嘉興
| |
|---|---|
| 嘉兴 | |
| 驻地 | 南湖区 |
| 现任市长 | 肖培生 |
| 面积 - 总面积 |
3915平方千米 219平方千米 |
| 人口 - 总人口 |
全国第-位 450。17万人 |
| 国内生产总值 2，888。00亿 - 总值 （2013年） |
全省第6名 |
| 行政区类别 | 地级市 |
| 电话区号 | 573 |
| 市花 | 白玉兰 |
| 市树 | |
| 言话 | 吴语太湖片嘉兴话等 |
嘉興（吳語:[kᴀ][ɕiŋ]），全称嘉兴市，垃拉东亚大陆东南个长江三角洲地带，具体垃拉太湖东面，挨牢上海搭苏州。乃朝归中华人民共和国浙江省管辖，是一个规模中等个城市，面积3，915平方公里，人口332万（2001年）。地形基本上是平原搭子钱塘江浜，顶顶有名个是嘉兴南湖。嘉兴历史上浪农业比较发达，是鱼米之乡，这几年，工业也有发展，弗过也因此有大量流窜人口窜入。
历史[编辑]
嘉兴是7000年前头新石器时代个马家浜文化个发祥地，有吴根越角之称。秦朝辰光此地设 由拳县搭仔海盐县（属于会稽郡），三国辰光，吴国貤增设盐官县。231年，吴国个孙权听人家讲由拳县有得野稻自家生出来，认为該個事体是吉兆，乃么，擔由拳县改名叫禾兴，242年又改成功嘉兴。嘉兴个名字就是实尬来个。至明代，嘉兴已有“江东一大都会”’之美誉。
南北朝辰光嘉兴继续发展，到隋朝隋炀帝命令挖着杭州经过嘉兴到镇江个大运河。
唐朝个辰光，嘉兴是苏州下底个一个县。唐天宝十年(公元751年)，嘉兴县个东境，海盐县个北境，搭仔昆山县个南境，拼拼拢，拼成华亭县，嘉兴县个地方第一次变小来。
吴越国个辰光，吴越王钱镠生怕苏州被北面个吴国吞脱，就先分嘉兴县个北境六乡搭吴县一乡拼成吴江县，作为嘉兴搭苏州个缓冲。再析嘉兴县个西境为崇德县，实梗是为嘉兴独立以后辖县多。嘉兴从苏州独立以后，名字叫秀州，辖嘉兴，崇德，海盐，华亭四县。
北宋个辰光，嘉兴基本浪弗变，秀州归两浙路管；南宋个辰光，一个皇帝来(lah)嘉兴出生，嘉兴由秀州升为嘉兴府，乍浦、澉浦、青龙等港口个对外贸易交关发达，经济发展迅速。
元朝，嘉兴升为嘉兴路，归江浙行省，华亭县升为华亭府，后来改名松江府，一开始归嘉兴路管，老末来独立，实梗，嘉兴路剩三县(嘉兴，崇德，海盐)。
明朝，嘉兴路改名嘉兴府，嘉兴府下辖三县变七县，其中嘉兴县东北析出嘉善县，西北析出秀水县；崇德县析出桐乡县，海盐县析出平湖县。
中华民国为缩减官员，省搭县当中个府废脱，嘉兴县搭秀水县合并成嘉禾县，呒畀几许辰光，民国要求全国个县弗好有重名，重名个历史短个改名，嘉禾县就改回成嘉兴县。1937年11月5号拨东洋人占领。
解放之后设嘉兴地区，驻地来湖州。后来嘉湖各归各。1983年嘉兴地级市成立。1985年嘉兴市区搭一部分个县拨划到长三角经济开放区里向，1988年嘉兴市全部成为经济开放区。
註釋[编辑]
參考資料[编辑]
外部連結[编辑]
| ||||||||||||||||||||||||||||||||||||||||||||||||||||||||||||||||||||||||||
