越国

来自 吴语维基百科
蹦到: 导航搜寻

越国(又畀称为“于越”“於越”),是春秋战国时期勒中国东南方个诸侯国,都城勒嘞会稽绍兴)。越国前期个核心统治区域主要勒今朝个浙江省诸暨东阳、义乌搭绍兴周边地区,俚个早期都城就勒搿块区域内迁移,最早个首都是勒今朝个诸暨,后来定都会稽(绍兴)。公元前473年,越国灭脱吴国后,势力范围一度北达江苏北部,东濒东海,西达皖南、赣东,雄踞东南。

起源[编辑]

我伲所晓得个春秋五霸个勾践卧薪尝胆也就是第三十九代越王。史书浪讲越国是夏朝少康庶子于越个后裔,国君姓姒。但根据考古学浪个发现,越国更加有可能是继承之太湖地区个马桥文化,是古代百越当中个于越人建立个国家。《国语》当中记载越国国君是姓芈个。

历史[编辑]

公元前496年,吴王阖闾派兵攻打越国,但不过畀越国打败,阖闾也伤重死脱哉。两年后阖闾个倪子夫差带兵打败越国,越王勾践畀押送到之吴国做奴隶,勾践忍辱负重伺候吴王三年过后,夫差再对俚消除之戒心拿俚送回越国。

其实浪勾践并呣没忘记脱复仇,俚表面浪对吴王服从,但不过暗中训练精兵,强政励治,等待时机反击吴国。勾践怕自家会贪图眼门前个安逸,消磨脱报仇个意志,所以俚帮自家安排之艰苦个生活环境。俚夜里厢困觉弗用褥,只铺点柴草(古代叫薪),又勒窝里挂之一只苦胆,俚一直会尝苦胆个味道,就是为之弗忘记过去个耻辱。

勾践为鼓励民众,搭王后跟人民一淘参加劳动,勒越人同心协力之下让越国强大起来,并最终寻准之机会,灭脱之吴国。

勾践平定吴国之后,就出兵往北渡过黄河,勒徐州搭齐、晋诸侯会合,进献贡品畀周天子。周元王派人赏赐祭祀肉畀勾践,称俚为“伯”。勾践离开徐州,渡过淮河南下,拿淮河流域送畀楚国,拿吴国侵占个宋国个土地还畀宋国。拿泗水以东方圆百里个土地畀之鲁国。搿许辰光,越军勒长江、淮河之东畅行无阻,搿个诸侯侪来庆贺,越王号称霸王。为之继续称霸,勾践拿越国个首都迁到之琅琊(今朝个连云港)。到越王翳(前379年)个辰光,越国国力减退,又迁都回到之江东个姑苏(今朝个苏州)。

前312年,勒秦国、韩国、魏国搭楚国、齐国对峙个辰光,楚国派大批军队包围之秦兵勒曲沃搭商于。越王勒搿个辰光派使者以“乘舟”(君王坐之用来指挥作战个大船)、战船三百艘、箭五万支,送畀魏国来支持魏国。搿点水战所需个军用物资运输到魏都大梁,一定要从长江经邗沟,再经淮水搭鸿沟,可以推断出搿许辰光邗沟搭淮水还勒越国个势力范围之内。搿许辰光越王原本要讨伐齐国,经过齐王派人游说越王,越弗攻齐而攻楚,畀楚打败。

所以楚国想要灭脱越国,来消除后顾之忧。搿浪做,也能扩展领土到江东一带。公元前307年,秦武王举鼎绝膑而死,秦国有之争立君位个内乱,勒搿许辰光,楚国就趁搿个机会攻打越国。楚国曾经派大臣昭滑到越国去调查之5年,到公元前306年(楚怀王二十三年),楚国乘越国内乱个辰光,联合之齐国一淘进攻越国,占领之越国勒原来属于吴国故地个国都,杀脱之越王无强,拿原来吴国一直到浙江(今朝个钱塘江)个土地全部攻下来,设江东为郡,越国政权畀灭脱。

越国君主列表[编辑]

稱號 國君姓名 在位年數 在位年份 出身与関係 資料出處
1 越侯無餘 無餘 夏少康之庶子 《史記.越世家》
中有十世不明
11 越侯無壬 無壬 《吳越春秋》
12 越侯無瞫 無瞫 《吳越春秋》
中有二十世不明
33 越侯夫譚 夫譚 27 前564年 - 前538年 《史記.越世家》
34 越侯允常 允常起开始称王 40 前537年 - 前497年 夫譚之子 《史記.越世家》
35 越王勾践 勾踐
别名鸠浅
33 前496年 - 前464年 允常之子 《史記.越世家》
《戰國史》
36 越王鹿郢 與夷
一名鹿郢
又名於賜
6 前463年 - 前458年 勾踐之子 《史記.越世家》
《戰國史》
37 越王不寿 不寿 10 前457年 - 前448年 鹿郢之子 《史記.越世家》
《戰國史》
38 越王朱勾
別名州勾
或作朱勾
37 前447年 - 前411年 不壽之子 《史記.越世家》
《戰國史》
39 越王翳
一名
又名不光
36 前410年 - 前376年 朱勾之子 《史記.越世家》
《戰國史》
40 越王诸咎 2月 前376年 《史記.越世家》
41 越王错枝 錯枝,一名搜 1 前376年 - 前375年 越王翳之孫、諸咎之子 《史記.越世家》
《戰國史》
42 越王无余 無余
莽安
又名之侯
14 前374年 - 前361年 越王錯枝族人 《史記.越世家》
《戰國史》
43 越王无顓 無顓
《紀年》稱菼蠋卯
18 前360年 - 前343年 《史記.越世家》
《戰國史》
44 越王无疆 無彊 37 前342年 - 前306年 《史記索隱》稱無顓之弟 《史記.越世家》
《戰國史》

语言文化[编辑]

越国通行个应该是百越当中个于越语。从《史记》、《吴越春秋》等书当中可以看出来越国个语言文化应该是跟吴国差大弗多个。勒春秋后期,越国掌握之用鸟篆书写个能力。

参考资料[编辑]

1 ^ 据《史记·越王句践世家》张守节“正义”引贺循《会稽记》:“少康,其少子号曰于越,越国之称始此。”(见《史记》,北京中华书局1992年版,ISBN 7-101-00304-4。)另外,据《春秋经·定公五年》“于越入吴”条,杜预注解说:“于,发声也”,亦即是说“于”字是用作发声的字而已。(见杨伯峻《春秋左传注》,北京中华书局2000年版,ISBN 7-101-00262-5。)

2 ^ 《史记·卷四十一·越王句践世家第十一》:越王句践,其先禹之苗裔,而夏后帝少康之庶子也。封于会稽,以奉守禹之祀。

3 ^ 《史记·卷二·夏本纪第二》:禹于是遂即天子位,南面朝天下,国号曰夏后,姓姒氏……夏后帝启,禹之子……夏后帝启崩,子帝太康立……太康崩,弟中康立……中康崩,子帝相立。帝相崩,子帝少康立。

4 ^ 毛颖、张敏,《长江下游的徐舒与吴越》,湖北教育出版社,2005

5 ^ 《史记·卷四十一·越王句践世家第十一》:句践已平吴,乃以兵北渡淮,与齐、晋诸侯会于徐州,致贡于周。周元王使人赐句践胙,命为伯。句践已去,渡淮南,以淮上地与楚,归吴所侵宋地于宋,与鲁泗东方百里。当是时,越兵横行于江、淮东,诸侯毕贺,号称霸王。

6 ^ 参见《水经·河水注》引《纪年》