吴语
内容 |
[编辑] 历史
吴语是一种历史交关悠久嗰言话，两千五年前头中国春秋时代辰光，江南嗰两只诸侯国：越国搭吴国，渠拉上层阶级就是用楚国传过去嗰一种汉语方言，箇就是顶早嗰属于汉语族嗰“吴语”。到仔西元四世纪东晋辰光，“衣冠南渡”嗰北方人发觉吴地方言搭中原闲话推板邪气大，根本勿好相互了解。别过，北方优势政治地位嗰影响下底，交关古老嗰吴语特征反使保留徕今朝个“闽语”里向，现代吴语个语音明显好搭中古（隋唐）辰光个韵书（广韵－切韵）建立对应关系，换之讲，虽然吴语嗰历史是南方汉语里向顶顶长久嗰，形态倒勿是顶古老嗰。
[编辑] 现状
吴语徕人口统计上是中国大陆嗰第二大语言， 别过，因为弗像闽南话搭粤语箇恁有“统战需要”，吴语目前有沦为市井闲话嗰危险，出现徕媒体高头嗰正规新闻节目当中嗰辰光邪气少。 缺资料证明
吴语地区嗰教育相对发达。 幼稚园辰光就开始嗰推广普通闲话活动搭仔学堂里向用语嗰单一普化，导致新生代普遍双语，并且已经基本丧失吴语阅读搭仔写作能力，甚至徕年纪轻嗰本地人当中出现交关多只会得听弗会讲甚至弗会得听也弗会得讲嗰人。 缺资料证明
[编辑] 分布
按照现在一般嗰学术上嗰分区，吴语分布徕江苏南部2000万人、浙江大部分4000万人，上海市全部2000万人，安徽南部搭仔1000万人福建、江西嗰少部分地方，大约摸匝，通行吴语嗰县市有110个横里，人口大约一亿零八百万(2011年)
吴语分布嗰四只极:
- 最北：江苏如东东南部嗰几只乡（使用启海话）
- 最东：浙江舟山群岛
- 最南：福建浦城县（城关及以北，讲属于南部吴语嗰浦城闲话）
- 最西：安徽石台县（使用宣州片吴语，箇个最西点比较模糊而且徕拉勿断东移，因为宣州吴语徕拉消亡当中） ，比较稳定嗰西端是江苏省高淳县。
[编辑] 分区
另见主条目“吴语分区”
[编辑] 语音
[编辑] 词汇特点
- 吴语有一批保持古音、古义嗰常用词语。如“许”（指示代词）、“汏”搭“滰”（洗）、“囥”（藏）、“隑”（斜靠）、“廿”（二十）、“镬”（锅）、 “弗”搭“勿”（不）。
- 第二、第三人称代词嗰词根大多源自“汝/尔”、“渠/佗”。
- 单数人称标记多由古江东方言个“侬”（人）演变过来。
- 复数人称标记多样化，多数可上溯到端系嗰同源形式[taʔ] 或[ti]（比较：粤语“哋”）。
- 表示定语搭领属个结构助词、常用嗰量词搭陈述句语气助词同形，可上溯至见系嗰同源形式。
[编辑] 语法特点
- 吴语普遍具有普通话无个存在体，比如上海：伊立门口头立勒许。 （他站在门口。）
- 许多地方有兼表完成体跟持续体个助词，形如[lʱ- h-]或其简略体（约相当于普通话个“着”）。
- 有结果体，用“脱”、“落”、“掉”等表示，如苏州：只台子坏脱哉。
- 话题句比普通话占优势，如绍兴：-{个}-只电影我看过哉。
- 谓语动词个修饰语常后置，如温州：你走先，我就来。
[编辑] 正字法与书面语
[编辑] 语气助词
吴语语气助词勒语句意味个表达上有蛮重要个语法作用，语气助词丰富，使用复杂，形式众多。语气助词勒表达语气跟情貌上有举足轻重个作用，很多辰光是不可或缺个。 以上海话为例，主要个语气助词有:
- 「嘚」（老派）、「嘞」、「嘚嘞」
- 疑问语气助词，如：「𠲎」、「啦」、「啊」、「勿啦」、「呢」、「呢啥」（老派）、「嚜」、「啘」、 「咾」、「吤」（“个啊”连音，句尾助词「个」浊化）、「阿」（用于句首或句中，入声）
- 命令语气助词，如：「嚡」、「好唻」（老派：「末哉」）
- 感叹语气助词，如：「嚡」、 「嘢」、「个嘢」、「哩」、「哇」、「嗗」
- 其它句末语气助词，如：「啊」、「嚜」、「喉」、「噢」、「个啦」、「唻」、「啦哩」（老派）、「唩」
上海话个语气助词勒发展过程中越来越简化，很多语气助词，如「呢啥」、「啦哩」、「末哉」 勒中新派群体中已经不用，但是勒上海郊县地区以及临近城市（如苏州、嘉兴、湖州等地）仍有不同程度的保留。
[编辑] 方言
根据吴语语言特点搭通话情况，好搭渠分成是六片： 太湖片 台州片 东瓯片 金衢片 上丽片 宣州片
[编辑] 文学作品及影响
另见主条目“吴语文学”
