黄海

出自维基百科,自由个百科全书
黄海海域

黄海(启海话 IPA: [vãŋ] [haɪ]),是太平洋西部个一个边缘海,勒勒中国大陆朝鲜半岛当中央。黄海平均深44米,海底平塌塌,是东亚大陆架个一部分。黄海因渠个咸潮水黄拉拉得名。历史浪黄河勒勒七、八百多年里流到黄海(入海口勒江苏滨海,便是能界个旧黄河口。公元1855年黄河改道,流到渤海),河水里向无数泥沙畀黄海岸边个咸潮水染起黄拉拉。

黄海勒山东半岛成山角到朝鲜个长山串里海面最狭,习惯浪用搿条连线帮黄海分成北黄海南黄海两部分,北黄海面积大约匝7.1万平方千米,南黄海面积大约匝30.9万平方千米。黄海西北部通过渤海海峡渤海相连,东部通过济州海峡朝鲜海峡相通,南部通过长江口北岸启东圆陀角济州岛西南角连线搭东海分界。

流入黄海个主要河流有鸭绿江大同江汉江淮河等,重要沿海城市有大连丹东汉城连云港青岛烟台等。属于黄海个海湾西朝鲜湾江华湾群山湾海州湾胶州湾。黄海岛主要集中勒其北部辽东半岛边浪搭朝鲜半岛边浪。其中大点个有长山群岛薪岛椴岛白翎岛德积群岛格列飞群岛古群山群岛大黑山群岛罗州群岛楸子群岛济州岛等。

黄海边浪个行政区有中国辽宁山东江苏三省,朝鲜新义州特别行政区平安北道平安南道黄海南道开城工业地区韩国京畿道仁川广域市忠清南道全罗北道全罗南道济州特别自治道

因为沿岸地区个工业污染(特别是淮河流域个工业污染)朆得垃有效个控制,黄海生态环境面临严峻挑战。

注意:勒黄海沿岸个居民有辰光叫“黄海”为“东海”,居是因为黄海地理位置浪勒东面。

中国海洋

四大海:渤海 - 黄海 - 东海 - 南海

海峡:渤海海峡 - 琼州海峡 - 台湾海峡

海湾:辽东湾 - 渤海湾 - 莱州湾 - 长江口 - 杭州湾 - 伶仃洋 - 北部湾

小海湾:胶州湾 - 海州湾 - 象山湾 - 兴化湾 - 湄州湾 - 大亚湾 - 三门湾 - 獅子洋

内部链接[编辑]

维基共享资源里向寻得着搭该篇文章搭界个多媒体资源: