苏白

吴语维基百科,自由个百科全书
(从蘇白转戳到箇里)
跳到导航 跳到搜索

苏白,字面浪个意思就是苏州白话,也就是苏州口语,即评弹苏州言话

影响[编辑]

苏州言话长期以来一脚是吴语个代表方言,也是汉语方言里向顶顶早畀研究个一种方言,相关个研究成果也相对比较丰富。

苏白勒浪历史浪有过交关重要个影响。通行勒浪北部吴语地区个苏州评弹(包括评话搭仔弹词),用个也就是苏白。苏白也是昆曲里向丑角常用个言话(相对个,北昆常使用“京白”)。

勒浪历史浪一脚到民国,吴语小说几乎侪是用苏白写个,作者也弗一定是苏州人。

苏白对上海言话个影响也交关大。

勒浪历史浪向,根据《松江府志》记载:明代是“府城视上海为轻,视嘉兴为重”,到仔清朝已经是“府城视上海为轻,视苏州为重”。

现代上海话勒浪俚个形成过程当中,也畀苏白强烈影响,特别是表现勒浪发音浪向,外加是明显。勒浪一定程度浪,可以实梗讲法:上海本地言话基本浪已经拨苏白消灭脱哉,取而代之个是苏州味道浓重个新上海话。

苏白也畀赋予仔江南个特殊味道。金庸(浙江海宁人)个武侠小说《天龙八部》里向,阿朱阿碧就讲一口苏白,拿江南少女个灵动搭仔秀气刻划得活灵活现。

使用苏白个文学作品[编辑]

此地所谓个“使用苏白”,並弗一定是完全用苏白来写,有些儿是夹用苏白搭仔官话。

  • 《山歌》

作者明末冯梦龙,是一只吴语山歌集。

  • 《海上花列传》
  • 《九尾龟》
  • 《海天鸿雪记》

另见[编辑]

关于更加详细个“苏白”个音韵特点搭仔词汇特点也啥,请倷参考条目“苏州言话”。