靖江

靖江市，简称“靖”，是勒江苏省苏中平原个最南头个新兴滨江城市，和对岸江阴市隔江相望，勒江苏省中轴线搭长江交汇个宕子，是长江下游少有个集公路、铁路、水运于一体个交通枢纽城市。

历史沿革

靖江勒东汉末年是长江里向个一个小岛，回头慢慢点变成一块沙洲。三国个辰光，属于吴国毗陵典农校尉延陵县暨阳乡(今江阴市)，是吴大帝孙权养兵放马个宕子，故靖江有古称“牧城”，有典故“牧城八景”。呰过后，靖江有些辰光属于江阴，有些辰光属于海陵。到了南宋，岳飞退守靖江，留下来一淘难民，是咁暂蛮多靖江人个祖先。宋元两朝，靖江蛮长辰光一地两附，一块属于泰兴，一块属于江阴。到了明朝，因为经济文化风俗等因素，靖江侪属于江阴。明成化七年，靖江走江阴分出来建县，搭江阴一淘属于常州府。清朝也是常州八邑之一。民国过后，废府治，靖江属江苏省直辖。解放过后先后属于扬州南通等地，咁暂挨泰州市代管。

地理变迁

靖江走东汉拱出江面，到明朝初年，一直勒长江主航道之南，北边为北大江。明朝以来，长江不断个南移，北大江不断阻塞，最终靖江搭北岸连接，变则现在呰种腔调。

靖江方言

靖江话是吴语太湖片毗陵小片个一种，来源于常州、江阴、苏州呰些地方个移民。