后金

来自维基百科
蹦到: 导航搜寻
一六一六年个东亚地图 东北部为后金

后金满洲语ᠠᠮᠠᡤᠠ ᠠᡳᠰᡳᠨ ᡤᡠᡵᡠᠨ)是出身建州女真个酋长努尔哈赤来勒满洲(現今中國東北)建立个国家,是后头清朝个前身。明朝万历四十四年(1616年),努爾哈赤来勒赫圖阿拉自稱国号大金”,史称“后金”或“”,史学界一般统称为“后金”,搭12至13世纪个金朝区别开来。到伊儿子个皇太极辰光,1636年改国号叫大清,后金共有21年,两位君主。

历史[编辑]

建国[编辑]

后金是一系列通古斯部落个整合体,来勒金国蒙古帝国灭脱之后,汉化程度比较高个女真人侪畀划分到汉人里向,成为元朝辰光帝国个第三等人。登勒东北亚个未开化女真人迅速回到老早个渔猎状态。到明帝国北进到东北亚个辰光,伊拉接受来自南面个遥控统治。

明帝国对待女真人态度,搭伊拉对待别个民族一样。采取打压分化个方式。让伊拉接受统治。到1590年代后,明帝国来勒辽东个统治开始减弱,畀著努尔哈赤机会。伊通过多场战争,先后兼并交关女真人部落。到1616年,开始正式反对明帝国个统治。自称天命汗,建立“继承”金国个国家“金”。后金因此诞生。

入辽搭萨尔浒大战[编辑]

努尔哈赤建立后金后,迅速搭明朝开始战争。先后攻破铁岭等地方。因为这些地方有交关官员老早搭伊有交情。所以老快就攻占辽东边墙附近。让明朝感到必须重视。到1618年,明帝国调集整个国内个军队,开始对后金进行扫荡。弗过,明帝国个军事布置有问题,四路大军侪相互又没有统一部署。让努尔哈赤来勒萨尔浒各个击破。最终惨败。这场战争之后,后金军队进入辽东,就没人好抵挡哉。

对峙搭皇太极即位[编辑]

努尔哈赤个攻势来勒宁远城受到阻挡。袁崇焕采用大炮轰击个战术,让后金骑兵个优势没办法发挥。同时,明帝国又利用蒙古部落对后金个侧翼进行骚扰。让伊拉没办法完全投入攻击明帝国个进攻当中。努尔哈赤只好先去解决蒙古问题。但从蒙古东归个路高头,伊就旧伤复发,没过多少辰光就死脱哉。之后,伊个儿子皇太极(满文:Hong Taiji)登基,成为后金个第二位可汗。 皇太极登基之后,采取交关方法改造后金个军政结构,让后金开始有封建国家个样范。