宁波市

来自维基百科
蹦到: 导航搜寻
宁波

宁波有关伊段声音 读音,国际音标:niɪŋ˩˨ pɜʊ˦˨)是东亚临近东海个一个城市。乃朝属中华人民共和国浙江省个管辖,也是浙江省第二大个城市。有人口763.9万。宁波立在浙江省个东北边,杭州湾个南半边。西搭绍兴接牢,南半边是台州,搭舟山隔了一道海。宁波人讲个闲话是吴语宁波闲话。宁波该晌是国家计划单列市,长三角南翼经济中心。宁波港是全世界货运吞吐量顶大个港口,还是全国第三大个集装箱港口。

历史[编辑]

宁波个历史邪气悠久,是吴越地区第一批城市之一。宁波个人类活动,可以追朔到石器时代。公元前7000年就诞生古越人个河姆渡文明。唐朝开始,宁波搭扬州广州聚头成为东亚顶大个港口。从宋朝开始,搭东亚其余地区以及东南亚,侪有贸易往来。第一趟鸦片战争之后,宁波成为五个通商口岸之一。本身畀英国人看中,要拿舟山作为开放口岸,弗过因为瘟疫,后势来选择上海。邪气可惜。近代个宁波工商业慢慢发展,蛮多宁波人移民到上海,影响到上海话个演变。同时,出身宁波奉化蒋中正,成为影响中国近代历史个关键人物之一。

地理搭气候[编辑]

宁波来勒浙江省个位置
  • 宁波面积9365平方公里;海岸线长1562km,包括788km大陆海岸线搭著774km个岛屿海岸线。
  • 气候特点:亚热带季风气候,气候潮湿,四季分明。
  • 平均气温:16.2°C;热天头平均32°C,冷天头平均9°C。
  • 平均降雨量:1300-1400 mm。

经济[编辑]

宁波是交关重要个经济中心搭港口城市。历史上头,七世纪开始宁波已经搭外国做贸易。宁波该晌是交关重要个出口港,出口个货物包括消费品,电子商品,纺织品,食品搭工业品等。

北侖港該晌是全國頂頂大个出口港,地位交關重要咧。

名人[编辑]

交关多个名人是宁波出来个,还有蛮多人祖宗个屋落来勒宁波。

景点[编辑]

  • 天一阁,宁波顶有名个景点, 天一阁藏书馆 (每日天亮8:00到下半日4:30开放; 门票30块,拿学生证老年证好免费), 来了湖西河个旁边。天一阁是1516年造好个,是东亚该晌还勒迭个顶早个图书馆。明朝个范钦收藏了交关多版制书,手抄儒家经典,还有眼历史书,辰光追溯到11世纪。该晌侬可以来了藏书楼外头个花园搭外屋参观。还可以看见交关多有名个石刻。
  • 保国寺
  • 天封塔
  • 阿育王庙
  • 天童庙
  • 蒋介石屋落
  • 天一广场