英语

出自维基百科,自由个百科全书
(从英文转戳到箇里)
EN (ISO 639-1)

英语(英语:English),也叫英文,是属于印欧语系里向日耳曼语族下底个西日耳曼语支,由古代个辰光欧洲大陆移民大不列颠岛盎格鲁·撒克逊(Anglo-Saxon)搭朱特部落个日耳曼人所讲个闲话演变过来个,爱噶通过英国人个殖民活动勒拉全世界传播开来。根据以英文作为母语个人来计算,英文搞弗好只是世界高头第三大或者第四大个语言(1999年统计为322, 000,000人),但是渠勒世界高头却偏偏是使用顶顶广泛个第二语言。上个世纪英国美国勒拉文化军事政治搭仔科学浪向个领先地位使得英文成为一种国际语言。 英文同时也是联合国工作语言之一。 英语徕亨世界高头毛有实用性,木牢牢个中国人箇卯徕英语。箇卯英语课已经列入中小学生义务教育个课程里向哉。

搭英文接近个毫无疑问是弗里西语,搿种语言现在yoe勒拉荷兰北部弗里斯省中还勒厚用,大约一塌刮子有50万个使用个人。有人认为低地苏格兰语是交英文顶接近个一只独立语言,也有星人认为伊只必过是英文个一只方言。别个相关语言包括荷兰语,南非荷兰语搭德语诺蔓人勒拉11世纪个辰光铛到英国,带起木牢牢法语里向个单词,譬如讲啥个lamb(羊)个种。啊勒及其度个程度高头丰富了英文词汇。英语个入门教材一般有《新概念英语》,是亚历山大编写个,全国各地名气侪毛梆梆响嘞!

维基共享资源里向寻得着搭该篇文章搭界个多媒体资源: