满族

出自维基百科,自由个百科全书
Armoured Kangxi Emperor.jpg
Armoured Kangxi Emperor

满族,总体个名称叫做满洲族,是立在东北亚发源个一个族群。立在历史浪建立过满清帝国。1911年之后,满族丧失国族个地位,1949年,畀国家正式认定成少数民族。弗过,自家个文化基本侪消失,或者融合到中原地区哉。乃朝伊拉自家个民族语言满语基本已经死脱。

分布[编辑]

历史浪,满族个分布是有偏重个。迭个情况,也对乃朝满族个分布,有所影响。具体是满洲分布老多,北京有交关分布,其余立在驻防满城集中分布。个种局面,是清朝进入山海关之后,立在战争当中形成个。因为后金个首都立在山海关以外,清朝又是从白山黑水发源个,所以,立在此地分布多是弗奇怪个。北京是清朝个首都,满清皇帝有命令,让北京内城当中个非满族清空,只好让满族居住。所以,北京也是满族聚居个城市。此外,立在明朝老早个交通要道搭重镇,满清朝廷也部署交关八旗居住,充当驻防军队,来恐吓,威慑当地个老百姓。这些城市,就包括山东青州市、湖北荆州市、江苏江宁府、浙江杭州市、福建福州市、广东广州市广西桂林市

辛亥革命之后,满清王朝灭亡,这种老早个分布,立在大方向高头变化弗大,但是立在南方各地个驻防城市,有蛮大改动,具体是大量驻防满城消失,满族人开始往经济中心转移,个当中,就包括蛮多满族人开始迁徙到个辰光个南方经济中心上海搭北方经济中心天津。立在满洲国存在个期间当中,也有一些满族人,跑到满洲居住。乃朝,满族主要个分布还是以中国东北北京市为主。弗过,自家个文化已经基本嘸留存哉,只弗过是一个户口本民族。

族名来历[编辑]

满族个名称,来历到乃朝还是一个谜团,根据满人自家个讲法,迭个词汇是从文珠菩萨得到个,文珠菩萨个梵文是Manjusri,转写就是manju。