圣约翰堂

1868年，美国监理会个戴乐医生到仔苏州，恩倷是第一个来苏州传教个宣教士。1881年美国监理会宣教士潘慎文博士勒海天赐庄（意思是上帝赐拨个地方）买着一块土地，造仔一座耶稣堂，名字叫“首堂”。该是圣约翰教堂个前身。1915年，监理会拆脱仔首堂，新造仔一座建筑面积1855平方米，里向有800多只座位，外加蛮有气派个耶稣堂，该个就是圣约翰堂。

圣约翰堂是美国人约翰.M.慕尔博士用心设计个。搭天赐庄圣约翰堂建筑风格一样，面积大小一样个现在还有两座，一座是勒海美国个圣・路易斯，一座勒海日本个神户。苏州天赐庄圣约翰堂原来个名字是“苏州东监理会教堂”，之所以改名字叫圣约翰堂，是为仔纪念卫理公会个创始人约翰・卫斯理。

圣约翰堂个建筑风格全是西式个。耶稣堂个建筑是根据宗教仪式发展出来个格别个样子，是纵横比例相差较关大个长方形平面，西面个狭端是正面，用两排或者四排亭柱横里向分开室内空间，中间部分咦是狭咦是高，用勒海酝酿一种宗教神圣个气氛。现在个圣约翰堂里向有《李仲覃牧师纪念碑》，上头写仔兹恩倷个生平。改革开放过后，李政道博士曾经两趟到圣约翰堂。别个李氏家族个人也来仔蛮多次个。

1959年圣约翰堂拨苏州市第一人民医院租搭哉。1995年拨教会收转去，按照原来个样子修好，变成市里向基督教两会个办公室搭仔江苏省基督教苏南义工培训中心。2003年4月份，经过政府有关部门登记，恢复宗成教活动个场化。