上海言话

来自维基百科
蹦到: 导航搜寻
該文章包括國際音標符號。如果嘸不合適個字母搭符號支持,相關字符可能顯示為問號、方塊或者其他個符號,而非Unicode 字符

上海言話國際音標/z̻ɑ̃22 hᴇ44 ɦᴇ22 ɦo44/,是吳語太湖片蘇滬嘉小片個一種語言,還是吳語裏嚮喇近代交關有影响力个一種語言。乃朝上海话推广普通话擠佔空間,加上上海人出生率下降,出國移民搭外地移民大量涌入,另外最重要个是现在上海學堂裏嚮勿許侬講上海言話,弄得來上海话拉喇上海个使用急速下降,傳承已經變成了嚴重個危機。

狭義浪個上海言話一般性指個是上海市區人講個言話。

分佈[编辑]

上海言話分佈喇上海市區,包括黄浦、靜安、虹口、楊浦、徐匯、普陀以及上海郊區搭國外个交關多地方。 八十年代后,上海市中心拆遷加劇,交關上海人被遷到郊區,所以上海言話現在開始往郊區擴散。弗过市中心一些地方因为外来人口個關係,實際上已經成爲上海言話個空白區了。

历史[编辑]

上海言话个基础是松江片吴语,原生因为来拉海边,发展交关慢,来北部吴语里向算是顶滞后个一道里个。开埠仔,各个场化个移民特别是江浙吴语区移民出现来当地,再加现代化个进程,上海地区吴语个面貌开始以前所未有个高速发展。 上海言话是适合近代语音个吴语,消灭脱大部分中古汉语遗留,拥有快速、明了个特点。音韵也相当便当。

音韵[编辑]

根据好考个资料,一般根据音韵浪个两样,拿上海言话分成功老派、中派搭仔新派三种。

表记[编辑]

在上海开埠个初期,出现著上海土音字。昰套系统是由美国传教士高第丕发明个,起头是用来到上海传教。后首有侬运用渠发明个土音字,出版著土音字版个《伊娑菩个比方》。乃朝澳大利亚国家图书馆有一本收藏在许。

词汇[编辑]

上海开埠仔,作为中国现代化个桥头堡,接触现代个物事也来中国领先。该个也反映来上海言话里向。归个辰光个上海言话吸收交关外国词汇,甚至形成所谓个“洋泾浜”英文。上海言话本身也造出交关新词新语,乃末再扩散到吴语区搭中国别个场化。

现状[编辑]

上海言话搭其他方言差弗多,侪处于消亡过程当中。外来人口个涌入加上强行推广官方语言。让上海言话来勒上海个市中心成为次等语言。来勒郊区情况还要严重。外来人口聚集个闵行、宝山郊区,已经形成了大片中原官话方言岛。上海家长对于上海言话也没多少清醒认识,多数家长,尤其是老年人,热衷教伊拉后辈普通话,现在上海言话来勒00后里基本消失。

「滬語」[编辑]

滬語」是近來喇勒媒体當中興趣個對上海市區話個稱呼。

滬語愛好者根據語言學定義,認爲滬語是一種獨立於中文的語言。

就像蘇州人認爲吳語於就是指蘇州話一樣,上海市民認爲滬語就是上海言話。當然,交關多個上海人對於語言問题非常重視,有老許多社會團體搭機構多次要求政府保護滬語。所以拉喇媒體當中,並沒有對使用“滬語”一詞個顧慮。

别样[编辑]

参考[编辑]

外部链接[编辑]

Commons-logo.svg
维基共享资源里向寻得着搭该篇文章搭界个多媒体资源: