宦官

来自维基百科
蹦到: 导航搜寻
The Kızlar Ağası, head of the black eunuchs of the Ottoman Imperial Harem. The title literally means "Chief of the Girls".

宦官(英文:Eunuch)是东方帝国长期存在个一种宫廷侍从,伊拉通过阉割自家个生殖器,获得进入内廷或者后宫服务个机会。宦官个历史由来已久,立在中东印度东亚超过两千多年。拜占庭帝国波斯帝国奥斯曼帝国侪有大量宦官。奥斯曼帝国圈养个宦官多数来自非洲或者欧洲,成为废立苏丹个一大势力。

东亚宦官[编辑]

宦官勒拉中国也叫做太監公公寺人閹人內臣內官內侍中官中涓內豎中貴人等,是古代宮廷里向為皇室服務,外加畀閹割個男性。宦官是負責宮廷里向杂七杂八生活個奴僕,不得参與國家政務,只弗过因為伊拉交皇室朝夕相處,所已能博取信賴或者有機可乘,所以歷史浪向也存在有得宦官掌握國家政務大權個情况。

中國前开头辰光宦官不一定侪是阉人,到仔东汉以后才统统用阉人做宦官。到了明朝还有得“淨軍”一詞,是指由太监组成功個军队。[1]唐甄勒拉《潛書》里向箇样子描繪太監:“望之不似人身,相之不似人面,聽之不似人聲,察之不近人情。”

用閹割過個男人作為宫廷內侍也弗是中國獨有產物,古希臘、羅馬帝國搭東羅馬拜占庭帝國個宮廷里向侪有得太監,甚至拜占庭法院里向还有得交关太監職員,也有得一眼被重用當大官。老早仔朝鮮越南個皇室也欢喜用去勢個男性作為內待,埃及波斯印度土耳其等古文明侪曾經有得相同個做法。聖經新約里向也有得向从非洲埃塞俄比亞来個太監傳福音個記述。英文里向太監(eunuch)一字就是从希臘文“守護床個人”轉變过来個,由此看出宦官勒拉中外本生侪是為了保護後宮貞節、皇族血統而存在個。土耳其人用個是黑人太監,名為諸女領班,也有得白人太監,但是黑人人數多,勢力也比較大。另外,勒拉古代也弗是所有個國家個皇宮內院侪有得所謂個宦官,譬如像日本江戶幕府時期負責將軍後宮(也就是大奧)個一切事務全部由女官負責,男性除脱一眼特殊情況以外一律禁止進去。

至於「太監」第個名稱,最早出現勒,本生是一个政府高級職位個名稱,並弗一定由宦官擔任。到了明朝個辰光,级别低個宦官叫「少監」、「中監」,级别高個宦官才叫「太監」;隔手「太監」變成功仔高級宦官個稱謂,到了清朝个辰光,宦官統稱為太監,变成功宦官統稱。

中國宦官历史[编辑]

勒拉中國,商朝辰光個甲骨文里向曾经出現「凸刀」字,伊個意义搭字相通,说明當時已经有得拿人閹割;但是还呒没用伊拉作宫庭內侍個記述。西周個辰光開始有得使用閹人個記載,《周禮》里向有得「宮者使守內,以其人道絶也」。當時辰光個閹人畀用來作「寺人」、「內豎」、「閽人」等職务,但是人數弗多外加地位低下,只弗过是負責雜役、傳令等工作,是家臣個一種。跟勒專政王權個發展,到了戰國秦朝個辰光,受宫刑個人大量增加,使用閹人個機構也增多,閹人當政也開始出現。

到了漢朝個辰光,侍候皇帝個人統一被叫作「宦者」或者「宦官」。據說第個名字是出自拱衛勒拉天帝星旁边一個叫「宦者」個星座。東漢個辰光,規定宦官全部要用閹人,大規模宦官當政也勒拉第個辰光第一趟出現,東漢末年成為宦官搭外戚之間彼此廝殺個舞台,稱為「第一次宦官時代」。

唐代開始有得所謂個“市舶宦官”,即“中人之市舶者”[2],專門負責管理東南沿海地區海外貿易,《資治通鑑》亦載:“唐置市舶使於廣州,以收商舶之利,時以宦者爲之”[3]韋某是有史可考的第一位市舶宦官[4]。之後,勒拉唐代安史之亂以後再次出現大規模宦官當權,稱為「第二次宦官時代」。箇是由於唐代後期宦官自殿中监李辅国開始掌握了軍權,“宝印符契,晨夕军号,一以委之”[5],日後宦官弗光總領神策軍,而且還組建牙隊,最後形成功專權,甚至有得立廢皇儲個权力,唐文宗甚至稱自己不如周赧王漢獻帝

宋代對宦官參政防範較嚴,宋太祖不許宦者“預政事”,宦官到一定年資必須轉出外任。故宋代尽管有得童貫梁師成等禍國宦官,但是宦官個權力並呒没凌駕於宰相之上個權勢[6]

至於「太監」此一名稱,最早出現於,本生是政府高級職位個名稱,並弗一定由宦官擔任。到了明朝個辰光,宮廷里向設立十二監二十四衙門,提領者被稱為掌印太監,侪由宦官出任。级别低個宦官叫「少監」、「中監」,级别高個宦官叫「太監」;从第個辰光开始「太監」變成功高級宦官的稱謂,後手來变成對宦官個統稱。

宦官勒拉明代發展到頂峰,尽管明太祖明令禁止宦官-{干}-政,但是明成祖即位仔以後開始重用宦官。明朝前开头交趾監軍馬騏激發交趾人起兵脫離中國獨立,明朝最后辰光曾經有過宦官數萬名,根據王世貞《龠山堂別集·中官考十》記載:「南海戶淨身男九百七十餘人復乞收入。」宦官遍佈政府各部門,以太監充任個特務分佈全國,尤其是勒拉天津泉州寧波廣州等對外商船貿易海港港口必定派駐「稅監」太監[7],稱為「第三次宦官時代」。崇祯好几趟怒斥太監:「將我祖宗積蓄貯庫傳國異寶金銀等,明比盜竊一空。」宦官時代個結束,一定是王朝的覆亡。王夫之在《沿書引義·舜典四》中針對太監議論:「宮刑施之,絕人生理,老無所養,死無與殯。無罪之鬼,無人除墓草而奠懷染。故宮者,均於大辟也。且宮刑之後,二氣時乖,肢體外痿,性情內琢。故閹瘸之子,豹聲陰鷙,安忍無親。且刑人並齒於天地之間,人道絕而發已凋、音已雌矣,何懼乎其不冒死而求逞於一朝?而又美其名曰,姑且憐其無用,引而置之官府之間,不知埋下禍根深矣。宦寺之惡,甚於士人,只因其無廉隅之借,子孫之慮耳,故憫不怕死,何況乎其以淫而在傍君主之側耳。」

到了清朝個辰光,宦官統統稱為太監。清朝對太監控制了十分嚴格,除脱清末有一兩個受寵個太監外,宦官弄權個情況呒没出現。

民國政府擬定個《清室優待條件》第六條規定宣統帝退位仔以後「以前宮內所用各項執事人員,可照常留用,惟以後不得再招閹人。」民國初年袁世凱稱帝個辰光,宣佈宮中永遠不用宦官,宮中僕役全部由女官擔任。滿洲國時期,滿洲國帝宮內仍就有得太監,不過人數減少。且當時國民政府搭滿洲國政府不相交通,不通郵電,所以有關伊個辰光太監個情況,一無所知[8]

参考资料[编辑]

  1. 周同谷《霜猿集》:“天启中,魏璫选京师浄身者四万人,号曰浄军。”
  2. 《新唐書》卷一二六《盧奂傳》
  3. 《通鑑》卷223,代宗廣德元年十二月。
  4. 於肅《内給事諫議大夫韋公神道碑》
  5. 《资治通鉴》记载:“李辅国,自上在灵武,判元帅行军司马事,侍直帷幄,宣传诏命,四方文奏,宝印符契,晨夕军号,一以委之,乃还京师,专掌禁兵,常居内宅,制敕必经辅国押署,然后施行,宰相百司非时奏事,皆因辅国关白、承旨。常于银台门决天下事,事无大小,辅国口为制敕,写付外施行,事毕闻奏。”
  6. 明人张燧在《千百年眼》卷11《历代宦寺之祸》中说:“自秦以历汉、唐、宋,其所以灭亡之故,俱出阉宦。”
  7. 王春瑜:《历史上太监祸国殃民的巅峰时代:明朝宦官》
  8. 陳存仁(2008年1月).《被閹割的文明》第37節:偽滿洲國仍有太監.桂林:廣西師範大學出版社,226.ISBN 9787563370115