河姆渡文化

来自 吴语维基百科
蹦到: 导航搜寻

河姆渡文化是长江流域下游地区古老多姿个新石器文化,第一次(1973年)勒浙江余姚河姆渡畀发现个,因而命名。俚主要分布勒杭州湾南岸个宁绍平原搭舟山岛浪,经科学个方法测定,俚个年代为公元前5000年到公元前3300年,距今6000年到7000年。

介绍[编辑]

搿个文化最早勒1973年畀发现,勒1973-74搭1977-78年两次勒河姆渡遗址发掘。黑陶是河姆渡陶器个一大特色。勒建筑方面,遗址当中发现之大量干栏式建筑个遗迹,勒食物方面,发现之大量水稻,经研究搿点水稻是人工栽培个水稻,此外植物残存还有葫芦、橡子、菱角、枣子等。动物方面有羊、鹿、猴子、虎、熊等野生动物,还有猪、狗、水牛等家养个牲畜。 河姆渡文化个骨器制作比较进步,有耜、鱼镖、镞、哨、匕、锥、锯形器等器物,精心磨制而成,有种有柄骨匕、骨笄浪雕刻花纹或双头连体鸟纹图案,就像是精美绝伦个实用工艺品。勒搿点出土文物当中,最重要个是发现之大量人工栽培个稻谷,搿是目前世界浪最古老、最丰富个稻作文化遗址。俚个发现,让世界浪个弗少考古学者依此认为河姆渡可能是世界稻作文化个发源地。

特点[编辑]

河姆渡文化个农具,最有代表性个特点是大量使用耒耜。

河姆渡文化个建筑形式主要是桩架板高于地面个干阑式建筑。干阑式建筑是中国长江以南新石器时代以来个重要建筑形式之一,目前河姆渡发现个是最早个。

勒人工制品浪,石器数量比较少,主要是斧等打猎工具,也有装饰品。多个是木器搭骨器,其中发现中国最早个木制饰品“木雕鱼”,其他包括木柄骨制个耕田用具耜搭刀铲等切割器具,还有大量纺织工具。勒河姆渡出土之中国境内发现个最早个漆器,俚个陶器制作也有比较高个水平,估计最高烧成温度要1000摄氏度。河姆渡陶器手工制作,非常厚实,呈灰黑色,表面一般打磨,侪有绳纹,或者雕刻植物、动物图案。其他个河姆渡手工艺品,包括粗陶动物搭人偶,还有鸟类图案个木雕搭象牙雕,其中以“双火鸟”纹雕刻最为知名。

现存遗址[编辑]

河姆渡遗址

田螺山遗址

鲻山遗址

鲞架山遗址

慈湖遗址

小东门遗址

傅家山遗址

名山后遗址

塔山遗址

白泉遗址

灵山遗址

河姆渡文化是分布勒浙江杭州湾南岸平原地区到舟山群岛个新石器时代个文化。

文化遗产[编辑]

河姆渡文化年代大概是公元前4360年-前3360年。 陶器以夹炭黑陶为主,少量加砂、泥质灰陶,均为手制,烧成温度800-930℃。器型有釜、罐、杯、盘、钵、盆、缸、盂、灶、器盖、支座等。器表常有绳纹、刻划纹。有种彩绘陶,绘以咖啡色、黑褐色个变体植物纹。

河姆渡出土个纺轮、两端削有缺口个卷布棍、梭形器搭机刀等,据推测搿点可能属於原始织布机附件,显示新石器时代已由手工编织发明之原始个机械。

河姆渡出土之相当多个骨哨,是一种乐器,也是一种狩猎时模拟动物声音的狩猎工具。