沙特阿拉伯

沙特阿拉伯（المملكة العربية السعودية 英語：Saudi Arabia）亚洲西部国家之一。

面积：大约摸2百万平方公里

人口：2千7百多万

地理环境[编辑]

Rub al khalid sunset nov 07

沙特来勒阿拉伯半岛个中心区域，气候条件老差，水资源少，空气干旱，弗适合耕种。老适合放牧，所以自从古代开始，迭个地方就一直是放羊个场所。条件稍许好一点个是靠近红海个地区，有绿洲搭水资源，所以现在沙特大部分经济也集中来勒伊面。

沙特是一个典型个君主制国家，国王搭伊拉个家族成员控制全国个权利搭财富。政府部门侪是伊拉家族个成员掌握。沙特弗允许有议会政党，对其他思想个控制也邪气严格。来勒阿拉伯之春个活动里厢，沙特受到个冲击比较小。

沙特是一个石油国家，国家主要个收入侪是依靠石油搞来个。因为其他方面条件比较推板，思想高头限制又邪气多，沙特个工业搭服务业发展侪比较推板。到现在，主要个石油加工还是要依靠其他国家个公司开发，自家开发弗了。

除脱石油出口，沙特另外一个支柱是伊拉个朝圣经济，因为掌握麦加，麦地那两个圣城，沙特每年要有上千万穆斯林来朝拜，带来邪气多个收入。也成为沙特个一大增长点。

沙特阿拉伯是一个回教国家，国家是回教个瓦哈比派，执行严格个宗教法律，弗允许交关现代个娱乐活动，妇女弗好开车子。对于其他宗教，侪弗允许传播。沙特也是世界高头宗教迫害顶结棍个国家之一。

国内个穆斯林大部分是瓦哈比派个信徒，弗过来勒波斯湾地区，也有交关什叶派信徒，伊拉经常搭沙特中央政府爆发矛盾。

来勒外来务工人员里厢，有交关来自菲律宾个天主教信徒，弗过伊拉弗好公开崇拜个，否则要被沙特个宗教警察抓牢驱逐出国个。

外国人来勒沙特旅游搭工作一定要当心，老有可能就来勒宗教问题高头“冒犯”伊拉沙特人。

东亚搭北亚	：	中华人民共和国（中国大陆）\| 中华民国（台湾）¹\| 日本 \| 朝鲜民主主义人民共和国（朝鲜） \| 大韩民国（韩国） \| 蒙古国 \| 俄罗斯（罗宋）
东南亚	：	缅甸 \| 文莱 \| 柬埔寨 \| 东帝汶 \| 印度尼西亚 \| 老挝 \| 马来西亚 \| 菲律宾 \| 新加坡 \| 泰国 \| 越南
南亚	：	孟加拉国 \| 不丹 \| 印度 \| 马尔代夫 \| 尼泊尔 \| 巴基斯坦 \| 斯里兰卡
中亚	：	哈萨克斯坦 \| 吉尔吉斯斯坦 \| 塔吉克斯坦 \| 土库曼斯坦 \| 乌兹别克斯坦
西亚	：	阿富汗 \| 亚美尼亚 \| 阿塞拜疆 \| 巴林 \| 塞浦路斯 \| 北塞浦路斯 \| 格鲁吉亚 \| 伊朗 \| 伊拉克 \| 以色列 \| 约旦 \| 科威特 \| 黎巴嫩 \| 阿曼 \| 巴勒斯坦 \| 卡塔尔 \| 沙特阿拉伯 \| 叙利亚 \| 土耳其 \| 阿拉伯联合酋长国 \| 也门
其他特殊政区	：	香港（中华人民共和国）\| 澳门（中华人民共和国）

(1) 请查看台湾问题