浙江省

来自 吴语维基百科
蹦到: 导航搜寻

浙江省中华人民共和国东南沿海个一个省。简称。东向是东海,北向搭江苏省介隔太湖,东北向是上海市,西北方向搭安徽省介以天目山为界,西向搭江西省介贴隔壁,南向是福建省。其名字是因为钱塘江老底子个名称讴浙江。省会来勒杭州市

逆时针依次搭上海市江苏省安徽省江西省福建省介相邻,东向靠东海省会杭州

浙江省
略称:浙
省会 杭州
面积
- 总面积
- 面积/总面积(%)
- 水域面积(%)
第25位
101,800 km2
1.06%
xx%
人口
- 总人口 (2001年度)
- 人口/总人口(%)
- 人口密度
第10位
46,130,000
3.61%
453/km2
省内生产总值
- 全国总数 (2002年)
- 省内生产总值/GDP
人均省内生产总值
第4位
7670亿人民元
7.49%
14500人民元
行政种类
浙江来中国个位置

名称和代表[编辑]

“浙江”是钱塘江的古称,意思是河水曲折,钱塘江是浙江顶主要个河流。唐朝辰光,两浙道江南东道介分出,该是“浙”该个字第一次来中国省级地方政府类出现。

2008年浙江省开展评选省花搭省树介。2009年1月16日浙江省“关注森林”工作会议召开,正式确认樟树为省树、兰花为省花,该次会议上头,金钱松(吉祥之树)、银杏(长寿之树)、毛竹(富民之竹)搭榧树(造福之树)介同时被确定为浙江省特色树,梅花(高洁之花)、荷花(清纯之花)、桂花(天香之花)搭山茶花(幸福之花)介确定为浙江省特色花。[1]

历史[编辑]

主条目:浙江历史

今末浙江省个范围基本上来搭明朝早起形成。来该之前,今末子个上海江苏省苏州无锡常州格当介,一直搭浙江省介来勒做个文化搭行政区头。该个统一个区域,先秦辰光为越人居住区,秦汉为会稽郡,六朝时称为“三吴”,唐宋时期为两浙道、吴越国、两浙路介,元朝是江浙行省。两浙个地理范围大致上北起长江,南搭温州,西起茅山天目山黄山一带,东至洋面。

Ancient drawing of Gou Jian, the King of Yue.

浙江省里向个早期人类文明,先后有搭上山文化、小黄山文化、跨湖桥文化、河姆渡文化、马家浜文化及良渚文化介。其中良渚文化搭刚即介大约有5000年,是中国新石器时代晚期文化发展的最高水平[2]

到商末周初时期,两浙地区个越人建立了越国,春秋时期来勒浙江一带全盛。越国接落来搭北向个国介长期冲突。最后越国王勾践于公元前473年搭吴国消灭掉,光复两浙。

公元前222年,秦始皇向两浙来进攻,越国国君投降,为加强对越国人个统治,秦国搭浙江设立了一个会稽郡,首府来勒刚即个苏州。到东汉永建四年(129年),会稽郡个中心邅嘞山阴(刚即个绍兴),苏州新设立了个吴郡。

三国时期,浙江省是吴国个领土。该个辰光浙江个经济稳定发展,临海郡个永宁县(刚即个温州)搭横藇船屯(刚即个平阳)介是当时个主要造船中心之一。

唐朝武德九年,大唐军队打进浙江省。大量北方流民南下搭浙江,安史之乱后,因为河北沦陷,关东失守,两浙成为大唐帝国赋税个重要来源地。[3]

公元893年开始,钱镠及后代子孙开始通知浙江,是为吴越国。吴越国国家小,为防止拨隔壁个吴国(后来为南唐国)强落,所以其外交政策一直是“善事中国”(无论中原政府是唐、后梁、后唐、后晋、后汉、后周还是搭宋),搭日本、新罗、渤海格当介保持友好。对内,吴越国重视“保境安民”,特别是修海塘保护沿海居民生产,东南沿海稳定繁荣。978年,宋国大军压境,为保全两浙民生,吴越国君臣经过商议“纳土归宋”,成为宋两浙路。从吴越国搭宋介开始,杭州成为两浙地区个政治、经济搭文化介中心,宋南渡后杭州又成为全国个中心。

朱元璋明朝军队来1368年攻进两浙,吞并浙西个张士诚搭浙东的方国珍被,设立浙江承宣布政使司。朱元璋为了将首都搭其生出个地方安徽凤阳介拼成南京,将传统上一直是两浙个苏州松江格当地方划拨南京,以至今末个吴语区被人为个分成浙江搭江苏南部介两部分。

清朝道光廿年(公元1840年)7月5日,英国军队炮轰定海城,中英鸦片战争正式爆发。根据战后签订个中英江宁条约宁波成为五口通商口岸之一。咸丰年间,太平军进入浙江,除温州以外,全省影响交关,人口从战前个3027万人跌勒jia1400万左右。[4]

辛亥革命以前,浙江是革命党活动活跃的地区,浙人章太炎徐锡麟秋瑾陶成章格当成立光复会[5],影响波及长江下游和东南沿海。1911年11月,杭州新军起义,宣告浙江独立。[6][7]1927年2月底,北伐军占領浙江全境,7月27日浙江省政府成立,来国民政府领导下,浙江开始十年建设,包括西湖博览会举办,钱塘江大桥通车。

1937年抗日战争爆发后,嘉兴、湖州、杭州相继失守。1941年4月19日,日本军来浙东沿海个镇海、石浦、海门、瑞安实施登陆,发动宁绍战役,浙东沦陷。1942年浙赣战役期间,為報復国军的坚强抵抗,日軍使用生化武器,造成人民重大伤亡。

地理[编辑]

地势[编辑]

浙江省来勒中华人民共和国个东部。浙江省东向靠东海,海岸县曲折,湾、岛多猛。杭州湾是顶大个湾。沿海有舟山群岛格当介3千多兴岛屿分布,来中国各个省里头顶多。舟山本岛是浙江省顶大大岛。

全省山地面积占70%,有天台山四明山天目山洞宫山雁荡山格当分布,海拔一般来勒200-1000公尺。全省顶高是西南部的黄茅尖 (1921公尺)。

北向个杭嘉湖平原长江三角洲个一部分,京杭大运河搭其穿过。别采还有沿海个宁绍平原温黄平原温瑞平原格当。 内陆地区大大小小盆地堆打。金衢盆地是浙江省顶大盆地。别样还有诸暨盆地嵊新盆地天台盆地松古盆地格当。

河流、湖泊[编辑]

浙江省河基本上统短而急。顶长是钱塘江,一个头子新安江出勒安徽省徽州地区,另外个头子衢江出勒衢州地区。渠拉来建德市梅城镇塞兜拢,流勒杭州湾。建德以下大眼个支流还有分水江壶源溪浦阳江曹娥江格当。

别样交长眼河流,还有搭瓯江灵江甬江飞云江鳌江格当介。来浙江省北向个苕溪流勒太湖,属于长江流域。

浙江省湖老口。顶大个天然湖是宁波个东钱湖,水面面积19.89平方公里。顶大个人工湖是千岛湖,就是新安江水库,湖区面积573平方公里。 别样有名个还有搭杭州西湖、嘉兴个南湖格当。

气候[编辑]

浙江省算亚热带季风湿润气候,四季分明。春天价(3-5月)雨多,气候多变;热天价(6-9月)又热又潮;秋常里和暖;冷天价冰冷干燥。1月份平均气温2-8°C,7月份平均气温27-30°C。年降水量1000-1900 毫米。 农历五月份开始做梅,芒种后壬日入梅,夏至后庚日出梅,小暑该日打雷格话做重梅。 夏天家时介做风水。

行政区划[编辑]

Zhejiang prfc map.png

11地级市,下级行政单位有的区、县级市、县。

  • 5.金华市 (婺城区 金东区 兰溪市 义乌市 东阳市 永康市 武义县 浦江县 磐安县)
  • 7.衢州市 (柯城区 衢江区 江山市 常山县 开化县 龙游县)
  • 10.温州市 (鹿城区 龙湾区 瓯海区 瑞安市 乐清市 洞头县 永嘉县 平阳县 苍南县 文成县 泰顺县)

经济[编辑]

来勒历史浪,浙江作为江南个地区,就一直有强势个经济实力,钱塘江流域也是“长三角”个重要组成部分。粮食生产以水稻种植为主,来勒明朝开始,丝绸茶叶个生产逐步替代水稻种植,成为顶大个产业。瓷器制作也邪气发达,从宋朝开始,就被誉为“鱼米之乡”、“丝绸之府”,包括浙北江南五府一直是帝国顶顶富庶个地区,有“苏湖熟,天下足”个美誉。来勒“改革开放”之后,浙江经济摆脱帝国统筹个枷锁,开始快速发展,民营经济比重大,弗过,大量外来人口也影响到浙江经济个长期发展搭投资环境。

浙江作为一个省份,是中国当前各个行政区里厢经济发展顶平衡,也是发展顶快个之一,全省GDP总量1978年来勒中国第十二位,至1994年开始一直排勒第四位。1991年全省GDP总量突破1千亿元,2004年突破1万亿元,2008年突破2万亿元。

2007年,浙江GDP总量(最终核实数[8])达到18,638.36亿元,与上年相比增幅达到14.5%,占全国总量个6.8%。其中,第一产业1,025.27亿元,占5.5%;第二产业10,092.00亿元,占54.15%;第三产业7,521.09亿元,占40.35%;2007年GDP人均37,128元。

根据2011年中科院发布中国各地区GDP质量排行,浙江来勒第三,仅仅排勒直辖市北京上海后头,高于天津[9]。2012年7月财政部公布的数据显示,2011年浙江人均可支配收入达到30,971元,仅次于上海个36,230元搭北京个32,903元,同样名列第三位[10]

2012年浙江省GDP总量达到34,606.30亿元,比上年增长8.0%。

文化[编辑]

名人[编辑]

作为继承传统吴越大部分地区个省份,浙江历来人文荟萃,产生过交关有名个杰出人物,来勒各行各业侪涌现出堪称东亚一流个人才群体。大部分人侪体现出典型个吴越人特质,是吴越人优秀品质个一种反应。

哲学、思想界[编辑]

东吴大帝孙权雕像


政治、军事界[编辑]

古代

另:严子陵虞翻方腊孙坚孙策朱然凌统宗泽方国珍张煌言(张苍水),宋濂葛云飞等。

中国国民党骨干搭领导人

其他军政要人

  • 汤寿潜(1857-1917),清末“东南互保”个主要推动者搭立宪派领袖之一,浙江咨议局议长,浙江都督。
  • 孙宝琦(1867—1931),清末任山东巡抚武昌起义后,一度宣布山东独立,任都督。1924年任国务总理兼外交委员会委员长,任内与苏联建立外交关系,向德国索赔成功。
  • 徐錫麟(1873-1907),清末革命先烈,皖浙起义领导人。
  • 沈家本(1840-1913),中国近现代法学个奠基人,第一个为中国引进西方法律体系的法学泰斗。
  • 秋瑾(1875-1907),清末民主革命活动家,妇女解放运动先驱,皖浙起义领导人。
  • 沈钧儒(1875—1963),浙江省谘议局副议长、省教育局局长。北京政府参议院秘书长,1926年任浙江省临时政府政秘书长。中国民主同盟发起人之一。
  • 陶成章(1878-1912),中华民国革命元勳,光复会创建人
  • 林徽因(1904-1955),著名建筑师,其夫为梁思成中华人民共和国国徽人民英雄纪念碑的设计者之一
  • 殷汝耕(1885年-1947),殷汝驪之弟,中國近代財稅官僚及政治家,孫姪女為台灣企業家殷琪
  • 马叙伦(1885-1970),教育家、书法家和民主人士,中国民主促进会创建人之一
  • 董建华(1937- ),香港特別行政區首任行政長官,父亲为前香港航業巨頭董浩云
  • 范徐丽泰(1945- ),香港特別行政區首任立法会主席
  • 曹其真(1941- ),澳门特别行政区首任立法会主席
  • 吴小莉(1967- ),著名媒体人

文学界[编辑]

浙江作为吴越核心地区,文学成就一直傲视东亚。根据统计,从到现代,浙江籍文学家列入史册个已达到上千人,约占全国著名文学家的六分之一[11]。浙江也是古代产生状元进士最多的省份,这一方面让浙江人拥有邪气高个素质修养,弗过,也让大汉族主义沙文主义来勒地方拥有市场,阻碍吴越文化认同个发展。

东晋辰光个谢灵运是东亚山水诗个创始人,沈约是六朝后期著名个史学家搭文学家,修有二十四史之一个宋书唐太宗著名个十八学士当中六人是浙江人,唐宋辰光著名个诗人、词人还有虞世南贺知章骆宾王刘禹锡孟郊朱淑真周邦彦陆游张先陈亮吴文英罗隐等。

清朝前期,嘉兴发源个浙西词派搭江南其他词派(如常州词派、阳羡词派等)争奇斗艳,形成了清代词文学个又一个高峰。袁枚是乾隆、嘉庆时期代表诗人,也是“乾隆三大家”之一。此外还有二拍作者凌濛初

到20世纪,浙江更是涌现一大批文学家。出现了伟大个左翼文学人物鲁迅茅盾,以及艾青丰子恺徐志摩郁达夫郑振铎冯雪峰夏衍邵荃麟吴晗戴望舒俞平伯周作人李叔同(弘一法师)、朱自清柔石殷夫梁实秋范文澜苏雪林张其昀等享誉中外的文学名人。

当代有名个作家搭学者还有查良鏞(金庸)、许晏骈(高陽)余秋雨余華倪匡(卫斯理)、潘希真(琦君)冯骥才南怀瑾麦家趙寧张抗抗等。

2008年起4年一度的茅盾文学奖颁奖地永久确定在茅盾个故乡浙江乌镇

科学技术界[编辑]

浙江作为吴越,来勒几千年之前,就对科学技术有浓厚个兴趣。古代著名个科学家有铸剑鼻祖欧冶子,东汉著名炼丹家魏伯阳,著有梦溪笔谈沈括,发明活字印刷毕升南宋辰光个数学家杨辉清朝数学家李善兰等。到近代,因为地处沿海更多的接触西方现代科学,来勒科学界个浙江人层出不穷。

  • 在1948年选出的首届中央研究院81名院士(包括人文组)中,有20位院士来自浙江,占近1/4。
  • 到2006年,浙江籍个中国科学院院士共203名(含外籍院士),占全部院士(含外籍院士)个17.8%。其中1955年首届中国科学院学部委员中,有浙籍科学家36名(不含哲学社会科学部),占迭个辰光172名学部委员(不含哲学社会科学部61人)的20.9%。

在两院院士当中,有:

另外,没有入选两院院士但同样杰出的科学家还有多人,如有“外科第一刀”之称的著名外科专家沈克非,中國農學專家沈宗瀚以及台灣名物理學者沈君山父子。

商界[编辑]

主条目:浙商

湖州人沈万三是明初天下首富。清末镇海人叶澄衷是帝国近代五金行业个先驱。以经营辑里丝起家个刘镛张颂贤庞云鏳顾福昌这“四象”为首个湖州南浔商人是都吴越顶强大商人个群体之一。以虞洽卿黄楚九袁履登为代表个宁波商人曾经叱咤远东第一大城市上海。

现代有名的商界人士有:

浙江先后产生过湖州商帮龙游商帮宁波商帮温州商帮义乌商帮等著名浙商群体。江浙财阀是国民政府的经济基础。

音乐、演艺界[编辑]

  • 柯受良(1953-2003),臺灣電影特技演員、導演,第一位成功飛越黃河壺口瀑布壯舉的中國人,其子為藝人柯有綸
  • 王晶(1955-),著名導演王天林之子,电影及电视剧导演、编剧、制作人
  • 张彻(1923-2002),著名电影导演,武俠電影始祖
  • 蔣光超(1924-2000),台灣著名資深電視、電影演員
  • 谢晋(1923-2008),著名电影导演
  • 周慧珺(1939-),中国书法家
  • 陈逸飞(1946-2005),著名导演、画家,视觉艺术家
  • 陳道明(1955-),知名電視、電影演員
  • 茅威涛(1962-),越剧第一小生,演员
  • 丁噹(1983-),台灣著名歌手

其他演艺界名人还有周迅王志文汤唯苗侨伟何赛飞邬倩倩苏瑾袁立胡兵俞飞鸿叶璇钱琳等。

體育界[编辑]

吴越人一贯重视体育锻炼,产生过交关世界冠军,如世界围棋冠军马晓春俞斌,著名体操运动员、奥运会跳马王楼云,蛙后罗雪娟,1500米自由泳世界记录保持者孙杨,两届奥运举重冠军占旭刚,奥运射击冠军朱启南,中国女排队长周苏红,著名体操运动员桑兰,皮划艇静水项目运动员孟关良,著名拉力赛车手徐浪,篮球国手郑武,国际象棋棋后许昱华,世界全壘打王暨知名日本職棒選手及總教練王貞治,世界跆拳道冠军王皓。

友好城市[编辑]

主要旅游地[编辑]

国家级风景名胜区:

主要教育机关[编辑]


外部链接[编辑]

浙江财经学院

参考资料[编辑]

  1. 【专题】浙江省树省花评选活动-省树省花全省“关注森林”工作会议召开 浙江省树省花揭晓,浙江在线,浙江新闻
  2. 毛颖、张敏,《长江下游的徐舒与吴越》,湖北教育出版社,2005年,241页。
  3. 孟昭庚,张学锋:《论江南在唐帝国时期的地位演变》,载于《江南社会经济研究·六朝隋唐卷》,本处转载自国学网,2006年7月8日
  4. 《太平天国战争对浙江人口的影响》,《复旦学报》2000年第五期
  5. 陶成章案与光复会的灭亡,中国网,文化周末
  6. 略论辛亥革命时期的浙江军政府,原载《浙江社会科学》1998年第1期
  7. 《我在六十岁以前》--马叙伦
  8. 国家统计数据库,2007年地区生产总值(摘要版)
  9. 中科院报告首次发布中国各地区GDP质量排行 2011年07月29日
  10. 沪京浙人均收入全国三甲. 联合早报 (2012-07-13).
  11. 文化艺术综述,华夏经纬网,2008年10月30日查阅
  12. 中国概况-浙江,中央政府门户网站,2008年10月30日查阅
  13. 浙商名人馆·浙商网
浙江省行政区划省会杭州市 Flag of the People's Republic of China.svg
地级市 市辖区县级市自治县
杭州市 拱墅区 | 西湖区 | 上城区 | 下城区 | 江干区 | 滨江区 | 余杭区 | 萧山区 | 建德市 | 富阳市 | 临安市 | 桐庐县 | 淳安县
宁波市 海曙区 | 江东区 | 江北区 | 镇海区 | 北仑区 | 鄞州区 | 余姚市 | 慈溪市 | 奉化市 | 宁海县 | 象山县
温州市 鹿城区 | 龙湾区 | 瓯海区 | 瑞安市 | 乐清市 | 永嘉县 | 洞头县 | 平阳县 | 苍南县 | 文成县 | 泰顺县
嘉兴市 南湖区 | 秀洲区 | 海宁市 | 平湖市 | 桐乡市 | 嘉善县 | 海盐县
湖州市 吴兴区 | 南浔区 | 长兴县 | 德清县 | 安吉县
绍兴市 越城区 | 诸暨市 | 上虞市 | 嵊州市 | 绍兴县 | 新昌县
金华市 婺城区 | 金东区 | 兰溪市 | 义乌市 | 东阳市 | 永康市 | 武义县 | 浦江县 | 磐安县
衢州市 柯城区 | 衢江区 | 江山市 | 龙游县 | 常山县 | 开化县
舟山市 定海区 | 普陀区 | 岱山县 | 嵊泗县
台州市 椒江区 | 黄岩区 | 路桥区 | 临海市 | 温岭市 | 玉环县 | 天台县 | 仙居县 | 三门县
丽水市 莲都区 | 龙泉市 | 缙云县 | 青田县 | 云和县 | 遂昌县 | 松阳县 | 庆元县 | 景宁畲族自治县

(注:杭州市宁波市副省级城市。)
中华人民共和国省级行政区划 Flag of the People's Republic of China.svg
直辖市 北京市 | 天津市 | 上海市 | 重庆市
黑龙江省 | 吉林省 | 辽宁省 | 山东省 | 河北省 | 山西省
陕西省 | 甘肃省 | 青海省 | 江苏省 | 安徽省 | 河南省 | 湖北省
浙江省 | 江西省 | 湖南省 | 四川省 | 福建省 | 广东省 | 贵州省
云南省 | 海南省 | 台湾省(弗勒实际统治,参见台湾问题
自治区 新疆维吾尔自治区 | 内蒙古自治区 | 宁夏回族自治区
西藏自治区 | 广西壮族自治区
特别行政区 香港特别行政区 | 澳门特别行政区
Commons-logo.svg
维基共享资源里向寻得着搭该篇文章搭界个多媒体资源:
Commons-logo.svg
维基共享资源里向寻得着搭该篇文章搭界个多媒体资源: