文化大革命

来自维基百科
跳到导航 跳到搜索

無產階級文化大革命,簡稱文化大革命文革,是勒1966年5月一直到1976年10月當中勒中國,由中国共产党中央委員會主席毛澤東帶頭搞個一場政治運動,連國家主席劉少奇,元帥彭德怀賀龍等儕畀人迫害死脫。一般性分三個階段,第一階段是勒1966年5月個中國共產黨中央政治局擴大會議搭8月個中共第八屆十一中全會通過發動「文化大革命」,同時通過《五.一六通知》搭《關於無產階級文化革命的決定》開始文革。到第二階段,是勒1969年4月中國共產黨第九次全國代表大會召開過後,開始仔一場全國性「鬥、批、改」運動。

1971年,毛澤東個接班人林彪飛機出事體死脫過後,文革降溫,1973年8月,江青張春橋姚文元王洪文中共中央政治局組成「四人幫」,展開「批林批孔」運動。到1976年1月8號,總理周恩來死脫,全國人民自發個悼念活動變成反四人幫群眾運動。一直到1976年9月9號毛澤東死脫過後,華國鋒葉劍英李先念做核心個中央政治局打擊四人幫,四人幫倒台過後,華國鋒正式做仔毛澤東接班人,當仔中國共產黨中央委員會主席(黨主席)。1977年8月,中國共產黨第十一次全國代表大會正式宣佈文化大革命結束[1]

文革期間,對全中國造成翻天覆地個破壞搭損失,所以亦有人拿該場文革叫「十年浩劫」。

背景[编辑]

海瑞罷官[编辑]

主条目:海瑞罷官

針對幹部弗敢講老實閒話該個問題,毛澤東勒1959年4月,提倡要學海瑞「剛正不阿,直言敢諫」該種精神。明史專家吳晗就勒6月發表仔《海瑞罵皇帝》、《論海瑞》、《海瑞罷官》幾篇文章搭劇本。1965年11月10號,上海《文匯報》登仔江青張春橋策劃,姚文元寫個一篇文章:《評新編歷史劇〈海瑞罷官〉》,拿《海瑞罷官》裏向寫個「退田」、「平冤獄」幫「單幹風」、「翻案風」擺勒一淘講。1966年4月,《人民日報》、《紅旗》雜誌先後登仔《〈海瑞罵皇帝〉和〈海瑞罷官〉的反動實質》、《〈海瑞罵皇帝〉和〈海瑞罷官〉是反黨反社會主義的大毒草》該點文章。拿皇帝罷脫海瑞個官,搭廬山會議浪撤消彭德怀職務擺勒一淘講,各界開始「揭蓋子」批判《海瑞罷官》,成為發動「文化大革命」導火線[2]

影響[编辑]

文化大革命是一場中國個內戰,讓中國無論勒政治、經濟、文化、思想搭社會等方面,儕有交關大個改變,成為仔重要個轉捩點。俚個影響大致好劃分成以下幾項:

政治方面[编辑]

毛澤東重新掌權

1959年大躍進失敗,毛澤東勒壓力下頭名義浪退居二線,勒邓小平提議下頭,讓本來個黨副主席兼全國人大委員長劉少奇繼任國家主席,必過毛澤東繼續擔任中國共產黨中央委員會主席中央軍事委員會主席兩大要職掌握實權。

後歇來中央權力就勒國家主席劉少奇、書記處負責人鄧小平搭總理周恩來掌控當中,必過毛澤東一直想拿大權拿轉來,外加俚弗滿意劉少奇俚篤個經濟政策,亦弗希望中國出現兩個主席(毛主席同劉主席)。打敗劉少奇過後,俚重新執政,國家主席一直嘸人做,還有箇歇辰光交關行勒個人崇拜,俚畀人當神箇浪拜,俚講啥物事儕好讓人信服。

黨政機關癱瘓

毛澤東發動文革個任務是要貫徹建立共產主義世界個理想,但必過江青、林彪俚篤就要奪取整個黨、政、軍機關個大權。

勒俚篤個策劃下頭,大批黨搭國家個各級幹部畀人講成功「走資派」,受到整肅,有種做到蠻高位置個元老加二成為打擊對象,全部畀人革職甚超至於殺脫。中國黨政軍機關儕受到衝擊,政治機制破壞,一切工作儕癱瘓脫。

經濟方面[编辑]

經濟再次衰退

文革辰光因為強調革命精神,有一眼眼緩進個政策就會得畀人攻擊,結果對個經濟建設方針搭政策受到批判,合理個規章畀人廢脫。外加要發動民眾鬥爭,就讓工廠一經勒停工停產個狀態,農村動亂得一天世界,生產效率低仔下去,物資短缺。人民個經濟因為該點事體受著嚴重個損害。

文化方面[编辑]

文學作品、學術權威、古建築受到攻擊

文革發動是從批判文藝作品開始個,〈海瑞罷官〉該部劇個作者吳唅畀人批倒過後,交關多學術界人士因為幫俚辯護畀人講是「反革命」。從此開始交關多有才能搭成就個知識分子,儕畀人講是「反動學術權威」受著鬥爭。

江青做頭頭個中央文化革命小組對文學藝術實行專制政策,窮多優秀個作品儕畀人當成功傳播反黨意識個毒草畀人禁制。

教育方面,紅衛兵忒嫌狂熱,讓學堂要停課,弄到教育工作癱瘓。外加因為窮多老師儕畀學生批鬥,教育質量普遍下降。

弗少中、小學生儕畀人煽動去參加紅衛兵,讓學堂一日到夜勒停課個狀態。大學方面,也參與鬥爭搭批判,讓學術界嘸啥進展。

交關多珍貴文物建築,譬方曲阜孔廟北京頤和園儕受著毀滅性個破壞。

思想方面[编辑]

思想界大混亂

文化大革命拿毛澤東個思想推到仔極點,大家儕認為毛澤東個思想是對個,所以板要跟牢毛澤東個思想做事體。

勒一系列重大理論搭政策問題浪,毛澤東個思想畀四人幫利用,混淆是非,讓中華人民共和國建國十七年以來確定個窮多方針儕畀人否定。批評毛澤東個言論畀人完全禁脫過後,左傾思想搭極端個人主義普遍蔓延,造成功思想浪個大混亂。

社會方面[编辑]

秩序完全破壞

文革辰光,社會浪交關行「革命無罪,造反有理」、「無法無天」個風氣,讓憲法、法律、黨章變成一紙空文,所以正常上班、過日腳搭讀書個秩序儕受著破壞。

外加毛澤東個個人崇拜讓後生個紅衛兵交關多認為「爹親,娘親,不如毛主席親」。因為箇浪,俚篤對自己個父母、師長搞批鬥,原本個倫理秩序就一天世界哉。

箇歇辰光,因為當時武鬥窮行,甚超至於派系內戰;社會風氣敗壞,冤獄勒全國到處儕是,人民生命財產也儕嘸沒保障。

爭議[编辑]

相關人物[编辑]

參考[编辑]

  • 《「文化大革命」十年史》 嚴家其,高皋合著 ISBN 957-32-0316-2
  • 《文化大革命的起源:大躍進(1958-1960)》 河北人民出版社 1989年 ISBN 20203748

外部連結[编辑]

Template:史楔