裘甫

来自维基百科
跳到导航 跳到搜索

裘甫(?-860年),又叫仇甫。唐末浙东人。

生平[编辑]

大中十三年(859年)十二月,裘甫聚众攻克象山。又猛攻明州城(今朝宁波)。第二年攻下剡县(今朝浙江嵊州),人数发展到几千人,浙东骚动,“时二浙久安,人不习战,甲兵朽钝,见卒不满三百”。后来又连败浙东观察使郑祗德派个范居植军,居植勒剡溪战死;二月再打败沈君纵、张公署、李圭领等,人数发展到三万人,分为三十二队,每队侪派小帅。裘甫自称天下都知兵马使,年号罗平,分兵攻打衢州婺州。 裘甫军再攻下唐兴(今朝浙江天台)、上虞余姚等县,攻破慈溪、奉化、宁海,咸通元年三月十九号围牢象山,官兵屡战屡败。越州震动。小帅刘暀建议先打越州一带,再打浙西(今浙江北部搭江苏南部),但不过王辂主张“据险自守,陆耕海渔,急则逃入海岛”。裘甫犹豫弗决。朝廷急调安南都护王式代郑祗德做浙东观察使,统领诸道兵来镇压,分东、西两路,勒海口,上畛、海游三处打仗,裘甫受之打击,暗走新昌、嵊县。四月,王式入越州(今朝浙江绍兴),包围宁海,象山、唐兴解围,命令郡县开仓赈济贫乏。 刘暀向裘甫说:“向从吾谋入越州,宁有此困邪!”刘暀怒斩王辂,曰:“乱我谋者,此青虫也!”,因王辂等人侪着绿衣裳。六月,裘甫退守郯城,王式会回吐蕃、回鹘等军猛攻郯城,三天打之八十三战。裘甫勒剡县畀围牢,夜半出城突围,刘暀、刘庆等畀杀脱,参将楼茂郏活捉裘甫。另外一支军队刘从简部勒大兰山战败覆灭。八月,裘甫畀押到京师,斩于东市。