丰臣秀吉

来自维基百科
蹦到: 导航搜寻
Toyotomi hideyoshi.jpg
Toyotomi Hideyoshi
日語表記
日語原文 豊臣 秀吉
假名 とよとみ ひでよし
羅馬字 Toyotomi Hideyoshi
Commons-logo.svg
维基共享资源里向寻得着搭该篇文章搭界个多媒体资源:

豐臣秀吉(日文:豊臣 秀吉〔豐臣 秀吉〕假名:とよとみ ひでよし 罗马字:Toyotomi Hideyoshi;1537年3月17日-1598年9月18日)是日本战国时代阿末阶段冒起,并在安土桃山时代大放异彩个武士大名。

冒起[编辑]

渠出身贫寒家庭,早先依附织田信长,因得计谋多显貤会得拍马,拉帮结派,获得织田信长个信任。获得武士身份,让自家有羽柴秀吉只名头。(昰个名字是渠为著取悦织田信长个两个宠臣丹羽长秀柴田胜家妆出来个)。1582年,织田信长京都本能寺遭到明智光秀个叛乱,故脱哉。羽柴秀吉趁机夺权,获得著关白个身份。之后,依靠一系列计谋搭巧取豪夺,逐步弹压各路大名。渠本身想通过获得源氏只姓氏,效仿之前个源赖朝足利尊氏开设幕府。弗过,因为渠出身个问题(一个连得武士也弗是个农民)畀行情贵族抵抗。盖咾,便折衷,请天皇赐畀自家丰臣只姓氏(弗是家名,属于搭一只等级个本姓)。并充当关白太正大臣。构建依附在京都朝廷下头个丰臣政权。1580年代末,渠讨平在末一只反抗渠个大大名后北条氏。彻底控制爻日本。并担自家个关白位置让畀外甥丰臣秀次,亲自出任太阁,并修造爻规模惊人个大坂城

征朝[编辑]

1590年代初,获得日本境内66国控制权个丰臣秀吉野心膨胀,幻想用日本战国时代练就个封建军队,征服东亚大陆丄向个大一统帝国明朝。渠四处散发告示,要求琉球南蛮(西属菲律宾)、朝鲜来朝贡,结果除脱琉球,别侬基本弗睬渠。1591年8月,经过准备,渠下令第二年春天入支(日文:唐入り),在肥前国造爻规模庞大个名护屋城,作为指挥战争个大本营。同时,让自家个养子宇喜多秀家当统帅,1592年3月,出兵16万,席卷朝鲜。朝鲜一败涂地。后首,明帝国派遣辽东个军队进入朝鲜,在平壤之战里向击败小西行长,貤在碧蹄馆之战打成功平手。战争陷入胶着。1593年,丰臣秀吉命令小西行长搭明朝进行谈判。

后首两年里向,日本军队在朝鲜王国基本处于冷战状态,一头在朝鲜半岛南许建碉堡,一头丰臣秀吉开始处理自家屋里个事干。为著怀疑自家个外甥丰臣秀次要反对渠,便命令丰臣秀次切腹(弗过越加重要原因是伊歇辰光渠得著侧室淀殿生个儿子丰臣秀赖)。之后,渠身体状态越来越推板。越加开始反对天主教,1596年,处决26名天主教徒,外加开始迫害基督教。

1597年,沈惟敬小西行长个册封泡沫破灭,丰臣秀吉恼羞成怒,命令重新出兵朝鲜,兹趟目标现实著眼,要求占领朝鲜王国个全罗道忠清道京畿道明帝国貤来干涉,派遣三路军队征讨。虽话日本军队在加藤清正等指挥下,三趟大败明帝国个路上军队。弗过,在海里向,因为李舜臣个存在,日本个补给一径有毛病,只好防守。昰歇,丰臣秀吉貤开始信任起自家个贴身秘书石田三成。因为石田三成排人对加藤清正等弗满,后者畀回国关押,一直到伏见城地震再放出来。

故脱[编辑]

秀吉个身体衰败来快显,1598年3月15日,在京都醍醐寺命令修造庭园,从各地收集爻700多颗名贵樱花移植到此地,让各位大名进行冠上。居也是丰臣秀吉阿末一趟在大量贵族面前公开亮相。5月15日,渠召见各有力大名:德川家康前田利家前田利长宇喜多秀家上杉景胜毛利辉元搭渠拉个嫡子,宣布自家个遗言。7月4日,再次召见德川家康,希望渠好相帮丰臣秀赖;8月5日,貤要五大老来自家病榻前,再宣誓画押一趟。8月18日,一代枭雄丰臣秀吉,故脱。