常熟

常熟（常熟话IPA：/dʐan ʐɔʔ/，吴语拼音：Janzhoh），简称虞，是苏州市代管个县级市。来勒中国江苏省个东南部，东经120°33′-121°03′，北纬31°33′-31°50′，总面积1263平方公里，人口105.48万（2006年底)。

1986年畀批准为“国家历史文化名城”；近年来又先后获得仔“国家卫生城市”、“中国优秀旅游城市”、“国家园林城市”、“国家环保模范城市”、“全国社会治安综合治理先进县市”、“全国畅通工程模范管理城市”、“国际花园城市”称号，是中国获得俚个殊荣个第一个县级市。2007年12月5号，常熟市荣获仔文化部、国家文物局授予个2007年全国文物工作先进县个光荣称号。常熟还是中国个国家级生态市之一，生态建设事业发展得蛮好。