孙吴

来自维基百科
(从吴 (三国)转戳到箇里)
蹦到: 导航搜寻
Nanxun - Ancient water town - 0081.jpg

吴越地区历史
史前
时期

约前9000
|
约前1100
上山文化
河姆渡文化
马家浜文化
良渚文化
马桥文化
勾吴
约前1100﹣前473
於越
约前1100﹣前306

前306﹣前222

前222﹣前209
西楚
前209﹣前201

前202﹣196
刘濞
前202﹣前153
孙吴
196﹣280

280﹣420
南朝
420
|
589

420–479

479–502

502–557

557–589

589﹣618
高智慧
刘元进
沈法兴

624﹣907
陈硕真
袁晁
裘甫
董昌
吴越
907﹣978
杨吴
902﹣937
南唐
937﹣975

978﹣1276
方腊

1276﹣1355
杨振龙
陈空崖
方国珍
张士诚
1355﹣1367

1368﹣1644
南明
1644﹣1646
叶宗留

1646﹣1911
张念一
钱宝通
太平天国
1853﹣1864
中华民国
1911﹣1949
日据
1937﹣1945
上海市大道政府
1937
中华人民共和国
1949﹣乃朝
注:所标年份是该政权统治吴越地区个辰光。

三国辰光个吴国(229年—280年),是孙权建立个政权。孙权占据扬州、荆州、交州,地处长江中下游一带,春秋个辰光吴国就建勒箇𡍲,曹魏也封过孙权为吴王,所以史称孙吴;又因为俚个政治中心勒江东,也称东吴。222年,孙权称吴王,并改元黄武。黄龙元年(229年)四月,孙权称帝,国号吴,改元黄龙,是为吴大帝,吴也应始于箇个一年。280年,畀西晋灭脱,三国结束。

孙吴个政治中心历史浪有几次迁徙,从吴(苏州)到京口(镇江)建铁瓮城,再迁到建业(南京)建造石头城,再迁到武昌(鄂州)建吴王城,最后又从武昌回到建业。

历史[编辑]

东汉末年,吴郡富春孙坚做仔长沙太守,曾经带兵参与讨伐董卓。191年(初平三年),孙坚征荆州刘表、黄祖个辰光战死脱哉,只有三十七岁。

孙坚个儿子孙策勒孙坚死脱后投靠仔袁术,问袁术借仔兵马,带兵攻占仔扬州。勒袁术称帝后,搭俚决裂,自立门户。曹操控制个许昌朝廷拜俚为讨逆将军,封吴侯。建安五年(200年)夏,孙策畀仔前个吴郡太守许贡个门客暗杀,死个辰光只有廿六岁。

孙策死后,俚个兄弟孙权继位,勒短时期内稳牢仔江东形势。后来孙权一方面镇压扬州境内个山越反叛,同时三征黄祖,想要控制荆州搭江夏。建安十三年(208年),荆州牧刘表死脱。曹操军也勒箇许辰光南下征讨荆州。刘表个倪子刘琮投降畀曹操。曹操勒得到仔荆州后,想要进一步攻打孙权占据个江东。孙权联合刘备,勒赤壁之战当中大破曹操。此后曹操退守北方,占据荆州北部个南阳郡、江夏郡局部搭南郡局部地区。孙权派周瑜搭韩当等将领攻占仔江陵。

箇许辰光,刘备攻下仔荆州南部个长沙、桂阳、武陵、零陵四郡。后来孙权拿南郡借畀刘备。同时勒建安十五年,孙权得到仔交州。勒刘备得蜀之后,孙权问刘备讨要荆州,最后双方同意以湘江为界,长沙、桂阳、江夏属孙权;零陵、武陵、南郡属刘备。建安廿四年,孙权搭曹操称藩,派吕蒙趁关羽攻襄阳个辰光夺荆州,从此刘备势力畀逐出荆州。

220年曹丕称帝,第二年刘备称帝,分别建立仔魏、蜀。刘备称帝后,就以复仇之名发动夷陵之战。孙权先搭曹丕称臣,畀封为吴王,都武昌(今鄂州市),来避免两线作战。222年,刘备勒猇亭畀吴镇西将军陆逊击败,几乎全军覆没,刘备弗久就勒白帝城病死脱哉。战争结束之后,蜀相诸葛亮派邓芝出使吴国,吴蜀恢复同盟。孙权断绝仔搭曹魏个短时同盟,让魏文帝曹丕先后三次对吴用兵,侪无功而还。后曹休又勒228年勒石亭对吴用兵,也畀陆逊,全琮搭朱桓等人迎击而失败。黄龙元年(229年,魏太和三年,蜀汉建兴七年)四月丙申,孙权称帝,国号吴,改元黄龙,是为吴大帝。

嘉禾二年(233年),孙权封辽东个公孙渊为燕王,吴帝孙权派太常张弥、执金吾许晏、将军贺达领兵一万多人还有送的去个金银财宝,想要立公孙渊为燕王,但不过公孙渊怕吴国呣没办法及时支援又觊觎财物,就斩杀使者。同时吴国几次攻打魏国,但不过侪无功而还。

嘉禾六年(237年)公孙渊自立燕王,改元绍汉,建立燕国。第二年正月问东吴称臣,然后就勒八月畀司马懿带兵平定哉,公孙渊畀杀脱,燕国政权灭亡。

赤乌四年(241年),孙权个长子孙登死脱。第二年孙权立孙和为太子,弗久又封孙霸为鲁王,引发仔“二宫之争”,又称“南鲁党争”,朝中大臣也分为两派。最终孙和被废脱,孙霸畀赐死,名臣陆逊等十多个大臣侪勒二宫之争中畀逼死脱,最后幼子孙亮反而畀立为太子。吴国经箇件事体,举国分歧,埋下仔内部斗争个祸根,逐渐开始衰败。

252年四月,孙权驾崩,七十一岁。孙亮即位,改元建兴。由诸葛恪、孙弘、孙峻等辅政。253年春,诸葛恪征淮南,惨败。诸葛恪畀孙峻杀脱,大权落勒孙峻手里。

256年孙峻病死脱后,事体侪交畀从弟偏将军孙綝。后来孙綝废脱孙亮为会稽王,改立孙休为帝。弗久孙綝又畀孙休杀脱。

元兴元年(264年),孙休病死脱。箇许辰光蜀汉刚刚畀灭脱,交趾又叛吴降魏,东吴国内形势弗稳,想要立一个比较年纪大个君主。左典军万彧搭丞相濮阳兴、左将军张布推荐仔孙和个长子孙皓即位。孙皓即位之初曾经一度施行仁政,下令抚恤国内人民,又开仓振贫,解决贫民个危机,又减省后宫宫女搭放生宫内多余个珍禽异兽,一时畀誉为令主,但不过因为东吴箇许辰光个国力弗来三哉,蛮难中兴,时运弗佳,所以俚变脱哉,弗久俚残暴个一面就显露出来哉。民怨弗绝。还好勒陆抗、陆凯等大臣个全力支撑下才让吴国茍延残喘。

274年,陆抗病死脱。咸宁五年,晋武帝下令分六路伐吴。晋军势如破竹,晋将王浑、杜预、王濬搭贾充等人相继攻破吴将张悌、沈莹、孙震、张象、伍延、薛莹、胡冲搭孙歆等人,吴国防线快速崩溃。

280年(太康元年),晋将杜预领十万大军继续前一次个攻势,孙皓紧急下令张悌领七八千人抵御,杜预破仔张悌个大军,直逼建业,孙皓手下头已经呣没将才哉,自家晓得大势已去,就等西晋大军攻来个辰光,勒石头城浪宣布投降,280年东吴畀灭脱。

吴国灭亡个辰光,领州四、郡四十三、县三百一十三、户五十二万三千、吏三万二千、兵二十三万、男女口二百三十万、米谷二百八十万斛,舟船五千多艘,后宫五千多个人。

内政[编辑]

吴勒政治浪大体跟东汉相近,地方浪还是实行行州郡制,中央方面也是一样个。唯一不同个是东吴主要受江南本地豪族影响,单是在朝朝臣,有弗少顾姓人士(像顾雍)、朱姓人士(像朱桓)、陆姓人士(像陆逊)搭张姓人士(像张温),就是后来畀称为吴四姓个吴郡四大家族,箇点世族侪是江南个望族。

范围[编辑]

孙吴个疆域勒孙策个辰光就有九州当中个扬州个大部分。孙权勒赤壁之战后陆续获得仔荆州西部、交州,勒打败关羽后获得仔整个荆州南部。到孙权称帝后疆域再稳定下来。孙吴北面搭曹魏对峙勒长江淮河一带还有汉江长江一带,以建业、江陵为重镇;西面搭蜀汉相邻勒三峡,西陵为重镇;东还有南到东海南海,其中最南达现在个越南中部。孙吴原有三州(荆州、扬州、交州)32郡。勒226年设置广州,后并入交州。到264年复设,共增加一州。

思想[编辑]

经济个发展,搭外界交往个增加,促进仔江南文化个提高,出现仔一批知名个经学家搭文史之士,像虞翻、陆绩、韦昭。佛教开始勒江南传播,居士支谦从洛阳南来,世居天竺个西域僧康僧会稍晏从交趾北上。俚哚勒建康译经传法,影响交关大。道教勒南方民间继续流传。

帝系[编辑]

孙吴君主搭年号
庙号 谥号 君主名 在世时间 年號 年期 陵墓
始祖 武烈皇帝 孙坚 155年-191年 高陵
长沙桓王 孙策 175年-200年
太祖 大皇帝 孙权 182年-252年 黄武註1
黄龙
嘉禾
赤乌
太元
神凤
222年-229年
229年231年
232年-238年
238年251年
251年252年
252年
蔣陵
孙亮 252年-258年 建兴
五凤
太平
252年253年
254年256年
256年258年
景皇帝 孙休 258年-264年 永安 258年264年 宣陵
文皇帝 孙和 224年-253年 明陵
孙皓 264年-280年 元兴
甘露
宝鼎
建衡
凤凰
天册
天玺
天纪
264年265年
265年266年
266年269年
269年271年
272年274年
275年276年
276年
277年280年

註1:孙权受曹操册封吴王后,于222年自立年号黃武,至229年方称帝建国。
註2:吴国灭亡后,晋武帝孙皓封为归命侯,史称吴末帝。

参考文献[编辑]