北京

来自 吴语维基百科
蹦到: 导航搜寻
天安门

北京英語:Beijing,英語舊稱:Peking),即北京市,是中華人民共和國首都,又稱之為「京城」,中華人民共和國四個直轄市之一。 北京是一座有三千多載歷史、八百五十餘年建都歷史嗰文化名城,歷史浪共有五個皇朝曾定都拉此地。北京是全國嗰政治中心,也是華北嗰經濟核心,乃歇更是全國頂大嗰陸空交通中樞。 北京薈萃了辰光搭仔中華人民共和國建國以後箇中國文化,擁有諸多名勝古蹟搭仔人文景觀,而且政治氛圍邪氣另有一功。箇咾通常撥江浙人認為是一個旅遊勝地,必過一星南方人認為該城市勒吃嗰方面嘸撥啥吸引力。

文化[编辑]

北京文化是內陸農耕文化搭草原遊牧文化嗰結合體。由於地理位置嗰關係,北京自從遼代開始就受到北方遊牧民族嗰影響,來勒蒙古帝國搭滿洲帝國統治嗰辰光,又稱為帝國嗰首都。幾百年嗰統治,讓北京文化帶有濃厚嗰遊牧色彩。北京話就是受到遊牧人影響後變異產生嗰。老北京話裡廂交關詞彙,又來自滿語

教育[编辑]

北京是中國嗰教育中心,自從晚清開始,就有交關學堂來勒此地辦學。民國辰光,北京有著名嗰北京大學輔仁大學燕京大學清華大學,是新文化運動嗰發源地。現在還有十餘所985、211重點大學。此外還有邪氣多嗰藝術學院、專業學院來勒北京。

體育[编辑]

北京擁有專業嗰籃球隊搭足球,伊拉嗰球迷以激進聞名,北京國安隊嗰主場工人體育場每場比賽儕有幾萬人觀看,場面邪氣火爆。

參見[编辑]

參考資料[编辑]


外部連結[编辑]

Commons-logo.svg
维基共享资源里向寻得着搭该篇文章搭界个多媒体资源:


中华人民共和国省级行政区划 Flag of the People's Republic of China.svg
直辖市 北京市 | 天津市 | 上海市 | 重庆市
黑龙江省 | 吉林省 | 辽宁省 | 山东省 | 河北省 | 山西省
陕西省 | 甘肃省 | 青海省 | 江苏省 | 安徽省 | 河南省 | 湖北省
浙江省 | 江西省 | 湖南省 | 四川省 | 福建省 | 广东省 | 贵州省
云南省 | 海南省 | 台湾省(弗勒实际统治,参见台湾问题
自治区 新疆维吾尔自治区 | 内蒙古自治区 | 宁夏回族自治区
西藏自治区 | 广西壮族自治区
特别行政区 香港特别行政区 | 澳门特别行政区