語法

出自维基百科,自由个百科全书

語言學當中个語法Grammar)嚜,是指任意自然語言中控制子句片語以及單詞等結構个規則,隻概念也畀用來指對於一眼規則進行研究个學科,譬如詞法學語法學音韻學等,並交其他學科像語音學語義學語用學相互補充。在交關文獻當中,語言學家通常弗用“語法”來指正寫法。

詞源[编辑]

“語法”一詞个英文“Grammar”來自古希臘語γραμματικὴ τέχνη(grammatikē technē),意思是“字母个藝術”,其來自於γράμμα(gramma),意思爲“字母”,而γράμμα本身又是源於γράφειν(graphein)一詞,其意思爲“畫、書寫”[1]

含義搭使用[编辑]

任何一種自然語言个語法規律(或語法現象),是指該語言中个句子、短語、詞匯个邏輯、結構特徵以及構成方式,而語法包括對語法規律進行个總結描述或對語言使用个規範或限定;在弗同个語境中,昰種規律或規則也稱作語法規範、語法規則等。而研究語法規律、規則及其構成方法个各種理論,則爲語法學、語法理論或文法,屬於語言學个範疇。在弗同个語境中,語法一詞,實際可以指以上任何一種概念,而有辰光也衹關心句子由詞匯構成个規律(即句法,Syntax)。具體一種自然語言个語法見特定語言个語法;形式語言个語法見形式語法。

每種語言全有渠獨特个語法規律。比方蒙古語語法就是在蒙古語言之內適用个一套規律,而一套蒙古語語法學則單單是對該語法所進行个一個具體分析。又如在計算機科學邏輯學數學等學科中使用个形式語言,也有其形式語法。昰𡍲需要作一個概念丄个區分:描寫性語法(descriptive grammar)中,語法結構个規律畀詳盡、完整个描述;交渠相對个是規範性語法(prescriptive grammar)或規定語法,渠陳述一套語法規則,用在規範人們所使用个語言--使之「符合語法規範」。形式語言个語法一定是描寫性語法,而自然語言个情況比較複雜,通常是描述性搭規範性全有;見描寫語法學搭語言規範。

“語法”一詞對於非語言學家个人而話有著廣泛个含義[2],但對於語言學家昰個術語有著更加準確个定義。語法是指語言使用者在使用一種語言个辰光所使用个規則,外加至少對於母語而言,語法个大部分內容全是下意識个過程中所習得个,而弗是通過特殊个學習或觀察其他語言使用者而獲得个。大部分个語言習得過程在嬰兒時期就已完成歇。朝後起个語言學習大多都需要投入更多个精力以及外界个指引[3]

“語法”也可以用在形容控制一群語言使用者語言行爲个規則。譬如“中文語法”昰个屬於會有多種意義,渠既可以表示漢語語法个整體概念,也就是所有漢語使用者所使用个語法規則,昰歇“語法”昰隻詞更關注于大量个變化形式[4];此外渠還可以指某一語言个一種特定个種類。

電腦語法[编辑]

電腦語法又是另一種新个名詞,就是對應電腦使用个程式語言,程式語言大多是由英文交數字組成。利用渠拉可以命令電腦要呈現个現象。各程式語言有其對應个語法,程式需要符合其語法,假使程式弗符合其語法,電腦就無法執行對應个程式。

語法研究[编辑]

文法框架提供了建立語法(規則)个各種方法。譬如生成文法个標準框架就是由諾姆•喬姆斯基等學者在50年代後發展出來个轉換文法模型。

敎育[编辑]

在中世紀歐洲早期有得文法學堂,主要是對年輕人傳授拉丁語語法。後首來課程大爲放寬,包括希臘語希伯來語英語搭歐洲語言,以及自然科學數學歷史地理等其他科目。

標準語是一語言中特別鼓勵在公眾場合使用个語言變體。標準語交地方話弗同,後者可能有對應个描寫性語法,但老少用規範性語法个方式敎授。在小學敎授標準化个母語有眼政治丄个爭議,因爲母語也搭族群个定義搭界。

標準法語以巴黎法語爲主,由於現代法國文學个發展,巴黎法語个崇高地位朆受到歇挑戰。由於佛羅倫斯在早期意大利文學中个影響,標準意大利語弗是依首都羅馬个意大利語爲準,而是以佛羅倫斯个意大利語爲準。標準西班牙語也弗是依首都馬德里个西班牙語,而是卡斯提亞-雷昂个西班牙語。在阿根廷烏拉圭个標準西班牙語分別是以布宜諾斯艾利斯及蒙特維多个西班牙文爲準。葡萄牙語有兩種官方个標準語,分別是巴西葡萄牙語及歐洲葡萄牙語,但老快就會整合成一種語言[5]

塞爾維亞語也有類似个情形,塞爾維亞塞族共和國全有得自家个標準語,學者對於第三種塞爾維亞語標準語是否存在仍有爭議,有些認爲蒙特內哥羅語是第三種標準語,但也有排人認爲蒙特內哥羅語衹是塞爾維亞語中个一種方言

挪威語有兩種標準,書面挪威語新挪威語,兩者之間个選擇搭挪威語言衝突搭界。所有挪威个城市都可以在二種標準選擇一種爲城市个標準語,也可以宣佈城市是語言中立,允許二種標準語。衹有27%个城市選擇新挪威語爲標準語。小學中使用个主要語言主要依照城市選擇个標準語,但可以由當地學區內公投決定。

現代標準漢語是「中華人民共和國」、中華民國新加坡个官方語言。現代標準漢語个發音是依照官話當中个北京話,而文法及語法是以官話白話文爲準。現代標準阿拉伯語是在古典阿拉伯語个基礎上建立个,後者也是古蘭經使用个語言。印度斯坦語也有二種標準語,分別是印地語烏爾都語

美國社會爲了推廣良好个語法,在2008年起宣佈3月4日爲全國个語法節[6]

分類[编辑]

  • 規範性語法
  • 描寫性語法
  • 敎學用語法
  • 形式文法
  • 生成語法(衍生語法)

注記[编辑]

  1. Harper, Douglas. Grammar. Online Etymological Dictionary. 访问日脚8 April 2010.
  2. What is grammar?. 原始文档勒2013-05-02存档. 访问日脚2013-03-29.
  3. O'Grady, William(1996).Contemporary Linguistics: An Introduction.Harlow, Essex:Longman,4–7; 464–539.ISBN 9780582246911 
  4. Holmes, Janet(2001).An Introduction to Sociolinguistics,second,Harlow, Essex:Longman,73–94.ISBN 9780582328617 ; for more discussion of sets of grammars as populations, see: Croft, William(2000).Explaining Language Change: An Evolutionary Approach.Harlow, Essex:Longman,13–20.ISBN 9780582356771 
  5. Counting in Portuguese (Brazil)
  6. National Grammar Day