太平天国

来自维基百科
蹦到: 导航搜寻
洪秀全像

太平天国是立在清朝后期个咸丰帝同治帝统治当中,立在满清帝国南面个广西爆发个族群色彩宗教暴动。迭个运动个领导人物是广东客家人洪秀全。之所以叫太平天国,是因为伊认为可以依靠自家个拜上帝教,立在凡间建立乌托邦式样个理想乡。迭个运动参考过基督教个一些思想,弗过洪秀全拿基督教教义为己所用,已经成为一种新个宗教。立在1850年,因为土客斗争失败,大量客家人加入拜上帝会。引发官府重视,1850年末,洪秀全立在广西桂平县金田村造反,宣布要斩杀阎罗妖。之后,洪秀全搭伊个信徒向东流窜,先后立在广东湖南畀当地个乡绅武装击败,之后顺湘江到洞庭湖,突击武昌成功,并顺流南下到江南地区。1853年3月19号,太平天国攻陷江宁府,拿此地改名天京,当做自家个首都。之后出兵对长江中游进行劫掠,伊拉所到之处,无论男女老幼,弗是杀脱,就是裹挟到自家个营盘当中进行宗教汏脑,当做日后个炮灰。1853年底,曾国藩训练个湘军开始搭太平天国交战。1856年,洪秀全集团内部矛盾总爆发,酿成所谓个天京事变杨秀清韦昌辉先后畀杀脱,石达开出走。之后太平天国声势大减,拿注意力放到吴越地区。1857年开始,依靠四眼狗陈玉成李秀成,开始分别对江东地区两浙开始劫掠。个当中,因为上海租界存在个关系,大量苏南个乡绅得到避风港搭保全。也让苏州衰落,上海开始繁荣。皖南地区个形式就嘸介好运道。湘军太平军展开拉锯战,造成当地本地人口毁灭性消失。第二趟鸦片战争之后,清廷得到大英帝国法兰西第二帝国个帮忙,让李鸿章立在上海搭戈登将军合作,对付太平天国个李秀成。立在西面,湘军也得到慈禧太后个认可,曾国藩获得充足财政搭军事独立性,从1861年开始,太平天国就苟延残喘哉。弗过,因为江宁府城难以攻克,围城战争持续将近两年,到1864年才拿江宁府(天京)攻克,洪秀全立在迭个事体之前就已经死脱。伊个儿子偷偷畀护送出境,嘸多少辰光就畀寻到,杀脱。太平天国个残党鸟飞兽散,有个搭皖北捻匪混勒一道,开始对中原地区进行劫掠扰乱。有个自家悄悄跑回岭南个老家。隐居当地。个当中就有后势来对孙中山太平天国往事个老兵。还有一些飘扬渡海,甚至跑到过南美洲个智利,参与当地个内战。