江阴

吴越主题页面

江苏主题页面

**江阴市**
面积	980平方千米
人口	115万人(2002年)
语言	吴语江阴闲话
行政级别	县级市
邮政编码	214400
电话区号	0510

江阴（江阴言话：[kᴀŋ][iɪŋ]）市，简称“澄”，顾名思义，就是勒长江个南面，勒拉中国江苏省南部，濒临长江，归地级无锡市代管，是长江中下游地区个交通枢纽之一。

历史沿革

东周个辰光，叫延陵，前后是吴国公子季札搭楚国春申君个封地。秦汉归毗陵县地，西晋析置暨阳县。南梁辰光设江阴郡，因为地处长江之南，故而得名。南唐置江阴军，元改成功州，明降为县。1987年撤县设市。因宋代时城北门称澄江门，城内设澄江驿，故江阴简称叫“澄”。

行政区划

2008年，江阴市有13个镇，1个街道办事处，250个行政村，7289个村民小组；106个社区居民委员会。市政府来拉澄江（街道办事处）。

澄西片:璜土镇、利港镇
澄要片：澄江街道、云亭镇、南闸镇
华士片：华士镇、周庄镇、新桥镇
长泾片：长径镇、祝塘镇、顾山镇
青阳片：青阳镇、月城镇、徐霞客镇

经济产业

江阴经济比较发达，人民生活比较富裕，多趟名列全国综合实力百强县个前十名。渠个经济主体是乡镇企业，拨称为“中华头一村”个有名个华西村就勒拉江阴个华士镇。全市有十来家上市公司，数量位居中国所有县搭县级市当中个首位。当地工业个主要门类有发电、纺织、机械、冶金、轻工等等。另外，以荣毅仁、荣智健为代表个荣氏家族也勒该搭有巨额个投资。

全市地形侪是平原或低山丘陵，河网密布，渔业发达。农产品主要有稻、麦、油菜、鱼类等。

别样事体

江阴近段个长江江面比较狭，而且子勒拉古都南京下游弗远个场哈，所以成着一荡军事要塞，造有江防炮台了啥。该个两年把来又造着一座江阴长江大桥，是重要个交通枢纽。

江阴长江对过个靖江，原生是长江里向个沙洲，明朝之前一径归江阴管个。明中期，俚搭江北慢慢交连拉一淘，就析置出靖江县。近两年把来，因为大桥个修建，两地经济联系越来越紧密。目前已经结成经济协作共同体，还开通仔城际公交班车，促进两座城市个一体化发展。