哈佛大学

哈佛大学
Harvard University
校训	Veritas（真理）
创建时间	1636年
校长	Alan Garber
教师	2100個人
网站	Harvard.edu

哈佛大学（英语：Harvard University）是一座勒垃北美东北面美国新英格兰地带城市波士顿郊外个私立研究型大学，也是世界浪顶顶有名个大学搭常春藤联盟个核心学堂。渠勒垃世界各大排行榜里向名列前茅。

哈佛大学是1636年当地殖民地立法机关立案成立个，到难是全美国历史顶顶悠久个高等学府，还有北美洲顶顶老个校董会。渠开始辰光叫“新学院”（New College），后首来为仔感谢一個叫约翰·哈佛个年轻加尔文宗牧师捐钞票，就改名“哈佛学院”。虽则渠从来朆正式搭啥個宗教派别有联系，必过老早个学院主要是培养公理会搭一位论派个神职人员个。但是从18世纪开始，课程搭学生子群体个宗教色彩就慢慢较淡脱哉，到仔19世纪，哈佛就变成功波士顿精英文化个发源地哉。美国南北战争后来，伊歇个校长查尔斯·艾略特拿哈佛各个学术机构合并成一所研究型大学，还加仔小班上课搭仔入学考试，箇眼模式也影响到全美国个中高等教育政策。箇所学堂也是美洲大学协会12個创始成员之一。後首來经历经济大萧条搭第二次世界大战，渠拉又进一步调整课程咾招生政策，末脚搭拉德克利夫学院合并变成男女学生子同一個学堂。

箇歇哈佛大学攏共有十所学院咾一所高等研究院，箇些单位分布垃附近个各个区：主校区垃剑桥个哈佛园；医学、公共卫生搭仔牙医学院勒垃波士顿个长木医学区；还有包括哈佛体育场个大学体育设施搭仔商学院勒垃奥尔斯顿。哈佛还拥有蠻大个资产，每年收着个捐款数目一徑排垃全球教育机构里向頭一名。

约翰·哈佛个雕塑

哈佛大学是全美国顶顶难进个大学之一。学堂个研究生课程比较多样化，本科教育呢主要集中垃文理学。2007年开始，学堂实行财政援助政策，屋里向年收入比一定数目少个学生子好拿着弗同程度个学费减免。哈佛有全美国顶古老个图书馆系统，也是全球頂大个私立搭大学图书馆系统，收藏超过1,600万本書。渠是常春藤盟校成员之一，難攏共有42支参加弗同体育比赛个校队，属于全美大学体育协会甲组。除脫体育，学生个课外生活还包括各个学会组织个活动。哈佛校友包括8個美国总统搭仔交关国家领袖搭政治人物；渠还培养出62個亿万富翁企业家咾335位罗德学者，人数全是全美国顶多个。到2020年10月份为止，攏共有161個诺贝尔奖得主、18個菲尔兹奖得主搭14個图灵奖得主垃哈佛学习或者工作过。

历史

廿一世纪

2025年4月11号，美国总统特朗普要求哈佛大学取消脱反犹政策搭偏向少数族裔个措施。14号，哈佛大学拿特朗普政府个要求回头脱。特朗普政府立时三刻宣布冻结脱畀拉哈佛个22亿美元经费。5月13号，美国政府又砍脱4.5亿美元个拨款。5月22号，美国政府禁止哈佛招收国际学生，第二日，美国联邦法院一個法官对箇条禁令发出临时限制令，要求垃29号个听证会以前保持原状。