河南省
（从河南转戳到箇里）
河南省，简称豫，是中华人民共和国华北个一个省，徠勒山东搭安徽个西面，山西搭河北个南面，陕西个东面，湖北个北面。省会是郑州市。
历史
[编辑]历史浪是华夏文明个发源地。来勒春秋战国到北宋一直比较发达，弗过，到金元战争之后，彻底荒废。明朝辰光才开始重新开发，之后经济一直邪气落后。也有交关流窜人口。到近代，周期性爆发大面积人口消失事体。弗过，现在还是有超过1亿人口，相当于一个孟加拉国。
行政区划
[编辑]河南省个省会立在新兴城市郑州市，其余地级市包括洛阳市、开封市、南阳市、驻马店市、信阳市、周口市、漯河市、焦作市、商丘市、安阳、新乡、三门峡、平顶山之类。[1]
语言
[编辑]此地大多数地区侪讲中原官话，北面一些场化讲晋语。有弗少河南人认为伊拉个方言是中州正韵搭正宗古汉语，弗过嘸多少证据证明。
饮食
[编辑]此地是典型个北方饮食为主，南部信阳搭南阳为南方饮食，顶顶有名个特产是胡辣汤、烩面、驻马店小磨香油、道口烧鸡、新郑大枣，还欢喜吃面食。
宗教
[编辑]传统宗教呒多少势力哉。东面多数信基督教或者基督教个异端。别个地方有交关回族村。省内有回族超过100万，回教是顶顶有势力个宗教。
人口流动
[编辑]河南是中国乃朝人口外流顶顶结棍个省份。立在北京、吴越、南粤乃至新疆侪有大规模个聚居存在。立在上海个河南人，就超过100万。
外部链接
[编辑]参考
[编辑]
| ||||||||||||||||||||||||||||||||||||
