三国

三国
国号	蜀汉	曹魏	孙吴
首都	成都	洛阳	建业
君主  -开国君主  -亡国君主	2帝 刘备 刘禅	5帝 曹操 曹奂	4帝 孙权 孙皓
成立	221年 来成都立国	220年 曹丕篡东汉	228年 来建业立国
灭亡	263年 魏灭蜀之战	265年 司马炎篡曹魏	280年 晋灭吴之战
226年三国疆域图： ■ 绿颜色是曹魏范围 ■ 黄颜色是蜀汉范围 ■ 红颜色是孙吴范围

三国（220年－280年）是中国历史上一段三个政权同时存在个时代。三国指曹魏、蜀汉搭著孙吴。

184年汉灵帝时期，张角三兄弟发动黄巾之乱。为著镇压黄巾，朝廷一方面放权到州牧、太守，一方面放纵地主组织私人武装。州牧授权总揽地方军政大权，成为东汉末年军阀割据个基础。

189年汉灵帝死脱，汉少帝即位。外戚何进听取部将袁绍个建议，征调军阀董卓入京剿灭宦官势力，造成董卓乱政。9月，董卓废少帝刘辨为弘农王，立陈留王刘协为皇帝。12月，曹操作檄文号召各地诸侯一淘讨伐董卓。190年董卓逼牢朝廷从洛阳迁都长安，各地军阀末开始相互争斗。192年董卓畀司徒王允设计刺杀后，长安咦畀董卓余部李傕、郭汜等占领。汉献帝趁机望东许逃，来建安元年（196年）畀曹操迎到许都。曹操“奉天子以令不臣”（俗称“挟天子以令诸侯”），击败多股势力，来200年个官渡之战打败袁绍，到208年大体上掌控著中国北方。但必过兵力占优个曹军勒箇年冷天头个赤壁之战中畀拉孙刘联军击败。220年曹操死脱，佗个儿子曹丕逼牢汉献帝禅让后称帝，国号改成魏，乃末东汉灭亡，正式进入三国时期。隔年以益州为主个刘备也用汉室宗亲个身份称帝，国号继续为汉，史称蜀汉。刘备搭孙权来赤壁之战后扩展势力，为了荆州问题一脚相争，阿末得来刘备来勒222年个夷陵之战失败，孙权获得荆州大部分。223年刘备死脱，辅佐后主刘禅个诸葛亮咦搭孙权恢復同盟。占有扬州、荆州搭交州等地区个孙权到228年才称帝，国号吴，史称孙吴或者东吴。此后三国局势主要是蜀吴同盟对抗魏国，三国领土变化弗大。曹魏朝廷慢慢较畀司马氏控制。263年司马昭为建立军功准备篡位，发动魏灭蜀之战，蜀汉亡。265年司马昭病死，儿子司马炎废魏元帝自立，国号晋，史称西晋，曹魏亡。西晋来280年发动晋灭吴之战，灭脱孙吴，统一中华。乃末三国时期结束，进入晋朝。

三国时期人才辈出。三世纪辰光，陈寿曾担任蜀官，蜀灭后入晋编写官方史书《三国志》。唐宋时代，文学诗词中出现蛮多点三国题材个作品。明代罗贯中以三国历史为蓝本，收集著弗少民间故事、诗词搭文学著作，编辑成历史小说《三国演义》，后歇来成为中国四大名著之一。今朝，三国里有名个人物搭事体仍旧畀人深刻印象，经常成为电视、电影还有电子游戏个题材。