吴语
| 吳語 | |
|---|---|
| 讀法 |
/ŋu˨ŋei˧˩/（標準吳語） /ɦu˨ ȵy˦/（上海閑話） /ɦɜʊ˨˦ ȵy˧˩/（苏州閑話） /ɦəʊ˨ ȵy˥/（衢州說話） /ŋ˧˩ ȵy˧˦/（温州話） /ɦu˨˩ ɦy˧˦/（常州話） /ɦu˩ ȵy˧˩/（宁波閑話） /ŋ˨˨ ɲy˥˧/（台州話） /u˦˥ ȵy˧˩˧/（金華話） |
| 母语戶蕩 |
 吳越（ 中华人民共和国管轄，主要戶蕩） |
| 使用戶蕩 | 江蘇南面，浙江大部分，整个上海，安徽南面搭仔福建、江西少部分場許，其他各許國家个吴语社群 |
| 幾許人講 | 8070萬（2015年） |
| 語系 | |
| 文字 | 漢字 •傳教士羅馬字 |
| 閑話代碼 | |
| ISO 639-3 |
wuu |
| 語言瞭望站 |
79-AAA-d |
吴语（標準吳語：Ngū-ngèi，上海閑話：Wū-nyù；英文：Wu language）是汉藏语系汉语族里向个一种语言，[1]主要是吴越民系在扗用。现在主要分布在乃朝中国个江苏南部、上海、浙江大部份、安徽南部份户荡、江西东北搭福建西北，[2][3]还有分布在香港、美国旧金山许荡地讲吴语个移民当中；澳大利亚搭加拿大个吴语移民主要讲太湖吴语，欧洲（主要是意大利、西班牙、法国）个吴语移民一般通用东瓯片或者处州片吴语（§ 分佈）。
吴语个汉字发音搭現代汉语推板交关。用词搭语法也邪气有特色。譬如用吴语写个小说《海上花列传》，弗会得吴语个人士望弗懂渠写何物事。张爱玲女客人翻译带官话个，讲官话个人还有眼理解弗进。
历史
[编辑]吳越時代
[编辑]吴语历史邪气悠久，2500年前头个春秋时代，江南两个诸侯国——越国搭吴国个原住民大多便用个瑲朞還留在吳語底層个古越語，一般性認為箇閑話屬於侗台语系。上級階層也會講漢語，但單獨个方言話是弗是形成爻還有爭議。[4]
魏晉南北朝
[编辑]到著公元四世纪东晋辰光，「衣冠南渡」个北方人发现吴地方言搭中原闲话推板邪气大，全科无法相互了解。却情，北方优势政治地位个影响下底，北方古漢文明搭之南方古越文明相互交流，吴越地区隻古越语逐步吸收爻大量古汉语个特征搭之词汇，现代吴语勒在以后慢慢然成型，古老个吴语特征反使保留勒今朝个閩語里向，现代吳語个語音明顯好搭中古（隋唐）辰光个韻書（廣韻－切韻）建立對應關係。[4]
丁邦新、潘悟云、郑张尚芳咾啥学者对吴语搭闽语个密切关系做个详尽个分析，可以假设历史上是同源个。李如龙列出来个闽语一二级特征词，将近一半好算吴闽同源词。还有眼共有现象通常不见于别样汉语。
箇辰光，吴语个发音传到日本，成为日本漢字音（音讀）个一种吳音。[5]
宋元時期
[编辑]经过隋唐辰光言话自家个巩固搭仔内部分化，到宋元个辰光，有得吴、越、台、括、温、徽个内部分区[6]，拿北面隻边界拓展到乃朝南通一带。甌江片永嘉話作者按照自家当地个方言写南戏腳本，有得《張協狀元》咾啥个。靖康之变，宋室南渡，交关老百姓也望南跑，交关住勒杭州城里向，畀杭州话交关其他吴语里向呒没个古官话特征。[4]
元末明初个《南村輟耕錄》是一部較早用民間射字遊戲記錄吳語音系个文獻。[7]
明清近代時期
[编辑]明清个辰光，苏州经济文化蛮行个，影响力蛮结棍个，苏州言话成为吴语区特谓是太湖片个优势言话。吳語口語也有得文獻记录，比方讲冯梦龙编个《山歌》[8]，白话小说《豆棚闲话》咾啥个。清末民初，出现交关“吴语小说”，清末《海上花列传》更是头一趟并行文言文、苏白。随咾上海城市发展打仗城市地位个上升，吴语区特谓是太湖片个优势言话变成功上海闲话，衍生出洋泾浜英语咾啥个皮钦语，中国共产党亦拿上海闲话为基准发行过江南话拉丁化新文字[9]，制定《江南普通话注音符号挂图》，必过1932年开始勒学堂里推广新国音搭仔1956年开始推广普通言话仔么，吴语个教育慢慢交结束哉。
必过清末个长毛搭仔打仗嚴重影響皖南地區咾啥个吴语地区，人口减少交关，官话填补真空形成方言岛。除开长毛，吴语个使用范围也因为明末清初个泉漳来个移民勒垃苍南、沿海地区畀闽南话一路压缩。
瑲朞
[编辑]吳語在人口統計丄是乃朝中國大陸个第二大語言，弗過，佢弗搭閩南語搭粵語樣，有「統戰」必要，也有相對成熟个現代運用搭母語環境。佢在媒體電視丄出鏡頻率邪低，弗再論學術、文學、音樂許正式場地个使用。吳語亟缺現代化个建構搭社會系統性个支持，瑲有淪落作市井言話个危險。
乃朝因为中华人民共和国强制性推广普通话，同时大量来自中原地区搭华北个人口涌入，让吴越人个本身文化遭到邪气大个冲击。交关年轻人已经弗会得话吴语，外加丧失著蛮多本地习俗，对传统意义丄个吴越文化带来著传承风险。近年来，吴语区各地通过公共交通报站、中小学生吴语活动、民间自发形式个科普咾啥个方式推广吴语。
吳語个內部狀況也是各式各樣，蘇南交關地方也因爲外來人口增多帶來著弗用吴语个大趨勢，也有許城市个母語環境稍微好些，大城市里向对自家言话个认同也好眼。[4]新生代普遍雙語甚而至於發生爻母語替代，外加已經基本喪失脫吳語閱讀搭之寫作能力哉，在年紀輕个本地人當中出現行情衹會得聽弗會講、甚至全科弗會得聽貤弗會得講个人。因之有學者覺着，隨牢老一代人个凋零，吳語个世代傳承已經碰著爻老大个危險。
分佈
[编辑]本土搭中國各宕地
[编辑]按照現在一般个學術丄个分區，吳語分佈在江蘇南部2000萬人、浙江大部分5000萬人，上海市全部2000萬人，安徽南部搭之1000萬人福建、江西个少部分場許，大約摸作，通行吳語个縣市有110個橫裡，人口大約一億零八百萬（2011年）。
吳語分佈个四隻極：
- 頂北：江蘇如東東南部个幾隻鄉（使用啟海話）
- 頂東：浙江舟山群島
- 頂南：福建浦城縣（城關及以北，講屬於南部吳語个浦城閒話）
- 頂西：安徽石台縣（使用宣州片吳語，寔個最西點比較模糊而且在弗斷東移，因爲宣州吳語正在消亡當中） ，比較穩定个西端是江蘇省高淳縣。
海外
[编辑]吳語在海外也有弗少移民个社區在用，比方講，溫州話个使用者遍佈美國法拉盛、紐約市个華人區，[10][11]外加歐洲意大利、法國搭西班牙[12]，扗意大利普拉托工業區便基本通行。[13]
语音
[编辑]顶重要个特征就是是中古全浊声母情原保留浊声，譬方“冻”“痛”“洞”声母分别是[t]、[tʰ]、[d]。
核心吴语个浊塞音从初起浊声时间（VOT）来看，位于后字个辰光的的刮刮是浊声。位于前字个辰光通常不是严格意义上个浊声，少数学者因此描写个辰光索介拿全浊声母搭全清声母归併。但是两者听感差异还是蛮大个，严格来讲，核心吴语[d]是弛声，[t]是张声，搭北语[t]侪不一样。结合声学搭感知两方面看，吴语塞音鼎立还是存在个。[14]必過，南吳交關戶蕩个濁音音值也扗變低。[15]
| 中古音类 | 前字 | 后字 | ||
|---|---|---|---|---|
| 初浊 | 基频 | 初浊 | 持阻 | |
| 全清“冻” | 全清浊<次清 | 全浊<全次清 | 全浊<全清<次清 | 全浊<全清 |
| 次清“痛” | 全清浊<次清 | 全浊<全次清 | 全浊<全清<次清 | － |
| 全浊“洞” | 全清浊<次清 | 全浊<全次清 | 全浊<全清<次清 | 全浊<全清 |
詞彙
[编辑]- 吳語有一批保持古音、古義个常用詞語。如「許」（指示代詞）、「汏」搭「滰」（洗）、「囥」（藏）、「隑」（斜靠）、「廿」（二十）、「鑊」（鍋）、 「弗」搭「勿」（不）。
- 第二、第三人稱代詞个詞根大多源自「汝/爾」、「渠（佢）/佗」。
- 單數人稱標記多由古江東方言个「儂」（人）演變過來。
- 複數人稱標記多樣化，多數可上溯到端系个同源形式[taʔ] 或[ti]（比較：粵語「哋」）。
- 表示定語搭領屬个結構助詞、常用个量詞搭陳述句語氣助詞同形，可上溯至見系个同源形式。
- 吸收外来词汇：洋泾浜英语
语法特点
[编辑]- 吳語普遍具有普通話無个存在體，比如上海：佢（俗作「伊」）在門口頭立脫歇。 （他在門口站了一會儿。）
- 交關地方有兼表完成體跟持續體个助詞，形如[lʱ- h-]或其簡略體（約相當於普通話个「著」）。
- 有結果體，用「脫」、「落」、「掉」等表示，如蘇州：隻檯子壞脫哉。
- 話題句傍普通話佔優勢，如紹興：个隻電影我看過哉。
- 謂語動詞个修飾語常後置，如溫州：你走先，我就來。
語氣助詞
[编辑]吳語語氣助詞在語句意味个表達丄有邪氣重要个語法作用，語氣助詞豐富，用法複雜，各式各樣。語氣助詞在表達語氣搭情貌丄有得舉足輕重个作用，交關辰光是弗可或缺个。 以上海言話爲例，主要个語氣助詞有：
- 「嘚」（老派）、「唻」、「嘚唻」
- 疑問語氣助詞，如：「𠲎」、「啦」、「啊」、「勿啦」、「呢」、「呢啥」（老派）、「嚜」、「啘」、 「咾」、「吤」（“个啊”連音，句尾助詞「个」濁化）、「阿」（用於句首或句中，入聲）
- 命令語氣助詞，如：「嚡」、「好唻」（老派：「末哉」）
- 感歎語氣助詞，如：「嚡」、 「嘢」、「个嘢」、「哩」、「哇」、「嗗」
- 別个句末語氣助詞，如：「啊」、「嚜」、「喉」、「噢」、「个啦」、「啦哩」（老派）、「唩」
上海言話个語氣助詞在發展過程中越來越簡化，交關語氣助詞，比方「呢啥」、「啦哩」、「末哉」 在中新派群體裏勢已經弗用，但是在上海郊縣地區搭之臨近城市（如蘇州、嘉興、湖州等地）仍舊有弗同程度个保留。
書寫體系
[编辑]分區
[编辑]根據吳語語言特點搭通話情況，好搭渠分成是六片：
運用
[编辑]吳語文學
[编辑]吳語音樂
[编辑]吳語戲
[编辑]文献
[编辑]- ↑ 639 Identifier Documentation: wuu.
- ↑ 陈至立（2020）．吴语. 辞海 ，7版，上海辞书出版社．
- ↑ 李小凡，项梦冰（2020）．汉语方言学基础教程 ．北京大学．ISBN 978-7-301-30974-2．
- ↑ 4.0 4.1 4.2 4.3 游汝杰（2018）．吴语方言学 ．上海：上海教育出版社，8+300-303．ISBN 978-7544486187．
- ↑ （2017-4-5）日本語全史 ．筑摩书房．ISBN 9784480069573．
- ↑ 戴侗．《六書故》 ．
- ↑ 鲁国尧. 《《南村辍耕录》与元代吴语》.
- ↑ 《山歌》索引 ．好文出版社．
- ↑ 倪海曙，拉丁化新文字运动始末。收录于倪海曙（1987年12月）．拉丁化新文字运动的始末和编年纪事 ．上海：知识出版社．
- ↑ （英语）Zhao, Xiaojian（2010）．The New Chinese America: Class, Economy, and Social Hierarchy ．New Brunswick：Rutgers University Press．ISBN 978-0-8135-4691-9．
- ↑ WenZhounese in New York (en). WenZhounese.info.
- ↑ （英语）（September 2013）Tales from the Development Frontier: How China and Other Countries Harness Light Manufacturing to Create Jobs and Prosperity ．Washington, DC：World Bank．DOI：．ISBN 978-0-8213-9988-0．
- ↑ （2009）“The Chinese Community in Prato”，Living Outside the Walls: The Chinese in Prato ．Cambridge Scholars Publishing，2–24．ISBN 978-1-4438-0356-4．
- ↑ 王轶之《上海话塞音声母的声学和感知研究》
- ↑ 曹志耘（2002）．南部吴语语音研究 ．北京：商务印书馆．ISBN 7-100-03533-3．
另見
[编辑]外部链接
[编辑]- 吴语字典[链接坏脱]
- 吴语协会
- 吴语协会·吳音小字典
- 吴语学堂
 |
维基孵育场当中有： 测试版吴语维基词典 |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||