第一趟鸦片战争

来自维基百科
蹦到: 导航搜寻

第一趟鸦片战争First Opium War)是1839年9月4号-1842年8月29号(道光十九年七月二十七号-道光二十二年七月二十四号),清朝英国为贸易爆发个战争。战争个直接起因是鸦片贸易,直接导火线是清帝国个钦差大臣林則徐来勒廣東虎门销烟,战争个结果是英国获得胜利,清朝失败,箇场战争也畀交关历史学者认为是近代历史个开端。

战争背景[编辑]

帝国个闭关[编辑]

1757年,清帝国为加强对南方各省控制,避免洋人搭东南居民过多接触,关闭江、浙、闽三海关,只留广州作为唯一城市,开始搞一口通商。1759年(乾隆二十四年),帝国進一步限制外国人來帝国貿易,批准两广总督奏报个《防範外夷規條》,除脱严格限制洋人貿易外,更規定交关商品弗允许出口。

外国商人只好来勒广州各十三行进行贸易,实行公行制度,让英国为代表个西方商人蒙受老大个损失。

英國来勒印度个鴉片儲存庫

贸易逆差[编辑]

英國是欧洲头号强国。18世纪末,来勒工業革命後,国内生产能力邪气大个提高,更加需要一個大市場作為伊拉貨品个出口地,但帝国个闭关政策,让伊拉个想法落空。迭个辰光个帝国,搭历史高头一样,对外来物品没啥大个兴趣。反过来恐惧这些“奇技淫巧”让统治弗稳,危害伊拉个江山。但英国人来勒另外一方面对帝国出口个瓷器搭茶叶有交关需求。这就让两边个贸易逆差一直老大。

外交凌辱[编辑]

1793年(乾隆五十八年),英使喬治·馬戛爾尼來帝国,目的是要求帝国开放口岸,但帝国以為伊是向乾隆皇帝賀壽个,所以拿使團帶來个礼品当成是貢物。又因为馬戛爾尼堅持弗肯三跪九叩,让帝国官僚搭皇帝侪老生气,最后一拍两散,啥结果也没达成。

1816年(嘉庆二十一年),英国又派阿美士德來帝国,希望改善對帝国个通商关系。阿美士德也因为拒行内亚式个三跪九叩禮,畀驅逐,朆搭嘉庆皇帝会面。

1833年,又爆发珠江口鸦片争端,箇件事体也是后来冲突个预演。