洪秀全

来自维基百科
跳到导航 跳到搜索
洪秀全
洪秀全

洪秀全(1814年1月1号-1864年6月1号),原名洪仁坤,通常叫做洪火秀清帝国广东省花县人,拜上帝会创办人搭太平天国创立者。伊来自一个客家人家族,从小有点家财,一直想依靠科举考试走当官个道路。弗过一直落榜。立在心情低落辰光开始接触到基督教传教士梁发写个《劝世良言》手册,之后大病一场,好脱之后,自称见到过天父天兄。开始讲自是大神仙。之后,伊抛弃儒学,开始自家创办宗教。伊个思想立在广东传播弗开来,弗过立在族群冲突更加激烈,民间组织更加复杂个广西南面,传播邪气快,得到交关客家人矿工个认同。1851年,洪秀全正式早反,自号天王并宣称要建立地上天国。掀起太平天国战争。之后从广东一路流窜到江宁府。一路上劫掠老百姓,焚烧佛教道教个寺观并砸毁各地个文庙孔庙。到达江宁府后,洪秀全修造规模惊人个天王府(比紫禁城更大)并深居简出,一天到晏搭伊一百多个后宫厮混。引发统治集团内部矛盾。1856年,洪秀全借刀杀人,先做脱杨秀清,又杀脱韦昌辉,并拿石达开逼走。之后伊继续后宫个糜烂生活,弗大关心具体个事物。到1862年后天京畀围困个辰光,伊个精神更加神魂颠倒。对奉劝伊突围转进个忠王李秀成讲:朕铁通江山,你不扶,自有人扶!你讲无兵,朕之天兵,多过流水,何惧曾妖者乎!。1864年,洪秀全死脱,之后嘸几许辰光,太平天国也灰飞烟灭。

诗作[编辑]

  • 一眼看见心花开,大福娘娘天上来;一眼看见心火起,薄福娘娘该打死!(《天父诗》第24首)
  • 狗子一条肠,就是真娘娘。若是多鬼计,何能配太阳。(《天父诗》第37首)
  • 悠然定叠莫慌忙,细气妖声配太阳。月亮不同星宿样,各练长久做娘娘。(《天父诗》第46首)
  • 洗身穿袍统理发,疏通扎好解主烦。主发尊严高正贵,永远威风坐江山。(《天父诗》第200首)
  • 看主单准看到肩,最好道理看胸前;一个大胆看眼上,怠慢尔王怠慢天!(《天父诗》第237首)
  • 因何当睡又不睡,因何不当睡又睡。因何不顾主顾睡,因何到今还敢睡。(《天父诗》第294首)
  • 捧茶不正难企高,拿涎不正难轻饶。万样都是正为贵,速练正正福滔滔。(《天父诗》第296首)
  • 当跪不跪罪该分,跪要虔诚耳宜闻。当求不求是冒渎,求要停声旨当遵。(《天父诗》第333首)
  • 跟主不上永不上,永远不得见太阳!面突乌骚身腥臭,嘴饿臭化烧硫磺!(《天父诗》第490首)
  • 醒一样睡又一样,一时一样假心肠。假心肠定赏假福,贱人那得永荣光。(《天父诗》第491首)