上海公共租界

1928年个上海公共租界外滩，右面是欧战铭记碑

一戰前个上海工部局旗幟

一戰前个上海工部局徽章

上海公共租界（英文：Shanghai International Settlement）是近代立在中国存在过个几只公共租界之一（挺下来个有闽南鼓浪屿个鼓浪屿公共租界搭仔芜湖个芜湖公共租界）。由老早个上海英租界搭上海美租界合并形成。拥有管理租界个专门机构工部局。对上海个发展搭城市文化个确立有邪气深远个影响。

随咾同大清签订条约个列强越来越多，伊拉个国民也成为租界管理个一部分，工部局旗浪印有奧匈帝国、丹麦、法兰西第三共和國、意大利王国、荷兰、瑞典-挪威联盟、葡萄牙王国、俄罗斯帝国、西班牙王国、英国搭仔美国个国旗。

佢个座右銘謳作Omnia Juncta in Uno（拉丁文），意思是合眾為一。

历史

上海县城搭租界个变迁图

上海公共租界个历史从1840年代初期开始，一直持续到1940年代开始辰光，基本上有一个世纪。

创立

1843年11月，上海依照英国搭满清帝国个《南京条约》，对西方国家个人开放居住个權利。佢最頭起个外國居民，主要是美國人英國人，畀其他人謳作「上海蘭人」（Shanghailanders）。12月，上海道台搭英国领事划定上海英租界个界限，迭个区域，就是乃朝个上海外滩附近。到1844年，已经有英国个怡和洋行、宝顺洋行租界土地，开始修造西方样式个楼宇房屋。1845年，英国搭上海道台签署《上海土地章程》。个当中，正式拿上海老城厢北面八百多亩个土地确定为英国个居留地。1846年，南、西面边界也确定，迭个辰光，租界面积有一千多亩。

1848年11月27号，英租界个西面边界退役到乃朝个西藏路；立在同一年，美国圣公会个传教士开始立在吴淞江北面修造自家个房屋，搭上海道台进行交涉之后，虹口开始作为美国个租借地，形成美租界。

1853年9月7号，小刀会拿上海老城厢占据。上海道台远循。租界正式摆脱对上海地方政府个交涉，开始自家完全独立发展。1853年，太平天国贼匪占据江宁府。1854年7月11号，上海个三大租界建立联合机构上海工部局，建立万国商团并组建市面警察机构，正式形成上海城邦共同体。

定型搭拓展

1862年，因为权力矛盾，法国人退出联合租界，自家设立公董局并管理上海法租界。1863年9月，英国搭美国立在上海个租界正式合并，一道交把工部局（Shanghai Municipal Council)管理。1848年11月27号青浦教案之后，上海道台允许英租界范围西推，面积达到2800多亩。弗过，美租界一直无具体边界。一直到1893年确定边界之后，才确认美租界面积7800多亩。1899年，公共租界再次扩张，面积达到33000多亩（22平方公里）。北面个边界达到宝山县交界处，西面一直拓展到静安寺，租界内兴修各种设施，一派繁荣，蔚为大观。

越界筑路

为继续获得城邦发展个土地，公共租界多趟搭地方官僚交涉，弗过因为迭个辰光排外情绪逐步高涨，交涉无果而终。所以，工部局决定效仿南面个公董局，搞越界筑路，越界筑路个区域是租界好拥有征税搭控制权个场化，到1914年之后，公共租界依靠越界筑路拿面积托拓展到4.7万亩。

法律地位个解決（1920-1937年）

1920年代，上海公共租界个根基开始收到冲击威胁。1925年5月30号，立在左翼个组织下头，中国示威者勒拉南京路游街，老闸捕房个巡捕枪杀示威者，引起中国全国性个爱国运动。五卅运动以后，大规模越界造路基本停止。上海公共租界继续向外个扩张逐步畀控制下来。1927年，中国国民党立在蒋中正个统帅下进行北伐战争，引发列强强烈紧张，上海租界个英法部队达到两万多人，时刻警惕中国国民党破坏上海个租界界限。弗过蒋最终妥协，立在江湾搞大上海计划，公共租界继续繁荣，弗过自治权已经越来越受到南京国民政府个威胁。

孤岛

1937年中日战争暴发之后，日本军队老快攻克上海守军，同时进入苏州河以北个公共租界。之后，苏州河以南个租界分别由美国、英国军队驻守，立在之后个战争中继续保持中立长达4年。立在租界内个机构继续运转。同时因为战争原因，各地大量人口流入，变相造成公共租界个畸形繁荣。但是，随咾第二次世界大战个全面爆发，上海公共租界个军队亦弗得弗撤退。第一趟是1939年，因为波兰战役爆发，驻沪个英军撤退。第二趟亦是阿末一次发生拉1940年8月，意大利王国对盟军发动地中海战役个两個号头以后。

终结

1941年12月8号，太平洋战争暴发，鼓吹黄种人解放旗号个日本人进驻公共租界个苏州河南面区域。1943年，工部局正式撤销，日本人装模作样拿租界交还汪精卫个傀儡政府，上演昭和性质个丑剧。1943年8月，公共租界个历史正式结束。

管理机构

工部局大楼正门

工部局

上海公共租界工部局（Shanghai Municipal Council）是上海公共租界个行政管理机关，相当于租界里向个政府，有伊拉自家个警察。必过，司法机构还有独立个“会审公廨”，相当于法院。

工部局主要是英国控制，美国也部分参与工部局个管理生活里向。1920年代，费信惇（Stirling Fessenden）担任工部局总董。1873年开始，工部局董事会里向为德国人保留1個席位。第一次世界大战结束以后，箇个席位畀转交畀日本。1928年以后，工部局为华董增加三到四個席位。

上海公共租界个行政体制同上海法租界弗一样，后者是法兰西殖民帝国个一部分，是受法国驻印度支那总督个支配个；上海公共租界则是一個地方自治体，并弗直接受任何外国领事，甚至英国领事个管理。

巡捕房

上海公共租界巡捕房勒拉1854年8月成立，拢总有14個分区捕房。

法律

公共租界嘸統一个法律體系。市議會有《土地條例》搭據箇制訂立个各許條例，對定居點个全部人有約束力。此外，搭中國簽訂治外法權條約个國家个公民搭主體是畀箇國本國个法律管轄。

1947年，领事裁判权全面取消，租界里向个西方国家个人犯民刑事案件会得移送各国个领事裁判个法律根源消失哉，中国真正重新掌有全国个司法管辖权。