海宁市

出自维基百科,自由个百科全书

海宁有牢浙江省个北面头,嘉兴市个南面,钱塘江北岸。市治有牢硖石(老百姓习惯个叫法,厄息实际上是海州街道)。到2005年12月31号为止,海宁全市总面积699.92平方公里,人口一搭刮子64万,下头管牢4個街道、8個镇。

地理[编辑]

海宁个搭地方,地形狭长,过东过西51.65公里,上南落北28.94公里。地势比较平坦,从西北到东南向斜落去,地面高程4公尺到8公尺(吴淞高程。下底一样)。古陆残屿搭低丘集中分布牢海宁格东北搭东南两块地方。顶顶高个山是高阳山,海拔253.3公尺,另外个山丘侪勿到200公尺。

历史[编辑]

海宁也是一座历史文化名城,是良渚文化发源个场化之一。大约摸子六七千年前头个新石器时代,海宁个搭地方就有人勒。夏朝个辰光,海宁算牢“天下九州”之一个扬州里向。春秋战国个辰光,先后归牢吴国越国。那么吴国产弃之后么归楚国勒。秦朝辰光,是长水县个县治。三国吴黄武两年开始叫做盐官县。元朝元贞头年升做盐官州。为仔钱塘江潮水成灾个缘故,为勒祈祷“海涛宁谧”,有牢元朝天历两年个辰光改名字叫海宁州,那么箇个名字一直用到今朝。中华人民共和国成立仔,设为海宁县。1986年11月,经过国务院个批准撤县设市。历史浪海宁县治基本浪侪有牢盐官,1949年6月之后设垃硖石

文化[编辑]

海宁有几千年吴越文化个深厚积淀,形成勒交关有名堂个海宁“三大文化”,叫做潮文化、灯文化搭名人文化。历史浪个名人,有谈迁、陈元龙、查慎行、李善兰、王国维、徐志摩、蒋百里咾啥。

海宁个城市名片有海宁潮、盐官古城、海宁中国皮革城等特色搭景点。