朱元璋

来自 吴语维基百科
蹦到: 导航搜寻
明太祖

明朝第一代皇帝

在位時期:1368年1月23日-1398年6月24日
Hongwu1.jpg
明太祖袞龍袍
首都 京师應天府(今江蘇省南京市
皇宮 明故宮
年號 洪武
姓名 朱元璋
別名 朱興宗
出生年 元文宗天曆元年九月十八日
1328年10月21日(1328-模板:Pad2digit-模板:Pad2digit)
出生地 濠州钟离之东乡(今安徽省凤阳县小溪河镇燃灯寺村
立儲 朱标
逝世 明太祖洪武三十一年闰五月十日
(七十一歲)
1398年06月24日 (模板:Age at date歲)
逝世地 南京皇宫西宫
廟號 太祖
諡號 开天行道肇纪立极
大圣至神仁文义武
俊德成功高皇帝
陵墓 孝陵
父親 朱世珍(追尊明仁祖)
母親 陳氏(追尊淳皇后
皇后 孝慈高皇后馬氏
貴妃 成穆貴妃孫氏
江贵妃
赵贵妃
朱元璋后妃
其他位號 淑妃李氏
兄弟 大哥朱興隆
二哥朱興盛
三哥朱興祖
姊妹 太原长公主
曹國长公主
皇子 共26人
皇女 共16人
查看模板及說明

明太祖朱元璋(1328年10月21号—1398年6月24号),明朝开国皇帝(1368年 - 1398年在位)。 性格暴躁多疑,曾经打压吴越并血洗湖南[1]。伊开创个八股取士制度,成为科举控制读书人个模板。


小辰光[编辑]

朱元璋养勒元朝天顺帝天历元年(1328年)9月18号未时。爷叫朱世珍。娘是陈氏。朱元璋祖籍来拉江苏沛县,祖宗勒到濠州(今朝安徽凤阳)定居。因为养个辰光,身浪向有虫勒浪爬,乃末原名虫扒,后首来勒拉皇觉寺再改名字叫重八,朆有多少辰光之后改叫朱兴宗。参加元末农民起义之后改名字叫朱元璋,字国瑞。朱元璋小辰光帮地主放过牛。至正四年(1344年)淮北大旱,朱元璋个爷娘、弟兄先后过辈,呒拨办法只好到皇觉寺去做着个和尚。

红巾军时期[编辑]

至正十二年(1352年)渠个好朋友汤和写信拨渠劝渠参加红巾军,投靠郭子兴,后来因为渠指挥有方,朆有几许辰光就由一个小军官升成功元帅,而且子寻仔郭子兴个养囡马氏做娘子(就是后首来有名个马皇后)。至正十六年(1356年)朱元璋攻占集庆,拿搿敦作为渠个根据地,而且子改名字叫应天府

吴王时期[编辑]

朱元璋采取朱升"高筑墙、广积粮、缓称王"个建议,用稳健进攻个措施,打败脱徐寿辉陈友谅张士诚个势力。至正二十一年(1361年)朱元璋受小明王韩林儿个封,做吴国公。1364年自封为吴王,就勒一年头浪拿小明王淹杀勒长江里向。

建都开国[编辑]

至正廿八年(1368年)正月初四(1月23号),朱元璋来勒应天称帝,建国号大明,年号洪武。改应天为"南京",开封为"北京"。同年闰七月,大将徐达攻克大都,元朝灭亡。洪武十四年(1381年)征服云南,中国大体浪统一。

分封功臣诸子[编辑]

洪武元年,大封诸将为公侯。初封六公,其中以六大将、一大臣为开国元勋。分别为:中山王徐达、开平王常遇春、歧阳王李文忠、宁河王邓愈、东瓯王汤和、宋国公冯胜、宣国公李善长。而后又追填封胡大海为越国公、追封英勇战死的丁德兴为济国公、汤和为信国公、冯国用封郢国公。


洪武二年(1369年)正月初十日,朱元璋命于鸡鸣山立功臣庙。当时渠告谕中书省臣:元末政乱,祸及生灵。我倡义临濠,以全乡曲。继率英贤渡大江,遂西取武昌,东定姑苏,北下中原,南平广,越十有六载,始克混一。每念诸将相从,捐驱戮力,开拓疆宇,有共事而不睹其成,建功而未其报。追思功劳,痛切我怀。因此,命有司立功臣庙,序其封爵,为像以祀。人孰无死,死而不朽,乃为可贵如诸将者,生建忠勇之命,死有无穷之荣;身虽殁而名永不磨灭。六月初三日庙成,朱元璋亲定功臣位次,以徐达为首,次常遇春、李文忠、邓愈、汤和、沐英胡大海冯国用赵德胜耿再成华高丁德兴俞通海张德胜吴良吴桢曹良臣康茂才吴复茅成孙兴祖凡二十一人。死者像祀,生者虚位。又以廖永安、俞通海、张德胜、桑世杰、耿再成、胡大海、丁德兴七人配享太庙。此位次,屡经删汰,并非洪武二年所定名单位次。

朱元璋一共有廿六子,嫡长子为皇太子,其余侪分封为王,咦分封一个从孙为王,使之出镇全国险要。一部分镇守北方以防蒙古侵扰,称边王。渠搭东起辽东,西迄甘肃,各守据点,保卫边疆,像燕王朱棣镇北平(今北京)、宁王朱权镇大宁(今内蒙古昭乌达盟宁城县大明城)、谷王朱穗镇宣府(今河北宣化),等称为"守边"九王。余下则星罗棋布,分驻内地。如周王镇开封、楚王镇武昌、潭王镇长沙、蜀王镇成都、鲁王镇兖州等。诸王当中,北方边王势力顶大。如宁王有甲士八万,战车六千。而燕王搭仔晋王权力尤高,像中央派得去个宋国公冯胜、颖国公傅友德也它侪受渠节制,甚至朱元璋允许此两王扩展渠搭个军事势力,军中事大者方才奏闻,但该个也直接导致建文帝靖难之变

追击北元[编辑]

朱元璋多趟筹划北伐蒙古来保障北方边塞个太平。搿当中胜多败少,还成功勒拉甘肃打败过王保保、勒东北逼降纳哈出、勒蒙古高原推为点活捉元主脱古思帖木儿,必过1372年大将军徐达率领个明朝精兵勒拉和林拨王保保打败,朱元璋只好拿占领原个头蒙古老窠个企图放弃落。

刑罚过当[编辑]

明朝稳定之后,朱元璋制订着包括《大明律》勒内个一系列严格个典章制度,必过由于渠本人个性格搭仔经历等多方面个原因,勒处罚罪犯个辰光,朱元璋往往并弗按照《大明律》个规定来施刑,而是大开杀戒。

因为渠自家出生苦人家,朱元璋落魂个痛恨鱼肉百姓,徇私枉法个官员,规定过贪污60两白银就要判死刑,死脱仔还要接受剥皮实草之刑,就是死囚拨剥皮仔,剩下来个皮囊拿稻草塞勒许,做成人偶(还有一种说法是说拿剩下来个皮囊充气、定型,做成灯笼),来杀鸡儆猴,剥皮实草之刑也拨朱元璋常用。

勒渠主政期间,处煞着交关贪官,包括开国将领朱亮祖,女婿驸马都尉欧阳伦,甚至为之郭桓案空印案杀脱几万来名官员。交关官员侪是拨冤杀。而空印案本身拨认为是无中生有,是皇帝自家猜疑造成个。

由于朱元璋个吏治严厉,勒拉明初相当长一段辰光,官员腐败个情况得到有效遏制。同时,由于担心皇太子朱标文弱,恐怕歇仔两日弗足以驾驭虎臣虎将,为仔确保朱家天下个稳固,朱元璋勒边务稳定之后开始大规模诛戮功臣,先后炮制洪武十三年1380年个胡惟庸案、洪武廿六年1393年个蓝玉案等大规模个案件,株连人数达到4万5千来人,包括宰相李善长,胡惟庸,汪广洋,大将蓝玉、傅友德冯胜等开国功臣拨渠清扫一空。

体恤平民[编辑]

朱元璋虽然对官员要求来得个严厉,一头也交关注意减轻民间普通老百姓个负担,勒拉主政辰光,基本浪实现轻徭薄赋,同时多趟救济灾民。社会生产力勒渠统治期间恢复弗少,人口数量稳定增长。

朱元璋生活苛苦,工作健劲,来勒南京皇宫里厢,呒拨御花园,只有御菜园,里厢种满素菜,供拨皇宫。

皇后马氏勒1382年9月17号过辈。

洪武三十一年(1398年)闰五月,朱元璋驾崩勒应天皇宫。葬勒紫金山孝陵里。朱元璋遗诏46位嫔妃为渠殉葬。汉族终止仔一千来年个殉葬制度拨拉朱元璋重新启动,一径到明英宗辰光再咦废脱。

对江南个打压[编辑]

由于江南人多数支持朱元璋个对手张士诚,让朱元璋相当弗高兴,所以攻下太湖地区后,朱元璋来勒交关长个辰光内对江南人进行打压,包括强行迁移江南人口;拿江南富商,比方讲沈万三等,抄家流放;搞南北科举,歧视江南读书人等。江南人民对伊个政策相当弗满,交关被伊强制迁到凤阳个苏州人每年冬天侪装成乞丐逃往苏州。朱元璋为达到拆分江南个目的,又设立所谓个“南直隶”,拿淮海江淮江南文化圈强行捆绑,有造成江南地区行政割裂,想用此淡化江南人对伊个抵抗。

家族列表[编辑]

  1. 成穆贵妃孙氏,陈州人,卒于1374年,寿32岁。兄孙藩,元帅马世熊义女。
  2. 淑妃李氏,寿州人,父李杰。
  3. 宁妃郭氏,濠州人,父郭山甫,兄郭兴、郭英。


子女[编辑]

  • 朱标,长子,懿文太子 (孝慈高皇后出) ,逝于1392年,长子朱允炆拨立为皇太孙,继明太祖帝位
  • 朱樉,次子,秦愍王 (孝慈高皇后出)
  • 朱棡,三子,晋恭王 (孝慈高皇后出)
  • 朱棣,四子,明成祖 (硕妃出,但自称孝慈高皇后出) 來源請求
  • 朱橚,五子,周定王 (孝慈高皇后出)
  • 朱桢,六子,楚昭王 (胡充妃出)
  • 朱榑(1364年-1428年),七子,齐王(永乐朝废为庶人)(达定妃出)
  • 朱梓(1369年-1390年),八子,潭王(洪武朝自焚死)(达定妃出)
  • 朱杞,九子,赵王(幼殇)
  • 朱檀,十子,鲁荒王 (郭宁妃出)
  • 朱椿(1371年-1423年),十一子,蜀献王 (郭惠妃出)
  • 朱柏(1371年-1399年),十二子,湘献王 (胡顺妃出)
  • 朱桂(1374年-1446年),十三子,代简王 (郭惠妃出)
  • 朱柍,十四子,肃庄王 (郜氏出)
  • 朱植,十五子,辽简王 (韩妃出)
  • 朱栴,十六子,庆靖王 (余妃出)
  • 朱权,十七子,宁献王 (杨妃出)
  • 朱楩,十八子,岷庄王 (周妃出)
  • 朱橞,十九子,谷王(永乐朝废为庶人)(郭惠妃出)
  • 朱松,二十子,韩宪王 (周妃出)
  • 朱模,二十一子,沈简王 (赵贵妃出)
  • 朱楹,二十二子,安惠王
  • 朱桱,二十三子,唐定王 (李贤妃出)
  • 朱栋,二十四子,郢靖王 (刘惠妃出)
  • 朱㰘,二十五子,伊历王 (葛丽妃出)
  • 朱楠,二十六子。

公主

  1. 临安公主,1376年下嫁韩国公李善长子李祺(-1403年),1421年卒。
  2. 宁国公主,母孝慈高皇后,1378年下嫁汝南侯梅思祖从子梅殷(淮安总兵官),1434年卒。
  3. 崇宁公主,1384年下嫁牛城,未几薨。
  4. 安庆公主,母孝慈高皇后,1381年下嫁欧阳伦。
  5. 汝宁公主,1382年下嫁吉安侯陆仲亨子陆贤。
  6. 怀庆公主,母成穆贵妃孙氏,1382年下嫁永春侯王宁,子王贞亮。
  7. 大名公主,1382年下嫁滦城侯李坚,1426年卒,子李庄。
  8. 福清公主,母安妃郑氏,1385年下嫁凤翔侯张龙子张麟。麟未嗣侯卒。永乐十五年(1417年)卒。
  9. 寿春公主,洪武十九年(1386年)下嫁颖国公傅友德子傅忠,1388年卒。
  10. 十公主,早薨。
  11. 南康公主,洪武二十一年(1388年)下嫁东川侯胡海子胡观(自缢死),1438年卒。
  12. 永嘉公主,母惠妃郭氏,洪武二十二(1389年)年下嫁武定侯郭英子郭镇,1455年卒。
  13. 十三公主,早薨。
  14. 含山公主,母高丽妃韩氏,洪武二十七年(1394年)下嫁尹清(掌后府都督事),1462年卒,寿82岁。
  15. 汝阳公主,母惠妃郭氏,洪武二十七年(1392年)下嫁谢达(前府都督佥事)。
  16. 宝庆公主,太祖最幼女(父崩时,年3岁),1413年下嫁赵辉(南京都督),1433年卒。
  17. 福成公主,父南昌王(朱兴隆),母王氏,嫁王克恭。王克恭曾任福建行省参政,后改福州卫指挥使。
  18. 庆阳公主,蒙城王(仁祖朱世珍弟寿春王之子)女,嫁黄琛(淮安卫指挥使)。

传说[编辑]

  • 传说朱元璋做过明教门徒;立国仔拿"明"做国号(小说倚天屠龙记以此为题材)。

外部连结[编辑]

模板:中国开国皇帝

Commons-logo.svg
维基共享资源里向寻得着搭该篇文章搭界个多媒体资源:

  1. 朱元璋血洗湖南