保国寺

保国寺
保国寺鸟瞰
全国重点文物保护单位 中华人民共和国国务院公布
所在	浙江省宁波市
坐标	29°58′57″N 121°30′58″E
分类	古建筑及历史纪念建筑物
时代	北宋
编号	1-0090-3-043
登录	1961年3月4日

保国寺是中国浙江省宁波市个一座古代佛寺。寺院垃拉江北区洪塘街道鞍山村境内个灵山南麓，始建于东汉，初名灵山寺，唐广明五年（880年）更名为保国寺，北宋时重建，清康熙年间又进行大修。保国寺大殿为全寺现存历史最悠久个建筑，建于北宋大中祥符六年（1013年）。

历史

明代之前

根据嘉庆《保国寺志》记载，东汉骠骑将军张意搭伽儿子中郎将张齐芳曾经拉灵山隐居，后首来舍宅为寺，名灵山寺，是保国寺前身，但三国到初唐的历史已经弗可考证。唐武宗会昌毁佛个辰光，灵山寺废脱，到唐广明元年（880年），国宁寺僧可恭上书请求重建寺院得到批准，唐僖宗赐寺名“保国寺”。北宋初年，保国寺貤毁脱，到大中祥符四年（1011年），天台宗传人法智大师个弟子则全经过寺址，看到以前出家个寺院已毁，介咾拉许丄结茅，出任住持、重修寺院，经过六年个辰光完工，其中现存个大殿拉大中祥符六年（1013年）完工，时称“四明诸刹之冠”，箇歇还存有带“甲子元丰七年”字样个下昂后尾，应该是北宋维修个辰光所留。治平元年（1064年），官方赐额“精进院”，说明保国寺已有一定个地位。拉整个宋代，保国寺还曾建方丈殿、朝元阁、祖堂、法堂、十六观堂等建筑，南宋手里还开凿净土池，上述建筑除脱大殿搭净土池还勒许，法堂经过后世重建之外，全已经无得嘚。