清朝

来自 吴语维基百科
蹦到: 导航搜寻
中國歷史
中国历史系列文章



旧石器时代
中石器时代
新石器时代
黄河文化 长江文化
传说时代
三皇五帝

约前21世纪–约前16世纪

约前17世纪–约前11世纪

前11世纪
|
前256
西周 前11世纪–前771
东周
前770–前256
春秋 前770–前476
战国 前476–前221
前221–前207
西楚 前206–前202

前202
|
220
西汉 前202–8
8–23
玄汉 23–25
东汉 25–220
三国
220–280

220–265
蜀汉
221–263

229–280

265-420
西晋 265–316
东晋
317–420
十六国
304–439



420
|
589

420–479
北魏
386–534

479–502

502–557

后梁
555–587
西魏
535–557
东魏
534–550

557-589
北周
557–581
北齐
550–577
581–619
618–907
武周 690–705
五代十国 907–979
(契丹)

916–1125

西辽
1124-1218
定难军
881–982

西夏
1038-1227

960
|
1279
北宋
960–1127
南宋
1127–1279

1115-1234
大蒙古国 1206–1271
1271–1368
北元 1368–1388
1368–1644
南明 1644–1662
后金 1616–1636
1636–1912
中华民国 1912至今
中华人民共和国
1949至今
中华民国
台湾
China.svg 中国历史年表

首都 开始建都勒拉沈阳
1644年迁北京
清朝地图
皇帝
-开国皇帝
-末代皇帝
共11位
爱新觉罗皇太极
爱新觉罗溥仪
成立 1636年
灭亡 1912年


清朝(1636年—1912年,1644年—1911年统治中国),是历史浪统治中国个压末一个朝代,统治者是出身满洲爱新觉罗氏。1616年(明万历四十四年),努尔哈赤建立王朝称汗,国号曰大金,史称后金,定都勒拉赫图阿拉(后改称兴京,勒拉今朝个中国辽宁省新宾县境内)。1636年(明崇祯九年),清太宗皇太极为仔消除汉人对国号金个反感,改国号为大清,改元崇德,称帝。1644年,李自成率领个农民军攻陷北京,明崇祯皇帝勒拉皇城后个景山浪吊杀脱,李自成勒北京建立大顺。由于镇守山海关与统制关宁铁骑个吴三桂搭李自成条件谈弗拢,渠就答应仔多尔衮个条件、联合清军入关打败李自成个农民军,随后多尔衮迎接顺治帝入关,迁都北京。1911年(宣统三年)辛亥革命爆发后,各省纷纷宣布独立。清帝溥仪于1912年退位,清朝正式灭亡。从入关以来,清朝共历十帝,享国祚两百六十八年。

清朝历史[编辑]

800px-Qing.PNG

后金王朝个建立[编辑]

女真族满族个前身,一径登勒满洲,就是今朝个中国东北明太祖个辰光,明朝要打击北元残余势力,因此勒满洲一带设立“奴尔干都司”,开始着手控制女真部个各个部落。

女真族建州部猛哥帖木儿(努尔哈赤六世祖)辰光是明朝建州卫左都督,北方部族势力强大,南下压迫建州女真。猛哥帖木儿拨杀脱,建州部被迫南移,压末落落定居勒拉赫图阿拉

南移仔,建州女真部搭明朝往来密切,受到汉人影响,建州部社会生产力明显提高,经济繁荣,八旗制度随即建立,而归个辰光齐巧是努尔哈赤任明朝建州部首领。1583年(明万历十一年)努尔哈赤袭封为指挥使,以祖、父遗甲十三副,相继兼倂海西女真部,征服东海女真部,统一分散勒垃满洲各地个女真各部。

1616年(明万历四十四年),努尔哈赤勒赫图拉称汗,建立大金(史称后金),改元天命

1618年(天命三年,明万历四十六年),努尔哈赤公布名为“七大恨”个讨明檄文,起兵反明。

清朝建立和入关[编辑]

该金罐制于清代,约为乾隆年间。现收藏于美国首都华盛顿之史密森尼博物馆

1626年,努尔哈赤勒垃宁远战役中拨明军个大炮打成重伤,朆有多少辰光就过辈哉。第八子皇太极继位。

1636年,皇太极勒沈阳称帝,改国号为大清,改元崇德,清朝正式建立。1643年皇太极生病死脱,第九子福临继位,是为顺治帝

Map of Manchuria

1644年,李自成农民军推翻明朝,明崇祯帝自杀。吴三桂引清兵入关。同年(顺治元年),多尔衮顺治入关,于北京再次即位,并定都北京。清廷联合汉将吴三桂、耿仲明尚可喜孔有德等先后镇压了各地农民军搭仔南明朝廷个军队,逐步接收明朝国土。勒满清统一中国个过程当中,因为规定所有人必须剃发易服,所以勒垃中国各地遭到汉族等各民族个武装抵抗,尤其是江南一带曾发生过江阴抗清嘉定三屠等屠杀江南抗清军民事件。此外为仔抗清,明朝遗臣郑成功还勒垃1661年攻下仔当时正以台湾为殖民地个荷兰东印度公司来作为渠抗清个基地。

康(雍)乾盛世[编辑]

清朝景德镇瓷器商号

清初,为缓和阶级和民族矛盾,实行奖励垦荒、减免捐税个政策,内地和边疆个社会经济都有所发展。

康熙帝8岁即位,享国达61年,是中国历史浪在位辰光顶长个皇帝。在位个辰光,擒鳌拜,扫除吴三桂三藩之乱,平定台湾个明郑政权、平定西蒙古准噶尔叛乱,打败沙俄侵略,签订维护黑龙江南北领土个《尼布楚条约》,并编纂《古今图书集成》和《康熙字典》等。康熙过辈仔,亟思振作个雍正帝即位,渠拿有效个办法成功打击贪腐,整顿经济,推行改土归流,因平叛而纳入青海省。继位个乾隆帝则编纂《四库全书》,建造圆明园,正式统一新疆,但雍乾二帝由于民族意识,屡兴时人所诟病个文字狱。到18世纪中叶,清朝经济发展到一个历史浪个新高峰,人口也大大增加,史称“康乾盛世”或“康雍乾盛世”。

清朝政府实行极其严厉个惩罚措施,对一星文人也弗放过。交关只是牵强附会,比如雍正无头,清风弗识字,满壶,论清浊。交关书已经写好,作者也过辈哉,还是享受同等待遇。甚至当年运书印书个也弗放渠搭过见。勒垃高压下头,老多百姓主动拿藏书“拉杂烧之”。“莫谈国事”个牌子拨挂勒茶馆店前头。后首来有个官讲“我一世人生勿写信,个咾再活到今朝”。

清初皇帝要求“永不加赋”,尚况考虑到空前绝后个贪官和珅,迭个并朆完全实现。生员弗得言事,弗得结社立盟,弗得刊刻文字。

康熙皇帝编个本《四库全书》,编牢三千本,烧特三千本,编进去个书侪被改过,对威胁自家个统治个书侪烧掉。当时明朝有个科学家宋应星,写得一本科技书《天工开物》,就是拉个所谓个“康乾盛世”个辰光从世界浪厢蒸发。后来人拉日本发现个本书,又发现法语、拉丁语个翻译本,才晓得世界浪还有个本书,上界记载了中国发明个个种种科技技术,一点弗比后来个欧洲工业革命个技术落后,比方讲煤矿瓦斯排除技术,等等。印刷质量一等一。就因为书是明朝个人写呃,书里厢写造船个技术,拨清政府禁特。中国落后西方三百年,弗能弗讲是康熙、乾隆个英明领导导致呃。

清朝个皇帝从来覅允许人讲伊拉个坏话。所以史书浪记载个些皇帝侪是“英明”,“神勇”,伊拉身边个大臣拨当成奴隶。纪晓岚曾经劝告乾隆皇帝下江南浪费民财,伊大怒:侬算啥个东西,我养侬相当于养个唱戏个戏子。国家大事轮的著侬操心!

康熙皇帝当政个辰光,为了防备拉日本搭台湾个明朝势力打回来,下令三日之内住拉海边浪个居民通通搬家。弗肯搬个通通杀特。就介个政策,沿海居民死得来十室九空。个就是史书牢所谓个“英明神武”个康熙大帝。

近代时期[编辑]

乾隆末年,清朝开始有要败个迹象。皇帝重用和珅。渠虽然讲是当时辰光个头名能臣,必过也是史浪头名贪官。实梗上行下效,朝政一日日腐败。继位个嘉庆皇帝搭仔道光皇帝也呒拨早期君主个锐意进取精神哉,掌政风格趋于保守搭僵化。19世纪上半叶,英国开始拿大量个鸦片贩卖拨中国,道光末年清朝个禁烟政策导致1840年中英鸦片战争个爆发。鸦片战争失败仔,摆勒继位个咸丰皇帝门口头个局面是西方列强开始入侵,压派清政府搭渠缔结着一系列弗平等条约,像《南京条约》、《天津条约》、《北京条约》咾啥。根据该星条约,清政府被迫割地赔款、开放通商口岸,清廷个威信一落千丈,同时中国也逐步沦为半殖民半封建社会,主权受到严重损害。老百姓个负担逐年加重,引发着一系列个反抗运动,搿个里向规模顶顶大个太平天国运动,好几趟推板点威胁到清朝个统治。

为仔挽救自家命运并增强国力,清政府内部个有识之士就展开维新运动,试图革新图强,里向顶顶著名个是自1860年代开始个洋务运动。跟仔洋务运动个开展,全国各地开始先后引进国外科学技术,开设矿业、工厂,建设铁路、架设电报网,修建新式学堂、培训技术人才;同时也成立仔新个军事工业,逐步改进清军个武器装备跟作战方法。

洋务运动使得清朝个国力有着一定程度个恢复搭仔增强,到慈禧太后与恭亲王联合执政个同治年间,清朝来拉文武齐心合力之下,一度出现过比较安定个局面,史称“同治中兴”。其间清朝成功消灭太平军、平定捻军之乱,并收复新疆,勒拉国际浪个地位搭形象也为之讲有着相当大个改善。

1880年代,清朝军队个装备搭洋务运动之前相比已有明显个提高哉;勒1884年至1885年中法战争期间个一系列战役当中,清军搭法军互有胜负。战后,清朝设立海军衙门,并建成着号称亚洲第一、世界第六个近代海军舰队--北洋水师

洋务运动虽取得蛮大个成果,不过由于当时辰光个人多数弗泠清当代个国际形势,少数人个急迫性并呒处改变多数官僚个旧思维,清朝个维新运动最终朆达日本明治维新能个成效,结果导致1894年中日甲午战争个失败,并于1895年与日本签定《马关条约》。随后,由光绪帝亲自领导发动个政治改革运动--戊戌变法又因为保守派个反对搭仔政变而告流产。

19世纪末,中国国内个排外情绪开始高涨,结果引发震惊中外个义和团运动以及之后八国联军个入侵。1901年《辛丑条约》签定仔,清朝开始推行“新政”,推动包括建立新军、废除科举勒海个一系列改革。朆过多少辰光,中国发生立宪搭革命个改革路线之争,一开始立宪派占上风,清政府也答应实行君主立宪。不过,1911年5月组成个“责任内阁”中个大多数成员为皇族身份,所以拨称为“皇族内阁”,结果引发立宪派个不满。同年10月,武昌起义爆发,各省随后纷纷宣布独立,清朝统治开始瓦解。清帝于1912年退位,标志中国两千来年来个君主制度个正式结束。到1917年张勋又复辟过清朝,尚况只持续着12日。

清朝疆域[编辑]

18世纪的清朝以及部分朝贡国

满洲帝国一直弗是单纯个封建王朝,伊拉对于扩张个概念搭汉人弗大一样。更加类似于奥斯曼帝国、莫卧儿帝国、卡扎尔帝国。所以登了得康熙皇帝搭雍正皇帝个晨光,清朝个疆域一直了浪扩张,尤其是了浪北面个蒙古地区。 1759年(乾隆二十四年)清朝统一全国后个疆域是:北起蒙古唐努乌梁海地区及西伯利亚,南至南海,包括“千里石塘、万里长沙、曾母暗沙”(今西沙群岛南沙群岛等岛礁,西南达西藏的达旺地区、云南省的南坎、江心坡地区等缅甸北部,西尽咸海葱岭地区,包括今新疆以及中亚巴尔喀什湖,东北抵外兴安岭,包括库页岛,东南包括台湾澎湖群岛。国土面积形似桑叶。总面积达1300万平方千米。除此之外,周边国家像朝鲜安南越南)、南掌寮国)、缅甸琉球、廓尔喀(尼泊尔)、哲孟雄(锡金)、兰芳共和国等则为清朝个藩属

满洲帝国个扩张是西方人到来之前亚洲最后一轮帝国战争个最后案例。从此之后,亚细亚帝国传统模式来勒西方人个文明开化下头开始解体、崩溃。

尚况来拉近代,由于清朝个衰落搭列强个入侵,鸦片战争以后清朝以不平等条约个形式先后失去着下底该星领土:

国旗与国歌[编辑]

1888年后的大清国旗

搭中国历史浪向别个朝代样梗,清朝本来是呒拨法定个国旗搭仔国歌个。近代之后,慢慢较搭西方国家个来去多仔,陆续引进西方国家个有星概念,当中就包括国旗搭仔国歌咾啥。1888年(光绪十四年),清政府认定「黄底蓝龙戏红珠图」(即俗称个「黄龙旗」)为大清国旗。19世纪后期至20世纪初,清朝先后用过《普天乐》、《李中堂乐》、《颂龙旗》作为半官方国歌或者代国歌。一径到1911年,清政府拿《巩金瓯》定为正式国歌,勿过由于辛亥革命个爆发,《巩金瓯》后首来朆流行得开来。

清朝语言[编辑]

满洲皇帝印玺 满汉双文

清朝是帝国语言发展个一个重要历史辰光,满洲人个进入,对帝国个官方语言,方言,地方语言,侪有影响。对西南地区个开发,19世纪中后期全国性个暴乱,侪对语言分布有影响。

满语[编辑]

清朝个官方语言是满语,是一种通古斯民族个语言,迭个语言是经过努尔哈赤皇太极个创立搭改进,到17世纪中期逐渐定型个,伊拉个书写参考蒙古文书写形式,加入自家个文化特色,是满洲朝廷个统治性语言。满洲统治者拿满语看得邪气重要,认为“国语骑射箭”关系到满洲帝国个“国运”。弗过,自从满洲人进入关内后,使用满文个频率就慢慢减少,来勒康熙辰光,皇帝搭大臣讲言话还是满文为主,到乾隆辰光,已经是汉文为主,满文为辅。到清朝末年,能够用满文交流个人越来越少,到20世纪之后,满文基本废脱,成为一门死语言。满洲个末代皇帝溥仪,就基本弗会满文。

北京官话[编辑]

北京官话,来勒明朝就已经成型,弗过到清朝辰光,因为搭满洲人个满语有交关融汇,形成老多新个语调搭词汇,已经搭老早个言话弗一样哉。来勒初期个辰光,北京官话地位并弗高,大臣侪欢喜用满文交流。南方个大臣用南京官话也没有问题。弗过到嘉庆、道光之后,满人个满语水平大退化,北京官话作为满文个替代品,当中有大量满文词汇,被北京个满人大量使用。来勒南方个驻防八旗城市里厢,八旗也讲这种言话。所以,到19世纪中期之后,北京官话替代南京官话,成为帝国实际高头个官方用语搭皇帝语言,只弗过因为满语个祖宗地位,满洲贵族弗敢公然否认满语而已。

南京官话[编辑]

南京官话,作为明朝辰光个主流官话搭官场用语,来勒满洲帝国统治个前期搭中期还是大范围被使用。弗过到太平天国辰光,因为所在地南京落到长毛贼手里厢。南京个文化受到毁灭性打击。南京官话个地位也来勒同一辰光逐渐被北京官话替代。到晚清,南京官话已经衰落,搭档慈禧太后等人进行对话个南方官僚,必须要学一口北京话才可以哉。

西南官话[编辑]

清帝国对西南地区秉承明帝国个打压政策,所以西南地区个官话进程来勒帝国统治辰光一点也没有变慢。来勒四川,因为人口个大规模减少,新来个移民侪倾向于讲官话,形成今日个四川话,云南,贵州个驻军虽然减少,弗过扎根当地个帝国移民对当地土著展开长辰光个屠杀搭驱赶,土著要么躲到没有人去个峡谷深山当中,要么就被迫接受帝国文化,成为讲西南官话个汉人。这也让伊拉个语言彻底搭过去个历史没有联系。现在西南地区个语言差异之小,搭伊拉多山多民族个传统迥异,就是因为帝国压迫个结果。

吴语[编辑]

吴语来勒清帝国个前中期地位较高,满洲皇帝多次来江南,对评弹等艺术有老高个评价,乾隆还亲自学过评弹。但1850年代个太平天国把吴语巨大打击。江南地区个人口损失来勒40%以上。皖南个吴语地区,比方讲,宣州,则基本被长毛贼杀光本地人口。这也导致宣城-芜湖等地个皖南吴语基本消失。句容、溧水、金坛等地个吴语土著被大量替换。吴语经过这次冲击,元气大伤。尤其是宣城地区,从此之后,基本脱离历史高头搭江南个联系哉。

宗教[编辑]

主条目:清朝宗教
佛教
乾隆皇帝佛裝唐卡

满清从康熙到乾隆个一百多年当中,对汉传佛教(藏传佛教除外)比较一般模板:参考,弗過因为要穩定社會,所以依然把伊拉一点帮助。模板:参考。乾隆皇帝就讲:「彼為僧為道,亦不過營生之術耳。窮老孤獨,多賴以存活。其勸善戒惡,化導愚頑,亦不無小補。」清朝个皇帝经常搭交往,順治帝就後與名僧憨璞性聰玉林通琇茚溪行森木陳道沁等请教,順治本人也打算出家,伊所寵愛个董鄂妃来勒伊个影響下也欢喜学习禅宗。再比方讲,康熙来勒外头出巡辰光,只要经过名山大庙,就必定去題写碑文。雍正欢喜读《金剛經》,也多搭佛教徒往來,選編語錄,自称为禪門门徒模板:参考

弗过汉人佛教个無限制發展,對帝国統治者也有不利之處,假使有太多出家人,帝国个税收對象必定要減少,弗仅个能,佛庙个上層还要兼併土地,发展伊拉个寺院經濟,就會加強土地个集中程度,让社會矛盾更加激化,犯法个人也会增加。所以,满清帝国一方面保护佛教,另一方面又进行限制。清朝限制佛教个辦法主要有三種,设置僧官模板:备注、實行度牒制度模板:备注不過也以理藩院來控管其發展。藏传佛教雖然表面上受到君王的禮遇,不過事實上不像元明前兩代如此興旺,乾隆末年發生川楚教亂,使藏传佛教漸走衰落之途}。

道教與民間宗教
白雲觀「洞天勝境」牌樓

道教来勒宋朝最為盛行,之後个元帝国搭明帝国辰光對其仍為優遇模板:参考,到了清朝,帝室雖然也信奉道教,但明显弗如前代盛行,清朝對道教的政策搭對待其他宗教一樣:保護又控制模板:参考。清朝个道教来勒明朝衰落个基礎上,進一步走向衰落。主要原因有:

  1. 满洲統治者人为道教弗是伊拉个信仰,是汉人个信仰。伊拉来勒在入關前尊奉藏傳佛教格魯派,乾隆時又宣布黃教為國教。
  2. 清朝来勒思想高头更加重視程朱理學,宣揚「忠」「孝」觀念,伊拉收羅一些理學家,比方讲,李光地等,纂修性理精義等書,頒行天下。這些理學家一般侪欢喜對釋、道兩教進行攻擊。
  3. 基督教傳入中國後,也使部分群眾改信其教。
  4. 民間秘密宗教的發展,這些民間宗教往往是正統道教个流衍,所以道教實際上慢慢演變成這些民間宗教。

衰落顶根本原因是時代發生急劇个變化。商品經濟个發展,生產水平个提高,世界交流的頻繁,科學技術的傳入和進步,新文化、新思想的興起,這些衰落的表形,让道教来勒政治高头个地位慢慢下隆;另外,道教教義學說陳陳相因,已难有发展;道教上層人物尸位素餐,没有群眾支持;道教也搭儒佛兩教教日趨融合,使其自身特點逐渐消退模板:参考

正統个道教逐漸衰落,让民間宗教慢慢崛起。伊拉是道教个變種與流衍。因为伊拉被满洲帝王认为是「邪教」,所以只好秘密傳播,但傳播个範圍卻邪气廣泛模板:参考{{备注|1=當時有人敘述這種情況說:「迨紅巾、白蓮始自元明季世,焚香惑眾種種異名,旋禁旋出,至今日,若皇天、若九門、十門等會,莫可窮詰,家有不顨剎之寺庵,人或不削髮之僧尼,宅不奉無父無君之妖鬼者鮮矣。這些的民間宗教,名目不下數十百種。

民間宗教个思想內容,大量抄襲佛、道、儒等各家个教義,但也有弗同之處。這些民間宗教如白蓮教天地會,在清朝中葉以後,發動許多起義活動,如:川楚教亂林爽文事件等等,對清朝國力造成很大的損傷。

回教
位於喀什附近的阿帕克和卓

元朝開始,西域回教教徒大量來到中國各地,回信徒居住於甘肃陝西四川山西直隶广东云南等省。帝国对回教採取放任个態度,尊重伊拉个信仰,用伊拉个法律來處理紛爭模板:参考,但搭元、明相比还是比较沒落,清朝防制回人的法律極嚴,內地各省,回人犯法,判罪較一般犯人為重,凡罪當流徒,一般人民可申請存留養親者,回民卻不得申請。在回疆,清朝每於重要所在分建漢、回二城,限制回民的自由,禁止漢回通婚,在公文書中,則民、回別稱,拿回民排斥勒一般平民之外。

受到清朝及漢人个壓制,来勒清朝統治期間,清朝末年時,甘肅、陝西、雲南這三省曾發動圣战暴乱,死伤惨重。模板:参考。康熙順治年間,甘州回民起兵造反,乾隆年間有大小和卓之亂,嘉慶年間有张格尔来勒浩罕叛乱,道光同治年間有陕甘回乱雲南回乱

基督教

滿清入關後,汤若望南怀仁等教士,先後被任命為钦天监模板:参考,伊拉利用职务之便來傳教。由于耶穌會傳教士對於中國原有的風俗習慣,抱持容忍態度模板:参考。教徒祭天祭祖祭孔者盛行,所以雖然与教義互相衝突,侪以默忍模板:参考。弗過到了17世纪末至18世纪初,天主教内部发生“礼仪之争”。依照道明會个傳教士的指控,教宗下令禁止教区内个传教士使用耶稣会的中文词汇“”搭“上帝” 来称呼天主,也禁止中国信徒祭拜祖先孔子模板:参考。迭个状况,搭老早意大利传教士利玛窦以及其后的传教士来勒帝国传教辰光采取个本土化政策完全相反模板:参考。帝国对此邪气弗满,认为个能违背中国敬孔祭祖个传统模板:参考。康熙来勒1700年批示讲:“敬孔敬祖为敬爱先人和先师的表示,并非宗教迷信”。

双方争持不下,最后,清廷下令必須遵循「利玛窦规矩」传教,不然就弗允许傳教,逐出中國。迭个就是「禁教令」模板:参考1722年雍正帝徹底推行禁教令,让清朝初年西方基督教来勒中国传教被终止模板:参考,到了道光帝時,連欽天監也不用傳教士。弗過清朝皇帝對於教禁並沒有徹底禁止模板:参考,嘉慶辰光(1807年),有英国个新教教士来勒廣州進行傳教工作模板:参考

鸦片战争後,虽然帝国没有正式撤銷禁令,但歐美各地个基督教教士跟牢西方列強个船堅砲利,已经来到中國傳教,這也使基督教充滿殖民者个色彩,於是基督宗教舊教新派,傳播更加迅速模板:参考,除脱傳教之外,传教士还修造立醫院和學校,對中國文化搭社會个演進,發生交关深远个影響模板:参考。传教士个活动,让当地老百姓邪气弗蛮夷,伊拉经常以訛傳訛,传播基督教个負面新闻,经常让民眾焚燒教堂,驅逐或者殺脱傳教士,收回被侵占个土地財物模板:参考。從1856年1889年先後發生的教案多達三百多起,著名个有1870年天津教案1900年义和团动乱。来勒义和团中间,有好几万民中西方傳教士搭基督教信徒被伊拉殺脱模板:参考

帝王年表[编辑]

后金君主搭仔清朝皇帝1616年—1912年
庙号 谥号 姓名 在位时间 年号 皇陵
太祖 承天广运圣德神功肇纪立极仁孝睿
武端毅钦安弘文定业高皇帝(追尊)
爱新觉罗努尔哈赤 1616年—
1626年
天命
福陵
太宗 应天兴国弘德彰武宽温仁圣睿
孝敬敏昭定隆道显功文皇帝
爱新觉罗皇太极 1627年—
1643年
天聪
崇德
昭陵
世祖 体天隆运定统建极英睿钦文显
武大德弘功至仁纯孝章皇帝
爱新觉罗福临 1644年—
1661年
顺治
孝陵
圣祖 合天弘运文武睿哲恭俭宽裕
孝敬诚信功德大成仁皇帝
爱新觉罗玄烨 1662年—
1722年
康熙 景陵
世宗 敬天昌运建中表正文武英明宽
仁信毅睿圣大孝至诚宪皇帝
爱新觉罗胤禛 1723年—
1735年
雍正 泰陵
高宗 法天隆运至诚先觉体元立极敷
文奋武钦明孝慈神圣纯皇帝
爱新觉罗弘历 1736年—
1795年
乾隆 裕陵
仁宗 受天兴运敷化绥猷崇文经武
孝恭勤俭端敏英哲睿皇帝
爱新觉罗颙琰 1796年—
1820年
嘉庆 昌陵
宣宗 效天符运立中体正至文圣武智
勇仁慈俭勤孝敏宽定成皇帝
爱新觉罗旻宁 1821年—
1850年
道光 慕陵
文宗 协天翊运执中垂谟懋德振武
圣孝渊恭端仁宽敏显皇帝
爱新觉罗奕詝 1851年—
1861年
咸丰 定陵
穆宗 继天开运受中居正保大定功
圣智诚孝信敏恭宽毅皇帝
爱新觉罗载淳 1862年—
1874年[1]
祺祥
同治
惠陵
德宗 同天崇运大中至正经文纬武
仁孝睿智端俭宽勤景皇帝
爱新觉罗载湉 1875年—
1908年[2]
光绪 崇陵
爱新觉罗溥仪[3] 1908年—
1912年
宣统
1909年—
1912年
清西陵
华龙陵园 
  1. ^ 慈禧太后是清朝1865年—1908年实际浪个执政者。慈禧太后谥号“孝钦慈禧端佑康颐昭豫庄诚寿恭钦献崇熙配天兴圣显皇后”,埋勒垃定东陵
  2. ^  同注解1。

参见[编辑]

外部链接[编辑]

模板:中国朝代

Commons-logo.svg
维基共享资源里向寻得着搭该篇文章搭界个多媒体资源: