海曙区

出自维基百科,自由个百科全书
海曙区
从上到下:
海曙区天际线
天一广场
咸通塔
月湖
天一阁
宁波站

海曙區寧波市个地理位置
概要
国家 中国 中华人民共和国
上级行政区

浙江省宁波市
区划类别 市辖区
政府地址 县前街61号
乡级行政区 8
- 街道 8
地理
总面积 29.38平方公里平方公里
人口帮经济
总人口 30.00万人
人口密度 表达式出错:弗能识别个标点“万”人/平方公里
GDP(2012) 496.18亿亿块人民币
人均GDP 表达式出错:弗能识别个标点“亿”万块人民币
其他
邮政编码 315000
电话区号 +86 (0)574
网站:www.haishu.gov.cn
查看模板及說明

海曙区吳越宁波市下辖个一個区。海曙区地处宁波市中心三江口,北邻江北区,东接鄞州区,西挨余姚市,南靠奉化区,是宁波中心城区个一部分。海曙区个区名从区内一座造垃唐代个鼓楼“海曙楼”介来,唐代介至今一直统是宁波城市个中心[1]

自然地理[编辑]

海曙区来勒宁波市中心,东隔奉化江鄞州区相连,北临姚江江北区相接,西搭余姚市接壤,南搭奉化区相连。海曙区属亚热带季风气候区,年均气温16.7摄氏度,无霜期230天至240天,多年平均降水1480毫米。

历史沿革[编辑]

海曙区有人居住个历史好追溯到西汉。东晋辰光,刘牢之为仔防范孙恩起义军,曾修建筱墙,目前尚存筱墙巷个地名。刘裕乃末也搭句章县县治搬迁勒小溪,即区境内个鄞江镇,海曙区来的个区域正式成为宁波个行政中心[2]。过仔,区境改属鄮县,后改鄞县。长庆元年(821年),明州刺史韩察搭明州州治迁勒区境内个三江口西岸,三江口从该辰光开始成为此后1200余年宁波城市中心来的个乌埰[3]清代,海曙区为宁绍台道治所。1949年,宁波市区从鄞县介分立,海曙、镇明两区来三江口成立。1984年,镇明区畀并进海曙区。2002年鄞县撤县设区,成为鄞州区。2016年,老鄞州区奉化江以西并入海曙区,形成乃朝个区划。

行政区划[编辑]

海曙区下辖9個街道、8個镇、1個乡:

  • 街道:江厦街道、月湖街道、鼓楼街道、南门街道、西门街道、白云街道、段塘街道、望春街道、石碶街道
  • 镇:高桥镇、集仕港镇、横街镇、古林镇、洞桥镇、鄞江镇、章水镇
  • 乡:龙观乡

经济[编辑]

历史高头,海曙区曾成为宁波顶繁华个地区。宁波闲话中有“走遍天下,弗如宁波江厦”,其中“江厦”,指个就是海曙个江厦街一带地区。该晌,海曙区仍舊是宁波服务业頂頂发达个地区。服务业个支柱是金融保险、批发零售、住宿餐饮搭房地产业。海曙区商业发达,天一广场是宁波頂受欢迎个假日消费场所,畀誉为宁波个商业航母。和义大道是宁波新兴个高档消费场所。

文化[编辑]

海曙楼(宁波鼓楼)

宁波是历史文化名城。长期作为宁波个中心,海曙区拥有大量个文化遗产。月湖来勒海曙区东部,老是唐代开掘的个蓄水池,经过历代经营,成为宁波个文化重地,目前为宁波市级历史文化保护区。天一阁是東亞保存顶完整个私人藏书楼。天封塔为宁波旧城个标志。钱业会馆为宁波钱庄进行票据交易个场所。目前,海曙区有得7𡍲全国重点文物保护单位天一阁(包括秦氏支祠)、它山堰永丰库遗址天宁寺白云庄钱业会馆林宅,为宁波所辖区县顶多。此外,还拥有大量省级搭市级文物保护单位。

交通[编辑]

海曙区交通便捷。交關多主干道建成的,以海曙区为中心,通勒别样区县。杭甬高速公路通过海曙区,甬金高速公路区境西南部介打头,宁波绕城高速公路区境西部介横穿过。铁路宁波站来海曙区,通过杭甬客运专线接进全国高速铁路网络,并连接萧甬铁路甬台温铁路宁波轨道交通1号线穿过海曙区,为宁波头一条地铁线路。2020年线网规划中另有2号线、4号线、5号线搭6号线通过海曙区。1号线2号线个换乘站(鼓楼站)来海曙区。

参考资料[编辑]

  1. 海曙概览. 宁波市海曙区统计局 (2006). 访问日脚2013-10-01.
  2. 宁波大事记•晋. 宁波文化网 (2008-05-24). 原始文档勒2011-01-28存档. 访问日脚2010-09-07.
  3. 宁波大事记•唐. 宁波文化网 (2008-05-24). 访问日脚2010-09-07.

外部链接[编辑]

  1. 海曙区人民政府网站 檔案,存勒Wayback Machine當中。(2015年4月2號)
  2. 海曙概览 2009年版 檔案,存勒Wayback Machine當中。(2010年3月2號)
  3. 天一广场介绍 檔案,存勒Wayback Machine當中。(2011年6月20號)
  4. 9月27日,和义大道将全面开业[链接坏脱]