江苏省

来自 吴语维基百科
蹦到: 导航搜寻
Kansu.JPG 江苏主题页面

江苏省中国个一个省份,简称苏,勒世界第三大河长江淮河下游,黄海边浪。省会是六朝古都南京

江苏省
简称:苏
省会 南京
面积
- 总面积
- 占全国面积%
- % 水域面积
第24位
102,600 平方千米
1.07%
xx%
人口
- 总人口 (2003年底)
- 占全国人口%
- 人口密度
第5位
7405.8万
5.7%
721/平方千米
国内生产总值
- 总值 (2005年)
- 占全国生产总值%
- 人均国内生产总值
第3位
18272.12亿人民币
10.67%
24843.13人民币
行政区类别
China Jiangsu.svg

历史[编辑]

江苏得名于1666年,取两个府个首字:“江宁”个“江”,“苏州”个“苏”。

春秋战国[编辑]

上古时代,江苏援开华夏文明中心————河南西北部蛮远个,其北部是古代民族淮夷个地盘,南部是古代民族越族个一个聚居地。从周朝开始,接触增多,江苏南部兴起个吴国 (国都姑苏,今苏州),是周朝个几百个诸侯国之一。春秋末期,吴国勒国王阖闾辰光变成强国,勒前484年打败北方强国齐国(现在勒山东),称霸一方。前473年,吴国拨勒现在浙江东部个越国灭脱,前333年,越国又拨西面个强国楚国灭脱,最终秦国前221年消灭所有个对手,形成基本统一个中国。

汉晋南北朝[编辑]

勒中国头一个黄金时代汉朝 (前206年220年), 江苏还是一个远离华北平原文明中心个荒蛮之地。当时江苏属于2个: 北部徐州搭南部扬州三国辰光,江苏南部是吴国 (222年280年)个大本营。317年西晋拨北方游牧民族攻破,贵族逃到江南,勒建康(今南京)先后建立东晋搭之后个4个朝代 (南朝420年589年)。江苏北部变成双方交火个中间地带,有个辰光属于南方,有个辰光属于北方。

隋唐[编辑]

589年隋朝灭脱,重新统一南北,完成贯通南北个京杭大运河

唐朝(618年-907年) 是中国第二个黄金时代。后期扬州成为中国顶顶有名个商业城市,俗称“盐埠头”。今江苏南部属于江南东道,江北淮河以南属于淮南道。但是该歇个江苏地区勒搿个辰光,还弗像中原一带能重要。

宋朝[编辑]

宋朝(960年-1279年) ,赅钞票个商人阶层搭新兴个市场经济得到发展,苏州扬州等主要城市成为新兴商业中心,成为“富裕”搭“奢侈”个代名词。

今江苏苏锡常镇地区属两浙西路。南京地区属江南东路、江北淮河以南部分属于淮南东路。

元朝[编辑]

13世纪蒙古人控制中国。今朝江苏个长江以南部分属于江浙行省,江苏江北地区属于河南江北行省。

明朝[编辑]

1368年,洪武皇帝(朱元璋)建立明朝,拿占据中原个蒙古人赶脱,定都南京。朱元璋以南京搭俚老家凤阳为中心,拿周边城市拼成所谓“直隶”,像拿浙西个苏州府、松江府、常州府、镇江府并到直隶里向。永乐皇帝迁都北京后改南直隶;勒后来今朝个江苏省境内一龙总设7个府,里向勒江南个有5个:应天府(南京)、苏州府、松江府、常州府搭镇江府;勒到江北个只有2个:扬州府搭淮安府。

1421年,永乐皇帝(朱棣)迁都北京。之后,南北两京搭两直隶並立200多年,江苏,特别是南部苏州地区,主要因为纺织工业繁荣,继续成为全国个经济中心,並且工业化城市化程度最高,大大小小市镇星罗棋布,地价高、赋税重,名列全国之首。同时搿一带个文化水准也是全国顶高个,状元人数勒全国科举考试中长期占相对比较高个比重(清代数字是全省占40%,苏州府占20%),对全国文化性格搭审美情趣产生深远影响。扬州淮安2座城市因为是京杭大运河漕运(南方粮食运到京城)搭食盐贸易个控制点,名列中国长江以北少数几个顶繁荣个城市当中。

洪武皇帝拿长江南北差异大来交关个地区放勒一个行政区里向。几个世纪以来,江南个富裕程度搭影响力大大超过江北,也为之后“江南江北,两个世界”打下伏笔。

清朝[编辑]

1645年清朝部队攻占扬州南京,俘虏南明弘光皇帝,乃末拿南直隶改成江南省。1666年,因为江南省规模忒大,分设江苏省搭安徽省,个也是现代江苏得名个开始。清军勒扬州江阴嘉定等地拨激烈抵抗,制造扬州十日江阴屠城了啥实梗个惨剧。

清代,江苏巡抚驻扎勒苏州,安徽巡抚驻扎勒安庆,勒南京设有节制江苏、安徽、江西三省个两江总督。江苏、安徽两省个乡试呐,一例共用同一个江南贡院(勒今南京夫子庙)。1780年之前,管理安徽民政个安徽布政使也长期寄驻勒南京,1780年安徽布政使迁到安庆之后,勒南京另设江宁布政使一职,管理江宁(南京)、扬州、淮安、徐州4府搭通、海2直隶州。江苏学政驻扎勒江阴。另外勒淮安府城驻扎有漕运总督,府城西北15公里处清江浦(今淮安市主城区)驻扎有南河总督(江南河道总督)。两淮盐运使驻扎勒扬州
清代江苏省勒沿海地区增设3个直隶州:太仓通州南通)搭海州,並拿徐州由直隶州升成府。因为人口大量增加,江苏南部交关县侪一分为两,造成2个县共用1个县城个情况(民国之后消失),苏州城里向甚至同时有3个县个县衙:吴县、长洲县搭元和县。

1840年代,江苏开始受西方影响,江苏东南部原来一个弗知名个小地方上海拨开成通商口岸,並设立上海公共租界上海法租界,迅速发展成贸易、金融搭国际化个大都会,后来勒1927年正式脱离江苏成为独立个院辖市。镇江苏州也有过规模较小个租界。晚清时期,江苏南部还受到过太平天国运动个强烈影响达十几年,庚申之劫使得该个地区损失交关惨重。

中华民国[编辑]

中华民国1912年成立,一起先几个月个首都是南京。1916年袁世凯过辈仔全国陷入军阀割据状态,江苏也换着几趟东家,北伐战争前夕是孙传芳。该个辰光,江苏南部个民族工商业迅速崛起,无锡南通常州纺织工业发展得蛮来事。
1927年4月,蒋介石南京建立中央政府,並勒10年里向统一着大半个中国,同时进行着蛮多现代化建设,包括修建早期个公路网了啥。1928年国民政府正式定都南京仔,进行大规模个首都建设,江苏省会迁到镇江(1929年)。
1937年抗日战争全面爆发,蒋介石个黄金时代中断。1937年12月13号南京陷落,勒3个月里向,死脱300,000人,个就是日本人制造个臭名昭著个南京大屠杀沪宁铁路沿线个苏州了无锡了常州了镇江了侪拨拉弗同程度个破坏。故歇之后一径到1945年战争结束,南京是中国东部沦陷区汪精卫傀儡政府个首都。

战争之后中央政府从重庆还都南京,朆过多少辰光就搭立足东北华北中国共产党爆发国共内战。其中1948年徐州附近个淮海战役,共产党基本浪打败国民党个主力。1949年4月,共产党军队迅速渡过长江,攻占 南京,国民政府撤退到台湾,必过中华民国个宪法浪还是认为南京原是中华民国个正式首都。

中华人民共和国[编辑]

中华人民共和国成立仔,首都迁到北京。建国初江苏省拨拉分成过苏北行署搭苏南行署,1953年咦合并成江苏省,省会来南京。

1980年代,江苏南部个乡镇企业就交关有名。尚况邓小平经济改革开始个热点地区集中勒南部海岸个广东省,朆有多少辰光就拿江苏超过。1990年代开始,以上海为中心个长江三角洲地区得到重视,江苏南部搭上海联系紧密个两个城市苏州无锡充满活力,国内生产总值侪超过省会南京,名列全国十强。

地理[编辑]

周庄

接近省市:山东安徽浙江上海

行政区划[编辑]

江苏省有13个地级市、31个县级市搭33个

地级市 市辖区 县级市
南京(副省级) 玄武 白下 秦淮 建邺 鼓楼 下关 浦口 栖霞 雨花台 江宁 六合 / 溧水 高淳
徐州 鼓楼区 云龙区 九里区 贾汪区 泉山区 新沂 邳州 丰县 沛县 铜山 睢宁
连云港 连云区 新浦区 海洲区 / 赣榆 灌云 东海 灌南
宿迁 宿城区 宿豫区 / 沭阳 泗阳 泗洪
淮安 清河区 清浦区 淮阴区 楚州区 / 金湖 盱眙 洪泽 涟水
盐城 亭湖区 盐都区 东台 大丰 射阳 阜宁 滨海 响水 建湖
扬州 广陵区 江都区 邗江区 仪征 高邮 宝应
泰州 海陵区 高港区 姜堰区 靖江 泰兴 兴化 /
南通 崇川区 港闸区 海门 启东 通州 如皋 如东 海安
镇江 京口区 润州区 丹徒区 扬中 丹阳 句容 /
常州 钟楼区 天宁区 戚墅堰区 新北区 武进区 金坛 溧阳 /
无锡 新区 锡山区 惠山区 滨湖区 崇安区 南长区 北塘区 江阴 宜兴 /
苏州 吴中区相城区姑苏区虎丘区吴江区 昆山 太仓 常熟 张家港 /

交通[编辑]

经济[编辑]

根据2005年江苏省国民经济和社会发展统计公报公布江苏省2005年地区生产总值(GDP)为18272.12亿,居全国第三(仅次于广东搭山东),比上年增长14.5%。全年进出口总额2279.41亿美元。

南京天际线

人口[编辑]

2005年底,全省常住人口7474.5万人,全年人口出生率9.24‰,死亡率7.03‰,人口自然增长率2.21‰。

方言[编辑]

作为一个朱元璋制造个南直隶后遗症,江苏没有单一个文化搭方言。整个省份按照流域划分,答题可以分为三大方言区。其中,吴语是搭南面个浙江上海有相似关系。江淮官话当中个南京等地搭淮西联系也比较大。扬州搭下头个城市是淮东口音。徐州这些地方。就彻底是内亚个中原官话哉。 弗过,搭安徽弗一样,江苏中原官话使用人口比较少,大部分人侪是讲吴语或者江淮官话个。近几年,因为普通话个强制推广。来勒苏州无锡等外来人口多个大城市,吴语个使用已经收到邪气大个冲击。

江淮官话[编辑]

扬州、淮安、盐城3市全部,南京、镇江、泰州3市大部,连云港市区及灌云、灌南2县,宿迁沭阳、泗阳、泗洪3县,南通市区及如皋市、海安县全部搭如东县大部、通州市小部。

吴语[编辑]

苏州无锡常州3市全部,南通启东海门2市全部,通州市大部,如东县小部,镇江丹阳市,南京高淳溧水县,泰州靖江市,

中原官话[编辑]

徐州市全部,宿迁市区,连云港赣榆、东海2县

文化[编辑]

江苏自古以来是中国文化重心之地,並经历文化重心从唐汉以前个江淮地区到唐汉以后个江南地区转移。江苏勒文化上有“吴韵汉风”一说,江南地区属于吴文化圈,而徐州连云港淮北地区则属于中原文化搭北方语系(北语)地带,两者之间为吴韵汉风共同滋润个江淮地区。这种文化高头个差异,也让江苏人对省份认同感弗是老强。一般吴越地区个居民更欢喜认同苏南或者苏锡常个概念。

全省共有2个世界遗产、5个国家重点风景名胜区、7座国家历史文化名城、5座省级历史文化名城、7座中国历史文化名镇、120个全国重点文物保护单位(含京杭大运河江苏段)、645处省级文物保护单位。

旅游[编辑]

2003年底,国内旅游收入975.0亿元,国际旅游外汇收入11.3亿美元。

教育[编辑]

江苏是中国教育大省。2003年全省拥有普通高校105所,本专科在校生85.97万,研究生在校生5.36万。普通高校数搭在校人数侪居全国首位。普通高中在校生124万,普通初中在校生370.35万,小学生人数579.39万。

江苏一龙总有89个国家重点学科,88位勒江苏工作个两院院士,11所211工程高校,10所中央部委直属高校。江苏个国家重点学科、两院院士、一级学科博士授权单位,一级学科博士授权专业、博士点、硕士点、国家重点实验室等数量侪居全国第二位。
教育部属&211&985


教育部属&211


国防科工委属&211


省属&211


省属

宗教[编辑]

基督教[编辑]

好统计个信徒作兴有120万人,多数集中来北部宿迁淮安盐城徐州连云港5市。
勒江苏北部,仅原真耶稣教会信徒就有廿万人。 南京个金陵神学院是中国基督教独独个全国性学堂。

勒有星城市还保留着部分老早传教士造个老教堂,像南京个圣保罗堂汉中堂搭苏州个圣约翰堂乐群社会堂思杜堂。近年把来,江苏南北各地咦新建着一批大型教堂。

天主教[编辑]

好统计个信徒21万人。

伊斯兰教[编辑]

  • 南京三山街净觉寺
  • 镇江山巷清真寺

佛教[编辑]

道教[编辑]

建国后主要领导人[编辑]

  • 省委书记
    • 陈丕显(1949年5月 - 1952年10月)(苏南区委书记)
    • 萧望东(1949年5月 - 1952年10月)(苏北区委书记)
    • 柯庆施(1952年10月 - 1954年8月)
    • 江渭清(1954年8月 - 1970年12月)
    • 许世友(1970年12月 - 1977年12月)
    • 许家屯(1977年12月 - 1984年12月)
    • 韩培信(1984年12月 - 1989年12月)
    • 沈达人(1989年12月 - 1993年9月)
    • 陈焕友(1993年9月 - 1999年12月)
    • 回良玉(1999年12月 - 2002年12月)
    • 李源潮(2002年12月 - )

(截止2006年1月)

(截止2006年1月)

外部链接[编辑]

江苏省行政区划省会南京市 Flag of the People's Republic of China.svg
地级市 市辖区县级市
南京市 玄武区 | 鼓楼区 | 建邺区 | 秦淮区 雨花台区 | 浦口区 | 栖霞区 | 江宁区 | 六合区 | 溧水区 | 高淳区
无锡市 崇安区 | 北塘区 | 南长区 | 锡山区 | 惠山区 | 滨湖区 | 江阴市 | 宜兴市
徐州市 云龙区 | 鼓楼区 | 九里区 | 贾汪区 | 泉山区 | 邳州市 | 新沂市 | 铜山县 | 睢宁县 | 沛县 | 丰县
常州市 钟楼区 | 天宁区 | 戚墅堰区 | 新北区 | 武进区 | 金坛市 | 溧阳市
苏州市 姑苏区 | 虎丘区 | 吴中区 | 相城区 | 常熟市 | 张家港市 | 太仓市 | 昆山市 | 吴江区
南通市 崇川区 | 港闸区 | 如皋市 | 通州区 | 海门市 | 启东市 | 海安县 | 如东县
连云港市 新浦区 | 连云区 | 海州区 | 东海县 | 灌云县 | 赣榆县 | 灌南县
淮安市 清河区 | 清浦区 | 楚州区 | 淮阴区 | 涟水县 | 洪泽县 | 金湖县 | 盱眙县
盐城市 亭湖区 | 盐都区 | 东台市 | 大丰市 | 建湖县 | 响水县 | 阜宁县 | 射阳县 | 滨海县
扬州市 广陵区 | 邗江区 | 高邮市 | 江都区 | 仪征市 | 宝应县
镇江市 京口区 | 润州区 | 丹徒区 | 丹阳市 | 扬中市 | 句容市
泰州市 海陵区 | 高港区 | 泰兴市 | 姜堰市 | 靖江市 | 兴化市
宿迁市 宿城区 | 宿豫区 | 沭阳县 | 泗阳县 | 泗洪县

(注:南京市副省级城市。)
中华人民共和国省级行政区划 Flag of the People's Republic of China.svg
直辖市 北京市 | 天津市 | 上海市 | 重庆市
黑龙江省 | 吉林省 | 辽宁省 | 山东省 | 河北省 | 山西省
陕西省 | 甘肃省 | 青海省 | 江苏省 | 安徽省 | 河南省 | 湖北省
浙江省 | 江西省 | 湖南省 | 四川省 | 福建省 | 广东省 | 贵州省
云南省 | 海南省 | 台湾省(弗勒实际统治,参见台湾问题
自治区 新疆维吾尔自治区 | 内蒙古自治区 | 宁夏回族自治区
西藏自治区 | 广西壮族自治区
特别行政区 香港特别行政区 | 澳门特别行政区
Commons-logo.svg
维基共享资源里向寻得着搭该篇文章搭界个多媒体资源:
Commons-logo.svg
维基共享资源里向寻得着搭该篇文章搭界个多媒体资源: