天目山

来自 吴语维基百科
蹦到: 导航搜寻

天目山勒浙江省西北面,东北-西南走向,东起湖州,靠太湖平原,西延浙皖交界处,遥望黄山。长200公里,大概60公里宽。

天目山由粗面岩搭流纹岩等构成。分为东西两支,主峰清凉峰勒嘞临安市搭安徽绩溪交界处,海拔1787米;临安市境内还有西天目山海拔1505米,东天目山海拔1479米,以搿两个峰为核心建有天目山国家级自然保护区。

历史[编辑]

东汉道教大宗张道陵出生勒天目山而且勒搿搭修炼之多年,现在有遗迹“张公舍”;梁代昭明太子萧统隐居勒天目山太子庵分经读书,留有“洗眼池”、“太子庵”等景点;唐代李白、宋代苏轼、元代张羽、明代刘基等文人墨客侪上天目山游览留下优美个诗章。现存“太白吟诗石”等人文景观;清代乾隆皇帝也上山揽胜,赐封“大树王”,搭天目山留下之丰富个人文景观。 天目山佛教从东晋传入,已经有1500多年个历史哉,是佛教名山之一,有“天目灵山”之称。鼎盛个辰光全山有寺院庵堂50几座,僧侣几千个。1279年造个狮子正宗禅寺搭1425年造个禅源寺,侪是江南名刹。天目山是韦陀天尊者道场。