岱山县

来自 吴语维基百科
蹦到: 导航搜寻

概况[编辑]

  • 岱山(本地闲话[de][sɛ])县属于浙江省舟山市,位置来勒浙江省东北方向个东海洋面上舟山群岛的中间部位。全县以岱山岛为中心,东向是大、小长涂山,南向是秀山,西向是渔山列岛,北面是衢山岛。合总大小岛屿404个,其中有人庉个11个,包括岱山本岛、大衢山、小长涂山、秀山、大长涂山、大渔山、江南山、小衢山、大峧山、官山、下三星。小峧山、黄泽山、大西寨格当咸早也有人庉,刚即已经统邅了别采勒。
  • 全县陆地面积有搭326.5平方公里,其中57.4平方公里是潮间带滩涂,海域面积4916平方公里。岱山本岛顶大,面积119.3平方公里,其次是大衢山,面积73.6平方公里。县政府来勒岱山本岛个高亭。
  • 目前人口大约21万,由于交通勿方便,本地人口外出严重,同时外省人口邅进个也蛮多。

沿革[编辑]

  • 考古历史大约摸有四、五千年前。春秋战国时期是国甬东地,根据《史记》里向写该,秦始皇派徐福带数千童男童女下东海寻长生不老药,曾到过“三神山”之一的蓬莱山,岱山县认为,该里个蓬莱山,就是今末个岱山(20集电视连续剧《徐福东渡传奇》个一半外景来岱山拍的个)。
  • 朝时属于会稽郡句章县,唐开元年间,岱山即被命为“蓬莱乡”,故此为之,岱山自古讴勒“蓬莱仙岛”。朝开元廿六年(公元738年)后,相继属于翁山县、鄮县、鄞县、昌国县、昌国州、定海直隶厅、定海县
  • 中华民国三八年(1949年)8月,定海县北向各个岛屿分出,设立滃洲县,县政府来勒高亭。1950年5月19日滃洲县解放同时县政府撤消,重新拨定海县,设立岱山区、衢山区。1953年4月岱山县(县治东沙,1955年邅勒高亭)成立。1958年岱山县撤消,并拨定海县(名字为舟山县)。1962年,岱山县恢复,同时大衢县(县治岛斗)也设立,1964年大衢县撤消,大衢山格当岛屿划拨岱山县,大洋山、小洋山格当划拨嵊泗县

行政区划[编辑]

中华人民共和国浙江省舟山市岱山县行政区划 Flag of the People's Republic of China.svg
高亭镇(镇内) 沙涂社区 | 安澜社区 | 蓬莱社区 | 兰亭社区 | 闸口社区 | 育才社区 | 嘉和社区
高亭镇(近郊) 高亭一村 | 高亭二村 | 大岙一村 | 大岙二村 | 闸口一村 | 闸口二村 | 东海村 | 山外村 | 小蒲门村 | 大蒲门村 | 山外农业经济合作社
高亭镇(离岛) 江南村 | 官山村(人口大部分邅了本岛) | 大峧山村(人口大部分邅了本岛) | 渔山社区
高亭镇(远郊) 南峰社区 | 浪激渚社区 | 石马岙社区 | 枫树社区 | 机场社区
东沙镇 东沙社区 | 泥峙社区 | 桥头社区 | 司基社区
岱东镇 涂口社区 | 北峰社区 | 沙洋社区 | 龙头社区 | 虎斗社区
岱西镇 青黑社区 | 摇星社区 | 海山社区 | 仇家门社区 | 双合社区
衢山镇 岛斗社区 | 幸福社区 | 枕头山社区 | 太平社区 | 皇坟社区 | 高涂社区 | 桂花社区 | 龙潭社区 | 四平社区 | 沙龙社区 | 万良社区 | 鼠浪社区(鼠浪社区来搭鼠浪湖岛,其余统来大衢山)
长涂镇 倭井潭社区 | 长西社区(该两社区来勒小长涂山) | 港南社区 | 东剑社区(该两社区来勒大长涂山)
秀山乡 秀北社区 | 秀南社区 | 秀东社区

风景[编辑]

  • 岱山岛风景名胜区 位置来勒岱山县里向,搭定海七海里,搭普陀山十七海里,风景点主要分布勒岱山本岛、秀山岛、衢山岛、长途岛。岱山岛古早讴蓬莱仙境,有搭蒲门晓日、石壁残照、鹿栏晴沙、南浦归晚、石桥春涨、鱼山蜃楼、横街鱼市、巨港渔火、竹屿怒涛、白峰积雪十景,是为“蓬莱十景”。摩星山顶,整个海上千岛景观统好看见。整个风景区三百米以上个沙滩有十处,其中鹿栏沙滩(后沙洋)三千六百米长,为全省之最。岸壑奇特,岛屿林立,沙滩细腻,气候宜人,是一处较关赞个海岛型风景名胜区。1991年5月3号,被批准为浙江省第二批省级风景名胜区。

风俗[编辑]

宗教[编辑]

佛教[编辑]

  • 寺院
    • 慈云禅寺。来勒磨心山顶,清朝开始建设。
    • 超果禅寺。五代辰光开始建设。乌塞来勒岱东镇。
    • 义火禅寺。乌塞来勒高亭镇南面山顶,搭磨心山ka贴对头。

基督教[编辑]

  • 教堂
    • 衢山桂花教堂。民国17年建设,解放进被占用,1986年重新开放。
    • 岱山东沙教堂。抗日战争头起建设,解放进被占用,1988年拆造,开放。
    • 衢山哈吧山福音堂。衢山基督教活动个中心。

天主教[编辑]

人物[编辑]

  • 金维映(1904-1941)。高亭镇人,红军烈士。

本名金爱卿。1904年出生勒高亭,是红一方面军参加长征个30位女红军之一。14岁跟了其阿爹邅了定海。1931年搭邓小平噶做队搭中央苏区工作,1932年1月担任胜利县县委书记,随后搭邓小平噶结婚。1934年搭李维汉噶结婚,小人生了一个,就是李铁映。后来到苏联治病学习,1941年参加苏联反法西斯战争,罪过牺牲。

  • 张阿英(1914-1991)。长涂镇倭井潭人,船老大

后生辰光当运输船老大,来江、浙沿海一带装货做生意。1948年10月底,张阿英勒船来江阴装货辰光,解放军二十三军长江工委留守处柳铭江来船勒,搭其拉宣传革命,请其拉运兵。1949年4月20日昼过,渡江战役开始,江阴运送第一批解放军过长江个船里厢,张阿英船第一只靠拢。1949年5月苏北第一渡江部队召开万人庆功大会,张阿英船被评为支前特等“功臣船”,其个人也荣获中国人民解放军苏北第一渡江司令部、政治部颁发个支前特等功勋章。1987年,被评为省拥军优属先进个人。“八一”建军节六十周年作为特邀代表参加北京召开的全军英模代表会议(因病呒没参加),荣获英模荣誉证书搭“八一”荣誉勋章。1991年12月1日,张阿英因病久治无效过老舟山日报12月17号第一版刊载“渡江战役第一船老艄公——张阿英老大逝世”的消息。

  • 林如良(1923─1971)。高亭镇南峰人,老大,村干部。

南峰渔民协会主任、大队党总支副书记。1956年试验流网翻背对、流网翻大对作业成功,来吕泗渔场抛碇作业开辟新渔场。其发明一船带双副渔具、捕多种鱼类对溜兼捕作业,变春冬两汛生产为常年生产。1958年代表南峰渔业大队参加全国农业先进集体代表大会,县政府奖拨其楼屋2幢,其以“生产该搞、楼房不要”反其。1966年,参加全国农村群众科学实验运动交流会。1969年冬汛,主动搭老爷船当老大,创造高产奇迹。林如良当书记之前,南峰渔业队群众民风剽悍,远近闻名,林如良带领群众认真生产,建设社会主义。同时还打击海盗,当时南峰渔业大队打击海盗个船舶一直开勒台湾海峡。

历任县长[编辑]

  • 萧政之湖北省汉阳县(今武汉市蔡甸区)人,1949年8月滃洲县成立后,为滃洲县县长兼海军岱长巡防处处长。后头跟了国民政府撤了台湾,获赠中将军衔,担任国防部总政战部执行官等职务。后来创办台湾中华电视台、北美卫星电视等。
  • 姚德隆(?~1985.11)
  • 沈 旺(代,1995.11~1996.03)
  • 沈 旺(1996.03~2001.06)
  • 孙旭军(2001.06~2004.12,包括代),2006.9因受贿罪、滥用职权罪被判刑六年六个月。
  • 王 伟(代,2004.12~2005.03)
  • 王 伟(2005.03~ )