无锡市
| 無錫 | |
|---|---|
| 无锡市 | |
 |
|
| 綽號：簡稱：錫；舊名：有錫[1]；其他：梁溪、小上海 | |
 |
|
| 坐標: 31°33′N 120°18′E | |
| 國 |  中华人民共和国 |
| 省 | 江蘇 |
| 地級政區 | 地級市 |
| 政府 | |
| - 市長 | 赵志坚 |
| - 市委書記 | 杜小刚 |
| 面積 | |
| - 城市 | 1,848.5平方英里 （4,787.61平方公里） |
| 人口 （2022） | |
| - 城市 | 790萬人 |
| - 密度 | Template:Densdisp |
| - 市區 | 357.21萬人 |
| 時區 | 中國時區（UTC+8） |
| 網站 | 無錫市政府 |
市花：梅花、杜鵑花 |
|
无锡（無錫閑話：vu sik [vu][siɪʔ]）勒垃长江三角洲长江対仔太湖当中个走廊部分。东面対苏州隔界，远开上海128公里；南濒太湖，搭浙江省交界；西接常州，去南京183公里；北临长江，江对过是泰州市所管辖个靖江市。
无锡是江南文明个发源地，也是吴文化个发源地，有文字记载个历史就好倒退到商朝末年。1981年，无锡市畀排垃全国十五個经济中心城市里向，也是头一批国务院批准个13個较大个市之一，有地方立法权；无锡还是中华人民共和国历史文化名城搭1998年国家旅游局评定个第一批优秀旅游城市[2][3]。1983年3月，实行市管县体制，原苏州地区个无锡县、江阴县搭原属镇江地区个宜兴县划畀无锡市，也就是现在无锡市个范围。无锡是上海大都市圈搭苏锡常都市圈个中心城市之一，是中国民族工业搭仔乡镇工业个摇篮、苏南模式个发祥地，联勤保障部队无锡联勤保障中心驻地。
无锡市境内主要是平原，间花里花分布有低山、残丘。南部是水网平原；北部是高沙平原；无锡个中部是低地垦成功个水网圩田；西南部地势比较高，是宜兴个低山搭丘陵地区。宜兴地区山体侪作东西方向延伸，绝对高度500米以上，顶高峰是黄塔顶，海拔611.5米。锡山、江阴搭市区个山丘总体浪呈北东、北东东走向，高度由西南往东北逐级下降。顶高峰是惠山个三茅峰，海拔328.98米。
无锡是全国重要个旅游城市、国家历史文化名城，市里向有太湖鼋头渚、灵山大佛、拈花湾、无锡中视影视基地、蠡湖公园、崇安寺、惠山古镇、锡惠名胜区等景点。从无锡走出过像顾恺之、倪云林、钱穆、钱锺书等名流，也有寄畅园、蠡园、鼋头渚等作代表个古今有名个园林。
无锡市交通便利，京沪高速、沪宁城铁、京沪高铁穿过无锡，无锡地铁运营里程达114.8公里；市东南面有苏南硕放国际机场。
历史
[编辑]商末，周太王个大儿子泰伯来到箇埭，建立吴国，定都无锡梅里（今梅村），泰伯带来个中原文明同长江下游太湖流域个江南文化融合。汉高祖時期設置无锡。
史前到春秋战国
[编辑]无锡先民个原始文化好倒退到约六七千年前个马家浜文化、崧泽文化搭良渚文化个长江文明。鸿声彭祖墩、新渎庙墩、葛埭桥庵基墩搭玉祁芦花荡等地，侪发现原始氏族个聚居点。
无锡勒垃商末有文字记录，诸侯周太王个大儿子泰伯、二儿子仲雍为咾拿王位让畀三儿子季历，从陕西歧山向南跑，泰伯选择蹲拉梅里，也就是现在无锡梅村，入乡随俗，断发文身。泰伯传播先进文化技术，百姓尊奉伊为君主，自号“句吴”。周灭商，因泰伯呒没儿子，周武王追封仲雍个五世孙周章做吴君，正式建立吴国。无锡也故咾成为吴文化个发源地。
公元前473年，越国勾践灭脱吴国。战国时代，越国畀楚国灭脱。公元前248年，楚春申君黄歇封拉江东吴地，营建旧吴故地，修复旧吴墟作郡邑，箇也是无锡龟背形旧城成型个原因。
秦汉到唐宋
[编辑]秦，无锡属会稽郡。汉高祖五年（公元前202年）始置无锡县；王莽時期曾改名有錫。隋、唐时期，开凿大运河，无锡逐渐变成江南农产品、纺织品通往全国个中心。
箇段辰光，无锡成为了江南重要个经济城市。唐、宋两代，无锡侪畀望县管拉，宋朝个辰光城里向“四方商贾咸辇货来市”。
元、明、清
[编辑]元贞元年 （1295年），朝廷设立无锡州，箇個辰光个无锡已经是“浙右名邑之冠”。明朝，无锡发展迅速，叫“米码头”、“布码头”。明中後期，江南一带欢喜文章、欢喜学习，出现像王绂、计六奇、邵宝等有名气个文人。无锡还是铜活字印刷术搭昆曲个重要发源地之一。明末，顾宪成重修东林书院，勒垃箇面谈论国事，叫东林党。
清朝雍正二年，无锡县拆成无锡、金匮两個县、勒垃同一座城里向管理。中后期，无锡依靠地理优势，丝绸业高速发展，变成功江苏省最大个产丝县。原设垃上海个漕粮局迁到无锡，指定无锡作江苏个漕粮转运站。1888年到1911年，无锡是江浙两省个漕运中心，年承办漕粮超过130万石。通过办漕，确立无锡四大米市之一个地位，促进粮行业个发展，也推动无锡社会经济个繁荣。
清末，农民起义多，尤其是太平天国，让城里向居民死伤过半，全城房屋几乎侪打摊掉。
清末民初
[编辑]
1906年，沪宁铁路沪锡段完工，无锡火车站营业，运河为主个漕运逐渐畀海运搭铁路取代。但因为上海地价、工资忒高，一些民族企业家去地价、工资较便宜、工业原料丰富、交通运输发达、资金周转较方便个无锡造厂。1894年，无锡个杨氏家族开办业勤纱厂，是无锡第一家现代化机器织布厂，也标志无锡近代工业开始兴起搭发展。随后，荣氏、薛氏、唐氏、周氏等地方望族先后勒垃无锡开办现代化工厂，无锡逐渐成为江南地区新个经济中心城市，也是中国近现代民族工商业个摇篮。
正是经济个繁荣搭社会个变革，无锡个现代思想啓蒙运动先进。1898年，裘廷梁、裘梅吕（女）叔侄创办中国第一张白话报刊《无锡白话报》，其后，杨荫杭、吴稚晖、秦毓鎏等革命反清事业里向个中坚力量。
国民辰光
[编辑]
1911年秋，辛亥；箇年11月16号，无锡宣告光复。第二年，中华民国成立，无锡、金匮两县合并成无锡县，苏常道管拉。辛亥革命以后，无锡工业化水平快速增长，从1910年到1919年，工厂由11家增至78家。
1927年3月22号，国民革命北伐军到无锡，废脱道治，归江苏省直属。1934年起，国民政府勒垃无锡设第二行政专员公署，管理原先苏常道个范围。
黄金十年里向，无锡高速发展，特谓是工商業，到1932年，无锡有170多家工厂，劳动工人超过6万人，资本额达1,400－1,500万元。当中棉纺织业规模最大，排拉第二个是面粉工业，传统个无锡米市勒垃工业化以后好每天生产26万包面粉，排拉上海、哈尔滨后头，全国第3。商业方面，有货栈9个，商店1,661家，几百個市镇。伊个辰光有流行曲《无锡景》，叫无锡“小上海”，上海还有“无锡人掌工商业，宁波人掌金融业”个民间言语。
建国之后
[编辑]改革开放以来，无锡经济因乡鎮民营企业个发展而复苏。工业园区个开发吸引大规模个海外投资，无锡变成现代工业城市，经常勒城市综合竞争力排行榜搭投资环境排行榜上名列前茅。
地理搭气候
[编辑]无锡勒垃长江三角洲，主要是平原，夹花里分布有低山、残丘，地势弗高。太湖平原是一個碟子样个洼地，海拔一般3．5米以下，最低个地方海拔弗足2米；海湾式湖滨低山丘陵个地方，多丘陵、干地、山区；宜兴市则是宜溧山地，有低山搭丘陵，最高个地方是勒垃南面个黄塔顶（611.5米），天目山个余脉，苏南第一峰、江苏省第二高峰。整個无锡总体浪河网密布、水美土肥、物产丰富，典型个江南水乡。
无锡属海洋性亚热带季风气候，温和湿润，四季分明，年平均气温15.5 °C。雨量充沛，雨季较长，主要集中拉六月，市区年平均降雨量为1048毫米。全年无霜期有220天左右，市区日照时数为2019.4个钟头。一年里向顶顶热个辰光是7月，月平均气温28.0 °C；顶顶冷个辰光是1月，月平均气温2.8 °C。
交通
[编辑].JPG)
无锡市地理位置优越，勒垃沪宁线浪，老发头里是交通要道，伊水运个历史悠久，好倒退到泰伯奔吴后凿个伯渎河。京杭大運河橫穿無錫，水运交通便当。现在，无锡境内有多条高速公路、国道、高铁；市里向，国际机场、港口、地铁等立体交通网络优秀，是华东地区主要个一只区域中心城市。
公路
[编辑]无锡是国家公路运输枢纽城市之一，有宁杭、沿江、沪宁等9条高速公路搭多条国、省道。
公路客运方面，2011年，无锡市拿长途汽车站合并拉一道，同无锡站北广场（城际高铁站）连拉一道，同无锡站南广场、公交系统、地铁形成大型交通中心区，叫中央车站。
无锡市里向快速路网弗小，包括快速内环、快速中环、凤翔路高架、江海西路高架、通江大道、金城路高架、机场路高架、蠡湖大道、太湖大道等等。下属县级市宜兴市内有范蠡大道快速化改造项目，未来还会得建设宜兴快速交通体系；江阴市里向拥有芙蓉大道等快速路，目前也勒拉规划建设江阴市里向个快速路网体系。
航空
[编辑]
码头
[编辑]无锡内河航运从漕运演变过来。现在伊依靠京杭大运河、芜申运河、太湖等水系，到2013年年底，已建成航道总里程达1,577.97公里，等级航道里程476.89公里，一年四季侪好通船。
作为内河港口个无锡港是中国28個主要内河港之一[4]，由无锡（江阴）港搭无锡内河港组成[5]。
江阴港作为无锡地区唯一个出海通道，是国家一类对外开放口岸，远开无锡市区38公里。箇面贴拉长江有约35公里个深水岸线，目前已造好超过43個万吨级泊位数，是全国第五個亿吨级个内河港口，也是长江沿线第四個“百万标箱”个大港。
铁路
[编辑]无锡地区目前有京沪铁路、沪宁高速铁路、京沪高速铁路、宁杭客运专线、新长铁路搭沪宁沿江高速铁路，有无锡站（京沪铁路、沪宁高速铁路）、无锡东站（京沪高速铁路）、无锡新区站（沪宁高速铁路）、惠山站（沪宁高速铁路,该站未来将实行扩建计划）、宜兴站（宁杭客运专线）五個客运站点，侪是上海铁路局管理个，当中无锡站是客货运特等站。勒拉弗久个未来，泰锡宜城际铁路搭沿江城际铁路也会得勒拉无锡个惠山站设站，故咾惠山站也会得扩建[6]。
公共交通
[编辑]老底子无锡水网密密麻麻，城里向路少，老百姓一般性出门乘船、乘轿子或者黄包车，故咾无锡公路运输服务到1927年才出现头一家汽车出租商行。1951年，无锡举办“苏南物产交流会”，为咾方便参观个人，才开辟头一条市区公共汽车线路。
公共汽车方面，无锡市区有无锡市公交、锡惠公交、新区公交、马山公交四家独立运营个公交公司，拢总公交线路约200多条、公共汽车3,000多部。
差头方面，有4,000多部差头，乘车起步价统一3公里10元，超出每公里1.9元，算价钿个辰光还会得算进去等候费等附加费。
在无锡，包括地铁、公共汽车、出租车、公共脚踏车等公共交通工具，侪好用无锡市民卡。
轨道交通
[编辑]
无锡地铁目前有地铁一号线、二号线、三号线、四号线、S1号线，全长145km公里。规划中个无锡地铁将会造9条市区地铁、2条市域轨道交通，拢总11条线路个轨道交通网。
教育
[编辑]高等学堂
[编辑]
江南大学 - 无锡学院
- 东南大学无锡校区
- 南京邮电大学无锡校区（规划建设）
- 南京理工大学江阴校区
- 无锡高等师范学校
- 北京大学软件与微电子学院
- 另外无锡市内还有超算中心、702研究所、微电子研究所等科研基地搭南京信息工程大学无锡研究院、复旦大学无锡研究院、华中科技大学无锡研究院、华中科技大学无锡研究院等等弗少大学研究院
- 专科教育方面，无锡拥有无锡职业技术学院、无锡南洋职业技术学院、江苏信息职业技术学院、无锡科技职业学院、无锡商业职业技术学院、无锡工艺职业技术学院、无锡城市职业技术学院等一批专科学堂
高中
[编辑]
天一中学 - 无锡市第一中学
- 无锡市辅仁高级中学
- 江苏省梅村高级中学
- 无锡市第三高级中学
- 无锡市第一女子中学
- 无锡市市北高级中学
- 江苏省锡山高级中学
- 无锡市第六高级中学
- 无锡市公益中学
- 江苏省南菁高级中学
- 江苏省宜兴中学
- 无锡市大桥实验学校
医院
[编辑]无锡医学历史悠久。目前，无锡全市夯吧啷当有一爿医学院（江南大学附属医学院）搭着十家市立医院、210家医院，当中三级甲等医院总共有十四爿。
- 无锡市人民医院
- 无锡市第二人民医院（南北院区）
- 江南大学附属医院（原三院四院，目前是南北院区，其中原四院即北院区未来计划改扩建）
- 无锡市第五人民医院
- 无锡市第七人民医院
- 无锡市第九人民医院
- 无锡市中医院
- 无锡市妇幼保健中心
- 无锡市儿童医院
- 解放军904联勤总院
- 江阴市人民医院
- 江阴市中医院
- 宜兴市人民医院
- 宜兴市中医院
宗教
[编辑]佛教
- 崇安寺
- 惠山寺
- 南禅寺
- 祥符禅寺
- 大觉寺
- 灵山
道教
- 雷尊道院
- 水仙道院
伊斯兰教
- 清真寺
天主教
- 三里桥若瑟堂
基督新教
- 无锡市基督教堂
文化
[编辑].jpg)
吴文化
[编辑]无锡勒拉吴文化个当中位置，千年來，勒拉吴文化个浸育下头，故咾城市风格鲜明，勒拉风土人情当中。无锡菜是明显个甜糯风味江南菜、清雅个锡剧也透露出敏锐果敢个工商文化；亦有好用来吟风颂月个古典园林，也有誉为“小上海”个雄心；箇些固有文化老早变成代代无锡人价值观搭生活方式所在。
无锡个公共文化场从民国开始。1912年开个无锡图书馆是中国最早创建个公立图书馆之一；1929年，无锡县教育局勒拉孔庙个基础浪设立历史博物馆，是无锡第一家公共博物馆。只弗过，箇家博物馆个文物勒拉抗战里向侪畀弄坏脱，只挺碑刻个遗迹，故咾现在改成无锡市碑刻陈列馆。1958年，勒拉惠山寺出土个文物基础上，设立无锡市博物馆。2007年，拿原无锡市博物馆、无锡革命陈列馆搭无锡科普馆合併起来，新造只无锡博物院，伊是江苏省除脱南京博物院外唯一一個地级市博物院。
无锡市里向还有代表吴文化标志个阖闾城遗址博物馆、曾排垃全国十大考古新发现个鸿山贵族墓群遗址博物馆搭从工业遗址改造来个中国民族工商业博物馆、中国丝业博物馆等国家级博物馆；也有蓝印花布博物馆、平湖城博物馆等交交关关多个民间博物馆。
现在生活娱乐丰富化，无锡新造弗少专业美术、书画、音乐场馆。2014年，无锡大剧院畀英国《每日电讯报》文化版评垃“世界上十二座最壮观个剧院”当中。
饮食
[编辑]
- 阳山水蜜桃
- 大浮杨梅
- 无锡毫茶
- 太湖翠竹
- 宜兴阳羡茶
- 宜兴百合
风景名胜
[编辑]| 国家级旅游度假区 |
|---|
| 无锡太湖国家旅游度假区 |
| 5A级旅游景区 |
| 4A级旅游景区 |
历史名人
[编辑]无锡历来人文荟萃、贤能辈出，可谓锺灵毓秀之地，故名流实在太多嘞。下头仅仅罗列出些名人个名字。
古代
近現代（以拼音排序）
参考文献
[编辑]- ↑ 王莽新朝辰光，無錫改過作有錫。
- ↑ 国务院关于同意将江苏省无锡市列为国家历史文化名城的批复. 中国政府网 (2007-09-21). 原始文档勒2014-11-05存档. 访问日脚2016-10-06.
- ↑ 优秀旅游目的地. 中华人民共和国国家旅游局. 原始文档勒2014-11-29存档. 访问日脚2016-10-06.
- ↑ 交通运输部 ，《全国内河航道与港口布局规划》（2007年7月20日）。. 原始文档勒2015-05-17存档. 访问日脚2023-12-10.
- ↑ 无锡市交通运输局，《无锡内河港总体规划》（2010年2月）。. 原始文档勒2014-04-13存档. 访问日脚2023-12-10.
- ↑ 江苏省人民政府，《江苏省轨道交通“十二五”及中长期发展规划》（2012年8月16日）。 档案，存勒互联网档案馆当中。（2014年4月13号） 档案，存勒互联网档案馆 当中。
外部連結
[编辑]
| ||||||||||||||||||||||||||||||||||||||||||||||||||||||||||||||||||||||||||||||||||||