江阴

吴语维基百科,自由个百科全书
跳到导航 跳到搜索
江阴市
面积980平方千米
人口115万人(2002年)
语言吴语江阴闲话
行政级别县级市
邮政编码214400
电话区号0510

江阴(江阴言话:[kᴀŋ][iɪŋ])市,简称“澄”,顾名思义,就是勒长江个南面,勒拉中国江苏省南部,濒临长江,归地级无锡市代管,是长江中下游地区个交通枢纽之一。

历史沿革[编辑]

东周个辰光,叫延陵,前后是吴国公子季札搭楚国春申君个封地。归毗陵县地,西晋析置暨阳县。南梁辰光设江阴郡,因为地处长江之南,故而得名。南唐置江阴军,改成功州,降为县。1987年撤县设市。因代时城北门称澄江门,城内设澄江驿,故江阴简称叫“澄”。

行政区划[编辑]

2008年,江阴市有13个镇,1个街道办事处,250个行政村,7289个村民小组;106个社区居民委员会。市政府来拉澄江(街道办事处)。

经济产业[编辑]

江阴经济比较发达,人民生活比较富裕,多趟名列全国综合实力百强县个前十名。渠个经济主体是乡镇企业,拨称为“中华头一村”个有名个华西村就勒拉江阴个华士镇。全市有十来家上市公司,数量位居中国所有县级市当中个首位。当地工业个主要门类有发电纺织机械冶金轻工等等。另外,以荣毅仁荣智健为代表个荣氏家族也勒该搭有巨额个投资。

全市地形侪是平原或低山丘陵,河网密布,渔业发达。农产品主要有油菜鱼类等。

别样事体[编辑]

江阴近段个长江江面比较狭,而且子勒拉古都南京下游弗远个场哈,所以成着一荡军事要塞,造有江防炮台了啥。该个两年把来又造着一座江阴长江大桥,是重要个交通枢纽。

江阴长江对过个靖江,原生是长江里向个沙洲,明朝之前一径归江阴管个。明中期,俚搭江北慢慢交连拉一淘,就析置出靖江县。近两年把来,因为大桥个修建,两地经济联系越来越紧密。目前已经结成经济协作共同体,还开通仔城际公交班车,促进两座城市个一体化发展。