阶层里向真实地位个体现。

历史

朱家大一统

立在蒙古人建立个元帝国挨末阶段,蒙古贵族对整个帝国个掌控开始力弗从心。立在交关地区,伊拉原先通过色目人建立个监察体系开始崩溃。此外,因为宫廷税负弗足,又开始大量发行纸钞,带来通货膨胀,让老百姓民不聊生。激发怨言搭怒气。到1351年,元顺帝让自家个亲信贾鲁去修黄河个水利,调集帝国各地个农民廿万人到黄河周边。激发这帮人个冲动。1351年五月,来自皖北黄泛区白莲教信徒韩山童刘福通早饭,拿宗教做狗皮膏药,自号明王(代表白莲教信仰个明尊下凡),纠结交关农民,创立红巾军。之后, 立在淮西个村霸郭子兴响应伊拉个举动,立在淮西叛乱。之后攻占凤阳。迭个辰光,乞丐朱重八自家主动来红巾军投靠,因为会弄权术,晓得打仗。得到郭子兴个信任,拿自家个养女许配把伊做老婆。之后,朱重八离开凤阳,开始发展自家个势力。

1356年,朱元璋(已经从朱重八改名)偷袭集庆(乃朝江苏省南京市),拿此地改名叫应天府,作为自家个营盘。之后,采取收缩战略,一面对元帝国献媚,一面开始网络各路流窜军队搭豪杰。到1360年,对西面个陈友谅势力开站,获胜。并且立在1363年个鄱阳湖水战当中击溃陈友谅,吞并伊立在洞庭湖南北个地盘。并对弗听伊号令个湖南老百姓展开屠杀。之后,朱元璋借口东面个张士诚对元帝国不忠,开始侵略伊立在吴越个地盘。到1367年,伊攻下平江府,拿张士诚杀脱,因为浙西个老百姓侪帮张士诚抵抗伊,朱元璋对此地个老百姓课重赋,并强制拿交关人移民到淮西凤阳。之后,伊进兵浙东,拿统治当地个方国珍灭脱。

1368年正月,朱元璋立在暗杀小明王之后,立在南京自立为皇帝,个就是后势来个明太祖。之后,伊立马搭老早献媚个元帝国翻面孔,让自家个大将徐达开始北伐。元帝国基本无抵抗就撤退到漠北。1371年,朱元璋又灭脱重庆个明玉珍势力,1381年,拿效忠元帝国并占领原大理国全境个元朝梁王灭脱,强制对当地进行殖民同化。迭个辰光,伊个大一统野心算是基本完成,让东亚大陆大部分地区,又变成一个大帝国哉。

八股搭内斗

朱元璋从小立在社会底层生长,无受过任何正规教育,对社会个发展搭经济运行规律基本无概念。对官僚防备心邪气重,更加痛恨商贾。所以,伊立在灭脱其他势力之后,开始对商人进行打压,先后拿交关吴越地区个富户强制移民到南京,假使看弗顺眼个,还要抄家充军。之后,伊开始强制对人口进行编户齐民并规定伊拉个衣着,伊对定规矩兴趣老大个,违反伊规矩个,侪要杀脱。到晏年,伊更加恐惧淮西权贵对伊政权个威胁,就拿自家个儿子侪分封到九边重镇当有实际权力个藩王。又借口谋反,先后发起胡惟庸蓝玉两场大案。拿自家个老乡淮西权贵集团基本侪杀脱。迭个事体立在帝国文人个讲述当中邪气有名,弗过搭畀朱元璋屠杀强制移民个千千万老百姓比起来,又嘸算啥哉。

朱元璋对读书人弗信任,但要利用伊拉来维持自家个大一统帝国。所以,伊一方面尊崇孔孟之道,另外一方面,又拿《孟子(书)》当中交关内容删脱。并制定八股取士个办法,拿读书人个思维框死。弗让伊拉有任何非分之想。对于弗肯搭伊合作个文人。伊采取强制措施,假使弗肯出山当伊个官僚,就拿迭个人个家人捉牢乃至杀脱。迭个做法,又牵连到交关人。

朱元璋晏年眼乌子瞎脱,又弗断要求各地根据伊个《御制大浩》反贪污,鼓励老百姓来南京告状,拿官员剥皮实草。伊死脱之后,伊个皇太孙朱允炆继位,改年号建文。迭个皇太孙,是欢喜儒家个一套玩法个。伊搭伊身边个文人,比如讲齐泰黄子澄之类,侪认为藩王权力太大,就自家准备拿伊拉做脱。弗过,事体做个弗果断。让朱元璋个第四个儿子燕王朱棣有机可乘。用所谓「清君側,靖內難」个名义叛乱,最后占领南京,篡夺皇位。迭个就是靖难叛乱。朱棣夺取皇位个过程当中,大肆屠杀战区老百姓,颇有伊爸爸个雄风

迁都北平 好大喜功

作为篡位个人物,朱棣老想做出一些伟业让老百姓臣服伊。又因为南京是伊篡位辰光攻击过个地方,伊怀疑当地老百姓对伊弗忠心。所以就造舆论,并且开始立在北平修造紫禁城。同时,为彰显自家个力道,伊四面发兵,进行帝国主义扩张。一方面,频频攻击北元,虽然效果弗如然灵光,弗过至少面子高头,是成为威震四方个大皇帝哉。另一方面,对南面个安南国(乃朝越南)干涉内政,趁伊拉内乱,拿此地"收回“,并派遣大量军队进行殖民压迫活动。此外,还派伊个亲信宦官郑和带领大批个船舶,下西洋,宣传明帝国个”天威“。郑和个活动,听讲还有寻建文帝个意味立在里向。弗过,迭个活动,也没啥实际结果。立在迁都北平之后,紫禁城个三大殿就畀雷电击中烧脱,让永乐皇帝闷闷不乐,没几许辰光,就立在塞外死脱。

朱棣死脱之后,伊个长子朱高炽继位,号明仁宗。伊当皇帝辰光年岁已经蛮高,本身想拿首都迁回南京。弗过过脱一年自家就死脱。伊顶大个举动是拿郑和下西洋停脱。明仁宗驾崩,伊个大儿子朱瞻基继位,个就是后势来个明宣宗。伊欢喜享乐,生活糜烂,邪气欢喜斗蹔𧉆,畀老百姓叫做「促織天子」。同时,伊也搭自家个爷爷一样,信任宦官,让王振之类个太监开始干预政治活动。1435年,明宣宗纵欲过度,立在壮年就死脱,伊统治个段辰光,明帝国表面浪看起来还算强大,所以后世个帝国文人拍马屁,吹捧迭个辰光叫做仁宣之治

收缩搭动荡

蟋蟀天子明宣宗死脱之后,伊个儿子继位,就是后势来个明英宗。迭个皇帝,继位辰光年岁小,邪气信任自家个玩伴宦官王振。王振利用迭个有利条件,开始干涉明帝国个朝政,到1442年,对王振有限制作用个张太皇太后四脱。个辰光,明英宗只有15岁,之后,王振开始更加滥权。到元老三杨死脱之后,王振彻底控制朝政。收买文人,吹捧自家叫做翁父,伊个兴趣爱好搭其余宦官差弗多,就是受贿贪污之类,弗过因为是宦官,遭到后势来文人个口诛笔伐。

1435年,内亚个瓦剌部落拿交关蒙古部落兼并,开始对明帝国个九边重镇构成威胁。1449年,瓦剌个太师也先南下,进攻明帝国。王振为彰显天威,教唆明英宗御驾亲征,带兵七八万(号称五十万)离开北平,一路向西,来到王振个老家大同。并无搭蒙古人打仗,就畏首畏尾,要回撤。回去个道路当中,立在土木堡畀蒙古人围住,并彻底歼灭击溃明帝国天兵。明帝国自傲个军队,瞬间死脱一大半。个也是明朝立国之后顶顶严重个败仗。王振畀杀脱,明英宗畀蒙古人生擒,作为俘虏。这种天子畀内亚游牧民生擒个事体,立在历史上也是少见个。

土木堡事变之后,瓦剌人乘胜追击,围住北平,个辰光,交关帝国大臣要求迁都到南京。弗过,效忠帝国个吴越人于谦(兵部侍郎)死活弗同意,立在伊个运作下头,让明英宗个阿弟朱祁鈺继位,个就是明代宗。改元景泰。伊让于谦负责北平个防卫。于谦拿蒙古人击败,立在之后两年当中,多趟拿瓦剌部落击退。之后,蒙古人服软,1450年拿明英宗放回。弗过,因为明代宗弗肯接受明英宗复位,还拿伊软禁立在南宫。并拿皇太子朱见深废脱。改立自家儿子朱见济当太子。个之后,1457年,明英宗趁明代宗病危辰光发动政变,重新夺得皇位。伊拉反过来软禁明代宗,又拿于谦杀脱。改元天顺。迭个事体既反映统治集团反复无常个内斗,更表明为帝国卖命个吴越文人个悲惨结局。1464年,明英宗壮年暴毙,伊个儿子朱见深继位,个就是后势来个明宪宗,改元成化

明宪宗是一个口吃,对朝政也嘸啥兴趣,弗过因为开始辰光有样学样,拿于谦“平反”,又获得交关帝国文人拍马,称呼伊统治辰光叫做“成化新风”。实际浪,伊统治辰光,后宫一片乱象。明宪宗欢喜一个比伊大交关个女人,封伊叫做万贵妃。迭个女人心狠手辣,拿怀上明宪宗后代个宫人侪杀脱,只有一个明帝国抓到宫里个苗族女人帮明宪宗生下后代,个就是后势来个明孝宗。明宪宗欢喜各种娱乐活动,乃朝留有交关伊个行乐图可以为证。伊还打开宦官特务政治,搞出西厂,同时,为收揽钱财,为自家使用,又开设皇庄,严重扰乱老百姓个经济生活。到晏年,又迷信房中术炼丹,让明帝国一片暗无天日。

1487年,明宪宗死脱,伊个儿子朱祐樘继位,伊没啥主见,弗过也弗迫害帝国官僚,所以得到文人众口一致个吹捧,讲伊是中興之令主」。实际浪,伊是立在和稀泥。没过几年,就开始学习自家个爷爷搭爸爸,开始大肆挥霍。让国库入不敷出。明帝国个财政,进一步恶化。弗过,文人为塑造典型,还是拿伊统治辰光吹成弘治中兴

荒唐皇帝

1505年明孝宗死脱之后,伊个儿子朱厚照即位,个就是后势来个明武宗,改年号正德。迭个皇帝欢喜白相,并弗拿文官集团放在眼里。伊邪气崇信宦官。同时欢喜到处游山玩水,文官集团弗肯伊御驾亲征塞外,伊就拿自家封个官职,叫做威武大将军朱寿。自家带亲信到塞外剿匪。伊统治当中,发生宦官刘瑾个专权搭宁王朱宸濠叛乱个大事体。弗过,侪一一平定。个当中,吴越人王守仁出力老大。1520年,明武宗借口要去讨伐宁王,御驾亲征应天府。拿已经让王守仁捉到此地个宁王押送回北平。回去个路浪,立在南直隶坐船白相辰光落水染病,1521年立在自家纵情糜烂个豹房驾崩。

明武宗一个儿子也没,所以,大臣商议,让明孝宗个侄子,兴献王个儿子朱厚熜继承皇位,个就是后势来个明世宗。明世宗继位之后,拿年号改叫做嘉靖,从伊开始,明朝进入中后期

嘉靖帝继位前期,为拿自家个亲父母追封成皇帝,搭大臣闹出邪气大个矛盾,个就是所谓个大礼议之争。最后,明世宗拿自家父母纳入皇帝系统。迭个事体也让明世宗有机会拿反对伊个文官搭宦官侪调换成自家个亲信。个之后,明世宗开始不上朝,长年立在后宫炼丹。弗过,伊对朝政还是牢牢掌握。伊统治后期,欢喜帮伊写青词严嵩,让伊长期担当内阁首辅。严嵩利用便当,开始营造自家个势力,伊个儿子严世藩更变本加厉,打压反对自家个大臣。到挨末阶段,帝国开始出现瘫痪迹象。北面个鞑靼人开始进犯。南面因为长期海禁,导致吴越人闽越人联合日本海盗,形成所谓个倭寇,进行走私骚扰活动。有名个海瑞也是立在嘉靖统治挨末阶段出名个。嘉靖死脱之前,拿严嵩废脱,并杀脱严世藩,用吴越人徐阶取代。

张居正专权

万历前期个专权大臣张居正

1566嘉靖帝死脱之后,伊个儿子朱載垕继位,个就是后势来个明穆宗。因为伊改元隆庆。伊也因此叫做隆庆帝。明穆宗搭明孝宗有眼类似,是无啥主见个皇帝,蛮听大臣言语,伊登基之后,让徐阶高拱张居正成为自家个内阁大臣。弗过,这帮人自家先后内斗,最后,张居正成为文官权力斗争个胜利者。虽然高拱立在隆庆末年回京出任首辅,弗过还是被张居正击败。隆庆辰光开始,张居正开始实践自家个措施,北面对鞑靼人进行册封,立在东南海面,开放贸易,弗再搞海禁,迭个事体叫做隆庆开关。迭两个事体,本身弗难,弗过明帝国个官僚体系效率低下,到迭个辰光,才有应对。从此时开始,因为皇帝弗是老强势,明帝国个江南(吴越地区)个文官,开始越来越影响到帝国个朝政哉。

隆庆身体弗好,1572年中风驾崩。伊9岁个儿子朱翊鈞继位,个就是后势来大名鼎鼎个明神宗。明神宗继位之后,改元万历,所以也好拿伊称呼为万历帝。立在伊统治个前期,张居正得到大宦官冯保个支持,继续推行自家个改革,伊个作法,在于加强皇权,增加大一统帝国个税赋。并重新丈量土地,打压士绅阶层。所以,得罪交关利益相关群体。伊搭戚继光关系邪气好,让戚继光带领吴越人组成个军队到九边重镇作为帝国个边境部队。弗过,张居正也是一个邪气滥权个大臣,做过交关授人以柄个事体。1582年,张居正死脱,之后,伊就被万历帝反攻倒算,满门吞没。

万历乱政

荒唐皇帝明神宗

张居正死脱之后,万历才算真正开始亲政哉。因为之前放开海禁个缘故立在伊当政开始辰光,明帝国立在东南面个各个行省飞速繁荣。积累之前两百年侪弗可能积累到个财富。弗过,万历自家并无多少当皇帝个兴趣。立在几十年当中,就出过紫禁城两三趟。还侪是去看自家个坟墓。伊因为自家个太子问题,搭大部分大臣侪关系邪气紧张。到1601年,才拿朱常洛封成太子,让自家宠幸个郑贵妃生个儿子朱常洵封做福王。为报复大臣,伊从1587年开始就弗上朝,整天沉浸立在花天酒地当中,并大兴土木。伊为弥补自家个消费,又派宦官到处去搜刮税赋,让明帝国本身有眼放松个财政更加吃紧。此外,因为交关吴越地区个文人把持朝政,对江南地区个税赋有所放松,所以明帝国大部分个财政,开始一视同仁追加到各个省份,这让交关内亚地区个平民开始感到压力。万历帝弗对官僚系统个大臣任命做出批示,交关年数之后,官僚当中交关位置侪出现空缺,官僚自家个运转,慢慢开始出现问题。

立在迭个辰光,江南官僚越来越多,伊拉因为皇帝个弗作为搭自家力量个变强,开始要求更大个话语权。为此,伊拉用儒家个一套作为标准。1593年,东林党形成。用自家个对官僚进行拉拢搭打击,之后,交关其他朋党也冒出来,相互进行文人攻击。与此同时,因为明帝国控制力下降,立在交关地区侪发生大规模战争。个当中,以万历三大征顶顶有名,这三大征是:宁夏之役朝鲜之役播州之役,其中对朝鲜个战争是保护自家个藩属国弗被日本吞并。对播州个战役完全是想吞并该地区本身个土司势力,属于彻底个帝国主义行为。三场战争之后,明帝国获得表面高头个光彩,实际浪无任何好处,更让自家个国力充分暴露,国库更加空虚。

立在万历末年,东北亚女真部落酋长努尔哈赤公开造反。自号天命汗,并立在1619年个萨尔浒大战当中,击溃明帝国个主力,从此让明帝国立在东北亚转向战略收缩。1620年,明神宗立在惊恐当中死脱。伊个长子朱常洛继位,个就是明光宗。弗过,伊老快就因为纵欲过度病倒,并因为泻药红丸催死。个就是所谓个红丸案。个之后,伊个儿子朱由校继位,改年号天启,个就是明熹宗。摇摇欲坠个明帝国,一年当中调换三个天子。到迭个辰光当着那是大厦将倾哉。

帝国灭亡

立在煤山上吊个朱由检

明熹宗基本无受过正规教育,大大小小个事体,侪听自家奶妈客氏搭客氏个姘头魏忠贤个言语。开始辰光,伊为报答东林党人保护伊登基,就任用大量东林党个大臣。弗过,后势来,发觉个帮人并弗听自家言语。就市区耐心。让自家信任个大宦官魏忠贤干涉朝政。魏忠贤拿所有反对东林党个势力集结,形成阉党。1624年,阉党掌握实权,开始大肆树立自家个威望并打击东林党。魏忠贤本人是一个毫无文化个村夫,邪气欢喜面子高头个光彩,伊认交关帝国文人当干儿子,还要求各地为自家修造生祠。弗过,伊对守备辽东个将领支持蛮大,伊掌权几年,边境事体比较少。1626年,北平发生王恭厂大爆炸,死脱两万堕入。第二年,明熹宗死脱,伊个阿弟朱由检继位,个就是明思宗,伊拿年号改叫崇祯。崇祯帝也是明帝国挨末一个皇帝。

明思宗本人受儒家教条熏陶,一直认为要励精图治。伊登基之后,先拿魏忠贤做脱,又启用东林党个大臣当官。个辰光,文人侪认为伊要成为中兴之主。弗过,因为伊并弗信任这些大臣,又面临邪气巨大个内部危机,搭百官个关系又老快搭僵哉。崇祯二年,帝国西面个贫困省份陕西开始爆发民变。崇祯采取交关措施,调换交关将领去围剿。弗过,这帮流寇使用游击战策略,立在内亚四面流窜。明帝国无办法彻底击溃。同时,关外个后金,立在皇太极个领导下头,越来越强大。立在1636年,拿国号改成大清,并定都奉天。成为明帝国顶顶大个威胁。崇祯一直立在安内攘外当中摇摆不定。结果两头侪失败。1642年,松锦大战之后,明帝国彻底丧失立在关外个军事存在(只有吴三桂个关宁军),1643年,李自成破潼关,入西安,建立大顺。1644年3月,李自成个流寇部队从西安出发一路北进,所到个场化,明帝国部队侪投降。最后,攻破北进,朱由检逃到煤山,上吊死脱。明帝国灭亡。

疆域

北面

来勒帝国建立个辰光,蒙古帝国个残余力量还来勒蒙古高原。为打击对手,增加自家个合法性。明帝国對北元进攻交关趟数。弗过效果弗是老明显。到明英宗辰光,有搭西蒙古个韃靼瓦剌作戰,弗过迭个辰光开始,已经弗好主动出击,尤其是明英宗灾难性个失败搭俘虏,让明朝放弃进攻政策,开始收缩边界。来勒15世紀30年代後,,边境南移。开始修造长城(當時名為邊牆,參見「明长城」)。来勒之后个两百多年辰光里向,明朝搭蒙古个边界就固定来勒长城高头。明朝为管理长城,拿长城地区設置九边重镇遼東薊州宣府大同延綏寧夏甘肅太原固原)加強防御。

辽东

明朝开始个辰光,朱元璋来勒山海关以外设立辽东都司,拿控制辽东半岛。这也是唐朝中期之后,中原人个帝国再次控制此地。来勒明朝开始个辰光,帝国经常来勒女真部落当中炫耀武力,通过敕封土司个做法,遥控交关小部落。

到明朝后期,建州女真逐步强大,到努尔哈赤个辰光,从明帝国独立,自称大金皇帝(具体参考:后金)。又逐步占领辽东地区交关土地,让明帝国来勒辽东个统治崩溃。只好退回辽西个宁远孤城。

内亚

明朝开始个辰光,来勒当今个哈密地区有驻兵,因为当地个统治者迭个辰光信奉佛教,所以对明朝老推崇。弗过明朝对伊拉没有多少重视,到15世纪初个辰光,哈密卫被废脱,军队龟缩到嘉峪关,来勒差弗多同一个辰光,哈密地区个佛教徒也被回教通过圣战彻底消灭,哈密地区成为回教地区,搭东亚个联系减少,明朝也听任伊拉发展。总体讲起来,明朝对内亚个经营是失败个,并且对哈密地区个佛教徒没起到保护作用。

原大理地区

洪武十四年(1381年),明帝国拿老早大理国控制个地区侪吞并,此地也成为明帝国殖民同化个焦点地区。明帝国拿此地个贵族打散,拔脱,拉拢一些听话个贵族,把伊拉当土司宣慰司,靠迭个方法,明朝辰光个云南比现在大交关。包括当今个緬甸中北部、老撾北部、泰國北部一代。


行政区划

行省设置

为达到大一统,割裂地区独立个可能性,朱元璋继续采用蒙古人个行政划分方式,又拿交关地方进行调整。具体表现来勒南方交关身份跨自然分界线个划分高头。

来勒抵抗比较结棍个江南搭湖湘地区,朱元璋拿老早宋代个路拆分,形成南直隶湖广箇浪个跨长江行省,通过北面压制南面,达到伊便于统治个目的。来勒伊弗大重视个西面搭北面,省份划分就比较粗糙,比方讲,陕西就有老大哥跨度搭面积。

朱元璋为限制行省个权利,又搞出布政使,所以明朝实际高头是没有省份迭个划分个,一个行省个权力,按照布政使按察使总兵划分,后期又有弗常设个总督巡抚作为监视。让官僚系统邪气庞大。管理交关臃肿。

来勒明朝,通常有所谓个两京十三省,实际来了勒西南搭长城附近,当地个官僚侪弗大听命布政使,来勒云南,实际控制权来勒沐家手里向。所以,明朝实际能够通过官僚系统统治个区域,并弗比北宋大多少,但官僚个臃肿搭效率个推板超过宋代交关。

具体分省

来勒永乐辰光,明朝拿首都迁移到北平,并且拿此地改名叫做北京,相对个,老早个京师就改叫南京,这也是南京称呼个由来。从此之后,明朝两京十三省个划分就确定下来,之后个两百多年辰光内,侪么多少大个变化。

所谓两京,是弗设置布政使个两个首都直辖地区。分别是直隶南直隶,其中直隶通过中央政府直接掌控。南直隶通过来勒南京个留守政府掌控。所以迭两个地区对明朝来讲也是顶重要个地区哉。但具体讲起来,南直隶弗论面积还是经济侪较直隶发达交关。直隶完全确保弗了明朝庞大官僚机构来勒北京个吃住。所以南直隶搭南面个浙江,每年侪要通过京杭大运河把北方输血。其中顶富裕个苏州、松江地区,上交个财产也是顶多个。高达七成。

南方另外两个重要个行省是江西搭浙江。浙江老早是吴越国个国土,经济发达,文化繁荣。搭南直隶个苏州、松江等地一道,是帝国内部顶发达个文化圈。所以明帝国对浙江一直有交关防范,严格限制浙江沿海个商人搭外国人做生意。对金华地区个农民搭矿工征收沉重个赋税。江西来勒唐朝开始就比较发达,到明朝,也一直是科举重镇。出脱交关当大官个。弗过明朝对江西个控制明显弗如对浙江严密,来勒明武宗辰光爆发个宁王之乱,就是来勒此地爆发个。

福建来勒宋朝搭元朝个辰光一直是贸易发达个地区,明朝开始辰光个禁海对伊拉打击交关大,福建个经济水平一直到明朝中央集权衰落个后期才发挥出来,这对福建个发展是老弗好个。

南方其他地区来勒明朝侪弗是老发达。湖南地区个人口经历朱元璋个屠杀后,一直弗超过500万个水平。湖北也只有武昌府发展起来。四川人口因为蒙古屠杀个关系,一直弗多,文化搭地位也弗好搭宋朝之前相比。广东大部分地区也没开发。

来勒帝国个西南面,设置有云南贵州两个省,迭两个地区是朱元璋建立帝国之后交关年数才控制个,属于新增加个殖民地区,所以统治方法搭其余地方也弗一样。来勒贵州,明帝国设置交关土司,把伊拉好处,让伊拉为帝国效劳。来勒帝国后期,迭帮土司个军队成为帝国战斗力顶强个军队,比方讲,广西个狼兵,重庆个白杆兵。来勒云南,帝国通过沐英搭伊个后代进行军事化统治。交关此地个汉人侪是明朝初年迁徙过来个。通过军事碉堡个方式,逐步挤压当地土著各生存空间,最后让土著被消灭,或者同化。所以西南地区尽管侪是山,但讲个语言却相当统一。就是迭个原因造成个。

帝国个北面因为蒙古人统治个关系,相当萧条。人口保存比较完整个只有山西,弗过此地也是一个贫穷个省份。河南山东等地,洪涝天灾弗曾中断。文化素质已经全面落后南方,尤其是江南地区。帝国也晓得迭些地区弗可能对伊个统治有多少支持。所以一般也弗压榨伊拉,只有到后期,当江南文人控制政府后,帝国开始对江南减税,又对江南搭北方一视同仁增加农业税,最后让顶穷个陕西开始暴乱。帝国也因此被灭脱。

军事

明帝国个军事制度,是来勒蒙古人军事制度个基础高头,加入交关朱元璋对老早朝代军事制度个总结搞出来个。具体表现为:军事权力分散,军事指挥混乱,军队来源固定,军队调动缓慢四个方面。明朝个军队,总体高头是防御性为主,因为军事制度个关系,弗可能进行大流动性作战。这也让明朝个军事带有明显个收缩性质

分散军权

朱元璋对将领指挥军队弗放心,认为会威胁到伊子孙个江山。所以弗使用唐朝以来逐渐削弱个藩镇制度,采用彻底拿军事系统指挥权利分散个新方法。伊让兵部负责全国各个地方军队升迁个掌控,平常各地个驻防军队没有命令弗允许有自家个决定搭行动。军队个武官没有决策权利,只好执行帝国中央交把伊拉个任务。平常有重大个军事行动,侪需要由中央派遣专门个科举官僚作为指挥官。弗仅个能,还需要有一个监督武官搭文官个监军随行,迭个职位一般侪是让皇帝信任个太监担任个。来勒中央军事指挥高头,朱元璋老早建立过大都督府,后头废脱,分为五军都护府,政出多门,没啥实际权力。通过迭个方式,让军事指挥决策权利由皇帝掌控,文官命令。老早有老大权利个武官,只好成为附庸。所以明帝国弗推崇有谋略个武官,欢喜没脑子个莽夫。

军事指挥混乱

朱元璋制定个制度下头,武官个地位老推板,能管辖个军队也老少,所以一旦有稍许大一点个战争,就需要多方武将协作,这些武官侪相互品衔差弗多,有些即使地位比较高,但没有统属关系,所以并弗拿对方当一回事体。来勒作战辰光,侪自家顾自家,没有统一个服从观念。尤其是来勒跨省作战当中,因为辖区个弗同,交关军队只管自家范围内个事体,让流寇四处游走,如入无人之境。明朝个倭寇、后头个闯贼侪是钻迭个方面个空子发展肆虐个。明朝皇帝也认为迭个是大问题,弗过搭威胁君权相比,就弗哪能重要哉。

军队阶层低下

朱元璋参考蒙古人个制度,让军队成为工匠一样个军户,是一种老残酷个低下级别,一家人一代代侪要当兵,又没多少回报。而且弗好从事交关职业或者考科举。这让相当多个人为此逃窜,或者花钞票买通门路,拿别人帮自家顶替。军队个管理也搭文官政府分割开来,来勒长城边浪向还有西南地区,军队侪是自给自足个小村落形式。弗哪能搭社会其他方面接触。一些世袭总兵个家族还好,一些低级士兵就老受社会高头别人个歧视。这让明帝国个军队缺乏斗志搭战斗力,认为当兵是一种低贱个职业。对明帝国个军队素质造成邪气大个负面影响。

军队调动缓慢

因为古怪个军事制度,明帝国虽然名义高头维持一只巨大个常备军,弗过伊拉大部分侪是来勒当地扎根个农民,加上中期之后账面搭实际情况巨大个差异,让明帝国老难来勒遇到问题个辰光派出足够个军队,一般需要从各个地方调度。比方对日本个战争当中,明朝个军队除脱被认为顶大个辽东镇之外,又从全国十几个地方调来精兵,有些军队,从帝国南端开到朝鲜,战争已经过去半年哉。这种军事调度高头个低效率,让明朝军队机动性弗灵,老容易被机动性强个军队各个击破,明朝末年个流寇搭满洲人,就利用这点,经常烧杀劫掠,没遇到任何大规模个会战或者抵抗。

经济

明帝国内部个经济市场

明朝个经济是来勒蒙古统治个基础高头个回升,弗过来勒北方地区搭巴蜀地区,迭个回升进展缓慢。陕甘地区个经济更是搭唐朝]、北宋弗好相比。值得讲个地区只有东南几个行省。其中,福建、浙江南部还因为明朝个禁海受到邪气大个打击。

混乱个货币制度

明朝开始个辰光,朱元璋效仿元朝个纸币制度,滥发纸币,弗过由于质地比较推板,推广弗了,老百姓侪弗用伊个宝钞,到中期之后,明朝没办法应付宝钞使用个通货膨胀问题,只好默认用银两作为计价货币个事实。迭个做法,是搭宋朝相比个一个大幅度倒退。

到16世纪末,西班牙葡萄牙人开始搭明朝展开贸易,通过马尼拉大帆船输入白银,让帝国个用钱紧张稍许有一歇歇缓解。

严苛个禁海政策

从明朝初期开始,帝国就施行严厉个禁海政策,弗允许沿海地区个商人搭国外商人进行交易。原因大致是弗想让迭些地区个地方势力靠贸易致富,威胁到朱明王朝个帝国大一统统治。迭个政策,也是对宋朝辰光海上丝绸之路个一个重大打击。

弗过从16世纪中叶开始,由于倭寇问题越来越严重,明朝个官兵战斗能力又大多数比较推板,所以到1567年,总算开放海禁。从此之后,东南地区开始发展,到明朝末年,出现了郑芝龙等通过海盗、贸易发家个大军阀。

重农抑商

朱元璋对商人一直弗放心,明朝也执行了长期压制商人个政策。一直到中期之后,商人才依靠科举等方式慢慢扩张自家个势力。弗过,明朝辰光商业并弗是老发达,除脱东南地区个徽州商帮之外,只有到明朝末年崛起个晋商值得一提。

对外贸易

来勒明朝初年,帝国政府弗允许东南地区个商人直接搭外头个商人做生意,伊拉往来个方式侪是通过帝国政府有组织个所谓朝贡贸易进行。即政府颁布限额,让官方垄断贸易。迭个做法,来勒初期还可以维持,弗过到15世纪后半夜,已经因为情况个变化弗适合时代。尤其是西方人进入南海之后,对东亚个贸易带来交关大个刺激。1567年开放海禁后,明朝个贸易规模飞速增长。欧洲资本主义个兴旺也带来对中国商品个追求。到17世纪上半夜,帝国搭世界市场个联系变得紧密,马尼拉个大帆船每年侪带来交关银两,让帝国后期货币混乱个形式因为白银个流入得到缓解。邪气是贸易发达个福建、广东地区,重新开始富裕。江南地区也通过出口茶叶搭丝绸获得巨大利益。让东南地区搭内亚个发展继续夸大差距。

对外关系

明代自认为天朝个世界观

天朝上国搭朝贡

弗同于汉朝唐朝,明朝对于扩张兴趣弗是老大,来勒明朝初年控制河西辽东云南后,明朝就开始向内收缩个政策。朱元璋明确制定一系列“弗征讨之国”,强化迭个效力。来勒对外个经济来往高头,实施朝貢體制,朝貢貿易薄來厚往,是完全弗经济个做法,弗过对于构建明朝为中心个东亚体系有好处。所以被明朝长辰光施行。来勒此体制下头,搭明朝做生意基本等同于认明朝为伊拉个宗主国。因为早期个军事压迫搭经济体量庞大,明朝吸引交关东亚、东南亚小国进行朝贡。郑和下西洋个事体,又让朝贡贸易搭明朝个儿子国达到一个高位。郑和甚至到过非洲東海岸等地,让东南亚个交关国家侪晓得天朝个概念哉。来勒内亚方面,除脱北元之外,也让西面个回教政权来“朝贡”。置于是否是真心朝贡,就弗管哉。

蒙古问题

蒙古人虽然回到草原,弗过因为历史传承个问题,并没有丢弃元朝个传统。这让自认为“天命所归”个朱明皇帝老弗放心,所以从朱元璋开始到朱棣,明朝一直对蒙古采取进攻形式,尽管朱棣个蒙古攻略没啥根本性个效果,弗过北元个政权也来勒内斗搭攻击中消失。蒙古草原走向部落纷争,但好景弗长,明朝来勒1430年代个防线收缩以及1450年代灾难性个土木堡失败,让明朝彻底丧失对蒙古人个优势,被迫修造长城,进行收缩防御。蒙古人大部分辰光侪寻求搭明朝个和平关系,弗过明朝一直强硬弗理睬,代价是边关个百姓长辰光遭到掠夺搭烧杀。一直到16世纪末,因为俺答汗个归顺以及蒙古人信仰佛教后人口减少导致个衰落,才让漠南逐渐太平。到明朝末年,林丹汗满洲作战失败,大量蒙古漠南部落倒向满洲,明朝对蒙古丧失影响力。

女真问题

女真,是生活来勒东北亚个通古斯民族。来勒宋朝辰光曾经建立金国,到明朝初年女真大部分投降北伐个明朝军队,成为类似西南地区个土司统治地区,弗过因为女真所在个地方环境恶劣,明朝也没移民多少人过去,这让当地个女真人来勒保存自家文化个同时,也缺少交关开化。女真分裂为好几个大个部落集团,相互之间为争夺权力搭资源进行烧杀。明朝个辽东总兵利用伊拉个内部矛盾,一直控制伊拉个势力。一直到16世纪末,因为丰臣秀吉攻略朝鲜,辽东军队抽调,让有野心个努尔哈赤开始崛起。17世纪初年,努尔哈赤统一女真部落,1616年公开从明朝独立,自称大汗,开始搭明朝对立。来勒一些列个战斗当中,女真人侪击败明朝军队。1630年代,皇太极对女真人进行改革,改民族称号为,最终来勒1644年取代明朝,成为帝国个新统治集团。

帖木儿搭回疆

明朝初年,中亚河中地区帖木儿崛起,东征西讨,建立大帝国。弗过明朝皇帝对此并弗晓得,由于帖木儿麻痹明朝,长期向明朝朝贡。明朝还当伊拉是一个恭顺个小国。1400年初,明朝陷入统治集团皇位争夺个同一辰光,帖木儿扣押明朝个使臣,开始计划进攻明朝。1404年,帖木儿个大军出发逼近回疆。明朝总算晓得伊个异常,弗过还是没有战争个准备。幸运个事体发生来勒1405年,帖木儿来勒路高头病死,避免大规模个战争,让明朝逃过一劫。

来勒明朝辰光,现在个新疆地区基本没有东亚帝国个势力统治。明朝搭这帮回教国家个关系弗大密切,尽管偶尔也有官方来往,弗过丝绸之路并弗畅通。喀什等地区来勒迭个辰光明显是中亚世界个一部分,可以讲,明朝搭中亚国家个交往并弗密切。

日本

朝鮮之役繪圖中明朝軍船浪个連弩

明朝开始辰光,朱元璋派人到日本要求称臣,弗过,日本拿来访个使节杀脱,就呒下文哉。到后势来,朱棣辰光,日本个幕府将军足利义满为拿自家个声望拔高,搭明帝国开始贸易,并且接受日本国王个封号。但室町幕府个衰败,还是让箇种朝贡形同虚设。到应仁之乱后,日本国内形势弗稳定,流亡到东海高头个浪人增加,伊拉搭东南地区个商人一道,组成倭寇,进行走私活动,搭明帝国发生冲突。一直到隆庆辰光,日本战国慢慢走向统一,箇种事体才稍许少一眼。到万历辰光, 统一日本个天下人关白丰臣秀吉企图发兵攻打明帝国,教训迭个老大政权。十几万日本人从朝鲜登陆。爆发万历朝鲜之役。明帝国也派交关军队前往进行对战。弗过,除脱平壤之战胜利之外,来勒碧蹄馆之战当中失败,之后陷入僵持。还发生封赏闹剧。到1597年,战争又继续开始。个趟,明帝国个表现更加不堪,来勒蔚山畀日军以少胜多,呒取得多少胜利。到1598年,丰臣秀吉死脱,日本人撤军回国,此事才算结束。到江户幕府建立之后,两国没建立官方外交关系。只有吴越、闽越个商船可以到日本个长崎进行贸易。

朝鲜

朝鲜服饰 完全照搬明朝宫廷

明朝朝贡体系当中,顶让明朝感到满意个就是朝鲜国。朝鲜迭个名字,也是朱元璋赏赐把朝鲜李朝个。朝鲜来勒明朝辰光,地位相当于一个有实际权力个藩王,使用明朝个年号,大规模效仿明朝个制度,来勒各个方面侪是明朝个翻版。到1590年代,明朝帮助朝鲜抗击日本个入侵,让朝鲜感恩戴德。弗过来勒17世纪初之后,明朝搭后金个战争屡战屡败,跟随明朝一道参战个朝鲜也发生动摇。1630年代,朝鲜被满洲人侵略两趟,被迫断绝搭明朝个联系,成为满洲人个附属国。弗过朝鲜人一直怀念明朝,到18世纪来北京朝贺个朝鲜使节,也经常来勒记录里对满洲人个统治进行攻击。

琉球

琉球是另外一个让明朝放心个藩国。琉球是冲绳群岛高头个一个小国,立国个根本是靠贸易,所以对明朝一直相当服帖。明朝封其为中山王,也拿伊拉当做自家个一个藩国。琉球来勒个段辰光也接受交关明朝个制度搭文化。尤其是福建地区个文化,对琉球有深远个影响。17世纪初,日本个萨摩藩入侵琉球,琉球派使臣到北京求明朝保护,弗过明朝并没当一回事体。从此,琉球就变成双向朝贡个国家,认帝国搭日本为伊拉个宗主国。

台湾岛

明帝国对台湾岛嘸直接统治,一直拿此地当做化外之邦,仅通过澎湖列岛个海巡机构偶尔巡逻。弗过,立在隆庆帝开放海禁之后,开始有蛮多闽南侯官家族移民到台湾岛。让迭个地方个南面开始接触到闽文化影响。到17世纪初,西方个大帝国西班牙开始从伊拉个西属菲律宾出发,殖民台湾岛个北面(乃朝个基隆港)。几乎同一辰光,新兴海上强国荷兰也从伊拉个巴达维亚殖民地出发,进入东亚海面。并立在17世纪初,登陆台湾岛,控制乃朝个台南附近,并赶走西班牙人。拿迭个地方变成自家个荷属台湾殖民地,直到1662年,明朝灭亡之后交关辰光,因为攻打南京失败个郑成功攻击伊个贸易对手荷兰人。才让此地“光复”。弗过,迭个辰光已经是清朝哉。

西洋各国

葡萄牙人租借个澳门

明朝搭西洋国家个接触,是单方面个。主要是通过葡萄牙人西班牙人进行。到晏末阶段,也受到过荷兰东印度公司个影响。弗过,总体浪讲起来,还是以伊比利亚国家为主。个当中,搭葡萄牙人个接触辰光顶顶长,对明朝个影响也顶顶大。16世纪开始辰光,葡萄牙人就来到东方,想拿自家立在印度洋高头垄断个香料贸易,扩张到东亚地区。弗过,因为个辰光明帝国个封闭贸易策略,一直嘸办法实行。只好到双屿岛进行走私贸易。之后,明帝国捣毁伊拉个根据地,伊拉就转移到珠江口个澳门进行贸易,1559年,葡萄牙人正式立在澳门立足。明帝国虽然打压葡萄牙人,弗过对伊拉个奇技淫巧也是清爽个。邪气是军事方面个技巧,引入蛮快。比方讲,有名个西洋火器,就侪来自搭葡萄牙人个贸易,所以也畀叫做弗朗机(弗朗机是葡萄牙个旧称)。

制度

明朝个专制制度来勒朱元璋辰光定型,之后将近300年里向,基本么啥大个改动:

中央官僚制度

  • 内阁

朱元璋来勒当皇帝后,生怕自家个专制权力被大臣束缚,所以拿丞相废脱。废除丞相个设置以后,感到办公精力有限,有些辰光一个人不来事,个么就设置了内阁大学士来帮衬帮衬,该个职位后手来虽然没得丞相个名号,实际高头同丞相个职务是一色一样的。

  • 六部

六部,喔起来是:。该六部,每一部尚书一名,侍郎两名。

  • 五寺

五寺,喔起来是:大理寺太常寺光禄寺太仆寺鸿胪寺。该五寺,长官叫卿,一名。

  • 三法司

三法司么喔起来是:大理寺刑部都察院。该三个机构个用场是监察,都察院下底有监察御史,每个省里向有十几名来冬,有事体向高头汇报。

  • 厂卫

锦衣亲军都指挥使司,喔起来就是今朝名气交关大个锦衣卫,东缉事厂,就是东厂。

  • 三公

荣誉职称,无畀实际权力个,包括太师、太傅、太保。

  • 外三监

外三监下底有:国子监钦天监上林苑监

  • 内宫十二监四司八局

内十二监下底有:司礼监、内宫监、御用监、司设监、御马监、神宫监、尚膳监、尚宝监、印绶监、直殿监、尚衣监、都知监。
内四司喔起来是:惜薪司、钟鼓司、宝钞司、混堂司。
内八局喔起来是:兵仗局、银作局、浣衣局、巾帽局、针工局、内织染局、酒醋面局,司苑局。

  • 宫女六局

尚宫局、尚仪局、尚服局、尚食局、尚寝局、尚工局

地方官僚制度

来勒地方浪,明帝国采取分权个方法,采用布政使司这种搭老早元帝国辰光行省一样个模式进行统治,采取个三级统治方法,除脱这些之外,来勒一些关卡设立。比方讲:太仓州。行布政使司个内部,权利进行分割,布政使掌握民政权利,按察使掌握司法刑事权利,总兵掌握地方性质个军事权力。到中后期,来勒伊拉高头,还有从北京派过来个总督巡抚进行控制。让权利分散,弗过,这种情况也让总督搭巡抚个权利越来越强,伊拉个作用,也从顶开始辰光个临时钦差大臣,朝后头个常备职务转变。到清朝辰光,终于成为每个地方或者地区常设个官职哉。

来勒更加低层个水平浪,官僚就没有省里向这么多哉。知府正五品或者从五品个官员,属于中级官僚,掌握一个府城范围内个大部分权利。伊个帮手包括同知推官等。还有自家招揽个一些师爷。到知县个层面,是帝国官僚体系个终点,作为正七品个官员,伊拉直接面对一个县境内个士绅搭百姓。县衙内部个官吏大部分就弗好算是朝廷个正式官员,包括县丞捕快之类,侪数十年服务勒县衙里向,对县城个管理掌握比交关空降个知县还要深刻交关。这也让一些地方出现县丞架空知县个状况。

明代江南

虽然朱元璋对江南展开打压,弗过江南文化来勒明朝还是达到了自家个顶峰。由于八股取士个科举制度,交关江南读书人侪通过科举走上官僚道路。明朝历代科举里向,江南人侪要占据至少三分之一个名额。苏州、松江、绍兴等地,满街侪是公卿,秀才来勒江南,只好去私塾里向教教书。明代后期个徐阶申时行王锡爵等首辅,侪是江南人。

科举个繁荣是依靠强大个经济基础作为支撑个,来勒明朝晚期,江南已经形成帝国唯一一个城市群。迭个城市群由东南个陪都南京作为轴心,囊括吴越地区北部个几乎所有城市。包括常州苏州松江嘉兴湖州杭州绍兴宁波等。涌现出交关关心帝国大事个热血读书人,明朝末年个东林党复社就是其中个代表 。

明朝晚期,江南城市生活丰富多彩,世俗娱乐多种多样,昆曲个发达,园林艺术个发展,四大才子个出现,还有三言二拍等新型小说个推出,反应了迭个辰光江南人五光十色个城市生活。